سؤال يحتااااج لإجابة عــــــــــــــاجلة

[Abo Naif]

السلام عليكم شباب....

وش رايكم بمواصفات هالجهاز

معالج انتل بنتيوم 4 بسرعة 1,8 جيجا هيرتز

لوحة رئيسيةASUS

ذاكرة 256 ميجا دي دي رام

قرص صلب 40 جيجا بايت

شاشة عاليو الوضوح 15 انش

كرت شاشة 32 ميجا فرام

سي دي روم 52X



هل بإمكاني...تشغيل...لعبة جنرالز ومثولجي....؟؟

واذا لأ ممكن تقولي وش الي اضيفه على الجهاز...؟؟

[MskT]

السلام عليكم
اول شي سرعه الكمبيوتر لك عليها بس مالها دعوه بجنرالز
اما الذاكر 256 قليله كبرها انا اللي عندي 2 جيجا مركب 2
والقرص الصلب مافيه شي

والشاشه لو تكبر الحجم الي 19 بالالعاب كنها تلفزيون
كرت الشاشه لايشتغل جنرالز لازم تغيره
واذا تبي انواع كروت شاشه ة رخيصه هذي افضل ثلاثه

ati redeon 9000
geforce ti4200
geforce mx440
والغاليه
ati redoeon 9800 pro
ati redon 9700 pro
geforce fx 5800 ultra
يعني هذول زينات
وفيه اللي اجسن منهم كلهم
geforce fx 5900 ultra
وكل هذولي شغلون جنرالز
والسي ددي روم انا انصحك بديفي دي روم لانه يقري احسن
واسف علي الطاله

[باهاموث]

لو تزيد السرعه يكون أفضل بكثيير
والهارديسك كبره لك وللزمن ولو تلاحظ الالعاب الحين صارت مساحتها جيجا ونص
خله 80GB أو 120 GB اذا لقيت

[MoaeD]

اذا تبي تحط كرت شاشه رخيص مره من 200 الى 400 ريال


زود الرام الى 512


اما اذا بتركب كرت شاشه قوي مره فالرام بيكفي لجينيرالز


وميثولوجي بيشغلها جهازك هذا وانت مغمض وعلى اعلى شي



بس زي ما قلتلك لجنرالز لأنه كرت شاشتك يعتبر ضعيف مره

[{Shy^Guy}]

سرعة الجهاز لا باس فيها .. بس راح تتعبك شوي اذا انت من النوع اللي يترس الجهاز برامج جرافيك برامج و ملفات .. و لا يكفي بكذا يزيدها العاب ..

الرام نوعا ما حلو .. مدامه DDR ..
بس لو تزوده يكون افضل .. لك و للزمن ..اذا بتكتفي بالكرت الموجود معك

بالنسبه لكرت الشاشه ..
لو تبي شي رخيص .. عندك جي فورس 4 ام اكس ..
بس ما انصح فيه مره ..

جرب جي فورس 2 .. ارخص من الاول , و لان الفرق ممكن ما راح يكون قوي مره .. غير ملحوظ , السرعه راح تفرق ..بين الكرتين من تجربتي ^__ __^

[[c.o.d.e.x]]

Abo Naif

أولاً .. هل شريت الجهاز .. ولا لسى تفكر !!

وإذا لسى ماشريته .. كم الميزانية اللي حاطها للجهاز

أنصحك بمعالج Pentium 4 2.4GHz 800fsb

مذربورد ASUS P4C800

رام 512MB DDR400 PC3200

هارد دسك 80GB - 120GB Maxtor Diamond Plus9 2MB - 8MB Buffer

كرت شاشة ATI Radeon 9500/9700 Pro

شاشة ViewSonic 19"inch G90f (ماراح تندم عليها)

Lite-ON 16x DVD Reader
Lite-ON 52x 24x 52x CD-R/RW

هذي مواصفات " توب " للمستحدم المهتم للألعاب/التصميم

لو تعطينا ميزانيتك .. راح نكتب لك مواصفات بديلة

تحياتي

[BlackFox]

السلام عليكم


بالفعل جهازك هذا ما يوقف جدام ولا لعبه مثل قوه جينرالز و doom3

الا اذا خذيت اقوى كرت بالسوق وباليالله يمكن يشغله

لكن انصحك بالمواصفات الي عرضها اخي [c.o.d.e.x] :


