جلست الاسبوع.....سواليف سايلنت ايفل...من ياخلفهم..خخخخخ

[silent evill]

سلااااااااااااااام..ار يو مست مي..(((امحق من لغه)))

بنسوااار شبابا وبنات...كيفكم...كيف احواليتكم...تعرفون مثل ماقلت اخر الشهر اطل عليكم خخخخخخخ

الزبده...شفت انه معد فيه سواليف قلت ياولد ندردش معكم في موضوع قاهرني اقسم بالله...
ومو بس انا..كل شباب الرياض....والى الزعيم الهلال وكل محبي الارسنال...والى امي وابوي ي الخرج...وجدي في الحوطه....وعمتي وخالتي في سدير...
وبسطة اخوي في سوق المعيقليه...اوووووه سوري متحمس مع برنامج افراح وتهاني..((قديييم)))

على فكره لين الحين يعرضون البرنامج ولا شفروه ...؟؟؟ سؤال يسدح نفسه..

اي نعود لمحور حديثنا...

سوف نتحدث عن الشباب وش يسون في الرياض الحبيبه...

----------------------------

ودي ابكي لين مايبقى دموع....ودي اشكي لين مايبقى كلام...

بيت يتردد كل دقيقه في لسان شباب الرياض..وخصوصا اصحاب الخبره...اي البالغين...

نمشي من بداية مراحل الطفوله ماذا يفعل الشاب السعودي في الرياض...

اول سنتين..منطق في البيت مع الشغالات وانواع السيريلاك...السنه الثالثه والرابعه والخامسه نفس الشي..لكن تطور بسيط وانه يصبح يتغذى على الاندومي

في عمرالبراءه...يبدا في الخروج الى الدنيا...فيسلي نفسه في سن السادسه والسابعه والثامنه...

فيذهب مع اهله الى الملاهي سواء الخيمه او الروضه او المرسى مافرقت ونسينا ستار سيتي...
وفي السن التاسعه...يبدا ينكرش من الملاهي يقولون طويل.. ماتنفع تدخل...
مشكله وش يسوي...

فتبدا سن المراهقه عند اهل الرياض من السن التاسعه..((والله تبدا الدشاره والدجه))
فيطيح في اول اساليب المغازل والهبال..يمكن توه مايعرف انه يغازل المهم...

يدلي يطلع العروس مع اهله...طبعا الحارس مايدخله...فيجي مسوي زعط وخرو عن طريقه يجمعله شله من البزارين اللي جنبه..(((اقتحام لعرس)))
فيجون ربعه عند الحارس..على حسب اذا صعيدي لازم مشوار وكم واحد يلهيه..اما سوداني حط رجلك وادخل وانت داعس...

اييييييييييييييه..دنيا..الله يذكر زمان اول بالخير..

اما في السن العاشره والحاديه عشر والثانيه عشر...تسمى عند اهل الرياض سن اكتساب الخبره..؟؟؟
فيبدا الشاب في الخروج مع عيال حارتهم وعند باب بيتهم يسولفون ويحتك بالعالم....
ويوم ورى يوم حبيبي انا بحلم بيك..اووه سوري الفيوز ضاربه شوي..

قصدي يوم ورى يوم...ويبدا الولد يبعد عن باب بيتهم فيوصل الشارع العام...فيناظر العالم والتفحيط شباب الرياض التفحيط شعارهم الاول...ازعج العالم واضبح لك كم واحد ..؟؟؟

لهذه الاسباب سمي بسن الخبره... وفي السن الثالثه عشر والرابعه عشر والخامسه عشر..
تبدا الدجه النظريه وليست الفعليه....

فيبدا يتعرف على ناس اكبر منه معهم مواتر...ويدلي يدور ويهجول معهم ....ويروحون شوارع تفحيط ومن هذا القبيل...

