ممكن أخذ رأيكم ......

[فيلسوفة زمانها]

السلام عليكم ,

أنا الصراحة أبنقطع عن المندى إبتداً من يوم الأحد القادم +8 أيام بعدها و هذا لأني أبسافر للإمارات ((دبي - أبوظبي )) أبي أعرف كم شي

أولاً تيلز أوف سينفونيا نزلت ؟؟ و أف زيرو هل في إحتمال تزل في خلال هذي المدة ؟؟ و هل في ألعاب تستحق الشراء ؟؟؟

ثانياً أبي أماكن تبيع ألعاب كمبيوتر ((أشرطة كيوب و أدفانس طبعاً )) في دبي و أبو ظبي .......

ثالثاً و أخيراً وين تنصحوني أروح ؟؟؟


و شكراً

[SkaveN]

السلام عليكم ,

w 3leekom el salam

أولاً تيلز أوف سينفونيا نزلت ؟؟

i dont know...but hear's a hint...dont take it japaneas

أف زيرو هل في إحتمال تزل في خلال هذي المدة ؟؟

nope..not in there... in usa 26/8


wo tro7een wo terja3een beslamah

[wld_el_3z]

الرسالة الأصلية كتبت بواسطة فيلسوفة زمانها


ثانياً أبي أماكن تبيع ألعاب كمبيوتر ((أشرطة كيوب و أدفانس طبعاً )) في دبي و أبو ظبي .......

ثالثاً و أخيراً وين تنصحوني أروح ؟؟؟

سيتي سنتر
برجمان سنتر
الواحه سنتر
مركاتو سنتر
تاون سنتر
وافي سنتر
مدينة مدهش
الغرير
حًمًر عين
وندر لاند
وايلد وادي
حديقة الخور


بسس تعبت

[L*][*N*K]

أنا الصراحة أبنقطع عن المندى إبتداً من يوم الأحد القادم +8 أيام بعدها و هذا لأني أبسافر للإمارات ((دبي - أبوظبي ))

تروحين وترجعين بالسلامة فيلسوفة ^-^ ..

أولاً تيلز أوف سينفونيا نزلت

لأ ..راح تنزل بتاريخ 29-8-2003

أف زيرو هل في إحتمال تزل في خلال هذي المدة

F-zero GX راح تنزل بتاريخ 26-8-2003

ثانياً أبي أماكن تبيع ألعاب كمبيوتر ((أشرطة كيوب و أدفانس طبعاً )) في دبي و أبو ظبي .......

نصيحة لا تشترين من دبي ..اشتري من أبوظبي ارخص ^-^ ..واذا تبين تعرفين محلات..Ask nino ..

ثالثاً و أخيراً وين تنصحوني أروح ؟؟؟

دبي .. كل مكان حلو ^-^ ..يعني منطقة سياحية مثالية .. بس أبو ظبي .. Ask Nino :6 ..

[فيلسوفة زمانها]

الله يسلمكم بس...ما أحد نده فكرة عن أماكن تبيع ألعاب كمبيوتر ؟؟

ومشكور على الأماكن إلي ذكرتها يا wld_el_3z

و مشكورين على الإنفورميشن ^^

[cubelover]

تروحين وترجعين بالسلامه و أهم شي تستانسين


مثل ما يقيلون أهل مكه أدرى بشعابها


ومثل ما يقول بو نجوم أسئلي نينو

[Golden_Sun]

تروحين وترجعين بالسلامة فيلسوفة 8_8

اما عن الاماكن .. همم بدبي سيتي سنتر اسبوع ياله تخلصينه كله
بس احلى شي برجمان و حمر عين وسيتي سنتر ^^
وابو ظبي .. اذكر في مجمع على البحر .. نسيت اسمه ><

اما عن الألعاب ما اعتقد راح تلحقين عن موعد صدور أف زيرو بالإمارات ><

[كابتن السفينة]

انا بصراحة ما رحت قريب دبي ، بس من زمان رحت برجمان سنتر وطلعت من هناك والمحفظة فاضية ، غاااااااااالي بشكل كبير .

