يوميات سنيك

[بوعبدالرحمن]

مشكور خيو الزعيم_العيناوي على الحلقة الحلوه

لاتستعجل خيو ;-)

[Kasser]

قصة حلوووووووووووة ومضحككككككككة

مخلين سنيك خليجي وياكل هامور

[شالاشاسكا]

كاسر الألعاب
حمد لله انو عجبتك ;-)
وعفوا يا اخوي كاسر


بوعبدالرحمن
على رايك اخوي ماراح نستعجل المنتدى عاد الى نشاطه
;-)

[Thundark]

ها ها ها ها

مشكور على هاهاها الحلقات هاهاهاها تفقصت من الضحك هاهاهاها كمل إحنا معاك هاهاهاهاها

معك هاهاهاهاها بدر....ها ها ها ها

[شالاشاسكا]

حياك الله اخوي بدر

هذه الحلقة برعاية عصير البيتريوتس الطازج والخالي من المواد الحافظة

سنيك شادو : يالحمير تعالو ليي هني
اوتكون : وش تبي
سنيك شادو : انا رئيسك تقول ليي وش تبي قول حاضر سيدي صج ماتستحي
اوتكون : انزين لا انادي شالاشاسكا الحين
سنيك شادو : وتتحدى بعد يللا روح قول ليه العشرين عالم وصلو
رايدن : شباب وش رايكم نشلخه ونعلمه شلون يتكلم ويا الاوادم
سنيك : يلللا نطب عليه
( شلخوه تشليخ كسرو عضامه وبعدين ضربوه رصاصة في الراس وقضوا عليه)
اوتكون : الهيس هذا يقص عليي طول هالمدة
سنيك : وانتا خبر خير اطرش في الزفة
رايدن : يللا نغيب هالحمار لايشوفه احد
(شالوه وحطوه في خزانة وهربو عنه راحو لشالاشاسكا)
شالاشاسكا : ها يالملاعين وشو جابكم هني
سنيك : انت المعلون
رايدن : ماعليك منه خبل مايفهم
اوتكون : وش قاعد تسوي ماتفهم احنا جنوده الحين
شالاشاسكا : لاتقعدون تتساسرون ليي اتكلمو وش تبون
سنيك : سيدي العشرين عالم وصلو وينتظرونك برة
شالاشاسكا : خلهم يجون ليي عند ميتل جير انا انتظرهم هناك ومرة ثانية لا تتفلسف لو ما هالخبر رحت انتا في خبر كان ،،صدق منتهاها
رايدن : مل لك وما لها
اوتكون : وين يصير ميتل جير سيدي
شالاشاسكا : يعني انتا حمار ما تدليه الجميع يوم ندخله كانو هناك وين كنت
اوتكون : انا اشتغل نهار وانتو جبتوه اخر الليل
شالاشاسكا : لا تراددني يا حمار فهمت والله يتفلسف بعد يلللا روحو جيبوهم
رايدن : شعليه عااد الرئيس محد يقول له لاء
شالاشاسكا : بديت اعصب يا تروحون يا تموتون

ترر ررن تتن تن تناااا فاصل اعلاني
عصير البيتريوتس جديد شركة ميتل جير الان في الاسواق ب100فلس
فقط
يما يما ابي هاذا العصير ،، هلاا يما خالد اشرب بيتريوتس واضرب الدنيا
جوتي
احذروا التقليد ""شهادة الجودة""
برر ررم بما بر بمبا خششششششششش وززز
عودة الى المثلثل

سنيك بصوت خفيف : ما فشلناك في شادو موسيس
رايدن : يلللا مشينا نروح نجيب هذولة مساكين قاعدين برة في هالحر
اوتكون : مشينا ما نطول عليك سيدي ("بصوت منخفض "سيدي على قص ايدي انتا)
(طلعو من الحجرة )
اوتكون : سنيك : روح ااتبع شالاشاسكا : وشوفه وين يروح
سنيك : ليش مو انتا كلللا سنيك روح وسنيك تعال انبطت جبدي منك
اوتكون : بس هذي اخر مرة روح عورت راسي كللا يتطنحم وبس
سنيك : امري لله اروح واشوف اخرتها وياكم
رايدن : بس عااد روح هكو بيختفي الحين لحقه
سنيك : انتا عااد انطم ما ابيك تتكلم قهرتني بطيت جبدي يلللا انا بروح على خير
( سنيك يتبع شالاشاسكا ورايدن واوتكون يروحون للعلماء)
رايدن : هللا شباب ما شاء الله تفضلو بنسوي لكم احلى طبخة يلللا
(واحد من العلماء اسمه صدام)
صدام : يلللا يا با سو لنا احلى طبخة
اوتكون : تفضلو شالاشاسكا بالانتظار
صدام : يلللا يا اهل العز يا حمير شالاشاسكا تعالو لا اكسر حياتكم
(واحد اسمه كوفي عنان)
كوفي : اش بلاك تسب لا لا منظمة حقوق الانسان تعارض هالشي
صدام : بعدك ما شفت حاجة اتكلم جدام شالاشاسكا وقول جذي بتروح ملح
كوفي : بس عااد اقول له تيس يقول حلبه
صدام : انا عندي خبرة اعرف اشغل ميتل جير وادوسك ابها
كوفي : متقدرش
صدام : نشوف
( سنيك يجي ليهم )
اوتكون : هاه عرفت المكان
سنيك : اكييد مطرش خبير
اوتكون : ما ادري انتاوش عاجبنك في في روحك شعرك لا هو حليو....
سنيك : هاه بدينا نغلط يالياباني
صدام : اسكتو لا اعلم عليكم
رايدن : خبلان لا تاخذ عليهم شوية مشموخين
صدام : يللللا مشينا رايحين
سنيك : اتبعوني
رايدن : عدال عااد شوي شوي لا نحفظ الطريق
اوتكون : تقول حمار ما ينسى المكان ال راح ليه
( تمشو وراحو لشالاشاسكا)

