مقابلات بين اعضاء منتدى الرسم .....

[ODIN]

اوف النت من زمان عنه :6


المهم يا اهل الامارات .. احتمال نزوركم بعد كم شهر بالعطله الصيفيه .. عاد ابي السجاد الاحمر من أول ما اعدي حدود السعوديه

[orange road]

مت من الضحك وانا اجوف الخطاف مضيع في الموضوع...

ولا رسمة فلاش انيمي.. ههههههههههههههههههههههههه

[-][HaNa Sun][-]

موضوع رهيب و غريب:0) تسلم على هذا الموضوع أودين:-)

ماشالله لقاءات صارت برع المنتدى:واو: ..صراحه مقابلاتكم كأنها مقابلات أنيمي:0) إسموحولي وحده متأثره بالانيمي شوي

و عنا نحنا فإنشاالله على السنه اليديده بنقابل شادو كات:6

و لو أتكلم عن مقابلاتي مع سارا ساما ما بخلص ..أسبوعيا" تقريبا" خارج الجامعه طبعا" في بيتنا:6 ..و مي مي جان مرتين قابلتها خارج الجامعه :6 مره في بيتنا ومره في بيت سارا ساما:0) كانت أيام رهيبه:" إنشالله بتنعاد

[Bu Laban]

انتباه الى جميع أهل قطر .. انشالله انتو على موعد معي في أحد هذين اليومين :

الخميس هذا أو السبت القادم .. فأريد استقبالا حارا يا شاعر و يا زيرو أوكي .. و لا أنسى طبعا قاصف نيويورك :6

[هـداف]

هلا بالجميع

أخيرا تحقق المرجو منه....وتقابلنا أخيرا^^
زيرو وبولبن ورانما وانا

بصراحه...فاتكم...انا ماتوقعت يكونون جيه بهذا العبط والمرح ... يعني الي يقعد معاهم لازم يضحك:-)

بس في شي><

في مشكله عويصه جدا يعرفها معظم الأعضاء...والي هي اني مسوي عملية للأنف!!،(الله يسلمكم ) كان كسر اثر حادث بسيط ... المهم اني ماكنت أتوقع تكون المقابله في هذا الوقت والأكثر من ذلك اني ماتوقعت يحطون جبس:" ... المهم

انا خربت اليمعه كلها،كنت طول الوقت ساكت،جني بدنيا وهم يمرحون في دنيا ثانيه ... حتى الكلام مااقدر اتكلم نفس الناس، الحمدلله...الشباب حسوا بشعوري وانا قاعد ساكت...يعني صج كئابه انا حتى تعبير مااقدر احرك تعابير ويهي ... حتى الضحكه مااقدر...مااقدر ابطل حلجي عدل بسبة الجبس اللعين

بس صراحه شي حلو...يعني انا نفسي ماصدق^^ انشاءالله نتجمع بعد اسبوع(بعد مااشيل الجبس انشاءالله) وبتكلم على راحتي وبضحك على راحتي^^

والحين بقول لكم شنو صار بالتفصيل...اذا نسيت بعض الأشياء سامحوني;-)
__________________
في الساعه الثالثه الرابعه عصرا تقريبا اتصلت في رانما على الجوال علشان اعرف منه الاخبار...وقالي ان كل شي ماشي حسب الأصول المهم

احنا كنا متواعدين في الأصل في الاند مارك في ستار باكس،لكن المشكله الجبس خرب علي فقررنا تكون المقابله في بيتنا...
كنت انا قاعد اطالع ردود هارد روك في موضوع العصابات وفجأة تذكرت السالفه...قمت توني رايح ابي البس اثيابي...فجأة ترررررررررن....صوت جرس...كح كح

انا شكلي بطول اذا بتكلم في التفاصيل كذا ?: ...بختصر

شافوا بولبن ورانما رسماتي وشافوا الرسمات الي كنت بحطهم في المنتدى ...وبعدين تواعدنا مع زيرو في الكورنيش

