موضوع للنقاش بخصوص إجازة الصيف وفعاليات المنتدى فيها.

[Ranma Saotome]

السلاااام عليكم

مشكور اخوي رواية على الموضوع..
هالموضوع مهم ولازم يتم تنظيم المواضيع في الصيف
عشان نتجنب الفتح العشوائي وضياع الاعضاء بين المواضيع

و روايه.. انت اللي اقترحت هالموضوع لكن يمكن ماتذكر ;-)

موضوع عالم الفانتاسي كان من اروع المواضيع و أأيد ان يرجع لنشاطه في الصيف..

و أنا أأيد اخوي نيو سيد تماااااماً في النقطة اللي ذكرها..
انا كنت ألمّح من قبل وكان ودي اذكر هالنقطه..
لأن صج العديد من المواضيع تفتح ولها نفس المعنى او الهدف..
ولو ان فيها بعض الاختلافات البسيطه.. لكن الفكره تقريبا نفس الشي..
و اتمنى من أي واحد يبي يفتح موضوع يقدر يشوف المواضيع القديمه لو في واحد نفس الفكره يرفعه احسن من ان يفتح يديد وبهالطريقة تكثر المواضيع والمواضيع القديمة تندفن وتختفي..

مس كيمينو.. هالموضوع مفتوح عشان الكل يقول افكاره.. ومافي أي حد راح نترك فكرته او رده من غير مانعطيه أي اهتمام..

انا للأسف الحين ماعندي أي فكره..
لكن اتمنى من الاعضاء يشاركونا بأفكارهم والافكار اللي تعجب الجميع انشالله راح نشوفها في الصيف ..

ايه في موضوع كان عاجبني لكن اختفى دورته ومالقيته.. كان عن تحدي كرة القدم وكل واحد له فريق، كان شي يديد بعد..
مادري لو تم رفعه بيلقى اهتمام كافي ولا لأ؟

هذا كل اللي عندي الحين .. فتّكوا بعافيه

[Ralph Jones]

it's Ganna Be a HOT Summer

wait until Mid July ... OK

":" Ralph

[xero]

:!



حمدا لله على عودتك اخوي رالف (اخيرا رجعت بعد طول الغيبة)


وخلنا نشوف مشاركاتك بالصيف اوكيك

[Flashanime]

:واو: :واو: :واو:

معقولة؟؟

سعيد جدا بعودتك يا اخي ..كما اني مصدوم فعلا و ما صدقت لما شفت اسمك

ان شاء الله عودتك تكون طيبة
":"

[orange road]

شكلنا بنضحك ضحك هالصيف :6

[Rex]

اهلا بعودتك أخ رالف ^^
اشحالك أخوي !! ان شاء الله تكون بخير...
الصراحة مشتاق لمشاركتك وكم أنا مسرور لرجوعك بالسلامة
((لو فتحت موضوع خاص لرجوعك ^^ !!))

ان شاء الله بتكون الموده والمحبة هي عنوان صداقتنا

بيكون الصيف حلو الحين

[Sparta Ghost]

وأيضا حبيت أضيف ....


للذين يعرفوا يرسموا ..((ترى ما امدح)) .. عليهم يكثروا من رسوماتهم للمنتدى التعليمي .....لأنه شبه ميت ...

أتمنى أن تمر الأمتحانات بسرعة ....

[Ralph Jones]

This will be the last reply .... temporary ofcourse until mid july

Reflex & Xero & Flashanime & orange road and all the guys in the montada
Iam glad to see you all in good shape ... and thx for the nice greeting ... i WILL write an official Subject about my Victorious return to the montada
":"
Rex : i need to chat with u ASAP ...

orange road : Sure ... I could Arrange that for ya ... Gahahahaha

Rewayah : thx for the Very nice subject Bro ... you may continue .. and sorry about this annoyance ..

See ya all

Ralph":"

[shaheen]

اهلا... بالاعضاء كيف حالكم
اتمنى لكم صيفا ممتعا...

بالنسبة للعضو الذي كان مطرودا من قبل.. ارجو ان لا يرجع لماكان عليه وسنحاول ان ننسى له أخطاءه... كما ان اي تكرار لما عهدناه منه في السابق فسيكون الرد بالحذف وهذا اقل شئ يمكن عمله لعضو قام بما قام به.

ارجو ان يكون هذا واضحا جليا... وسيكون هذا الصيف صيفا ناريا مثيرا للجميع!

شكرا لرواية على هذا الموضوع الجميل!

[Rewayah]

الرسالة الأصلية كتبت بواسطة NastyRalf

Rewayah : thx for the Very nice subject Bro ... you may continue .. and sorry about this annoyance ..