وسن السادسه عشر والسابع عشر...هذا فاصل اعلاني...خخخخخخخ سن متقلب يعني منطق في البيت يصير وحالت امه حاله ومشكله يمكن يحب وهو يكون في هذا السن فقط..((عند شباب الرياض فقط..غير متوفر في الاسواق))

اما في سن الثامنه عشر...سن الدجه الفعليه الحقيقيه..الرجال ابوه يطقله موتر...
فيبدا الولد ينهبل من الفرحه....معه موتر بيقعد يدوج من قده..(((مايدري انه بيكره حياته بعدها..لأنه في الرياض)))

فيبدا اول اسبوعين دوران في موتره مايوقف فرحان فيه...حتى الحين تمام حلوو....
الاسبوع الثالث...
يبدا يطلع القرش العزيزيه اليورمارشيه...حلووو حتى الان..
الاسبوع الرابع...
يتهور ويروح الفيصليه...كالعاده مع الباب عوائل فقط؟؟؟ ويجرب حظه في المملكه وبرضو نفس الشي..
وصحارى؟؟ يضيع الاسبوع وهو يتشوت...

الاسبوع الخامس....
يغير يصير وده يمشي يطلع طريق الامير عبدالله حق المشاه يومين والرجال يطفش..

سن العشرين وفوق...مايحتاج مايبيلها...ابووي زهب الشنط واطلع برى سافر شف الدنيا والاسواق خلك حر عيش حياتك....نعنش مع هيد اند شولدرز بالنعناع..

----------------------

اييييه حالتنا حاله..شباب معروف انا في مواضيعي اكتب قصص واقعيه..ويالله مين قدكم..في هذا الموضوع راح اكتب عن حياتي الاسبوعين اللي راحت وش اسوي في الرياض...
علشان تعرفون كيف الدجه...
اممممممممممم

نبداها من الصبح....اوكي..

ايعني بعد الجامعه اختصار خخخخخخخ...وش اسوي اطلع بدري والله محاضراتي دلع اخص عشر وبالكثير 11..((موووتو حره يالباقين انواع الكرف...))

نطلع مع احد الشباب او نطلع بسيارتي نروح نبي نتغدى في الفيصليه...يقول السيكيورتي..
تعالو بعد الظهر الحين عوايل...((يمدينا نسوي يمين يسار معنا كروت وحركات بس يعني نحس انها اهانه؟؟؟)) المهم نروح ننتظر في دكتور كيف او ستار بكس ناخذ لنا موكا (((امووت في الموكا)))

بعد الظهر نروح ندربي روسنا للفيصليه نتغدى وكل واحد ينقلع بيتهم...
وبعض الاحيان نشطف كلية الامير سلطان بدل الكوفي ..يقولون فاتحين جنغل لاند هناك..فنروح نشوفها


شباب سعودي والله دجه...مخ مافي خربان...؟؟؟

هذا من ناحية وقت الظهيره..

معليش يبدو اني طولت عليكم سوري..اختم لكم الجلسه هذي بالقصه المثيره هذي حصلة لي يوم الاربعاء هذا وقتها سموني اخوياي جيمس بوند...

طالعين ندور الساعه 1 الفجر...الشباب هذا الوقت اي شباب الرياض وينهم...تعال في شارع التحليه تلقاهم هناك استعراض سيارات مشاكل مقاومات كل شي...
انا رحت ومتحديني واحد من اخوياي اني اقاوم واحد..(((من الفضاوه والله وش نسوي ياليت عندنا بحر))) والثاني يقولي انت ماعقلت عقب الحادث اللي صار لك...خخخخخخخخ المهم...

ادور يمين يسار مالقيت احد...كلهم يمشون صفر...وفجأه القى قدامي 2 جيب كاديلاك..مظلل كاتم انا ضحكت ابتسمت يعني...خويي يقول...سعود كلش الا ذولي لاتمزح معهم....قلت والله هذي صيدتنا يارجال..(((قصده ان سيارتنا سبورت صغيره وهم ماشالله بيدعسونا وش كبرهم)))
كانو مهدين.. فجيت انا ماغط من وراهم ويوم وصلت عدهم..((شوف كيف الملعنه تعلمو كيف تجاكرون العالم)) واكع الفرامل والف الطاره يمين وتزحف السياره...هو شافني فهم العلامه.. فحد خوييه يعني استعد فيه مجاكره...