مع تحيات البيتريوتس ولا تنسوا تشربوا عصيرنا

[toti_10]

مشكور اخوي على هذي الحلقة .
ملاحظة :العصير عجبني و انصح الكل ان يشتريه .

toti_10

[بوعبدالرحمن]

ههههههه

ترر ررن تتن تن تناااا فاصل اعلاني
عصير البيتريوتس جديد شركة ميتل جير الان في الاسواق ب100فلس
فقط
يما يما ابي هاذا العصير ،، هلاا يما خالد اشرب بيتريوتس واضرب الدنيا
جوتي
احذروا التقليد ""شهادة الجودة""
برر ررم بما بر بمبا خششششششششش وززز
عودة الى المثلثل

الله يقطع إبليثك

[Thundark]

هههههههههههههه والله حلوة منك

[Kingdom Hearts]

ههههههههههههههههههههههه ابداع ياخذ بليسك من وين انت قاعد تطلع مثل هالافكار موتنا ضحك لكن ما عليك انت كمل و ما عليك من اللي راح يصيرلنا ( قناة الجزيره هههههههههههههههههه)

[KLD]

مشكورين يالباتريوتس عجبني المسلسل بس الحلقة العاشرة خايسة ما فهمت منها شي واحل شي فيه لما يفتح باب السجن ويهجمون عليه وياخون البطيخة انا اهني انفجرت من الضحك

[شالاشاسكا]

toti_10
في بجميع النكهات

بوعبدالرحمن
البيتريوتث عندهم منتجات اكثر من هذي

بدر
الله يخليك

Kingdom hearts
:# الله ياخذ ابليس من الدنيا

xbs
شرف كبير لنا انك تتابع المثلثل

وشكرا لكم على المرور والاطراء

[شالاشاسكا]

السلام عليكم
عصير البيتريوتس تتمنى لكم وقتا ممتعا مع يوميات سنيك
تلللا ترت تتا خرررررررررم

شالاشاسكا : اهللا حياكم هلا صدام كيفك
صدام : بخير
شالاشاسكا : وش تشربون شباب شاي قهوة فيمتو اي شي
كوفي : قهوة لو سمحت
صدام : على اسمك هههه جيب لنا فيمتو
شالاشاسكا : ماسمعت عمامك شو يبون روح بسرعة
رايدن : حاضر
(رايدن راح ورجع)
رايدن : سيدي مالقيت موزة تباني اجيب فيمتو
(اوتكون مبتسم)
شالاشاسكا : روح دببر من اي مكان يللا
رايدن : تحلم انتا مافي اللا هالمطبخ
شالاشاسكا : مايهم عادي عساهم مايشربون حاجة
صدام : لا لا لازم اشرب فيمتو
شالاشاسكا : بعدين في الطريق اذا رجعتون بياخذون ليكم عشا ويلللا لا تراددني يا حمار زمانك
صدام : هاه هاه بدينا نغلط
شالاشاسكا : الظاهر انت ما تتأدب يبي ليك تأديب يا حمار بن جحش
صدام : هااااااااااااااااااااااه
شالاشاسكا : يعني صاحبكم حمار شوفوه الحين بيندم
صدام : ليش اندم وعلى ويش اندم ، انتون اصلا اوادم ضعوف ما منكم فايدة
شالاشاسكا : انتا عارف من تكلم