حياك ريفليكس.
وأنا سعيد حقاً لعودتك.
أجمل شيء إنك إستعدت إسمك السابق ذو المشاركات السابقة واللي كاتب به عدة مواضيع.
هذا أحسن من لو كنا قد أعطيناك إسم عضوية جديد.

أنا كتبت لك رد فوري عند دخولك لهالموضوع من الفرحة, بس حذفته بسرعة, لأني بغيت أشوف ردود فعل الأعضاء قبلي, عشان ما يتأثرون من موقفي لو كتبت رد قبلهم! ^^

أنا كان لازم أستعجل بإعادتك كما وعدت صديق مخلص لي بعد تلكم الرسالة, لكني إنشغلت بالتسجيل الصيفي بالجامعة...

<== مو أخيكم رسب بالرياضيات وما تخرج مع دفعة المالتيميديا... ...
ما أخبرت حد, أخبرت بس شاهين عن رسوبي...
لكن إن شاء الله بتخرج في الصيف, دراسة ستة أسابيع...
حفل التخريج بيكون في شهر مايو 2004...
لكن الشهادة باخذها في الصيف إن شاء الله.

عموماً لحد يقلق علي.

وخلونا نرحب بأخينا الغالي ناستي رالف وبعودته ونناقش مواضيع الصيف.


حياك رالف.

Take care of your exames... ;-)
and Good Luck.
See you in July bro.


حياكم.

[shaheen]

على فكرة رجع له اسمه القديم بعد اخذ موافقتي...

وبالنسبة لوضعك بالكلية الم يكن سرا؟؟:6

[Rewayah]

سأرد تباعاً وكلما سنحت لي الفرصة وأناقشكم آراءكم كلها إن شاء الله.

واللي عنده يزيد. ;-)

الرسالة الأصلية كتبت بواسطة orange road
اقترح ان نختار موضوع تحدي واحد او اثنين وبالكثير ونركز عليهم
على الاقل نبي يكون عندنا موضوع مثل موضوع عالم الفانتاسي...

كانت ايام
واذا تحبون ممكن ان نرجع نكمل فيه خصوصا انه احلى موضوع في المنتدى ^^

أتفق مع هالراي.

موضوع تحدي واحد أو أثنين ضروري للصيف.
ناهيكم عن إنه مسلي ويطلع إبداعات الأعضاء ويثير جو من الحماس.
وهو فرصة ومناسبة لتطوير المهارات حسب تغير الظروف "ردود الأعضاء" وسير الأحداث.
فيخلي عند الرسام "لياقة" فكرية وقدرة عل التصرف والتعامل مع المعطيات الجديدة حسب تطور ردود الموضوع والرسوم المطروحة, بحيث يتمكن من تنفيذ وتطوير أي فكرة تطرأء على باله أو تبنيها له ردود فعل الأعضاء.

نبغي شيء يكون مليء بالحماس.
وأقترح أن نبتعد عن التدقيق في التفاصيل والقوانين وتسهيل فكرة المشاركة لتشجيع الرسامين على الإنتاج والإبداع.

الرسالة الأصلية كتبت بواسطة Miss_kimino
بس حاليا ما عندي فكرة .. و حتى لو قلت فكرتي .. محد بيعطيها ويه ولا بيقراها اصلا ههههه

فعلاً كما قال لك صديقي ركس يا ميس كيمونو.
إذا عندج أفكار حطيها!
سنناقش كل شيء!
مو ناخذ عضو ونهمل عضو آخر.
لا تفكرين جذيه.
خبرينا باللي عندج.

الرسالة الأصلية كتبت بواسطة Neo Cid
أنا كنت داز للمراقبين قبل جم قرن رسالة .. و اقترحت عليهم بعض الأمور ..

أذكر رسالتك أخوي ميثم.

الرسالة الأصلية كتبت بواسطة Neo Cid
1- فتح موضوع مثبت بعنوان ( The Hall Of Fame ) .. أو اي شي بمعنى هذا الكلام .. بحيث أنتوا يالمراقبين تنتقون أحلى رسمات عرضت بالمنتدى .. يعني رسمة فيها احتراف و فن من قبل الرسام ... بحيث تعطونة مثل وسام .. و فوق هذا تعرضون رسمته / رسمتها بالموضوع المثبت .. مما يزيد من روح المثابرة عند الاعضاء بحيث كل واحد يشد حيلة و يحاول يثبت نفسه .. و بنفس اللحظة الرسمة الحلوة تحضى باهتمام الأعضاء أكثر ..

فكرة طيبة.
يتم تنفيذها بصورة أو بأخرى.
وستوضع فيه أجمل الأعمال ويكون مثبتاً للجميع ليسهل عليهم مشاهدته.
وستكون المشاركات الفنية الممتازة عناوين للمواضيع التي جاءت منها, فتشجع مشاهدها للذهاب لمواضيعها ومطالعة ما قد تحويه من رسومات أخرى ويتعرف على ردودها وقد يشارك ويساهم هو أيضاً!

