Say a nice thing about them .. again

[Angel whisper]

مسا الخير ..

مره ثانيه احط الموضوع عقب ما اصرو ناس على اني احدد اسماء الاعضاء .. وللي ما يعرف شو السالفه اقول ..

الموضوع هو اني بحط اسماء اعضاء .. وانتو تكتبون "ميزتهم" او الاشيا اللي تحبونها فيهم كاعضاء او اذا بغيتو كاصدقاء ..

وانت سيد اودين .. ترى من ورا خاطري حاطه اسمك ..

Odin

King_Kubaj

I am Here

Angel Whisper

Undine

لوسي

....

[كاو بوي]

اودين :: يبذل كل جهده لتقديم الافضل !!

خوباج : مستر مستيريس غامض جدن ><

انا هونا : رجال سنافي .. يوميا معي بالماسنجر،، رقعني باربعه بويننق اليفن واثار الاربعهمازالت موجوده فيني

Angel Whisper : مواضيعك حلووه (y) ^_^

Undine : من زمان ما شفت موضوع لها

لوسي : اغلب مواضيعها خواطر و اشعار ممتعه


تحياتي

[QataR NighTMarE]

اودين: يعجبني صراحه واحترمه بشكل كبير لأنه انسان يستحق الأحترام
خوباج: اتفق مع اخوي كاو بوي بأنه غامض جداً
im here: صحيح اني ما اعرفه بشكل كبير بس تعجبني ردوده
Angel Whisper:صحيح اني ما ارد كثير بمواضيعك بس بديت اشوف مواضيعك بالفتره الأخيره واعتقد كلمه مميزه شوي بحقك
Undine: ما اعرفه الصراحه
لوسي: ما اعرفها بشكل كبير الصراحه

[~MâLâK~]

ليه انمسح ردي؟
ترى انا كتبت رد واقترحت تحط اسماء لأنها قبل ماحطت اسماء <==فضيحه
بس عاد مو لدرجة إنكم تمسحونه ..

زين ماراح اكثر كلام وبقول رأيي ..

اودين .. مااعرفه زين بس إلي اشوفه إنه اخلاق ..

خوباج .. من زمان عنه ..اممم زي ماقال كاو بوي غامض ولأبعد حد ..
بعض الأحيان يقولي سالفه بعد ساعه يمكن استوعبها ..ايضاً اخلاق ..

ايم هير .. برضوا مااعرفه زين بس إلي اشوفه ايضاً إنه اخلاق <== وش فيها معلقه عليها :P

اينجل .. ماادري عنها من زمان ..

اندومي .. حوبه جدا جدا .. بس من جد من زمان عنها الله يوفقها بأختباراتها ..

لوسي .. إلي اعرفه عنها إنها تعشق القطاوه.. مدري كم صاروا الحين قطو يمكن ميه ..

[Revolutions]

اودين : يعجبني فيه صراحته وخدوم ومايقصر ......


خوباج : على قولة الشباب غامض واحس انه يحب الفلسفه


im here : احس انه فررررررررررررررري


Angel Whisper : توقيعيه عجبني


Undine و لوسي : مااعرفهم

[Moon Boy]

اودين: أعرفه من بداية دخولي للمنتدى قبل يمكن ثلاث سنوات..

أشوفه شخص حبوب ومتعاون.. وردوده تعجبني.. لكنه بخيل بالمواضيع!!

خوباج: كشخص رايق.. لكن بالمنتدى أسلوبه مختلف تماماً.. يعني يجمع بين الظرافة والخبث والقمع!!

بس إنه رهيب <.... يبيه يسويله توقيع

im here : ردوده كثيرة.. ولكنه محترم.. ومواضيعه مسلية..

Angel Whisper: روعة روعة هالبنت<...ابد مايدري إنها صاحبة الموضوع

لا الصدق.. إنها بنت حبوبة ومواضيعها متميزة وجذابة..
لكن مشكلتها بالأحزاب مع البناات ضد العويااااال

Undine: غيابها مؤثر.. هي عضوه مقله.. وأنا معجب فيها لأن اسمها يذكرني بالأندومي

لوسي: صاحبة الحس الراقي.. والفكر الإبداعي..لكن مشكلتها ماحد يفهمها!!

شكراً لك

[NsaN]

Odin: ريال طيب و محترم..يعجبني اسلوبه مع الاعضاء

King_Khubaj: صريح بشكل يخليك ترتاح في تعاملك معاه..يعني تضمن انه ما راح يجاملك او يقص عليك...تعامله ممكن يكون جاف احياناً بس هذا ما يغطي على طيبته..

Iam Here: عاد هذا اطيب واحد بالمنتدى..احسه ما عليه من حد و على نياته.. اللي في قلبه على لسانه.. و ما عنده مشكلة مع اي حد..دمه خفيف..

Angle Whisper: طيبة بس ما تعرف نفسها...او تبين نفسها بصورة غير عن طبيعتها..يمكن هي تحب انها تكون هالشخص اللي تبين لنا دايماً انها هي...بس هي عكسها تماماً..<<< احس محد فهم

Undine: دمها خفيف..و تصاميمها تعجبني..

لوسي: اذا ذكر الاحترام و الطيبة..ذكرت لوسي...

