راج...كسيرفر عربي في فف11

[SanjiyaN]

كثير من الجدال حصل عن السيرفرات

ناس تبي امريكي و الباقين ياباني

لكن محد قال سيرفر عربي موحد؟

يعني كل اللاعبين العرب فيه....في فانتسي ستار اونلاين كنا نلعب مع بعض...و نحنا 5 بس....عيل شلون لو كل اللي فالمنتدى دخلوا راج...بيكون في فرق^^

خلونا نعدد فوائد السيرفر راجناروك و اضراره

الفوائد:

1.فريق كويت نايتس موجود فالسيرفر..و له خبرة فاللعبة و بيساعدونا باذن الله
2.سيرفر جديم...يعني منظم...مثلا الاسعار اللي فالمزاد ما تكون اغلى من المحلات(هالمشكلة تدوم شهور فالسيرفرات الجديدة و انا متأكد انها بتصير بين اللاعبين الجدد)
3.نقدر ندخل بورلد باس ...مو راندوم........و بعدين اللي دخل ياخذ ورلد باس للكل متعبة الصراحة
4.اذا الكل دخل....شنو الحاجة انط تدخل فريق ياباني او حتى انجليزي؟...العب مع العرب...صح في افرقة لكن مو معناته ان ما بنلعب مع بعض

الاضرار:
1.ما تقدر تتفاهم مع اللاعبين الانجليز وايد...مش معدومة لكن صعبة..

ما لقيت غير هالضرر

نتكلم عن السيرفر الامريكي

الفوائد:
1.تقدر تتفاهم مع الكل و ما بتواجه مشاكل من هالناحية(الفائدة الوحيدة اما الباقي موجود فراجناروك)

الاضرار:
1.انا لعبت مع امريكان....اقدر اقول انهم بهدلة.....في منهم ناس ما راح تطيق تشوفهم...انانيين و بخلاء
2.اول شهور فالسيرفرات تكون فظيعة...الناس تبيع الاغراض فالمزاد بسعر اعلى من المحلات(المشكلة موجودة فالبيتا و ما اظن يتخلو منها السيرفرات الامريكية)
3.الكل جديد و كل شي متلخبط...محد يعرف يلعب الا اقلة و تتبهدلون...
4..منو بيشتري الورلد باس لكم؟....محد كلكم يا راندوم يا تنتظرون من اسبوع للثاني عشان رئيس الفريق ولا رفيجك ياخذلك ورلد باس...
5.ما بتلعب الا ويا ربعك العرب....اذا في راج مع المنتدى كله انشاء الله

هذي اسباب انا اظن انها كفاية...خلونا نشوف أرائكم

[logia]

انا معاك في كل الي قلتة و اتمنة ان راج يصير سيرفر عربي




انا عن نفسي اتمنة ادشة بس فريقي ما يبونة ><


انشالة يقتنعون في هذا الموضوع ^^

[Dark_Knight]

الصراحه اقنعتني<<<<<<بعد ما قعدت احن عليك ساعه عشان نروح سيرفر امريكي
ان شاء لله الكل داخل و انا معاك

[Neo Cid]

بعض السلبيات اللي تطرقت لها اخوي سانجيان صحيحة ..

مثل التفاهم مع الأمريكان .. أظن ان الفرد لو اختلط مع لينك شيل يحتوي على أجانب ( مو نقول أمريكان

لأن بيننا روسيين و ألمان و الكثير من الجنسيات ) .. ما فهمت قصدك بالصعوبة بالتفاهم .. بس اللي كنت

أسوية انهم كل ما يتكلمون باختصارات ما افهم عليها اسألهم .. و الحمد لله صارت لي خبرة بسيطة و افهم

كل شي يدور بينهم من محادثات .. و الواحد يتعلم منهم بسرعة .. يعني اول اسبوع عندهم و الباجي عندنا ..

ههههههه . بس ترى سيرفير كامل للعرب مستحيل .. لأن اللعبة يبيلها آلاف و المئات يلعبونها عشان

تعرف تبيع و تشتري ..

اجانب راج ناس لهم خبرة و ما يقصرون الصراحة .. بسبب اختلاطهم مع اليابانيين تعلموا منهم شوي ..

إلا جم أمريكي طفرة تلقاه قوطي ..

و حياكم الله معانا .. انا بنفسي ما عندي مانع بالمساعدة باللفلات ال10 الأولى .. بس الباجي ما يكون بأيدي

شي إلا إذا قدرنا ندخل ببارتي ..

و مشكور يا سانجيان على طرحك للموضوع الرائع .. وبوقتة ..

[SanjiyaN]

انا ما قلت سيرفر للعرب فقط...أقصد سيرفر يدخلون فيه العرب....مو كل واحد فطريجه

[Neo Cid]

انا ما قلت سيرفر للعرب فقط...أقصد سيرفر يدخلون فيه العرب....مو كل واحد فطريجه

سوري ..

اللي فهمته قصدك مثل راجناروك اللعبة .. اللي اظن فتحتوا فيها سيرفير خاص للعرب فقط ..

