أسئلة للضحك!
السلام عليكم.
هذا موضوع لطرح الأسئلة المضحكة والتي قد تطرأ على بالكم فجأة.
سواء متعلقة بالأنيماي ولا المانجا... بالكارتون ولا الكوميكس...
بالرسوم المتحركة ولا القصص المصورة... مصختها عاد على هالسرد.
المهم,
كنت قاعد أشتغل على الدراسة الذاتة المتعلقة بالجامعة, وطرأت هالفكرة في بالي.
قلت لين ما أخلص كوميكات الأعضاء ومواضيع التحدي, أحط هالموضوع ألحين أحسن.
وهو للأسئلة الغريبة, وربما المضحكة, اللي ممكن تطرأ على بال الأعضاء.
والكل مدعو بالمشاركة, سواء بالمشاركة ولا وضع الأسئلة الحارة.
قصّة: حلو هالسجع!! ^^
رواية: سؤال ولا عشر, كيفكم, بس مو أكثر.
يالله:
1- ليش لون جونكر أزرق وأحمر؟
2- ليش لون البطل ولا قائد المجموعة في كرتونات ولا مسلسلات السينتاي (مثل باور رينجرز) أحمر؟
3- شو من المانجا يالس تقرأ الحين؟
4- بتتعلم الرسم ولا لأ؟
وليييييييييييييش؟؟؟
5- شو رايك في منتدانا؟ ^^
6- أبغي أعرف... لييييش دوم زر التفجير في الكرتون واللي يمكن يطلق قنبلة الدمار الشامل ولا السلاح الفتاك الخطير لونها أحمــــــــــر؟؟
وعووودة (كبيرة)؟
ودويرية؟
وروحها معزولة عن باقي الأزرار في وسط لوحة المفاتيح؟
ليش؟
ومرات عليها جمجمة؟
ليش؟ @@
7- ليييييش المدمرين اللي في مسلسل جونكر دوم مرقمين من واحد لين أمية بأرقام أرضية؟
رغم إنهم من الفضاااااااء؟
8- ليش اليابانيين مجلات المانجا مالهم اللي من النوع المتين واللي فيها مانجا منوعة مثل مجلة كورو كورو كوميك, شونين آيس, شونين جاندان, ألترا جامب, شوجو كوميك, ناكايوشي, أفترنون وغيرها وغيرها, كلها تصل عدد صفحاتها للثمانمية وفوق؟!؟!
هااا؟ قولو لي؟
كيف بنوازيهم؟!؟!
9- ليش أنا لين ألحين ما خلصت كوميكي اللي طوّل (مال موضوع تحدي القراصنة)... قرصنهم برق؟
10- وليش قاعد تجاوب على الأسئلة؟
هذا وحياكم.
يالله حلوا!!
هق هق هق هق!<== مغفل.
)
رئيس عصابة HACKERS
المشاركة الأصلية كتبت بواسطة Hard Rock