الشباب واحد منهم مسك اليسار والثاني مسك اليمين..والسيد اللي في النص مفتوح..يعني ياحلو تعال بينا..
انا ماشالله علي مثل عماد...فهمتها وهي طايره..
اثرهم يبون المشاكل يعني يبوني ادخل بينهم ويحدوني الثنين..ياولد خلهم تحدوني انا اوريهم...
عاد يومها لابس فنيله كوت وحركات ومجهز نفسي...وامسك الطاره بأقوى ماعندي بيدي اليسار..
واليمين على زر البور..((زر سبورت يعدي قوه للسياره)) خويي يقولي سعود يرحم والديك...
والثاني يقول انت تدور على المشاكل ليه...قلت دنيا بدون مشاكل ماتنبغى...

واسمي بالله واكتم على الموتر ورجلي على البنزين...ويوم دخلت بينهم...المساكين توهم بيحدوني...
اخوياي قامو يزاعقون ويتشهدون...
الا واصبعي الكبير على زر البور((سبورت)) وسعود مقلع ههههههههههههه المساكين بغو يقشعون بعض
ويحاولون يلحقوني وانا مغبر عليهم خخخخخخخخ..خلهم يعرفون مين انا المفروض يثمنون السياره قبل لا يتجاكرون معها...

وفي الختام نشكر لكم حسن استماعكم واسف على الاطاله بس اشتقت لكم وعارفين اطل كل اخر شهر عليكم قلت خلني ادردش معهم شوي...

تشااااااااااااااااااااااو...

[ليــــــــــان]

خخخخخخخخخخخخخخخخخخخخخخخخخخخخخخخخخخخخخخخخخخخخ


اولي
888
على بالي بالاقلاع
اجل تطل علينا وين وش قمر يعني على بالك مسوي فيها

خخخخخخخخخخخخخخخخخخخخخخخخخخخخ

موضووع حلو وعلى بالك تبي تعلمنا انك تاكل سيرلاك يوم انك صغيير

[silent evill]

احم احم...رجاء القكر مايصف جنبي...بليييز يا اختي الناس يقولون لي تصدق ياسعود...
القمر يشبهلك...شفتي..مو انا اشبه للقمر لاا...القمر يشبهلي.. ((الثقه زايده))

ثاني شي..ايه انا زعلان على هالمنتدى علشان كذا اطل عليه اخر الشهر علشانكم لاتصيحون تقولون سايلنت تركنا..
حتى ان شخصية سعيدن لين الحين مستمره لكن في مكان ثاني هنا هونت زعلت ماراح اكملها ..

ثالث شي..هق هق...

ترى هذا ولا شي..ولا ناوي اكتب بس اخاف يصير طويل فالاعضاء يخافون مايقرون

رابع شي..

السيريلاك وجبه صحيه ورائعه..جربيها

[remo]

7
7
7
7
حلي ثاني


اولا انا مابغيت ارد لأن مالي دخل فيكم بالطقق (نذااااااااله)

المهم كان عنوان الموضوع مقبس بالعربي مسروق ولالا

عموما تشكر على طرح قضايا الشباب بس المرة الاخرى بدون لطش بليييز

[فاقد قلبه]

^
^
^
ياكثر ماتستخدم ذي البنت الايقونه هذي<<بديت اشك ان لها لحية منجد

ليان

خخخخخخخخخخخخخخخخخخخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخ الله يرجك مصيري اعرفك باي يوزر انتي

سايلنت

ابداع مع اني ماني كاذب(ن) عليك موضوعك من طوله ماقريت الا شوي منه ولا الاخطاء الاملائيه عد واغلط يبيله فك شفرة بروح انادي سواقنا يقراه<<يسوي طريقتك ويتهاوش معاك عشان يجون البنات ويتهاوشون معاه وينشهر((قدييييييمة))

يسلم خشمك على هالموضوع

[السنيوره]

اهليييييين سايلنت ويييينك ماصرت تدخل كثيير ولا ابوك موزي الكمبيوتر عنك ........
خخخخخخخخخخخخخخخخخ

المهم موضووع مدري شيبي ماقريت الا اوله والله انا مشغووله ان فضييت باكمل الباقي ...
وتشكرات على موضوعك

[the driver]

تصدق سايلنت تقول لي الخدامه تأكلك سيرلاك

أنا حياتي غيرك بكثير مع أننا شباب كلنا سوى

شكرا سويلنت على الموضوع


ولما يجي عمرك 52 سنه تصير منت بمزبوط وتسافر برى وتتزوج ياما من دولة مصر أو سوريا أو لبنان أو الهند وتخبصها وتجيب بزران مشكلين أحمر على أسمر وحالتك حاله



أحنا الشباب لنا تاريخ أما البنات وين تاريخهم

[( الزعيم )]

مشكور اخوي سايلنت على الموضوع الفاضي ............