وصلنا الكورنيش تكلمنا اشوي عن المنتدى وعن الأنيمي(لاتتخيلون شكلي مع الجبس )...بعدين اتصل زيرو ورانما ماقصر دله على المكان...وبعد ماوصل زيرو بدأ المرح يزيد وانا ساكت جني بليد?: ...زيرو له خلفية كبيرة ماشاءالله في عالم الأنيمي...فعلا كلامه يشد الواحد للاستماع ... وغير العبط الزايد..والله اشيا صارت تضحك وكان خاطري اضحك بس بس:"

بعطيكم اختصار شديد عن الي تكلمنا عنه...الأنيمي وأغاني الأنيمي وقصص جان دام واشوي في الجوالات وتكلمنا بعد عن كيفية صنع النيمي وكم صورة في الثانيه(هاي السؤال كان محيرني،كان خاطري اتعمق فيه أكثر)...وبعدين قبل لا يروح كل واحد لحال سبيله...كل مانسلم على بعض تشدنا السوالف،ونسلم مره ثانيه بعدين نرجع نتكلم لين ماسلمنا على بعض وراح زيرو بسياراته وانا ورانما وبولبن في سيارة

بصراحه في تفاصيل مضحكه بكتبها بعدين...احس طولت عليكم...
اخلكم الحين

سلام;-)

[sakura wakky]

وااااااااااااااااااااو:واو:

أخيرا تقابلتوا ...


وناسة المقابلة شكلها تونس أتمنى تذكرلنا التفاصيل الثانية :"

بس تصدق شاعر أنت كسرت خاطري :":

ما قدرت تتكلم ولا شي ....بس ما عليه المرة الياية ان شالله تقدر تسوي اللي بخاطرك تسوي:0)

و ان شالله ترد لك عافيتك و تشيل الجبس ...^^





سي يو ;-)

[orange road]

حلوة مقابلتكم شاعر ^^

ما قلتوا لي من قبل تاريخ المقابلة علشان اخرب عليكم :غضب:

بس لازم تكتب لنا التفاصيل المضحكة اللي قلت عنها ^^ نبي نقراها

[هـداف]

انشاءالله انا بذكر التفاصيل لكم والاشياء المضحكه

بس بعدين انشاءالله.علشان انا مجهز رسمتين على مكان القعدة والطريقة

انتظروني قريبا جدا انشاءالله

[-][HaNa Sun][-]

وأنا كنت أقول وين بولبن و رانما و زيرو كل هالفتره عن المنتدى تراكم كنتوا مشغولين عشان المقابله:0) و الله أكييد كانت مقابله حلوه..نبا تفاصيل اكثر

المهم..

أنا بعد قابلت شادو كات لأول مره بالامس في بيت سارا ساما:0) كانت مقابله حلوه....سولفنا عن أيام المدارس ..و عن مدرسات العربي و كيف كنا نعاني منهم...بعدين يلست أشوف رسوماتها اللي كانت في الفايل ..ماشاالله عليها واايد رسمها روعه و وضعياتها رهيبه ... قلتلها ليش ماتعرضينهم في المنتدى..قالت بتسوي بعض التعديلات عليهم ,,,بعدين إنضمت ويانا مي مي جان و حلوت اليلسه أكثر...سولفنا عن المنتدى و عن المواضيع اليديده اللي تم فتحها و شادو كات و مي مي يقولون عن أي موضوع تتكلمون ..مساكين قطعوا عن المنتدى لفتره عشان جيه ما يعرفونهم...بعدين سرت انا و سارا ساما المطبخ نسوي شاي ..طبعا" محد يضبط الشاي والحليب مثل هانا سان..آخر شي دخلنا على المنتدى و شفنا المواضيع مع بعض..والله كانت يلسه و مقابله حلوه..و إنشالله تكرر مره ثانيه..
شكلي ثرثرت واايد:0) شو أسوي ما قدرت اسكت....
نتريا نسمع مقابلاتكم الثانيه;-)