[SanjiyaN]

ههههههه للحين تحت الانشاء....

اللي اقصده ان سيرفر راجناروك يكون the official arabian server

[KuwaitDragon]

كل الي قاله نيو وسانجيان صح في بعضهم نذاله وفي بعضهم خوش ناس

بس اهم شي انك تبدي في وظيفه الفرق يحتاجونها عشان اتغلى عليهم

انا في راج كل الي لعبت معاهم خوش ناس بس بعضهم الله يسامحهم

وانشالله تتحد الامه العربيه في سيرفر واحد

[BOiND]

اللي اقصده ان سيرفر راجناروك يكون the official arabian server

والله اوكيه

وانشالله تتحد الامه العربيه في سيرفر واحد

تفتكر؟!
اذا العرب عاجزين لين الحين يعربون لعبتين على بعضهم تنقز لي لسيرفر
بس احتمال اذا شدوا الهمة يسوونها

[ستيف بورنسايد]

شنو معنى راج؟
وشنو ورلد باس؟

[SanjiyaN]

راج هو اختصار لسيرفر في فف11 اسمه راجناروك....

و الورلد باس هو رقم تشتريه بفلوس اللعبة و تعطيه لرفيجك
يكتبه عن صنع شخصية جديدة و يسير عالمك(خلاف ذالك يسير عالم(بمعنى اخر سيرفر) عشوائي)

[BOiND]

لين الحين انا مافهمت

السيرفر قيد التطوير؟
اقتراح لسيرفر؟
السيرفر جاهز؟
شيء انا حمار وما فهمته؟

[*STEVE*]

السلام عليكم
الموضوع حلو بس بغيت ابين نقاط


الفوائد:

1.فريق كويت نايتس موجود فالسيرفر..و له خبرة فاللعبة و بيساعدونا باذن الله
منو قال يبي يساعدونا كل واحد لاهي بنفسه وبعدين شوف ليفلاتهم منو فاضين ليفله 30 و40 يلعب مع واحد ليفله 1 اصلا اذا ماتلعب مع ناس نفس ليفلك ماتستانس
2.سيرفر جديم...يعني منظم...مثلا الاسعار اللي فالمزاد ما تكون اغلى من المحلات(هالمشكلة تدوم شهور فالسيرفرات الجديدة و انا متأكد انها بتصير بين اللاعبين الجدد)
بصراحه الي اشوفه انتو اي شي ليش السيرفرات الثانيه مو منظمه ؟ ولا بس راجناروك وبعدين اذا عرفت تتفاهم مع الياباني الي يبيعك بالمزاد يصير خير
3.نقدر ندخل بورلد باس ...مو راندوم........و بعدين اللي دخل ياخذ ورلد باس للكل متعبة الصراحة
الورلد باس مو مشكله تعرف جلتي شلون دخل راجناروك وغيره وغيره المساله بسيطه فلاتعقدونا انا صديقي دارك ديفل يقدر يجيب وورلد باس لاي واحد وقبل لا يلعبها بعد وبعدين انا اعرف جيم ماستر باللعبه امريكي وراح يضبطنه عاد اسمه راجناروك ماادري اذا تعرفونه
4.اذا الكل دخل....شنو الحاجة انط تدخل فريق ياباني او حتى انجليزي؟...العب مع العرب...صح في افرقة لكن مو معناته ان ما بنلعب مع بعض

وبصراحه ولا شي اسمه فائده من الي قلته

الفوائد:
1.تقدر تتفاهم مع الكل و ما بتواجه مشاكل من هالناحية(الفائدة الوحيدة اما الباقي موجود فراجناروك)

الاضرار:
1.انا لعبت مع امريكان....اقدر اقول انهم بهدلة.....في منهم ناس ما راح تطيق تشوفهم...انانيين و بخلاء
2.اول شهور فالسيرفرات تكون فظيعة...الناس تبيع الاغراض فالمزاد بسعر اعلى من المحلات(المشكلة موجودة فالبيتا و ما اظن يتخلو منها السيرفرات الامريكية)
3.الكل جديد و كل شي متلخبط...محد يعرف يلعب الا اقلة و تتبهدلون...
4..منو بيشتري الورلد باس لكم؟....محد كلكم يا راندوم يا تنتظرون من اسبوع للثاني عشان رئيس الفريق ولا رفيجك ياخذلك ورلد باس...
5.ما بتلعب الا ويا ربعك العرب....اذا في راج مع المنتدى كله انشاء الله



الاضرار اي شي يعني الامريكان مايفهمون ولا كلمه انتو حدكم مقليلين منهم في وكل الاضرار كلام فاضي

وبعدين الفوائد الي بالسيرفر الانجليزي لاتعد ولا تحصى مالي خلق اقولها لاني موفاضي فالي يبي يدش سيرفر ياباني كيفه وانا مو شغلي وين تبي تدشون انا الي على بدش مع ربعي وهم يبون سيرفر انجليزي بس تذكرو شي واحد فقط انك اذا دخلت سيرفر ياباني مثل راجناروك راح تضل في طول حياتك وتتوهق ومرات على حظك بالسنه مره يخلونك تحول وهذا الي سواه زويدك لان يدري راجناروك اي شي يابانين وماتعرف يااباني ياحلاوه