ما اكذب عليك .. و اقولك بصراحة ..

انا قريت الموضوع كامل ....

لاني فاضي و ماعندي شىء ,,

الله يعيننا احنا شباب الشرقية .. اذا تجون عندنا بالعيد .. دايما تسوون مشاكل ...

[silent evill]

بسم الله الرزق وااااجد...

ريمو...

بسم الله الرحمن الرحيم اعوذ بالله من اليشطان الرجيم...((معليش توني صاحي من النوم من جد))

اييه وش تقولين انتي فوق دقيقه اشوووف امممممم..هههههههههه طيب

والله انا قاصد الحركه هذي..خخخخخخخ لأنك عمرك مادخلتي مواضيعي وقلت خلني اقتبس اسم موضوعها علشان تدخل وتشووف كيف الدجه.... بعدين انا ضحكه يعني واضح انها مقصوده..

فاقد قلبه..
اول شي ضحكت على ذبة اللحيه هههههههههههههه...قوويه والله

من ناحيت الابداع مايحتاج عارف(ن) نفسي...يبدو اني مانزلت سعيدان الجديد صح..اكيد نسيته عاد تعال شف الضحك والهبال هناك..ومن جد طووووووويل...الحين انزله لكم انشالله..
بعدين هي...اي اخطاء املائيه يالتسذااااب...مافي ولاخطأ...انا وسيبويه واحد...


بعدين تعااال....انا اكره الحركات هذي ودايم تصير معي..عاااااااااااااااع....وش الكلام اللي تقوله من قالك ...انا اتهاوش مع البنات..افا...من متى..انا بريء ياخي..وبلاش فضااايح...

مشكله ماينال لكم شي في الماسنجر...

[silent evill]

اهليييييين سايلنت ويييينك ماصرت تدخل كثيير ولا ابوك موزي الكمبيوتر عنك ........
خخخخخخخخخخخخخخخخخ

المهم موضووع مدري شيبي ماقريت الا اوله والله انا مشغووله ان فضييت باكمل الباقي ...
وتشكرات على موضوعك

من يقول...
اٍسألي الاعضاء انا موجود يوميا في النت...لكن انا قايل المنتدى هذا بدخله اخر الشهر بس..كذا مسكه غبيه...

موضوع مدري وش يبي..مراقبه مدري وش تبي...كلها واحد...وين الملوخيه بالارانب بس..

بعدين يقول الشاعر...

اللي مايعرف الفار يقول جرذي...وسلامتكم يالحاضرين...

[silent evill]

درايفر..((خالد المفهي))

كلش الا السيريلاك.... هذي الوجبه المفضله...

شباب الرياض غير الناس وش عرفك انت...

لاتخاف اي 52 بابا...اشوا اني من الصيفيه اللي راحت هذي وانا مسافر نشوف بنات العالم قصدي نشم هوا..

وانشالله رمضان هذا نفخت من الجامعه ونخربها نحذف ترم...


الزعيم..

الموضوع انا ماكتبته الا من الفضاوه يعني مشتق منها شي عادي قايلك سواليف سايلنت...

ايييه هذا شباب الرياض مسوين حقين غزل..يطلعون برى الرياض ويسوون مشاكل..هم شيف
بس مايقتنعووون ياااخي...

[The Noble]

لسه لك عين تشارك وتكتب مواضيع

[silent evill]

لسه لك عين تشارك وتكتب مواضيع

مشكور اخوي...والله يهديك انشالله

[The Noble]

يازينك وانت عاقل

تحب أعرض لهم أخلاقك الحلوة على المسينجر ولا ما يحتاج (تراني مصورها)

[محمدS.M]

بوب ... انتبه الى ردودك التي ليس لها اي داعي !!!