زواج × زواج .. ( موضوع يخص البنات)

[~MâLâK~]

هلا بناات تراني.. قلت بنات <=== ياشينك
مو مشكله ..
بنااااااااات
مايصير كذا
امهاتنا ذبحونا
لازم نسوي انقلاب عليهم <=== ياكثر ماتسوين انقلاب :6
لازم نقولهم لاااااااااع والف لااااااع :! <==== اهم شي العين إلي جايه مع لا
نقولهم إننا خلاص ذبحتونا باالعروس
مانبي نعرس غصب هو؟؟
طبعا كلامي موجه للبنات إلي حاطين هدف في بالهم قبل الزواج ..
يعني تخيلو هاالأسبوع بس رحت لثلاث زواجات مع بعض هاذي غير العزايم إلي جايه
طبعا ماشاء الله الله يكثر افراحنا بس لازم يصير فيه شوية ديموقراطيه عند الأهل ..
إلي تبي تعرس تحضر حفلات زواج ..
وإلي تبي تعنس تقعد في بيتها وش زينها
(بسم الله علي من العنوسه :#)
يعني المفروض يعطونا حرية شخصيه<=== إلا طقاق وانتي الصادقه
بعض الأحيان احسد العيال هم ماينخطبون واحنا إلي ننخطب
وهم إلي يخطبونا ..
بس اشين مافي الشي إن المهر وشهر العسل عليكم ياالعيال !!
بس فيه ناحية إيجابيه في العروس إنتس ترقصين وتخففين شحم
طبعا والهوايه المفضله لكل حرمه وبنت الحش اللانهائي( واشكر ميمو على إنها نبهتني إلى هذه النقطه )
بس فيه بنات يحبون الزواجات مثل ميمو وكارلا :6
وبنات مايحبون الزواجات مثلي انا واندومي ولينا وفلير ..
يعني انا مثلا واندومي ولينا وفلير لنا هدف في الحياة ولاتسألوني وشو:6..
لازم نحقق هذا الهدف بعدين نعرس
ياكده يابلاش..
وقسم بالله زهقت من جد رجولي تحللت من كثر مااروح عروس يالهوي
الزبده ..
بقولكم يابنات نصيحه بحكم خبرتي في مجال الزواجات والطقاقات<=== امحق خبره
إذا تزوجتي إن شاء الله لاتسوين عرس كبير وصجه وصيحه ياويلك لو سويتي <=== بتاخذ شورك هي
سوي عرس بسيط .. عائلي ويخب :6 ..
ماتبعزئيش فلوس ملهاش لزمه ده انتي واهلك الغلابه اولى فيهم..
يعني جيبي طقاقه واستانسي ماقلنا شي .. بس شي زايد عن اللزوم ماله داعي
بعدين الناس يستانسون وانتي ياعمري ماتقعدين بعرسك إلا ساعه باالكثير وتطسين :6
ونصيحه ثانيه بعد .. لاتجيبين طقاقه .. تغني لك اغاني مغبره من ايام جدتي وجدتك ..
لا وبعد اغلب الطقاقات نفسهم بخشمهم كأنهم جايين ببلاش..
المهم بنات ..
إذا تزوجتو لاتنسون تعزموني :# <=== مين إلي يبي يسوي انقلاب قبل شوي

ملاحظه ..
هذا الموضوع ناتج عن الفضاوه الفكريه والمعنويه عند ملاك
والحقوق محفوظه<==== تكفين من زينه

and join the club girls














ياللهslaaaaaaaaaaaaaaaaaaaaaaam

[Angel whisper]

انا .. ابغي .. اتزوج .. بسرعه ..
and I wont join the club ..
بس تدرين.. صارلي 3 سنين ما حضرت عرس حد ..
وبعدين اذا انا ما حضرت اعراس بعنس ؟
فال الله ولا فالج
وثانكس عالموضوع العجيب ...
الا اخبار ميمي .. من زمان ما شفتها.. سلميلي عليها

[The Noble]

ولكم باك أختي ملاك <=== شاعر :6

هلا بناات تراني.. قلت بنات <=== ياشينك

هالكلام موجه لمين بالضبط :6

وبالنسبة للموضوع ما اقول غير يا حظكم على الأقل تغيرون جو كل فترة وفترة ..

