العاب الار بي جي المفضلة لديكم هل تشترونها اصلية وهل تلعبونها انجليزية او يابانية

[ashley.riot]

بسم الله ..... ((الموضوع مش نقاش حاد ))

في شيء يحيرني دائما وهو ان فيه ناس كثير يلعبون العاب الار بي جي المفضلة لديهم يابانية كيف يقدورن يلعبونها يابانية هل راح يفهمون شيء من لعبها ?: ؟
.................................................................................................... .................................................................................................... ...................
بالنسبة لالعابكم المفضله هل تشترونها اصلية ام منسوخة ؟
بالنسبة لي اشتريها اصلية 250 ريال عدا ونقدا ....رغم ان المنسوخ موجود ....
ان كان هناك من يشتريها اصلية.......
ما السبب في شرائك لها اصلية ؟
بنظري انها تستحق هذا المبلغ وبرضه ضمان فهم القصة لاني سمعت ان المنسوخ يكون فيه عروض مقطعة ....وانا شفت هذا الشيء بعيني ......
............................
ذاتس ال .....نبي ارائكم ..

[SanjiyaN]

من ناحيتي شريت فاينل فانتسي 10 اصلية لان النسخة قالوا عنها تقطع

اما اذا يابانية او انجليزية فانا اخذ الانجليزية....لاني احس اني افقد متعة اللعبة اذا لعبتها يابانية و بعدين انجليزية

[Yamato]

انا والله بودي اشتريها اصلية

اشتريت فف10 اصلية مع ميتل غير في نفس الوقت بس عندي العاب ار بي جي ثانية كلها كوبي ما في غير دارك كلاود الجزء الاول اصلي عندي وفف تاكتيكس اصلي بعد

انا لو كنت اقدر من زمان شان اشتريت كل اجزاء فف اصلية

بس ما عليه في المستقبل اي جزء لفف راح تكون اصلية

وبالطبع انجليزية مب فايق اشتريها ياباني

برايي انه اللي يشتري الالعاب النسخة اليابانية وهو يعرف انه بينزل لها نسخة انجليزية هذا واحد بس يريد يسبق الاخرين ويقول انا لعبتها وهو ما فاهم شي في اللعبة...

وطانكس.. ":"

[auronxxx]

مشكور على الموضوع يا اشلي
بالنسبة لي انا كل الالعاب اللي شريتها كوبي إلا فف10 شريته اصلي(متحسف قد شعر راسي اني ما شريت اجزاء فف الباقية اصلية)
وتوني افكر في هذا الكلام(كل الالعاب ما تستاهل تشتريها اصلية إلا الاربيجي(وخاصة فاينل فانتسي))
فلازم تشتريه اصلي وهذا لعدة اسباب واهمها ان الاربيجي يستاهل لانه ياخذ وقتك اكثر من اي نوع اخر ولان دسك الاربيجي الكوبي لازم يخترب في يوم من الايام(ركزوا في هذي المشكلة العويصة) وفي هذه الحالة بتضطر تشتري اللعبة مرة ومرتين وثلاث لين على الاقل تخلصها مرة واحدة والعروض في الالعاب الكوبي في اغلب الاحيان تقطع( بصراحة قلبي يوقف إذا وقف العرض وما يمشي إلا إذا مشى)
واما شراء الاربيجي ياباني فانا ضد الفكرة(لان اللعبة بتروح عليك كلها ولا بتستمتع ابدا في القصة)وانا ما اشتري اي لعبة إلا إذا كانت انجليزية(فما بالك بالاربيجي)
وانا ما اصدق ان في احد يشتريها يابانية واصلية(والله لو اليابانية كوبي مب شاريها)

[flarestar]

بس فاينل 10 و قرانديا2 و شادو هارتس (مع اني متندمه على الاخيرة) هم اللي شريتهم اصلي...


و الباقي كوبي لانها لعبه مصيرها بتخلص:6

[QataR NighTMarE]

اذا ماحصلت كوبي اخذ اصلي

ولازم انجليزي بالذات فاينل فانتاسي انجليزي
ياباني مالعبها
لأن اهم شئ عندي بالأر بي جي القصه والياباني مافي امل افهم شئ

مشكور على الموضوع

[QaHir]

اذا ماحصلتها كوبي اخذها اصلية ..

اما من ناحية الياباني لإانا اولا اخذ الياباني لأصداره قبل الانجليزي بفترة زمنية كبيرة وبعدها اخذ الانجليزي لفهم القصة بصورة اوضح ^^

وشكرا على الموضوع ^^

[Guilty Gear X]

العاب قوية مثل فينال فنتاسي ستار اوشين جلتي جير غرانديا ليجايا ميتل غير وما شابة اصلية يابانية.

اللعاب غير معروفة مثل فينوس اند بريفز و جينيريشن اوف كايوس و اس ان كي فيرسيس كابكوم ةما شابة كوبي .

[Soul Calibur2]

ألعاب الأربيجي أشتريها أصلية إذا كانت للكومبيوتر الشخصي

والباقي كله كوبي


وبالنسبة لإستفسارك ليش بعض الناس يلعبون الياباني ومب فاهمين أي شيء


فأنا أعتقد أنهم يلعبونها لشيئين العروض السينمائية والموسيقى

من تجربتي الشخصية لعبت باراسايت ايف بالياباني علشان بس الموسيقى والعروض الحلوة

[Final Fantasy 7]

مرحبااااااا ..



