>> لوحات <<

[Neo Cid]

السلام عليكم و رحمة الله و بركاته

ازيكوووو ؟ .. عامليييييين اييييييييه ؟ ..

حبيت أني افتح لكم هذا الجاليري اللي طالما كنت حاب اني افتحه يوم من الايام و كاهوا اليوم هذا جاااا ..

خلال زياراتي لمنتديات أجنبية و اطلاعي على الفن الغربي ( لا يروح فكركم بعيد ) شفت ان لهم قدرات هائلة بالرسم و عليهم

رسمات مشاء الله لا إله إلا الله .. تف تف تف ..

ماني مطول عليكم ..

بحاول أني بكل فترة و فترة أعرض عليكم رسمات تستاهل التقدير ..

رسمات نادرة و تعبر و بقوة ..

و اتمنى انكم تشاركوني بالاضافة .. وان الاضافات ما تكون اكثر من صورة بالرد أرجوكم .. لأن الصور بتكون كبيرة و زحمة

صور .. و زحمة الصور = عدد قليل من مرتادي الموضوع ..

الصور :


اخخخخخخخخ ايييييييي .. اللي يعرفوني عدل راح يعرفون ليش اني اخترت هالرسمة .. و السبب أني أحب الفلك و بنفس

الوقت أحب التصوير .. و من امنياتي اني اصور الصواعق ( صج اني هندي مثل ما قلت كيتي )

شاركونا و فيدونا ..

مع الف سلامة

peace

[Touya]

هاذي لوحة أعجبتني... بس اللي رسمها ذكر انه ماكان له نفس يكملها.. وان فيها ترقيعات لإكمال اللوحة...

لو دققنا النظر نقدر نكتشفهم بسهولة... بس اللوحة حلوة

[Neo Cid]

مشاركة قيمة أخوي تويا ..

صحيح اللوحة فيها بعض العيوب اللي مخربة عليها لكنها حلوة .. خاصة السما و الغيوم روووعة ..

ألف شكر مني لك على المشاركة

=========================

رسمة جديدة و هذه المرة عن المدن .. طالما كنت أتمنى ( يا كثر ما تتمنى و تفكر يا ميثم ) ايام ما كنت بنيويورك بالصيف ..

كنا على وشك الصعود على ناطحة السحاب امباير ستيت إلا انهم قالوا ان المبنى مغلق للصيانه ( حشى منتدى مو مبنى ) ..

عالعموم .. هالصورة مرسومة عالسريع .. ( حسب كلام رسامها ) .. و ان شاء الله تعجبكم ..

[yuki-babe]

مشالله روعة ,,, خاصة اللوحة الثالثة ,,

لو أشوفها من بعيد أحسبها حقيقة مو رسمة ,,

للأسف آنا ما عندي خبرة برسم الطبيعة و هذي اللوحات

لكني راح أكتفي بالتعليق على الرسوم اللي تضعونها ,,, فعلا روووعة ,, ( إبداع )

و تسلم على الموضوع ,

[orange road]

مشكور سيد على اللوحات...
معاك حق في اللوحة الأولى .. وايد حلوة.. في البداية افتكرتها صورة...

الثانية اللي حطها تويا...
عجبتني بس مثل ما قلتوا.. فيها أشياء خربت عليها لكنها بعد حلوة وخطيرة (لو الموت ما اعرف ارسم شي مثل ذي)

الثالثة...
متأكد انها مب صورة.. دقيقة وايد لدرجة تبين انها صورة مسوين لها تأثير بفلتر علشان تبين على إنها لوحة..

سيد.. طلعت هندي يعني ^^
ههههههههههههههههههههههههه
عاد لا تعترض على كلام كيتي.. لا تحكم عليك انت الآخر بالإعدام بعد... ههههههههههههه

[Zarzora]

آخر لوحه عجييييييييييييييييييييييبه...
الي رسمها شكلة تعب وايد عليها..
thanx neo cid for yor works
good job

[اليسون]

الرسوووووم عجيبة
وانا عندي تشكيلة واسعة منها
لكن اغلبها حولتها لكارت وايد كبيرة بس لقيت كم وحدة ما حولتهم بعدني

[ديجيمون ماستر]

السلام عليكم
حلو الموضوع
عجبتني الرسمات كلها لكن اكثر شي عجبني الثانيه مره حلوه والغيوم والاضاءه رهيبه اما عن الثالثه ....الرسمه دقيقه جدااا بس ابغى اعرف شلون رسمها ....هب عليه ....
عندي رسمه رسمتها وحده يابانيه على ما تذكر
المهم هذي الرسمه

[ديجيمون ماستر]

معليش ماطلعت الصوره فوق

[yuki-babe]

وااااو اللوحة اللي وضعتيها يا إليسون راااائعة ^_^

و ديجيمون ماستر , هل أنت متأكد إنها لوحة!!!!! رووووووعة ,,, مشالله..

[Neo Cid]

yuki-babe

حتى أنا لمن شفت الرسمة الثالثة لأول مرة اعتقدت انها صورة لكن بعد التمعن أيقنت بأنها رسمة ..