[xero]

هااااي^^

صار لي فترة ما دخلت النت.............دخلت لأنظف ايميلي بس شدني الفضول للموضوع^^



ما قصرت يا شويعر واحنا قدرنا ظروفك.....اجتمعنا بالكورنيش وما شاء الله...اللي زاد وناسة الجلسة الجو الجميل والشباب ما شاء الله عليهم^^

كانت جلسة مليئة بالضحك والعبط والاسئلة الجميلة^^ ورانما وبولبن ما قصروا بالعبط والضحك^^...وانا الغبي اللي نسيت اجيب معي رسومي بس


لو تبغون وصف اكثر دقة لنا...............خلي الباقي على اللي شافونا^^

اتمنى من بو لبن انه يكمل^^

[Ranma Saotome]

هاااااااالووووووووووووووو

هيهي الحين دوري..
ليش كل هالاختصار شباب..
الله يعينكم علي انا من النوع اللي يذكر التفاصيل الممله..

هانا سن شكلها كانت يمعه وايد حلوه.. اخر وناسه هاه.. شفتوا رسوم و حشيتوا في المنتدى هههههههه و شفتوا ميمي تشان :" اللي مالها حس في المنتدى.. الله يكثر من هالمقابلات الطيبه..

اوكي اوكي خلوني ابدا.. من الصفر..

عالساعه 10 ومادري كم دقيقه اتصل فيني بولبن يقول انه وصل.. تقابلت معاه عند مطعم قريب من بيتنا.. قلت له الحقني لين السيتي سنتر نبدا من هناك..
رحنا السيتي سنتر وعلى طول على إلي فرانس لأن بولبن مافطر.. بس عصير و كورسوان شي خفيف وكانت عالساعه 11 كذيه.. واتصلنا في زيرو وقال انا جايكم بعد نص ساعه..
رحنا ميوزك ماستر وهناك كان المفروض نقابل زيرو... دخل واحد ابيض مسوي قفل لا العارض طالع هعهع و بنيته قويه و ممم طوله اقول 175 ولابس كاب عليه X و لابس سديري أسود و بنطلون اسود وكشخه يعني ههههههه ونطالع بعض مثل الميانين وعرفنا ان هذي زيرو..
درنا في المحل واحنا نتكلم عن الاغاني وخاصة الروك منها.. بولبن شرى إنيجما و إيرا 2.. بعدين قعدنا ندوووور في السيتي لين الساعه 1ونص تقريبا قلنا بنروح نتغدا..
انا وبولبن في سيارة و زيرو في سيارته رحنا مطعم ايراني "شبستان"..
كلنا طلبنا كباب سلطاني و طبعا مع الاشياء الجانبيه..
بولبن ماشاالله عليه مسح الصحن.. و أنا ماكملت حتى النص وشبعت (كل واحد على حجمه).. و زيرو ما أكل وايد لأن كان وراه تدريب.. سولفنا هناك عن أشياء وايد بس الحديث كان مركز على المنتدى..
طلعنا من هناك الساعه 3ونص واصلا تدريب زيرو يبدا 3ونص ههههه أخرناه... زيرو راح التمرين وقال بقابلكم لما اخلص تقريبا عالساعه 8..

الحييين وين نروح يابولبن.. قلت له نروح وكالات السيارات (لعبتي) ههههههه..
رحنا أول شي وكالة الفولكس من زمان مارحت لهم وشفت الموديلات اليديده و عورت قلبي :" قعدنا نسألهم عنها وكل شي.. و أخذنا كاتالوج مال سيارة الTouareg الفور وييل والPhaeton الفخمه.. ورحنا الوكالة اللي جنبها وهي..... البورش ":" في نفس الوقت اتصل شاعر يسأل عن الاوضاع ويتأكد ان الموعد مثل ماهو..
دخلنا وكالة البورش....... وياليتنا مادخلنا.. شفنا الفور ويل كايين تععععععععععذب.. أحلى سيارة.. و شفنا الاغراض اللي عندهم الملابس و الموديلز و الشنط وهالاشياء المعروض للبيع.. و ههههههه اللي هناك مايعرف شي عن اسعارهم...
طلعنا من هناك وفي يد بولبن كاتالوج الGT 2 و الCarrera GT.. قلت له نروح الفيراري ":"
قال لااااااااااااااا مابي اعور قلبي اكثر... لكن طبعا رحنا.. وشفنا المودينا لونها عجيييييييييييييييب ومن داخل اللون أعجب.. و المودينا سبايدر و كان في بعد هناك 3 سيارات مازيراتي.. متعنا عيونا وشفنا البدلات اللي للبيع والاغراض الثانيه عندهم اشياء كششششششششششخه لكن غاليه نار نااار..

طلعنا من هنااااك على اللاند مارك (مجمع) و أول شي رحنا ميوزك ماستر انا شريت منوعات من زماان ادورها Metal Massacre انتاج 1983.. و شريت بعد عدنان ولينا كامل على vcd.. عقبها مرينا على محل فيديو جيمز وشفنا آخر الالعاب.. وقعدنا نحوس نحوس و أخذنا لنا ميلك شيك لكن ماضبطوه لي :غضب: لأن حتى هوت فدج ماعندهم ولا مكسرات.. لين خلصنا الميلك شيك صار الوقت الموعوووود..
رحنا بيت شاعر.. كان سهل ان نتعرف عليه.. لــكن، قعدنا نحوس نحوس في مكاننا..المشكله مانعرف اسمه يعني لو ضربنا جرس و رد اخوه شنقول له ?: قعدنا والله 10 دقايق انا و بولبن نحوس مانعرف شنسوي..
لين قلت خلاص ماعلي بتصرف انا.. نزلنا من السياره و ضربنا الجرس.. يانا اخوه الصغير.. (وهــــــــــــــــــــــــــــــــــــــــــــــــــــــــــقـــه)... شنقول له الحين..
أنا: ههه.. اخوك هنيه....؟ هو: أي اخو؟ (لازم يصعب الموقف علينا)
أنا: هاه.... (اطالع بولبن) شقول له... اخوك اللي في ثاني ثانوي.. اللي خشمه مكسور (والله اني طقن).. شاعر...
هو: ايه اخوي فلان. أنا: احم.. ايه ايه اللي هو.
المهم دخلنا المجلس لين يانا شاعر.. مثلي.. ضعيف و نفس طولي فيه سمره و لابس ثوب و كاب.. و كانت معاه رسومه.. وقال بيروح وبيرجع..
قعدنا انا و بولبن نشوف رسومه.. والله عنده رسوم كشششششششخه وضعيات خطيره و حركات وكل شي.. انا وبولبن نشوفهم ونذكر الحلو فيهم والخطأ اللي فيهم.. ليين رجع شاعر قعدنا نسولف شوي عن الرسمات بعدين عطينا الدفتر بولبن ورسم رسمه بسيطه و شاعر بعد.. هههههه و أنا الحمدلله مالي خص ..
قررنا بعدين نروح الكورنيش لأن مكان هادي مافيه زحمه و ينفع حق القعده والسوالف..
رحنا هناك ومعانا بسطه جلسنا ونسولف.. و يانا زيرو عالساعه 8ونص و بدأت الوناسه.. والله ونااااااااسه عبط على كيفك و ضحححححك.. زيرو ههههههه عليه استعباط عجيب.. ومايحتاج اقول لكم عن بولبن و خفة دمه..
تكلمنا عن الانيمي و هنيه برزت خبرة زيرو و اسلوبه لما يوصف لنا انيمي عجيبه.. بس تصدقون ماسولفنا عن المنتدى وايد هههههه
بس القهر ان على هالجلسه نسينا نجيب معانا دفتر و قلم.. يعني شاعر و بولبن و زيرو موجودين لكن دفتر وقلم مافي ?: و زيرو ماياب دفتره ولا شي :" بذبحه..
بعدين عالساعه 11ونص قررنا نحرّك لأن بولبن لازم وراه طريق بعد.. و كلما سلمنا على بعض هههههه تطلع سالفه.. سولفنا شكثر و احنا واقفين وفي طريقنا لسياراتنا ههههههههه..
و قررنا ان هالمقابلة تتكرر في قريبا ان شاء الله.. و بعد لأن عيسوز رجع الدوحه فخلال اليومين القادمين راح نتقابل انا وهو مع زيرو وشاعر مره ثانيه بإذن الله..