بالنسبة لي ..


أنا في حياتي كلها اشتريت فقط لعبتين أصليتين .. لأن وقتها كان مافي قطعه على جهازي البلاي ستيشن 2 تركب ألعاب الدي في دي كوبي .



فاشتريت فف10 و كانت أول لعبة اصلية اشتريها ..


و بعدين اشتريت ميتل جير سوليد 2 سونز أوف ليبرتي ..




و لكن لما ركبت على جهازي القطعه قاطعت الألعاب الاصلية و بس صرت اشتري الدي في دي كوبي ":"




و لكني الحين راح أشتري لعبة فف7 اصلي رغم أني أنهيتها 11 مرة .. لأني أعشق هاللعبة بجنون و ما أمل منها أبدا




و شكرا أشلي على الموضوع

[Flanteus]

أصلي وبس ...... طبعا

وأنا ما أشتري الألعاب الضعيفة بتاتا .....

وكلها قوية ........

أما سالفة الألعاب اليابانية ........ تعتبر أمر جانبي لا أهتم به كثيرا ....

وعادي عندي شريتها يابانية أو أمريكية .... ألعبها ونا مستريح

بس ما أجرؤ ... اني أشتري ياباني أصلي ...... الا نادرا جدا


وشكرا ريوت على الموضوع ":"

سلام

[shivana31]

انا ما شريت أي جزء أصلي و لا راح أشتري ما دام تنزل كوبي فلوسي مو وايد علشان أبعرها على ألعاب أصلية

و أفضل العب اللعبة أنجليزية و لا شحقا ألعب و أنا ما أفهم شيء خصوصا ألعاب ال RPG لازم تنلعب بلغة تعرفها

[Kingdom Hearts]

انا شريت فاينل فانتازي 7 8 9 10 كرونو كروس ميتل غير 1 2 صح ان ماله دخل هنا بس مشي الحال ديفل ماي كراي 1 2 .....

بمعنا ً آخر اي لعبه عظيم راح تكون عندي اصلي ان شاء الله

[roana]

ثانكس على الموضوع...
برأي الي يشتري يابانيه يعاني من مرض (قلة الصبر)
الإنسان لازم يكون صبور .. أو السبب الثاني ما يعرف إنجليزي وما تفرق
عنده...
وبالنسبه للشغله الثانيه انا دايما اشتري اصلي (إلا في بعض الأحيان)
أكون مضطره اشتري copy بسبب عدم توافر اللعبه أصليه..

انا بقول شغله .. يمكن تاخذ انحراف ثاني للموضوع بس هذا اعتقادي..
الرسول صلى الله عليه وسلم يقول: أعطوا الأجير أجره قبل أن يجف عرقه.

والشركات هاذي تتعب علشان تسوي اللعبه وتصرف الملاين واحنا
بكل بروود نرووح نشتريها كوبي , يعني حرام الشركه تتعب واحنا نشتري كوبي ,
صج ان الشركه ما راح تخسر اذا اشترينا احنا (الشرق الأوسط)
كلنا سيديات كوبي ...
بس هي مسألة ضمير .. وصج هم مو مسلمين بس مهما كان لازم نعطيه
أجره بالشغله إلي هو أشتغل عليها .. واذا انت اشتريت copy ما راح
يوصله شي من أجره...

الفكره وصلت

ثانكس

[Final Fantasy 7]

ثانكس على الموضوع...
برأي الي يشتري يابانيه يعاني من مرض (قلة الصبر)
الإنسان لازم يكون صبور .. أو السبب الثاني ما يعرف إنجليزي وما تفرق
عنده...
وبالنسبه للشغله الثانيه انا دايما اشتري اصلي (إلا في بعض الأحيان)
أكون مضطره اشتري copy بسبب عدم توافر اللعبه أصليه..

انا بقول شغله .. يمكن تاخذ انحراف ثاني للموضوع بس هذا اعتقادي..
الرسول صلى الله عليه وسلم يقول: أعطوا الأجير أجره قبل أن يجف عرقه.

والشركات هاذي تتعب علشان تسوي اللعبه وتصرف الملاين واحنا
بكل بروود نرووح نشتريها كوبي , يعني حرام الشركه تتعب واحنا نشتري كوبي ,
صج ان الشركه ما راح تخسر اذا اشترينا احنا (الشرق الأوسط)
كلنا سيديات كوبي ...
بس هي مسألة ضمير .. وصج هم مو مسلمين بس مهما كان لازم نعطيه
أجره بالشغله إلي هو أشتغل عليها .. واذا انت اشتريت copy ما راح
يوصله شي من أجره...

الفكره وصلت

ثانكس

هو صحيح كلامك .. و لكن احنا عندنا استغلال في بيع الأشرطة الأصلية .. لأنها تباع أكثر بكثير من سعرها الأصلي .. و السبب هو أن مافي أفرع لهذه الشركات عندنا بدولنا العربية و بالتالي ماراح يكون فيه رقابة و يوصلنا هذا الى الطمع و الجشع عند أصحاب المحلات و استغلال جيوب اللاعبين .