هزا اللي عندي ..و يعطيج العافية Whisper عالموضوع

[Trouble Maker]

أودين : انسان في غاية الطيبه والتسامح.. عملي.. مرح.. وخدوم دائما

خوباج: طيب.. ظريف.. ودمه خفيف .. لكن يحب يظهر بشكل ثاني بالمنتدى

Iam Here: لم تسبق لي معرفته ولكن .. على ما يبدو انه انسان يعرف يعيش الحياة صح

Angle Whisper: اممممم لا تعليق..""لعدم المعرفه "". يمكن اي واحد يقدر يلتمس طيبتها

Undine: لا تعليق لعدم المعرفه

لوسي: لا تعليق لعدم المعرفه

ودمتم سالمين

[Trapped Inside]

اودين:شخص محترم وتصاميمه حلوه..

خوباج:جدي وصريح...

انا هنا:ما اعرفه...

مواضيعها حلوه...

انداين:نفس الشي ما اعرفها...

شغاله سابقا.. مواضيعها روعه وانسانه محترمه...

[I`m HeRe]

الله الله الله

Odin
ما اعرفه لذيك الدرجه لكنه أنسان محترم

King_Kubaj
خوباج وما ادراك من خوباج هالأنسان ما فيه مثله حبيب ودايم أستلام تصقيع بالوننج
وما يقتنع بسهوله

ما ادري متى بيجيب اللي وصيته عليه

مهما اقول في هالأنسان من مدح فهو شويه بحقه

I am Here
هذا ما ادري ليش ادرجتوه بهالقائمه

Angel Whisper
أووووه وش خليت أحسن عضوه بالمنتدى

Undine
ما تنشاف بالمنتدى وترد كم من رد وتختفي

لوسي
سابقاً اللي كنت أعرفه عنها أنها تحب القطاوه وتبي تطلع رخصه

بس غيرنا فكرتها عن القطاوه

دايم تبهرنا بخواطرها الرائعه

_____________________________

كاو بوي
ههههههههه إلى الحين تذكر الأربعه ياخي أنا ناسيها

Magenta

Iam Here: عاد هذا اطيب واحد بالمنتدى..احسه ما عليه من حد و على نياته.. اللي في قلبه على لسانه.. و ما عنده مشكلة مع اي حد..دمه خفيف..

عاد اطيب واحد مره وحده
وتسلم

Moon Boy
ولا يهم نقلل الردود كم عندنا من مون بوي يا ناس

~MâLâK~
ولد البوكواره
Trouble Maker
Revolutions

مشكورين جميعاً

والصراحه هالأراء أفتخر فيها

[بطل الأمارات]

Odin : شخص محترم وطيب وتعامله جيد مع الاعضاء

King_Kubaj : صريح جدا جدا

I am Here : كل ما اشوف اسمه اقول سعد مين ؟

Angel Whisper : حبوبه ومواضيعها وردودها مضحكه ومسليه

Undine : ما اعرفها

لوسي : تحب القطاوه وردودها حلوه وتضحك .. بس يوم تكتب اشعار مب تحسسك انك
في كوكب ثاني .. بل في مجره ثانيه

[Justine]

أودين : لسة ما فيه عشرة ..

خوخو : الشخص بتاع المزاج

تعبجني فيه حركة Away ...

سعديو وير ار يو <<< لاطشها من اغنية سكوبي دو :

الزول دا كووووووووووول

أنجولة : تواقيعها تحسنت ^^ Way to go
الكلام ... الله يرزقها بواحد زي أراجون

أنداين أو انديني اختلف العلماء في نطق الاسم و اتفقوا على اندومي أبو علب لانه عملي أكثر <<< على وين الاخ : تظهر في السنة مرة ... تجي مع الريح و تزهب مع الريح
ممكن ربع كيلو مهارة فوتوشوب لو سمحتي ؟

لوسي : دايما اقرا مواضيعها ^^ ...

لكن ما احس اني اهل اني احكم على روعة خواطرها .. مشالله فوق المقام بكثير ^_________^

[Lena]

Odin مشالله نعم الانسان.. محد يقدر يقول عنه شي..يعجبني الحين هو يوم صار عفوي وصريح اكثر




King_Kubaj له شهره مشالله ..عليه كلمات احيانا...في الصميم..!!
عموما اروع مافيه تواقيعه امبيه0.o




I am Here طيب مرة ويونس واحسه من الناس المميزين بالمنتدى وتروق لي شخصايتهم



Angel Whisper عليك سواليف حلوة خصوصا لما تسولفين عن لورد اوف ذا رينقز احسه صار شي متعلق بك ومواضيعك دايم توسع الصدر




Undine
اهي وهل تساءلوني في حوبتي هذي اول صديقه لي بالمنتدى وصارت صديقه لي حتى بحياتي العاديه ..المدح اما يكيفها طيبه وادب وكل شي وهااااااديه الله يخليها بس وترجع للمتدى
احوبس مكرونتي



لوسي
تحب القطاوة يا حبيلها احسها مشالله مرة!! يعني مشالله احس اني عندها بزر ما يعرف يفكر رزينةوعاقله وخواطرها مشالله تدل على عمق شخصيتها المميزة

[عماد 18]

اودين
اكبر عجاز شفته بحياتي ..

خوباج
مزاجه متعلق بنتايج الانتر ..
اذا فازوا ما في احسن منه ..
اذا خسروا ابعد عن الشر و غني له ..

سعد مين؟
يكفي انه يشجع الميلان ..

اينجل ويسبر
تحب لورد اوف ذا رينجز الي ما شفته للحين ..

أندومي
هادية بس تذكرك بالمثل الي يقول الهدوء الذي يسبق العاصفة ..

لوسي
الله يعينها و يقومها بالسلامة ان شاء الله ..
بس لو تفكني من قطاوتها ..
تصير إكة ..

[Moon Boy]

حوبتي

حقوق الطبع محفوظة