ممكن مساعدة

[theking jazoora]

بسم الله الرحمن الرحيم

انا طخت في عقلي شغلة البرمجة وصناعة الالعاب ....بس المشكلة اني مبتدء بشكل كبييييييييير ...وسجلت البرامج وحاولت افهم بس بعندي مو فاهم اوكي امية بالامية ....فقررت اقرا كتب مثل ما نصحوني بعض الاعضاء...
بس ما اعرف شنو الكتب الي لازم اقراها ووين القاها
وعندي سؤال ثاني لو سمحتوا: من وين اشتري الVB وباقي البرامح الي احتاجها؟
وارجو اني ما طولت عليكم وارجو ان ما تردوني او تطنشوني خصوصا اني جديد على منتدى البرمجه....
وسلملم

[الوصيف]

السلام عليكم
هـلا ومرحبا أخوي
أول شيء تسوية تشتــــري البرامج الاساسية:
الفيجوال بيسك
والثردي ماكس أو المايا
طبعـا من المحلاات
أمـا الكتب فـانأ أشتريت كتاب أسمة تعليم أساس الفيجوال بيسك وأكيد راح يفيدك
فأنصحك بة
وراح تفيدك دروس أخوي يزيد في المنتدى
أرجووووو أني لبيت طلبك
تقبــــــل تحياتي أخوك الوصيف

[Master x Power]

ما دام انك مبتدأ يبي لك الكثير الكثير من الوقت

وشكلك مب بس مبتدأ على برمجة الاعاب

الا مبتدأ على الكمبيوتر نفسه


عشان تنتج لعبة قدامك عدة طرق

اولا : بستخدام البرامج مثل ( RPG Maker 2000,2003 - Game Maker ...etc )

وهذي البرامج للأسف الشديد لا تصمم الشئ الي تبيه يعني زي ما تقول محدودة

واغلبها 2D يعني ثنائية الابعاد

والطريق امامك في هذه البرامج قصير نوعا ما مقارنة بالطريقة الثانية وسهلة


ثانيا : بستخدام لغات البرمجة ( تصميم اللعاب احترافية 3D )

وهي الطريقة التي تستخدمها الشركات و المحترفين

تحتاج الى برامج عديدة

منها برامج الخاصة للبرمجة مثل VB ( فجوال بيسك ) ++VC ( فجوال ++C ) وغيرها

ومنها برامج التصميم مثل Maya - 3DsMax - Poser والكثير الكثير ( وهي مب هينة )

ومنها برامج الصوت

وووو

يعني المجال كبير

والطريق طوويل

والامر صعب

وتحتاج الى خبرة كبيرة

قد يستغرق منك الوقت سنتين او ثلاث

حتى تصبح قادرا على تصميم لعبة

[black ash drago]

انصحك بكتاب تعلم الفيجوال بيسك 6 ب21 يوم
و برنامج الثري دي الماكس
لكن كبداية سوي بالتو دي اول
اما وين تلقاها اذا كنت بالرياض خذلك 50 ريال وروح حراج الكمبيوتر و اشتريها
اما في مكان ثاني خذ راتب السنة و روح مكتبة كمبيوتر
لكن كبداية بادئة خذ الجيم ميكر

[Master x Power]

كبداية تعلم بعض الاساسيات في الكمبيوتر


عشان تصير لك البرامج سهلة

[Son Of UAE]

انصحك بكتاب تعلم الفيجوال بيسك 6 ب21 يوم
و برنامج الثري دي الماكس
لكن كبداية سوي بالتو دي اول
اما وين تلقاها اذا كنت بالرياض خذلك 50 ريال وروح حراج الكمبيوتر و اشتريها
اما في مكان ثاني خذ راتب السنة و روح مكتبة كمبيوتر
لكن كبداية بادئة خذ الجيم ميكر

كم سعر الكتاب " تعلم الفيجوال بيسك 6 ب21 يوم " عندكم بالسعودية ؟

انا لقيته ب144 درهم من مكتبة جرير .... غالي شوي

[black ash drago]

كم سعر الكتاب " تعلم الفيجوال بيسك 6 ب21 يوم " عندكم بالسعودية ؟

انا لقيته ب144 درهم من مكتبة جرير .... غالي شوي

يعني تقريبا لكن انا مشتريه 120 ريال من الحصالة حقتي (اجمع لي 5 سنين قروش و ريالات الحين لو طاحت عليك تكسر عظمك من وزنها)

[theking jazoora]

شكرا يا شباب على الاجوبة واسف على التاخير بس تعرفوا الثانوية عاد
__________________________________________________________
شكرا يا الوصيف وحتابع شرح الاخ يزيد......بس منو يزيد؟؟
ما شفت واحد اسمه يزيد في المنتدى
__________________________________________________________
شكرا يا اخ Master x Power وانا مو جديد على الكمبيوتر او النت بس على البرمجة ...وانا خبرة فالالعاب الاستراتيجية
وباين علي حتبع الطريقتين ..... شنو سالفة السنتين والثلاث سنوات...يعني صج الشغلة حطول
انا حاط احتمال أدرس واخلص بالعطلة مال الفصل الدراسي الاول ...
وشكرا على الرد الطويل
__________________________________________________________
شكرا يا الاخ black ash drago وشكلي حشتري الكتاب....وبخصوص الجيم ميكر حتعلم من دروس اخوي PLAYFINALGAME كيف استخدمه
__________________________________________________________
كنت حسأل black ash dragon عن سعر الكتاب بالامارات ووين القاه...بس باين عليك جاوبت علي قبل ما اسال يا اخ son of uae ........وعيد سعيد بمناسبة عيد الاتحاد وعساكم من عواده

ايه نسيت اخبركم انا اشتركت في جريدة pc magazine..... ممكن استفاد من البرامج والمجلة...صح؟

وسلملم