انا دائما اروح العين ( إمارة العين ) واتعامل مع محل للالعاب اسمه ( كابول ) ، تقريبا كل لعبة جديدة تكون هناك اول شي ، واسعاره معقولة.

ترجعين بالسلامة فيلسوفة

[Naif Eissa]

الرسالة الأصلية كتبت بواسطة فيلسوفة زمانها
الله يسلمكم بس...ما أحد نده فكرة عن أماكن تبيع ألعاب كمبيوتر ؟؟

ومشكور على الأماكن إلي ذكرتها يا wld_el_3z

و مشكورين على الإنفورميشن ^^

مثل ما قال كابتن السفينة محل كابول هو افضل محل في الامارات كلها .. يبيع ياباني و امريكي للكيوب باسعار رخيصة واايد يعني ما اعتقد بتحصلين محل ثاني ارخص منه .
و اذا تريدين مكانه بالتفصيل بقولج عليه ..

اما عن المحلات في دبي و ابوظبي ..

فانا على حسب خبرتي في السوق .. اعتقد انه ابوظبي ارخص عن دبي بواايد (( طبعا لان الثانية منطقة سياحية .. يعني لا تتوقعين انه يكون فيها العاب رخيصة .. تقريبا الالعاب الامريكية ب 250 درهم ))

ابوظبي تقدرين تزورين حامد سنتر لانه في محلات العاب حلوة ..

اممممممم .. شو بعد ...

المناطق اللي انصحج فيهن .. انا دايما يوم ازور دبي لازم ازور سيتي سنتر في كل المحلات الحلوة :

فيرجن ميغا ستور
المجرودي للكتب
سينما سيني ستار
كارفور
محل لبيع الالعاب (( غالي عادة بس عنده العاب قديمة حلو ))
محلات متنوعه بجانب السينما تبيع اشياء (( بنوتيه )) مثل ادوات Hello Kitty و دببه و هالسوالف


اما برجمان فما انصحج تزورينه اذا كنتي تريدين تشترين اشياء لانه غالي واايد .. و حتى مركاتو انا ما زرته لكن بعض اصدقائي قالولي انه غالي .. بس تقدرين تزورينهم على شان تتجولين بس و تستمتعين بوقتج ..


و اذا كنتي تريدين فنادق بعد فانصحج بفندق البستان ريزدنس (( هو فندق فيه مركز تحت و فيه محل العاب بعد فيه العاب واايده نسيت اسمه لكن بتحصلينه في نهاية المركز بجانب السوبر ماركت الصغير )) و فيه بعض فندق رحاب روتانا بجانب سيتي سنتر .. هذي الفنادق في دبي اسعار الليلة ما تتعدى 1000 درهم و فيهن شقق مفروشة .


(( استويت مرشد سياحي P: ))

اتمنى انج تستمتعين بزيارتج

[فيلسوفة زمانها]

مشكورين كلكم .....^^

[ONE_SHADOW_ONE]

ياااااو


في أبوظبي
محل أسمه حامد سنتر
في شارع الأكترا

أحسن مكان عندي الصراحه
ودايمن أتعامل معاهم

شريط ال ps2 DVD أشتريه ب 10 دراهم
شرايط الجيم بوي أدفانس من 30 إلى 55 على حسب جديد أو قديم
وشرايط الجيم كيوب من 150 إلى 200
وحتى بعد يبيعون أفلام كوبي DVD ويشتغلون على السوني 2 ورخاص مب غالين وايد ..مادري بكم لأنه ما أشتريهم أصلن


وفيه بعد مكان جنبه
أسمه مركز مدينة زايد
وهو غالي شوي ..والهنود حراميه
و Nino على قولتكم يتعامل معاهم وايد مادري ليش ؟
نادر ما أتعامل معاهم أنا

وأرجو أني أفاديتج أختي

[فيلسوفة زمانها]

مشكور ... بس هذا كله أسعار أشياء أصلية؟؟؟

((wish me luck i go all most right now ^^))

مشكورين ^^

[L*][*N*K]

((wish me luck i go all most right now ^^))

Good luck خيتو ^-^ ..

[فيلسوفة زمانها]

الله يسلمك ^^