حدث في مطار دمشق

[كايتو]

يا اخي واضحة مثل الشمس ...........


الرشوة : مبلغ تعطيه للموظف لكي يسير امورك ....

الاكرامية : مبلغ تعطيه امتنانا للموظف لحسن تعامله معك .....

والواضح جدا انها رشوة بس هو بدل الكلمات...

وهمه بسوريا اصلا يسمون الرشوة باكرامية لأنه كلمة رشوة عيب .....

[faarees]

مااعتقد انها رشوه لانني ماعرضت عليه هو اللي طلب
ممكن تكون سرقه اونصب
لان الرشوه تكون عرض وقبول
وانا ماعرضت عليه اي شي
يعني بالعربي تعرضت لعمليت نصب او ممكن تكون سرقه بس عالمكشوف
وعلى فكره مو بس الخليجي ترا حتي السوري لازم يدفع
بصراحه خفت اذا رفضت ادفع تكبر السالفه
وانا ماجيت عشان اعور راسي
جاي سياحه

[7sas]

أخي مهند الحلال بين والحرام بين وبينهما متشابهات
وانا معك الله أعلم

صدقت

[الكوكتيل]

الله اعتقد انها نصب واحتيال مكره
حسبنا الله ونعم الوكيل

الله يعوضك يأخ فارس

[DraGonGreeN_Z]

أخواني

صارت لي مثل الحادثه بس كنت مع الوالد وعماني في سفر بري على سيارتين لسوريا

من وصلنا للحدود توسط عمي من كثرته سفره لسوريا الى الرائد (( على ما أعتقد )) المسؤال عن الجوازات وختمها وخلصنا بس ما طلب منا أكراميه لانه يعرف عمي بس من كنا نبي ندخل لسوريا قال العسكري الحدود عطونا أكراميه من دون تردد عطاه عمي 100 ليرة
= 600 فلس كويتي وسالته ليش عطيته أكراميه (( مع أول سفره لي لسوريا )) رد علي : اصلا لازم نعطيهم غصب لانهم ماراح يخلونا ندخل الحدود وصار عندهم مثل القانون او الضريبه وهم ياخذون بس من الخليجيين لأني انا سمعت سوري يقول ان السوريين ياخذون لأكراميه بس من الخليجين لأنهم عندهم فلوس .

ألله أكبر

صار عند سوريا ضريبه أو قانون

ياتدفع او ماتدخل الحدود

هذا الي صارلي

[sun_uae]

الاكراميه...تيي بطون طلبه

هذا الموضف طلب عيني عينك يعني رشوه

[Renoa Heartilly]

حتى هم متأذيين من المشكله هذي يجيبونها في مسلسلاتهم و كذا, الله يعينك أخوي خوفتني شكلي مني رايحه برا السعوديه *اسم الله عليها للي راحت لندن. خخخ حدي الكورنيش و بس* و بعدين فيه ناس ما تكفي رواتبهم, و مضطرين للأكراميه هذي عشان يأكلون عيالهم.. لكن هذا ما يعني أني معاهم في اللي يسوونه...

[faarees]

العوض على الله

الفلوس تروح وتجي
المهم الصحه
بس اللي حاز في نفسي
انهم يعطون فكره غلط
عن الشعب السوري
الطيب الخلوق
اللي يخدمك بعيون
وهذي شهادة حق
حبيت اقولها