وبالاخير الي يي راجناروك كيفه انا ماجبرتكم كيفكم انا الحين معاي على الاقل 10لاعبين يبي يدخلونها معاي اكيد وتاكدت بنفسي

[SanjiyaN]

مو منطمة لانها توها بادية......مو مثل راجناروك مثلا او باهاموت...صارلهم وايد و اللاعبين يعرفون انهم اذا زادوا بالسعر ما يبيعون.واللاعبين يكونون لاعبين من قبل...مو مثل الامريكان....تراهم اكبر بهدلة و لا تقول العكس انا مجرب و التجربة خير برهان...واذا كل واحد بيروح سيرفر عادي ترى مش مستفيد بالعكس اهو الخسران....وانا ما اظن انك تحتاج انك تلعب مع غير العرب اذا كانوا موجودين...و في وايد انجليز فالسيرفر..عموما الاسباب موجودة...و المساعدة المطلوبة منهم هي مالية(كويت نايتس) لشراء الورلد باس و اعتبرها سلفية و ارجعها

و اول مرة اسمع ان اذا تعرف جيم ماستر بيظبطك...شو دليلك على انك قاعد تكلم جيم ماستر...اذا عندك ليش البخل خله يدخلنا كلنا سيرفر واحد و خلاص جزاك الله خير بلاها روحة راجناروك

و ترى السيرفر الانجليزي ما فرق عن السيرفر الياباني ...أصلا الفرق بس هم اللاعبين واذا انت تقول الامريكان طيبين روح و شوف بنفسك...واذا انت 10 انا 14 واحد تقريبا معاي....و اكثر انشاء الله داخلين راجناروك...و بهالطريقة نقدر نلعب مرتاحين...لأان بنلعب مع بعض...مش الامريكان و اليابانيين

و بويند انا اقترح ان العرب كلهم يروحون سيرفر واحد.....

[*STEVE*]

مو منطمة لانها توها بادية......مو مثل راجناروك مثلا او باهاموت...صارلهم وايد و اللاعبين يعرفون انهم اذا زادوا بالسعر ما يبيعون.واللاعبين يكونون لاعبين من قبل...مو مثل الامريكان....تراهم اكبر بهدلة و لا تقول العكس انا مجرب و التجربة خير برهان...واذا كل واحد بيروح سيرفر عادي ترى مش مستفيد بالعكس اهو الخسران....وانا ما اظن انك تحتاج انك تلعب مع غير العرب اذا كانوا موجودين...و في وايد انجليز فالسيرفر..عموما الاسباب موجودة...و المساعدة المطلوبة منهم هي مالية(كويت نايتس) لشراء الورلد باس و اعتبرها سلفية و ارجعها

و اول مرة اسمع ان اذا تعرف جيم ماستر بيظبطك...شو دليلك على انك قاعد تكلم جيم ماستر...اذا عندك ليش البخل خله يدخلنا كلنا سيرفر واحد و خلاص جزاك الله خير بلاها روحة راجناروك

و ترى السيرفر الانجليزي ما فرق عن السيرفر الياباني ...أصلا الفرق بس هم اللاعبين واذا انت تقول الامريكان طيبين روح و شوف بنفسك...واذا انت 10 انا 14 واحد تقريبا معاي....و اكثر انشاء الله داخلين راجناروك...و بهالطريقة نقدر نلعب مرتاحين...لأان بنلعب مع بعض...مش الامريكان و اليابانيين

و بويند انا اقترح ان العرب كلهم يروحون سيرفر واحد.....

كيفم انت تعرف 14 الف الله يهينكم وانشاللله تستانسون
انا ربعي صرنا عشره وراح نستانس ومو محتاجين احد يدخل معانا فاذا ف احد يبي يصير معانا ماعندنا معانا عادي وفالعكس وبنساعدهم كثر مانقدر

على العموم اختياري سيرفر انجليزي وانا اختار الي يعجبني مو مستعد اخيس بسيرفر ياباني طوول الوقت

وبالنسبه لسؤالك اني اعرف جيم ماستر كنت مابي ارد عليك لان سؤالك كانك تكذبني او مستهزء بس برد عشان لاتقولون اجذب وعلى فكره ترى هو مايكلم كل من هب ودب يعني اذا تبي ترزون وهيكم معاه غصب ماراح يعبركم وبعدن الامريكان عندهم الناس نوعين ياه صدي او شخص غريب

انا قلتلك اسمه راجناروك وبعدين هذا مو اي مراقب ويعرف سكوير عدل وهو المشرف في كل المنتديات هذي الي بالصوره تحت وترى مو على كيف الجيم ماستر يحط بالسيرفر الي تبي هو يقدر يجيبلك وورلد باس بس موعلىكيفه ينقلك من سيرفر الى سيرفر((وعلى فكره ترى دارك ديفل يعرفه عدل ويسولف معاه دايما وقالي لاتقول لحد بس انا قلت عشان لاتاخذون فكره اني اقص عليكم))