Pentium 4 2.4GHz 800fsb (سرعه سريعه وحلوه بناقل قوي يكفي للالعاب والتصاميم وغيره )

مذربورد ASUS P4C800 (من اسم الشركه يعني ماعلي كلام )

512MB DDR400 PC3200 (1(ذاكره قويه وخصوصا انها DDR بس لو في امكانيه اتحط الذاكرات اليديده وهي ديوال DDR بقوه 1GB يعني شريحتين اذا ماكو ميزانيه فمافي مشكله هم الي قبله زين بس اذا تبي تفكر اب عمر اطول )


2-80GB - 120GB Maxtor Diamond Plus9 2MB - 8MB Buffer
(هاردسك من شركه ماكستور ولا اروع بس اعتقد 80 كافي مو لزوم 120 اذا انت تفكر اب الألعاب والأنترنت والملتيميديا)


3- ATI Radeon 9500/9700 Pro
(قمه)


4ViewSonic 19"inch G90f (اب صراحه لا اعلم عن هذي الماركه لكن اسمع انها قويه بالشاشات وهي Sonic بس ما تلاحظون شباب 19 وايد على شاشه كمبيوتر يعني 17 كافي بالكثير 18 اما 19 هذا الي يفكر يهد التلفزيون وراي رأيك )


Lite-ON معروفه بالسواقات طبعا بجميع انواعها

يعني جهاز ومواصفات حلوه من الأخ [c.o.d.e.x]


بس شباب انتو ركزتو عالسرعه مع انها ما تهم كثير حق الألعاب يعني اقل جزء حق الألعاب انه ناخذه اب عين الأعتبار هو السرعه لأن انا اعرف ناس يلعبون اب سرعه P4 1.2 واللعبه صراحه ماعليها اي كلام حتى اقوى الألعاب بس طبعا بزياده الأجزاء الثانيه مثل ذاكره قويه جدا وكرت قوي وهاردسك سريع وحجم كبير يعني اخر شي فكر في السرعه من 1.8 وما فوق فهو زين للألعاب والأنترنت وغيره

مادري هذا اب راي الشخصي الي عندي اي اضافه يقول بالنسبه للسرعه يمكن انا خاطئ

ومشكوريين

[BlackFox]

نسيت اقولك عن كرت الصوت فهو هم مهم اخذ

Creative اقوى شركه من ناحيه كروت الصوت

[[c.o.d.e.x]]

BlackFox

هلا بك اخوي

أشكر لك مشاركتك

وأتفق معاك بنقطة إعتماد شريحتين من الـ DDR للإستفادة من خاصية الـ Dual Channel وإن حبيت يا أخ Abo Naif خذ لك شريحتين متطابقتين 512 للحصول على 1 GB أو خذ لك شريحتين متطابقتين من 256 للحصول على 512 أنصحك بشريحتين 512 خاصة الحين أسعار الـ DDR بنزول مستمر

بالنسبة لعلاقة المعالج بالألعاب ,فعلاً كما تفضل الأخ BlackFox بالذكر مافي فرق كبير والدليل بأن معظم مهووسي الألعاب والتصاميم إستطاعوا الحصول على درجات ونقاط عالية في إختبار برنامج 3DMark03 بإستخدام معالجات لا تزيد عن 2G ولكن بإستخدام بطاقات شاشة قوية أو معدلة لدفع أقصى قدرة خرج للكرت وتجبر بالعمل على ترددات أعلى من الترددات الحالية للكرت يعني Over Clocked

لكن المعالج هنا يلعب دور لأن أغلب المستخدمين العاديين يعملون على تطبيقات مختلفة مما قد يحتاج لقدرة المعالج الإضافية, وقد تم النصح هنا بأقل سرعة لمعالجات إنتل بسرعة الناقل الأمامي 800 fsb وهو 2.4GB 800FSB

تحياتي

[BlackFox]

السلام عليكم

فعلا [c.o.d.e.x] كل الي قلته صحيح ومظبوط

بس ممكن تقولي هل اقدر اضيف شريحتين من نفس النوع بقوه 1gb يعني مجموع الشريحتين اذا حطيناهم يساوي 2gb مما يعطي قوه اكبر اذا كان المعالج يدعم ذالك

وممكن وصله لبرنامج 3dmark لأنه وايد ناس قاعدين يستعملونه واسمع عنه لأنه حسب علمي هو برنامج تقدر تطلع نتايج قدره البي سي عدل ولا لا ؟


ومشكورين