فيروس جديد يسوي قلق اصابني شخصانياً يمكن انه عندك وانت ما تدري --ادخل للتفاصيل--

[Auron]

السلام عليكم

الفيروس هذا على شكل دودة وبدا عندي امس كل ما اشغل النت يقعد شوي ويطفي الجهاز


المهم هذا المقال ناقله من اقلاع

-------------------------------------------------------------------------------
حرباز كتب


انتشر من امس تالي الليل فايروس خطير ويصيب الاجهزه ويخليها تطفي بعد كم 40 ثانيه اسمه W32.Blaster.warm وهالفايروس على شكل دودة ينتشر في اجهزة الناس ومهنا جهازن الا ويدخله لاويحوس عليه ويطلع له رسالة مفادها



يقول ضف قشك وترا جهازك بيطفي يالغالي


ولمزيد من التفاصيل قابلنا المسؤول التقني Code_G وسألناه عن هالفايروس ووش سالفته .. فقال لنا .. تذكرون يوم اقول لكم عنه وانه ثغره قويه وانتبهوا ؟؟ قلت ايه!!! قال ورحوا يالمنيب قايل وركبو الباتش من ورا خشومكم يومي جايكم بالطيب وانتم معيين
هالحين طلع له فايروس وصار ينتشر كالنار في الهشيم ولزومن عليكم انكم تحملون الترقيه حقته وتنتبهون لأعماركم من الحتسي اللي باقوله لكم .. اول ماهنا حمل الاداة اللي تشيل الفايروس من جهازك FixBlast.exe اضغط هنا

ثم انت وش وندوزك ؟ ان كانه XP اضغط هنا لمستخدمي وندوز XP تبي تلقى على اليمين مكتوب Download اضغط عليها وحمل الرقعه وشغلها


وان كان وندوزك 2000 اضغط هنا ونفس الشي على اليمين مكتوب Download

ايييه هالحين نبي نقول لكم ان الفايروس هذا مايجي اللي عندهم وندوز 98 او وندوز ME يعني ان شاء الله ماعليكم خوف وتقبلوا تحيات

--------------------------------------------------------------------------------

((منقول))


هذي وصلة مباشرة لموضوع مفيد عنه لازم تدخلونها بالذات الي اصابهم الفايروس




الله يعين لازم احدث النورتن عشان اشيله


سلام

[MoaeD]

مشكوووور والله هذا غثني بأربع اجهزه وامس مع اخوياي نفس المشكله




وولد عمتي مسكين كل شوي مطفي جهازه اما انا بس مسكات :6



وتم تثبيت الموضوع لأهميته

[Jecht]

سبحان الله

امس كنت ناوي ادخل بس تهاوشت مع اخوي اللي عنده نوتبوك وقعد
والحين الفيروس في جهازه <======اللهم لاشماتة

[I`m HeRe]

الله يخسهم أنا نفس الشي جاني هالفيروس?:

يقطع أبو القلق ما يمديك تدخل النت ألا ويقولك ترا بيطفا الجهاز :غضب:

ومشكوووووور

والله يعينا:":

[Jecht]

ايييه هالحين نبي نقول لكم ان الفايروس هذا مايجي اللي عندهم وندوز 98 او وندوز ME يعني ان شاء الله ماعليكم خوف وتقبلوا تحيات

فليحيا 98

[Auron]

MoaeD:انا امس اقلقني كل ما ادخل يطفي وحتى ابوي الصبح نفس الشي:6
ثاني موضوع يتثبت لي في المنتدى العام هييييييييييه <<<<<انواع البزران:6



جيكت:الفايروس ذا ما يجي للاجهزة القديمة والمقربعة من حسن حظك:6




Iam here: قلق والله:6
العفو



ياشباب الي اصابهم الفيروس لازم يدخلون وصلة الموضوع الي حطيتها لكم لان كاتب الموضوع جزاه الله خير موضح كل شي اول شي توقف عمل الفايروس بعدين تحدث النورتن بعدين تنزل التحديث من الوصلة وكل هذا موضح بالوصلة ذي يعني مهم شديد انكم تدخلون الوصلة

[Jecht]

بس الفيروس مو خطير وسهل علاجه لانه بيظهر على شكل برنامج حسب الموقع

انا جاني اردى منه خرب كل البرامج:"
بس طبعا مع الخبرة قدرت اصلحه

وبعدين لاتغلط على جهازي على الاقل متحمل كل المشاكل

[Kubaj]

نفس المشكلة اللي يقوللي افلاطون عنها -__-

[Lucky guy]

والله أني قايلها أن ويندوز 98 عز ويعيش معك

[msm]

قديمك نديمك (win98se) ":" ..

ومشكور على التحذير ..

[MoaeD]

الرسالة الأصلية كتبت بواسطة THE LUCKY GUY
والله أني قايلها أن ويندوز 98 عز ويعيش معك

قام هذا البرنامج بأداء عمليه غير شرعيه وسيتم ايقاف تشغيله الان


هذي اللي خلتني اقول Windows XP is the Best (وال2000 اخوه يعني زيه بالضبط)


يكفي انه ما يسوي فريز ولا قام هذا البرنامج وكل شي يتعدل فيه زي هذا !!


موب دلاخة الوندوز 98 اذا خرب فورمات سيدا ما فيه تفاهم


وانا ما بغيت اقلب الموضوع نقاش عن وندوز لكن حبيت اوضح هالنقاط :6

[Lucky guy]

الرسالة الأصلية كتبت بواسطة MoaeD



قام هذا البرنامج بأداء عمليه غير شرعيه وسيتم ايقاف تشغيله الان


هذي اللي خلتني اقول Windows XP is the Best (وال2000 اخوه يعني زيه بالضبط)


يكفي انه ما يسوي فريز ولا قام هذا البرنامج وكل شي يتعدل فيه زي هذا !!


موب دلاخة الوندوز 98 اذا خرب فورمات سيدا ما فيه تفاهم


وانا ما بغيت اقلب الموضوع نقاش عن وندوز لكن حبيت اوضح هالنقاط :6

صحيح أن يخترق بس بصعوبة يا مؤيد ... ومحد مهتم فيه اصلاً

والحين الناس ما عندهم غير الجديد .. وتقدر تقول سهل الاختراق ..

[MoaeD]

الرسالة الأصلية كتبت بواسطة Auron



ياشباب الي اصابهم الفيروس لازم يدخلون وصلة الموضوع الي حطيتها لكم لان كاتب الموضوع جزاه الله خير موضح كل شي اول شي توقف عمل الفايروس بعدين تحدث النورتن بعدين تنزل التحديث من الوصلة وكل هذا موضح بالوصلة ذي يعني مهم شديد انكم تدخلون الوصلة

الكلام ذاك كله ما يفيد لأنك حاط البرنامج اللي يشيله !!



اول شي تحملون البرنامج الأول Fix Blast


عشان يشيل الدوده وملحقاتها


ثمن تركبون التحديث اللي من ماكروسوفت اللي يسد الثغره اما لل2000 او للXP


واللي حاطها اخوي اورون


الطريقه سهله وذاك الموضوع يمكن قبل ما يطلعون سايمانتك التصليح !!

[الاشعاع]

http://www.montada.com/montada/showt...hreadid=227549


أنا سويت موضوع في الترفيهي

[Kubaj]

ماعندي لا دودة ولا بطة ..يعيش الXP يعيش