الرسالة الأصلية كتبت بواسطة Neo Cid
2- فتح مجال لنوع من المسابقات .. و هذي النوعية يعني تكون أن اي عضو ناوي يشارك يسجل اسمه عندكم .. و بعدين تحدد القوانين من قبلكم و تطلبون مثلا من الأعضاء : تأليف شخصية تعيش بكهوف مظلمة .. و هني يجي دور الأعضاء بحيث كل مشارك يرسم شخصية .. و بالنهاية .. الشخصية الاحسن و الاكثر تفصيلا و تلوينا .. يعني الزبدة ... الأحلى يحصل على جائزة بحيث يكون فائز بأول مسابقة .. أنا شفت هذا النوع من المسابقات طبق في أحد المنتديات الاجنبية بحيث كانت على الـ 3D جرافيكس .. و انا فكرت و قلت يمكن نقدر نطبقها بالرسم الحر ..

لا بأس بهالفكرة أياضاً نيو سيد.
لكن هناك عدة مواضيع من نفس طابعها, أهملت من فترة, فما أدري, هل نحيي ما سبق؟ أم نفتح واحد جديد؟ وهل سيلاقي نجاحاً أو يكون مصيرة كسابقيه؟
شو رايكم؟


شكراً نيو سيد. ;-)

[Rewayah]

الرسالة الأصلية كتبت بواسطة shaheen
على فكرة رجع له اسمه القديم بعد اخذ موافقتي...

فيك الخير شاهين! ^^

الرسالة الأصلية كتبت بواسطة shaheen
وبالنسبة لوضعك بالكلية الم يكن سرا؟؟:6

قلت ليش أخبي على ربعي وأصحابي.
وشو يعني لو عرفوا... تراها خايسة خايسة...
والصراحة أشوف ما في ضرر في ذلك...

الصراحة مؤخراً صرت ما أهتم وايد شاهين.
تراني بنجح في الصيف إن شاء الله, فيعني الأمر سيان.

حياك يالطيب! ^^

مازلت حاقد على الجامعة الـ @#%#&$... ><
على فكرة شاهين, خاتم التخرج مال الماتيميديا 2003 إستلمته! هههههه
غصباً عنهم!

بحط صورته جريب.
هو لونه فضي لامع مع حفر أسود...
وعليه شعار "الجامعة الأمريكية في الشارقة", ختمها, بالعربي والإنجليزي من جهة, وسنة التخرج.
ومن الجهة الأخرى يحمل حرفي "BS", أي Bachleor of Science
طيعاً In Multimedia Design. ":"
وحروف S A D أي School of Archetecture & Design.
"كلية العمارة والتصميم".
(ربعي يضحكون عليه ويقولن إسم كليتكم ساد SAD... يعني حزين! :").

في قاعة محفور إسمي الثلاثي "مع العايلة".
وفي قمته تزينة عقيقة حمراء كبيرة! ^^
يقولون إنه طلبة المالتيميديا وقسم الـ SA&D عموماً, خواتم التخرج مالتهم عقيق أحمر, أما الباقي فألوان أخرى.
مادري, بس في ناس شفتهم لابسين زيي من كليات مختلفة في الجامعة, التجارة والهندسة واللغات, أعتقد إنه العقيق الأحمر هو للباكالوريا, والألوان الأخرى للمراحل الأعلى.

إن شاء الله راح أحط صورته جريب.

[Neo Cid]

مبروك على التخرج .. و عقبال دخلونا الجامعة ..

ان شاء الله نشوف التطبيق منكم يالادارة .. انتوا ذي بيست ..

منتظرين الخاتم ...

إلا الجامعة الامريكية هذي بفلوس ؟ .. و هل عندكم طلبة كويتيين بعثات

على حساب الحكومة ؟ ..


shaheen :

مع اني ما اذكر اللي سواه رالف .. لكن دام ان رجعته بتكون باسلوب جديد

و خاله من السب او اي شي انتوا خايفين منه .. فحياه الله ..

ماني ذاكر اسامي .. لكن يا كثر اللي انظلموا بحكم بسيط .. و يا كثر اللي

انطردوا بالغلط .. و يا كثر اللي يغلطون .. و بعدين يوزون عن غلطتهم ..





NastyRalf :

حياك أخوي رالف .. وان شاء الله رجعتك ما تكون عنيفة و دموية ..

[sakura wakky]

مبروك رواية على تخرجك من الجامعة :0)


و عقبالنا احنا بعد :" ( أي أنا ريض علي )


يالله موفقين ان شالله بامتحاناتكم



سي يو ;-)