نحييكم من جديد من داخل مبنى كلية الاداب في جامعة الملك سعود وتحديدا في قسم اللغة الأنجليزيه
طبعا من المقدمه هذي راح تعرفون اني راح اتكلم عن كليتنا العزيزه الى قلوبنا <--- امحق
طبعا هذا المستوى الثالث ومرت سنه سريعه جدا واجازه صيفيه اسرع
وفي هذا الترم تم الفصل بيننا انا وماستر وبين خوباج العزيزافتقدته
طبعا التحف لن تنتهي وفي هذا الترم شرف تحف جديده لجامعتنا وتحديدا الى قسمنا
نبدأ بداية بالبروفسور محمد ديب يدرسنا مادة الروايه ومعطينه رواية اسمها روبنسون كروسو
اكبر معقد في منطقة الشرق الأوسط .. مصري الأصل ويحمل الجنسية الأمريكيه !!
اولا من ناحية اسمه لا يقبل مننا اننا نكتب اسمه بغير هذي الطريقه : Muhammad Deeb
واي واحد راح يكتبه بطريقه ثانيه يمكن ما يقبل منه واجبه
هذا البروفسور ما عنده الا رئه واحده واكثر واحد يخاف منه بالكلاس انا لأني دايم ارشح ويخاف من المرض هو ههههههههههه
ومعقد نفسيا يجي قبل المحاضره بخمس دقايق ولا يدخل احد عقبه !! وكرفنا بكثرة الواجبات ..
يأتي بعده الدكتور التحفه الرهيب واللي هو اساس موضوعي هذا
دكتور عراقي جديد اسمه علاء الدين حسين يعطينا مادة الترجمه رهيب وما عنده تعقيدات
ذاك اليوم ننتظره للمحاضره يوم مر من عند باب القاعه وراح نحسبه شطف قريب وبيرجع
مر ثانيه وثالثه والمشكله كلنا قاعدين متنحين نحتريه يجي
طلعت برى القاعه شوي مر قالي كلاس ترجمه قلتله ايه oh i lost the class
انا كتمت ضحكي ودخلت وراح الوقت المهم نفس اليوم نحتري دكتور ثاني حق المسرحيه
ويمر الدكتور علاء من قدامنا 4 او 5 مرات وحنا ندخل القاعه عشان نضحك بدون ما يشوفنا ويمر بعد ونضحك زود
بالأخير مر من جمبي وانا اكتم ضحكي بصعوبه مره والتفت علي وابتسم ابتسامه بريئه وقال : i'm lost again :knockedou
انا ما قدرت امسك نفسي وفقعت عليه ضحك موب طبيعيالصراحه تحسفت عقب مع انه غصب
اللي يزيد الطين بله انه هذا رابع اسبوع للدراسه !!
الدكتور الثالث دكتور غالب الربابعه دكتور شكله اردني من اسمه رهيب وطريقة شرحه حلو
ونطقه شوي مضحك خصوصا لا تحمس
والدكتور الرابع في مادة المسرحيه يجينا دكتور مصري اصيييل بكلامه وبلبسه
حتى انه قال ذاك اليوم :انتا بتلعب عليا انا مصري ابن مصري سناني مخلعه
لأنه طالب ما جاب النقد حقه على مسرحية اديبوس ويقول انها مع خويه اللي غاب
اما الماده الأخيره فأنا فيها لحالي وهي مادة مقدمة الفنون الأدبيه عند الدكتور ميجان الرويلي
هذا الدكتور منسم بشكل ويقرى القصص ويترجمها للعاميه ويقعد ينكت على القصه تنكيت موب طبيعي
مثلا يقص لنا قصة عن قصاص الحمير الوحشيه اللي كشف القط السيامي اللي يخدعهم لأنه يتكلم لغتهم
يقول انه جا القصاص (story teller) جا ودبج القطو السيامي على خشته اللي تكرفس ومات
اما تشبيهاته فحدث ولا حرج
ودي اقص قصص زود عنه بس الوقت ما يوسع ولا ودي اطول الموضوع يصير يزهق وهو عشان يوسع الصدر
وش رايكم بدكاترتنا
مشكور اخوي على الموضوع
?! how comes 
المشاركة الأصلية كتبت بواسطة المطيوره
<<< شفتو الادب 
و دومه مضيع و مختبص
