العادة زينو يكتب عن الألعاب..لكن للحين ماوصلت له اوتاجاي :6 ..
ودينو كريسس3 ينتظرها انجليزي -___-
اليوم اشتريت اللعبتين وهذا رأيي فيهم..
Otogi: Myth of Demons
حصلت النسخة الانجليزية من اللعبة..
اممم..طريقة القتال غريبة شوي P:
القتال يكون وقت طويل....بالهواء !!
قفزات البطل رايكوه عالية وإذا قفزت قفزتين تصير اعلى بعد ونزل على البطيء للأرض وبهذا الوقت في وحوش يطيرون تتقاتل معاهم بالهواء :/
إذا قتلت الأول وانت بالهواء وتبي تروح للثاني وانت إلى بالهواء تضغط على زر الآر يندفع بسرعة نفس حركة شينوبي وتقتل تكمل القتال وأنت بالهواء P:
اغلب قتال اللعبة يكون بالهواء..
واللعبة تذكرني بصراحة بالهواء..لأن حركة الشخصية خفيفة وهادي ومايتكلم والأماكن يكون فيها دخان..
يعني هواء بهواء..
هالصورة توضح اللي اقصده..
وقتال اللعبة حلو..لكن مو قوي..تقديري له 8
جو اللعبة العام هادي تقريبا..الحركة سريعة لكن بهدوء والموسيقى هادية..
جرافيك اللعبة..بجيم سبوت وآي جي ان تقديرهم 9..
اما أنا اعطيه 8.5 /10..لا تسألوني ليشP:
بالأخير تقدر تطور الأسلحة وتغير السحر وتضيف اكسسوارات تضيف من قوتك..
العيب باللعبة هو التكرار..
تقديري لها نفس آي جي ان 8.3
والحين تستحق الشراء أصلي؟
اممم..إذا ماتلعب بلعبة مهمة بهذي الفترة وتبي لعبة اكشن وعندك $$ جربها and you will like it I think..
Dino Crisis 3
اللعبة يابانية لكن الكلام فيها انجليزي والترجمة بالياباني...
القوائم بالانجليزي واغلب الاشياء بالانجليزي..يعني راح تفهم اللعبة وبكل بساطة..
اقول رأيي فيها على السريع..
العروض روعة بمعنى الكلمة ..
الجرافيك أيضا روعة ..واللعبة أفضل من اوتاجاي..
القتال فيها سريع..لأنك الديناصورات سريعة فتحتاج تستعمل عشان تبتعد عن ضرباتهم..
العيب الوحيد اللي لاحظته هو..الكاميرا..الكاميرا غبية -___-
تقديري لها 87 % وتستحق الشراء لما تنزل انجليزي..
وأبي من اللي لعبوها مساعدة
باللعبة وصلت لمكان مرتفع..بعد الصواريخ التي تدخلها لفتح الباب..حاولت اصعد ماقدرت -__-
Nice
