Me .. Myself .. and Essa !!

[Angel whisper]

هلاو .. كيف الحال ..

اللاب توب خربان .. فيه الف عله وعله ..

يعني حالتي مستعصيه جدن .. جدن ..

عمومن .. من فتره ..وعدت عيسى اخوي .. بانه ان وصلي شخصيات ليجيند اوف دراقون للفل 80 وفوق .. بكتب موضوع عنه ..

وللافس وصلهم .. -_- وخلاني اختم اللعبه :6

تيب لنبدأ الحديث عن السيد عيسى ..

ولد السيد عيسى في 17 - مارس - 1993 ..

اسود الشعر .. قصير القامه .. اسود العينين .. حنطاوي البشره .. وأشعر الجسد

يقبل بان يوصل شخصيات الار بي جي للفلات عاليه جدن مقابل شوية ايس كريم وكاكاو (y) خاصة في الالعاب اللي ترفع الضغط ..

ولي مغامرات كثيره جدن ويا هالاخ ..

في قصتين اظن كتبت عنهم قبل .. والباقي نيو .. بس هي قديمه كلها .. لان الاخ كبر وكبر راسه علي

1- من سنة او سنتين ... سرنا حديقة الممزر في دبي .. ايام المهرجان .. على اساس نشوف عرض بوكيمون .. وصلنا الحديقه من مبكر .. فقمنا انا وهو نتمشى ..
وكانو يايبين احصنه وخرابيط .. واحنا نتمشى ونسولف .. مادري ليش قلبي قالي ان لازم القي نظره عالارض ..
وما اشوفلكم جدام اخوي ... الا كومه من ** الحصان :6
عاد انا ما كذبت خبر .. وازعق جدام العالم ..
لااااااااااااااااع عيسى اوقف ولا بتدوس ** الحصاااااااااااااااان :!
وكل العالم سكتو .. وقامو يطالعونا انا واخوي ..
ومرت بضع ثواني ... 1 .. 2 .. 3 .. وانفجرو العالم علينا بانواع متعدده من الضحك .. كاعكاعكاعكاعكااااااااااااااااااع ههعهعهعهعهعهعهااااااااااااااااع ههههههههههههههههههههههههههههههههاااي ..

وانا سحبت اخوي ويلسنا في الظلام الين ما بدا العرض -_- ..

------------------

2- مره كنت مريضه .. وهو مصر الا اوديه الالعاب .. وانا ما فيني حيل انقلب عالسرير حتى .. المهم .. قام يترجاني وحشرني .. آخر شي يوم يأس .. قالي اكرهج !!
رديت عليه وقلتله .. يعني انا اللي ميته فيك ؟؟
ومادري منو وداه بعدين ونسيت انا الموضوع ..
ويوم رجع .. قالي انا آسف لاني قلت اني اكرهج .. وعطاني هديه دبدوب على شكل دوده .. مكتوب عليها .. I love you ..
والله وطلع اخوي يحبني :":

------------------

3- السنه اللي طافت .. ايام عيد الفطر .. كنت العب وايلد ارمز 3 في الصاله .. وكانو هو وحمود .. يتصارعون -_- .. فطردتهم عقب ما سببولي قلق اعظم من اللي في اللعبه ..
فسارو غرفه ثانيه عشان يتصارعون فيها ..
وانا العب سمعت صوت قوي ..
دبووووووووووووووم
فطنشت ..
وعقب ما اسمع الا .. واااااااااااااااااااااااااااااااااااااااااااااااااااااااااااااااااااااع
عاد هني انا تروعت .. وركضت الحجره ..
واشوفه طايح يصيح.. وفي راسه ورمه قد البيضه
ومادري من وين يتني القوه ..وشليته ووديته المطبخ :6 وحطيتله ثلج على راسه ..
وعاد انا حاضنتنه وحاطتله الثلج .. وهو يصيح .. وانا اصيح وياه
شفتو كيف الاخوه ":" ..

------------------

4- الصيف اللي طاف .. كنا انا وهو نتمشى في مركز في الشارجه ..
ومرت حذالنا بنت .. اماراتيه .. لابسه ميني سكيرت .. -_-
انا من الصدمه ما قدرت اتكلم ..
وعيسى صرخ عشان تسمعه ..
لو كنت انا اخوها .. كنت ذبحتها .. !!!
وهي طالعتنا بطرف عينها ومشت عاااادي .. ولا كأنه شي حصل ..

-------------------

5- خلال زياراتي المتكرره لمحلات الالعاب .. نادر ما القى حد يسويلي خصم..
بس يوم عيسى يسير وياي ..
عااااااااادي لو يعطوني اللعبه بنص سعرها ..
او حتى يعطوني لعبه زياده مجانا :6

--------------------

6- مره في الالعاب في صحارى .. لقيت لعبه .. action figure لحبيب قلبي اراجورن .. وعاد انا واقعه في غرامه من زماااان :":
وعاد ما اقدر آخذه الا اذا جمعت 100 نقطه في الالعاب ..
فقام المسكين عيسى ولعب بفلوسه الين ما جمع 100 نقطه وعطاني اياه ..

مب رهيب اخوي :": ؟؟

حد عنده صغيرون يسوي وياه سوالف مشابهه ؟
اللي عنده يقول بعد ..

سلام ^^

[flarestar]

الرسالة الأصلية كتبت بواسطة Angel whisper


2- مره كنت مريضه .. وهو مصر الا اوديه الالعاب .. وانا ما فيني حيل انقلب عالسرير حتى .. المهم .. قام يترجاني وحشرني .. آخر شي يوم يأس .. قالي اكرهج !!
رديت عليه وقلتله .. يعني انا اللي ميته فيك ؟؟
ومادري منو وداه بعدين ونسيت انا الموضوع ..
ويوم رجع .. قالي انا آسف لاني قلت اني اكرهج .. وعطاني هديه دبدوب على شكل دوده .. مكتوب عليها .. I love you ..
والله وطلع اخوي يحبني :":

يا حليلوه:0)

يدنن ماشاء الله:#


انا اخوي يخليني اقوي له الشخصيات لما ليفلات عاليه:6 لاني احب التقويه:":


بس الحين طقوني عين صرت ما احوبها و مالي خلق:6



مشكوره انجل على الموضوع المسلي


والله يحفظ اخوك

[MoaeD]

ما شاء الله عليكم علاقتكم قويه بعكس اكثر الناس :-)


الله يخليه لك ويخليك له ويحفظكم لبعض ويدوم المحبه

[The Noble]

ويوم رجع .. قالي انا آسف لاني قلت اني اكرهج .. وعطاني هديه دبدوب على شكل دوده .. مكتوب عليها .. I love you ..
والله وطلع اخوي يحبني

الله يخليكم لبعض ^^

ومادري من وين يتني القوه ..وشليته ووديته المطبخ وحطيتله ثلج على راسه ..
وعاد انا حاضنتنه وحاطتله الثلج .. وهو يصيح .. وانا اصيح وياه
شفتو كيف الاخوه ..

موقف مؤثر:" ارجع ,اقول الله يخليكم لبعض ويحفظكم لأهاليكم..

حد عنده صغيرون يسوي وياه سوالف مشابهه ؟

نو >< أنا الأوسط بين أخواني الإثنين

[الكونت دراكولا]

أخيرا لقيت أحد يلعب ليجيند أوف دراجون .. الله ذكريات .. دارت وميل فارما .. ودايفان دراجون .. ولويد .. اوووه

وما شاء الله اخوكي عجبني .. ماهو زي اخواني .. دارك شارك ولايت شارك .. مافي الا طاخ و طيخ .. احيانا ان كان الوضع حنون صار فيه كابووم :6

ما شاء الله الله يحفظه لكي ولا يغيره عليكي .. كذا الاخوان ولا بلاش ما شاء الله ..