رجّعت شاعر بيته و بولبن سيارته وقلت له لحقني عشان اوصل له لين خط المراكز..
لما وصلنا هنيه جنب المطعم الاول اللي ذكرته ههههههههههه تذكرنا ان ماتعشينا هههههههههههههههههههه من الوناسه و السوالف نسينا بطوننا.. وكان النوم ذابحنا بشكل ماتتصورونه.. دخلنا المطعم وكانت الساعه 12 وربع.. تعشينا.. رجعت البيت وعلى طووول zzzZZZZZzzzzZZZZZzzzzZZZZ

وووو خلص اليوم..
كان يمعه واااااااايد حلوه و اتمنى تتكرر.. و ان شاء الله لما نجتمع انا و عيسوز و زيرو وشاعر راح نقول لكم التفاصيل هنيه ..

باااااااااااال هعهعهعهعهعهع مالت علي كتبت واااايد... احس ان محد قرا الرد كامل ههههههههههههههههههه.... مو مشكله شسوي انا كله جذيه اكتب بالتفصيل الممل..

اوكيك.. zat's all
bye

[sakura wakky]

شلونكم يا حلوين :0)


رانما ...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههه.....

يحليلك ما ترضى إلا بالتفاصيل ..

بس مع إنك كاتب كل التفاصيل قريت كل اللي كتبته ... شكلها كانت أحلى مقابلة مريتوا فيها ...

وناسة :"

حظكم و إن شالله المقابلة الياية تقولنا شنو صار بالتفصيل الممل مثل ما عودتنا;-)

أوكي:0)



سي يو ;-)

[هـداف]

سلام^^

رانما قال أكثر ال يكنت بقوله ..

بذكر بعض المواقف

واحنا قاعدين كانت تمر سيارات قدامنا عند المواقف وكان بعضهم يشغل أغاني انجليزيه ويعلي الصوت،بولبن كان دايما يعلق عليهم
رانما بعدين كمل عليها
________

و قررنا ان هالمقابلة تتكرر في قريبا ان شاء الله.. و بعد لأن عيسوز رجع الدوحه فخلال اليومين القادمين راح نتقابل انا وهو مع زيرو وشاعر مره ثانيه بإذن الله..

رانما،انا جاهز بس خلوها بعد يوم الأحد انشاءالله...اهني انا مرتاح^_^
___________-
شوفوا....انا بالياله رسمت رسمه أمس على شكل خطوط للشخصيات،مادري اشفيني،الظاهر كرتي احترق هالأيام

[sakura wakky]

مسكين شويعر :"


ما قدروا يتكلمون معاك وايد بس أنا متأكدة المرة الياية بتكون أحسن و إن شاالله تقولنا هني بالمنتدى عن المقابلة اليديدة




سي يو ;-)

[xero]

مشكور رانما ما قصرت على الشرح ولو اننا كلنا اختصرنا اللقاء^^ .......وعلى طاري دفتر الرسم......المرة القادمة سأحسب حسابي واتسلح بالاقلام والدفاتر العابرة للقارات!!


وشاعر.........لوووووووووووووووووووووووووووووووووووووووووووووووووووووووووووووووووووووول.......والله ذكرتني بالنخلة الاسفنجية هههههههههههههههه......والله كانت جلسة عبط كخخخخخخخ

باي^^