وتطمني أختي الموضوع هذا خصيصا ( مواضيعي كلها ) ما فيه اي رسم .. فقط نظرة و تأمل ..

و حياج الله بكل وقت ..

orange road

العفو أختي

هندي لييييييه ؟ .. لا عاد ما اتفقنا على جذي ..

بطلعج من الموضوع و مكتوب على ظهرج "هندية" ( مع احترامي لكل الهنادوة ) خخخخخخخخخ ..

لا امزح معاج اختي انتي على العين و الراس .. تأملي "الرسمة" أكثر ما عليج أمر ..

شوف النقاط البعيدة .. ما تلاحظين أنها مو مضبوطة ؟ .. ما اظن ان الفوتوشوب أو اي برنامج ثاني بيدقق بهالامور ويخليها

كالتلوين الحقيقي .. ممكن بعض الشئ لكن مو إلى هذي الدرجة .. أنا مجرب عشان أيقن و تأكدت .. هذي رسمة ..

و حسب كلام رسامها .. الحبيب رسام معروف بأحد المنتديات والناس يعرفون عنه وايد ( بذاك المنتدى طبعا ) وما اظن انه

بيجازف بسمعته و يلعب بصورة ويقول للناس أنه هو اللي رسمها .. هذي نظرتي للرسام و اللوحة ..

و إذا مصره على كلامج .. نستدعي بعض علماء ناسا ( الوكارد و ريفلكيس ) عشان يحكمون ..

Zarzora

هلو هلو بالخالة .. عاد تصدقين .. الرسمة الاخيرة هدية مني لج .. ( )

الحمد لله انها عجبتج .. وولكم anytime

اليسون

مرحبا أختي اليسون ..

ذكرتيني برسام اللوحة المرفقة .. عندي معظم رسومة بالجهاز و حسب ما اشوفه كلها متعلقة بالفضاء و النجوم و القمر ..

وحتى تقريبا 4 لوحات من لوحاته مجسد فيها بشر ينظرون للسماء .. عجبني اسلوبه و شد انتباهي .. و حتى اني استخدمت

بعض لوحاته لتصاميمي ..

و الصورة اللي حاطتها مع أجمل الرسوم اللي شفتها منه .. اختيار موفق ..

وشكرا على المشاركة

ديجيمون ماستر

هلولو أخوي ديجيمون ماستير .. عاد تصدق من زمان مو شايفك .. ( الله اعلم من اللي قاطع منا احنا الاثنين )

مشاء الله .. لوحتك المرفقة ابداااااااااااع .. غرامي البحر ..

الرسام اتقن اللوحة وضبط امتداد شعاع الشمس بماء البحر .. و المرجان متقن حتى .. لوحة نادرة و تستاهل العرض بالموضوع

ألف شكر مني لك على المشاركة

[orange road]

سيد...
ما يسوى علي.. كلتني أكال.. وتبي ريكسو وخطافو بعد ييون...
لا بالله رحنا وطي....
هاذيلا عاد بياكلون الواحد بثيابه...
خلاص خلاص... صدقتك (يا مقوص) ان هاي رسمة مب صورة ملعوب فيها...

لوحة كاجايا...
يا عيني على رسم كاجايا...
طاق في راسي اني احاول اشتري له لوحة من على النت
رسمه رهيب
اذا عندكم لوحات له وواضحة ممكن تطرشونها لي على الإيميل؟؟؟ لأني أموت على رسومه ومع ذي ما لقيت الا شوي منهم على النت (حتى في موقعه الرسمي)

وهاذي لوحة حقه

[yuki-babe]

مشالله على هال: كاجايا رووووعة لوحاته ,,,

فنان و اللوحة اللي وضعتيها يا أورانج تهبل ^_^

تريح البال ,,,,,, واو هذا الموضوع روعة ,,,, متشوقة أشوف باقي اللوحات ,,,

و مشكورين...

[Neo Cid]

سيد...
ما يسوى علي.. كلتني أكال.. وتبي ريكسو وخطافو بعد ييون...
لا بالله رحنا وطي....
هاذيلا عاد بياكلون الواحد بثيابه...
خلاص خلاص... صدقتك (يا مقوص) ان هاي رسمة مب صورة ملعوب فيها...

هههههههههههههههههه

لا لا آسف على كلامي لو تحسبين اني متهجم ولا شي .. تووووبة ..

بس قصدي ان اللي ارفقته رسمة مب صورة .. وباين عليها .. حتى فيها عيوب ..

شياب عمار بالموضوع ؟ .. ما قلناش خطاف .. قلنا الوووكااااااارد ..

عالعموم .. اللوحة المرفقة ممتازة .. اقتناء جيد ..

بس يعيب لوحاته ( بنظري ) انه وايد يستخدم التأثير overlay على لوحاته .. و ألوانه غامجة ببعض الأحيان ..

[ديجيمون ماستر]

ماشاء الله اللوحه الي ارفقتها اليسون واورنج رود جداجدا حلوه


هلا نيو اي والله من زمان عن منتدى فاينل فانتسي ....

عندي لوحه لنفس الرسامه بس مو حلوه مره مثل الي قبلها ....