طبعا كلامي موجه للبنات إلي حاطين هدف في بالهم قبل الزواج

يلي يسمع يصدق :6

الا وش الأهداف هذي <=== مو ملقوف أبدا :6

طبعا والهوايه المفضله لكل حرمه وبنت الحش اللانهائي

شي معروف عند الجميع

بعض الأحيان احسد العيال هم ماينخطبون واحنا إلي ننخطب

?: على ايش تحسدونا ..؟

تخيلي رجال طول وعرض وينخطب وهو مستحي يقول الشور شورك يا ابوي :6

بس اشين مافي الشي إن المهر وشهر العسل عليكم ياالعيال

وياريته مهر عادي وشهر عسل بسيط ?:

لازم نحقق هذا الهدف بعدين نعرس

واذا ما تحقق لا سمح الله بتقعدون عوانس :6

سوي عرس بسيط .. عائلي ويخب

هذا الكلام الزين بلا عرس طويل عريض بلا هم عائلي أحلى وأبسط وأووووووفر

ومشكورة على الموضوع العونصوري..

[flarestar]

ملوك هههههههههههههههههه


يا حليلتس بس:#


صودق اكره شيء عندي روحة الزوجات (تصدقين ان زواج خالتي كنت افكر اطنشه:6)



الموهيم انا مستعدة بكامل قواي العقلية انظم للكلوب:#



اول شيء اهدافنا تتحقق بعدين نتزوج

واذا ما تحقق لا سمح الله بتقعدون عوانس :6

ايه:":


صانكيو حوبة عالموضوع^_______________^

[DiGit4L]

(قل والله:6)

~~~~~~~~


والله يوفقكم على اهدافكم

بس علمون النتيجه كم لاخلصتوا

[DE NILSON]

بس بنات مافي اولاد يعني

[The Noble]

ايه:":

وط وط وط ؟ شكله هدف خطير أجل

يعني العنوسية أفضل لكم اذا ما تحقق هالهدف العظيم ؟ :6

[flarestar]

وط وط وط ؟ شكله هدف خطير أجل

يعني العنوسية أفضل لكم اذا ما تحقق هالهدف العظيم ؟ :6

يعني انت تقدر تقول ان هذا الهدف هو اساس الزواج:6

[The Noble]

يعني انت تقدر تقول ان هذا الهدف هو اساس الزواج

:6


وحنا بعد لنا أهداف انا عن نفسي لي هدف واحد اذا ما تحقق فما ادري وش بيصير بعنس مثلكم :6

[MoaeD]

صح اني منب بنت بس للمعلوميه فقط


الغمد (يعني عائلة الغامدي) هم اللي يخطبون وهم اللي يدفعون مهر رجالهم


وزياده على كذا الرجال اللي يحطون العرس .. عمري ما اعرست لو كذا حنا يا شيخ

[Undine]

وبنات مايحبون الزواجات مثلي انا واندومي ولينا وفلير ..

يس اي هيت ات




وبالنسبه للهدف انزلعوا :6


موضوعتس يونس ياختي فيه حكم وكلام حلو :6 وصدق موب حلو العرس اذا صار
يروع من الصجه والزحمه وحاله ..العائلي احسن


على طاري الكلوب ترا انا اللي أسستها تذكرين ؟!

صودق اكره شيء عندي روحة الزوجات (تصدقين ان زواج خالتي كنت افكر اطنشه)

هههههههههههههههههه deja vu كنه مرت علي هالفكره

[Cute Girl]

هاي..
ثانكس ملوكتي على الموضوع
الله يعين البنات :6
and i will join the Club with you
Would you accept me ??

[Auron]

الحمدالله والله اني في نعمة :6


من اول ما طبيت في الدنيا ما رحت الا عرسين ولا كملتهم




قلق وصجة في العرس واهم من كذا طفش لانهائي



في خطة للهرب من العزايم اذا فيه عزيمة ولا عرس ومالك نفس رح سنتر في البقالة الي جنبكم ولا نوووووم وتلايص بالبطانية

[I`m HeRe]

يا كثر العيال الملاقيف :6

المهم

سوي عرس بسيط .. عائلي ويخب

أنتي عرسك بتسوينه بسيط في المستقبل

ما أتوقع :6

هذا انتم لازم عرس وقلق

وبالنسبه لأهدافكم

والله لو أنك رجال علشان تلقى وضيفه تصرف فيها على زوجتك وعيالك

ولا مشروع ولاتبني بيت ولا.. ولا..

يعني ما أتوقع أنه فيه هدف مهم لهدرجه في حياتكم غير الزواج :6

<<<يا كثره

وبس

[Cheez]

ل أستنتج من ردود البنات هنا انكم ناويين على مشروع العنوسية خخخخخخخخخخخخخ.....بصراحة يابنات مهما حاولتم وسويتم راح ترضخون للواقع وفي النهاية مصيركم محدد بايد أهلكم ههههههههههههههههههههههههههههههههههههههههههههههههههه يعني مالكم رأي ?:?:

وبعدين شيئ ثاني ...ليش هالموضوع للبنات بس ......فية منتدى عام للمرأة روح حطية هناك لو ما تبين عيال يردون:0) وبصراحة أنا شفت أن من واجبي أرد وأزودكم بأرائي السديدة ?:?: