شباب بغيت نصيحتكم

[راعي البرادو]

السلام عليكم يا شباب

عساكم انشالله ابخير...

انا باشتري كمبيوتر انشالله جريب.... وابيه يكون قوي من جميع النواحي .... انا عندي الشاشة...

انا افكر في المواصفات التالية:
بنتيوم 4 3,2 جيجا هيرتز .... والبس 800 ميجاهيرتز .
الرام 512 ميغابايت دي دي ار او 1 جيجابايت دي دي ار.
كرت الشاشة ( محتار بين الجي فورس 4 4400 والراديون 9800)
ال جي سي دي رايتر ( احدث وحدة)
ال جي دي في دي
فلوبي
( بالنسبة للمذربورد انا محتار بعد ممكن نصيحتكم)

وهل اشتري كرت صوت ولا اكتفي بكرت الصوت المدمج مع المذربورد؟

ممكن نصايحكم ياشباب
وشكرا

[راعي البرادو]

وينكم ؟ ولا النصيحة هليام صارت بفلوس؟

[الهدجان]

الاسعار : عندنا في الدمام

1300 P4
mother800
260RAM
800AGP
250CDRW
600DVD
FLOPY30
100 CASE

المجموع :
3500 ريال

فقط الغطاء وما يحتوي عليه

---------------------

اذا كنت راح تاخذ اللوحة الام بسرعة نقل 800

فيجب عليك انك تاخذ معالج يطابق هذه السرعة لا تاخذ اقل منها

وفتحات الرام احرص على تعبئتها كلها بالتساوي

في اغطية جديدة باشكال حلوة

وفيه ايضا نوع جديد له يده من فوق




اول شي تهتم فيه هو نوع اللوحة الام

وكل لوحة ام يجيك معها كتيب الاستخدام

من خلاله تستطيع تحديد الاجهزة اللي تتطابق مع اللوحة من ذاكرة ومعالج و بطاقة العرض ...إلخ

[راعي البرادو]

مشكووووور على النصيحة والمعلومات الزينة... الله يوفقك انشالله وسعاك عالقوة دوم....

الصراحة ماني بعارف اشلون اشكرك...

بس حبيت اسألك.. هل المواصفات الي انا ابيها زينة.. ولو انت كنت مكاني شنو بتشتري؟
شنو المواصفات الي بتختارها

[الهدجان]

جزاك الله خير يا راعي البرادو

ولو كنت انا مكانك على حسب سوالك فالمواصفات اللي انت اخترتها

تمام ولكن لازم املي فتحات الذاكرة بسعات متساوية

مثلا عندك اربع فتحات
عب الفتحتا كلها بنفس السعة
256 256 256 256
ولا تستعجل في شراء بطاقات العرض الجديدة فهي غالية
اشتر ما قبل الجديد مثل اللي ذاكرتها 128 ميجا
لانه بإمكانك تغييرها في اي وقت
واحرص على مطابقتها مع اللوحة الام

وافضل الصناعات حاليا في صناعة اللوحة الام وبطاقات العرض

هي الصناعة التايوانية

ركز على التايواني في تقريبا ثلاث شركات منافسة في اللوحة الام التايوانية

وهم في القمة واسعارها تبدأ عندنا من 600 ريال الى 1700 ريال

بسرعة نقل 800

ونصيحتي لك قبل شراء اي شي

مثلا تبي تشتري لوحة ام من النوع كذا
ادخل على موقع كذا وانظر الى المواصفات والخيارات


اللوحات الام الجديدة فيها ميزة النقل السريع للقرص الصلب ATA

اسأل عنها عند شرائك للوحة الام
تتميز بنقل سريع لاقراص صلبة من نوعية جديدة

ونبيك اذا اشتريت الكمبيوتر ان اء الله تعالى ودي انك تصوره لنا وتحط صورته هنا