[cubelover]

3- السنه اللي طافت .. ايام عيد الفطر .. كنت العب وايلد ارمز 3 في الصاله .. وكانو هو وحمود .. يتصارعون -_- .. فطردتهم عقب ما سببولي قلق اعظم من اللي في اللعبه ..
فسارو غرفه ثانيه عشان يتصارعون فيها ..
وانا العب سمعت صوت قوي ..
دبووووووووووووووم
فطنشت ..
وعقب ما اسمع الا .. واااااااااااااااااااااااااااااااااااااااااااااااااااااااااااااااااااااع
عاد هني انا تروعت .. وركضت الحجره ..
واشوفه طايح يصيح.. وفي راسه ورمه قد البيضه
ومادري من وين يتني القوه ..وشليته ووديته المطبخ وحطيتله ثلج على راسه ..
وعاد انا حاضنتنه وحاطتله الثلج .. وهو يصيح .. وانا اصيح وياه
شفتو كيف الاخوه ..
م

هاذا مت من الضحك خاصه المقطع الأخير:6

خلال زياراتي المتكرره لمحلات الالعاب .. نادر ما القى حد يسويلي خصم

أجل ذا عينه قويه


الله يخليه لكم

[Lucky guy]

أخواني متوحشين كلهم ..

بس الله يخليك أخوك لك و لاهلك أن شاء الله

[الاشعاع]

ويوم رجع .. قالي انا آسف لاني قلت اني اكرهج .. وعطاني هديه دبدوب على شكل دوده .. مكتوب عليها .. I love you ..

الله يحفظلك أخوك وتعيشوا انت وياه على خير

والله حركة تجنن

بس لو يتعلم أخوي:"

مجنني

يبي يعرس >>>>عمره 5 سنوات

ويخطط لبعيد

حاب واحده

وكل يوم يقطف ورده علشانها و مشتري دب وش كبره

الله يعيني عليه

هذا يكبر وش يسوي

[RPG_master]

اناكريم:6

ماشاءالله عليه صراحه طيب..

الله يخليه لأهله

[CARLA]

طيب انا الصغيره

مو ممكن احكي عن مواقفي المشرفه مع اخواتي":" :6

[Undine]

ويوم رجع .. قالي انا آسف لاني قلت اني اكرهج .. وعطاني هديه دبدوب على شكل دوده .. مكتوب عليها .. I love you ..

الله يخلف علينا بس :6 ههههههههه اخواني لو بهالموقف كان يعطوني بوكس على شكل يد -____-

مفاغيص واحد بثاني متوسط والثاني بخامس

بس عندي اخو صغير بيصير ثلاث سنين توه أليف لانه ما كبر :6



يحليله اخوك طبيعي @__@

[Yamato]

وعطاني هديه دبدوب على شكل دوده

[Dr.Lucifer]

الله يحفظه لكم
و مواقف مشرفة صراحة ..
خصوصا حقت الحصان
و أنا ما عندي مواقف ..
أخوي الصغير سبحان الله يخاف مني .. أبد تقولون الموت قدامه
بس رهيب .. أعطيه نظرة لا سوا صجة .. يجلس عاااااقل بعدها":"

[Justine]

How cute^____________________^

نايس أخو سيس ^_________________^

أنا عندي اتنين منه مو واحد الله يحفظ لي اياهم ^^

يقبل بان يوصل شخصيات الار بي جي للفلات عاليه جدن مقابل شوية ايس كريم وكاكاو (y) خاصة في الالعاب اللي ترفع الضغط ..

زي واحد أعرفه مقابل ريالين مستعد يجيب لك قبر اوزوريس نفسه :6

وعاد انا حاضنتنه وحاطتله الثلج .. وهو يصيح .. وانا اصيح وياه

فيه اسم علمي لهذا التصرف مو حاضرني حاليا


في بالي كثير مواقف زي كذا .... لكن البطل فيها ولد خالي مناف المتخصص في استهلاك 75% من مصروفي الشهري :غضب:

والقهر اني أضحك له و اقوله آمر تدلل حبيبي لمن يبي شي


و مشكورة على الموضوع سيس

[DiGit4L]

RPG fan محجرلك يا انجل وسبر

شلون دبدوب على شكل دوده ؟ ?:



عاد انا ماعندي اخوان صغار .. بس ولد خالي
يجي يقولي انت احسن واحد .. عاد استانس انا اقوله ليش
يقول عشانك تلعبن بالثوني :-) ( سوني )

عاد مايدري الا الجوال بجبهته ..

شوي يجيب لي الجوال .. قلت ماشالله مؤدب
مدري الا يقول لي .. ثورني :-) ( صورني )


<--- حركه غير مباشره عشان اعلمكم ان جوالي به كاميرا ;-)


والموضوع جاي كنك بتزوجين اخوك يا انجل :6

الله يحفظه ويهديه

تشاو