________
بشم طرخ طاخ وززز كررررررررررررررررررررر -فاصل اعلاني
الان جديد شركة ميتل جير شامبو طركش فرفش عفس لاتتسبح

يا وخيتي هاذا خوش شامبو تدرين اسبوعين بس تستخدمينه يصير
شعرج حرير حرير يقولون مصنوع من خلاصة قشور البرتقال لكن اذا صاد
عيونج حبيتي يعميها ههههههه ،،
ضمان شعركي يا سيدتي لسنة كاملة ولا قشرة راح تقعد في شعرج
ينصح فيه اطباء العيون<<<< وش دخل العيون في السالفة
وختم الجودة والتميز من مركز ابحاث هامبرجر بمدينة نواكشوط
الاسكتلندية
تش تش برررراخس طييييييييييييح
عودة للحلقة
______________________________
صدام : انتون الكلام وياكم ضايع لانكم ناس ماتصلون ولا تعرفون ربكم يلللا شباب مشينا
شالاشاسكا : بهالسرعة لا عندنا شوية شغل نبي نخلصه
صدام : لا مافي شغل عبالي بنشرب فيمتو ونمشي
شالاشاسكا : ههههه لسا في اشياء واجد وبما انك حمار وتتطاوول عليي خذ هذي (ماشافو اللا شالاشاسكا مطلع مسدسه ويقول): هاذا جزاك ياصداموه(طخه وراح ملح) واللا يتفلسف بيصير عاشيي الليلة ، اسمعو كلامي عدل ولا احد يقول لي لا ،، انتو تعرفون ان ميتل جير الة مفيدة في الوقت الحالي
كوفي : والمطلوب
شالاشاسكا : الحين تشوفون مواصفات هاذا النوع وتسوون لي احسن منه
(يشيل سنيك قناعه)
رايدن : انتا غبي وش قاع تسوي
سنيك : انت كم مرة قلت ليك لا تتدخل في امور الكبار
شالاشاسكا : هاه انت شو طلعك من السجن ،،مايهم انت ماتشكل لي خطورة على ايه حال
رايدن : ويييييييي فشلوه وييييي صار كارتون وييييييي
سنيك : يالحمارلا تسوي جذي بطيت جبدي
شالاشاسكا (يستهزئ): حركات صبيانية ماتودي ولا تجيب

سنيك : يعرف يطنز بعد ويا هالشكل شوارب طول رجوله ويفكر شعره حرير
روح العب
شالاشاسكا : ويا هالوجه تقول فار ميت لا وشايل الشوارب بعد لاويش هالحمورية
سنيك : قول لروحك ويا هالثياب كأنك قطو ضايع
شالاشاسكا : مشكل الحين شايف روحك على ويش ويا هالربطة ال على راسك احنا مو قاعدين في عزاء يللا روح شيلها
سنيك : مشكل عااد بشوف ايدك اليمين فيها لزقة تقول شاريها من رامز
شالاشاسكا : احسن منك ويا هالاذاين كأنك حمار
سنيك : يللا خذ اخر زمن قطاوة يتفلسفون علينا عجايب هالادوام طالع خشمك تقول واجهة سيارة
شالاشاسكا : انتا شوف روحك في المنظرة وطالع كتاب الانجليزي مال رابع ابتدائي بتشوف شبه كبير بينك وبي هذاك ال في الصفحة العاشرة
سنيك : اسكت عااد لا اسويك ريدي مكس
شالاشاسكا : لو سمحت كثر الطحينة
سنيك : تبي فلفل بعد ارباب
شالاشاسكا : جان عندك سم حطه
رايدن : خخخخ هههههه ووووووي بموت عليكم يا سلام حلو
شالاشاسكا : اسكت انت ويا هالثياب احد يجي بصروال وفانيلة في مهمة
واللا هاذا صاحبك نظارة بعد يفكر روحه عبقري
رايدن : مشكل مشكل من حلاوة ثيابك لحين عباله لابس بشت كلها قطعتين من المقاصيص وركبتهم
اوتكون : تنطنز على نظارتي بعد الحين ببط عويناتك اهني ،،هيس اربد
شالاشاسكا : يا ويلي خفت الحين عااد يلا كب لا عجنتك
اوتكون : تعجنني اوكي رايدن انتا الخباز
سنيك : قهرتوني بطيتو جبدي خلاص كفاية ما شبعتو
شالاشاسكا : انتا عااد الا فريت مخي (شالاشاسكا يمسك ايده وتحول للكود)
سنيك : اكييد هالحمار بيغربلنا الحين
لكود : هلا خوك من زمان ماشفناك شعلومك

مع تحيات البيتريوتس
وعصيرهم المحدودة

[بوعبدالرحمن]

الله يقطع إبليثك ياثالاثاثكا

ثنو هل الأثير الهلوه

مشكوووووووووور خيو على الحلقة الحلوه

[KLD]

ينفع تصير كاتب

اخيرا دش لكويد عاد كنت ابي اقولك تحطه

[WiNdOwS_cRaZy]

مشكور اخوي شالاشاسكا على الحلقات الحاديه عشر