دشو وشوفو الخبر اللي بيطير عقولكم من الفرح

[اميتاب باشان]

السلام عليكم ورحمة الله وبركاته

تحيه طيبه وبعد ...

قبل كم يوم قريت في جريدة الراي العام ان قناة الرابعه الكويتيه راح تعرض رسوم متحركه من الساعه 7 الى الساعه 10 صباحا 3 ساعات رسوم متحركه في اليوم والاهم انهم كاتبين راح نعرض الكرتون اللي احنا المشاهدين اللي نبيه .

وانا اليوم دقيت عليهم وقلت لهم ان احنا نبي رسوم متحركه قديمه فقالو ان الكثير اتصل عليهم وطلب نينجا كابامارو وبعد كم يوم راح ينعرض على القناة الرابعه , والحين اللي يبي الرسوم المتحركه القديمه اللي مثل سندباد وحكايات عالميه ماعليه الا يدق عليهم ويطلب منهم وراح يعرضونه باذن الله الكريم .

واذا تبون رقمهم اعطيكم اياه .





وشكرا

[weldbayan]

اخوي حط الرقم الي ممكن نتصل فيه عليهم علشان الاخوان يطلبون الي ودهم فيه..و ترى المفروض انه المسلسلات القديمة سهل انها تنعرض لأنه تلفزيون الكويت اصلا عنده اياهم من زمان و شارين حقوق عرضها بس لازم نوريهم انها مرغوبة اكثر من المسلسلات الجديدة البايخة الي قاعدين يحطونها الحين..

[اميتاب باشان]

والله والله والله صدقت بكلامك يا ولد بيان

المفروض يعيدون عرض المسلسلات القديمه شنو المسلسلات الجديده هذي يعع شنو بوكيمون دراغون بول بيدا بول شلون الناس يحبون هالنوعيه من المسلسلات يعع

صحيح كلامك اخوي ولد بيان


وتفضلو الرقم

من داخل الكويت
2415301

من خارج الكويت
009652415301


واي مساعده حاضر

وارجو منكم تطلبون المسلسلات القديمه الحلوه علشان يعرضونها


وشكرا

[SOLID SNAKE 10]

من فمكم لباب السما يارب ، والله لو تعرض بيكون رهيييييييب بس متى أخوي وقت العرض . . . ^_^ ؟!

[Dragonarab]

اخوي اقدر اتصل عليهم هل يستقبلون الفكره في سعة صدر ام يقولون إنشالله وبعدين يطنشون

والله ياريت لو يحطون سانشيرو



ويعطيك العافيه على الموضوع الرائع

[Renald Riot]

مشكووووووور

[Haruno Sakura]

الرسالة الأصلية كتبت بواسطة اميتاب باشان


من داخل الكويت
2415301

من خارج الكويت
009652415301

واواواو:": نكلم على الكويت وانا في السعودية مشوار راح يكون اتصال دولي غالي:# الله يخلي أهل الكويت فيهم الخير والبركه مايقصرون يكفون ويوفون أو أنا غلطانه :6

مع تحياتي

[Mesharey]

حاليا يعرضون "فولترون" ..

[weiss_girl]

على اي قناة بالكويت بالضبط 1-2-3-4؟؟؟؟؟؟؟؟؟اي وحده فيهم
....................وشكرا..................

[Hi-nu gundam]

ان شاء الله يجيبون رعد العملاق

[JIN 4]

ابصراحه انا ابي يعرضون كبمارو لانه ميكي عجيب

و اهم حاليا يعرضون فولترون و سوبرمان

[اميتاب باشان]

السلام عليكم

الى الاخ SOLID SNAKE 10

قصدك اخوي اي مسلسل تبيهم يعرضونه وانشالله ندق عليهم ونكلمهم ونخليهم يعرضون اللي تبيه


--------------------------


الى الاخ Dragonarab

اهلا سوهلا اخوي

لا اخوي انشالله بيعرضونه لان انا لمن دقيت عليهم قالي قولي شنو المسلسلات اللي تبي نعرضه علشان هم ماعندهم مسلسلات ويبون يعرضون رسوم متحركه وقالي قولي المسلسلات اللي تبيهم


---------------------------


الى الاخ Renald Riot

العفو اخوي وانا بالخدمه


--------------------------


الى الاخت Haruno Sakura

اهلا وسهلا اختي فيج

افا عليج احنا حاضرين بالخدمه للناس الطيبين

امري شنو المسلسل اللي تبينه وبدق عليهم وبكلمهم وانشالله يعرضونه


-------------------------


الى الاخ Mesharey

اي نعم ويعرضون فولترون وسوبرمان وقالي لمن ينتهون بيعرضون نينجا كابامارو وفلونه وبعض المسلسلات


--------------------------


الى الاخت weiss_girl

على الكويت الرابعه 4 كويت بلاس


-------------------------


الى الاخ Hi-nu gundam

انشالله اخوي يجيبونه رعد العملاق انا عندي اخوي يشتغل في التلفزيون وانشالله اخليه يحط كل المسلسلات اللي تبونهم


--------------------------


الى الاخ JIN 4

اي والله اخوي كابامارو من المسلسلات الرائعه وقالي اللي يشتغل لمن دقيت عليهم قالي بينعرضون بس ينتهي سوبرمان







وشكرا لكم كثيرا

[sinchi codo]

أولا اخوي اميتاب باشان...

غلطت كثيير على الكراتين الجدد وخاصة دراغون بول وأيضا ولد بيان؟؟غريبة شوف ويش التوقيع اللي حاطنه لدراغون بول ويقول انه بايخ اليس دراغون بول كرتون جديد ؟؟أما إذا كان قصدك فالكراتين بايخة بسبب التقطيع فأنا أوافقك بس الكراتين الجدد عدليين واحسن من القديمين بواايد((فقط لو لايوجد بها تقطيع لرأيت الفرق بين القديم والجديد)) بالله عليك هل يوجد كرتون قديم فيه شنق وقطع راس وقتل زي ماهو موجود في المحقق كونان؟؟ طبعا لا وهذا سبب اعفونية الكراتين القديمة أنا شاهدت جميع الكراتين العربية القديمة ومافيه رعب زي الرعب الموجود في المحقق كونان?:

وبكل صراحة انا احب الكراتين القديمة أيضا بس الكراتين الجديدة احلى من القديمة بواييد ارجوا مشاهدتها أصلية وأعيدوا النظر في قولكم بأنها أفضل من الجديدة..

اوكيه انشاء الله اتجيب المحطة الكويتية الكرتون صقور الأرض

وشكرا...أخوكمسنشي كودو

[Yurilin]

أحلى خبر سمعته:! ....


ونااااااااسة ^^ و اخيراً راح ياخذون راي المشاهدين....

عاد عندي رسوم متحركة وايد ابي يحطونها......

و شكراً على هذا الخبر السعيد

[love & peace]

مشكور أخوي على عرضك للوقت لأني بصراحة كنت متوهقة
ياريت لو يعرضون أحلى أنمي وهو ( ثندر كاتس )