سؤال / البروتينات الصناعيه او البروتينات المصنعه !!؟؟

[acer2]

البروتينات الصناعيه او البروتينات المصنعه ما فوائدها و اضرارها ؟؟

وانا اتكلم هنا عن المصنعه وليس الطبيعيه .. وياليت كل من لديه اي معلومه يفيدني بها !!

وشكرا

[tidusxxx]

والله دورت ما حصلت شي.....الا منتدى ايراني اذا تبيه

آسف اني ما قدرت اساعدك

[Yamato]

شوف هنا
http://www.schoolarabia.net/alm3rd_a...logy/cell1.htm

وهنا اخر شي تحت
http://www.geocities.com/Pipeline/Cliff/8744/faq.htm

شوف هنا يمكن يفيدك بعد
http://alshirazi.com/kalemaeh/1424/n...raha_4hal.html

والله هذا اللي قدرت احصله لك

وما ادري اذا يساعدك او لا

[acer2]

tidusxxx
شكرا على مجهودك

RPG fan
مشكور على الوصلات .. وجهدك معاي

====================
ملاحظاتي :

هذي المعلومه قريتها في احد وصلات RPG fan

هل تنصح بتناول البروتينات الصناعية؟

هناك نوعان منها، الأول يسمى بالكرياتين وهو مفيد حقا وليس له مضاعفات بشرط أن تتناول معه كمية كافية من الماء ويأتي على شكل أقراص أو مسحوق، الثاني يسمى بالاسترويدات وهو عبارة عن هرمونات لذا فإنه ضار بجدا بجميع أجهزة الجسم وله مضاعفات خطيرة جدا إذ قد يسبب سرطان الكبد، ويأتي على شكل إبر...فالحذر الحذر!

========================

هذي معلومات معروفه ...... اللي ابي اوصله فوائدهما و اضرارهما وانواعهما الاخرى ان وجدت ... حيث اني بحثت في كثير كثير من المواقع ولم اجد حاجتي !!

وشكرا

[القــعـقـاع]

اسئل المدرب حقك

اذا تبغى موقع عن بناء الاجسام و فيه معلومات اكيد عن البروتينات و مواد اكتساب الوزن فهذا موقع جيد

www.bodybuilding.com

على فكرة الموقع مقفل في السعودية مع انه مليان تمارين حلوة... لكن يبغى بروكسي و الله اعلم

[acer2]

اسئل المدرب حقك

اذا تبغى موقع عن بناء الاجسام و فيه معلومات اكيد عن البروتينات و مواد اكتساب الوزن فهذا موقع جيد

www.bodybuilding.com

على فكرة الموقع مقفل في السعودية مع انه مليان تمارين حلوة... لكن يبغى بروكسي و الله اعلم

مو علشان جذي انا اسأل عن هالبروتينات !!

لانه انا شاك انه المدرب ينصب علي بس يبيني اخذها علشان سعرها الغالي ... وليس على مفعولها !!!

لان هذي البروتينات ما تاخذها مره وبس ... لا لازم تواصل على اخذها طول ما انت تبي مفعولها ... وعندنا بالكويت واللي سألت عنه انه تكاليف هالبروتينات شهريا ما يقل عن 25 دينار ... يعني حوالي 300 ريال !!!

وعلى العموم انا بشوف الموقع اللي حاطه واشوف شنو يطلع معاي !!

وشكرا

[ODIN]

لا ما عليك منه .. شوف طالما انك تتغذى زين ما يحتاج ابد تاخذ بروتينات ..

وحتى لو حاول المدرب يقنعك اسفهه ما عليك منه ..

انا دخلت لصاله الصيف الي فات .. اهم ما عليك انك تتغذى وتاكل زين .. تحرص على المواد الي فيها بروتينات .. مثل اللحم والدجاج والبيض والبطاطس !!!

متى تحتاج تاخذ بروتينات للتدريب .. اذا ما كنت تتغذى زين وبشكل مطلوب .. ذيك الساعه فكر فيها ..

وغير كذا مدري نفسيا افضل لك لو جسم بنى على تغذية صحيحه احسن من هلحبوب والخرابيط ..

تغصب تاكل اكثر من عادتك اذا كان تدريبك قوي ..

باختصار البروتينات مثل الوقود للتمرين .. طالما انك تتغذى زين ماراح تحتاج حبوب ..

[acer2]

ODIN

امممم

كلامك معقول ومنطقي ....

مشكور على ردك

[القــعـقـاع]

كلام اودين ينفع يتطبق اذا كان جسمك نحيف.... يعني تاكل و لا تبين عليك السمنة اما اذا كان جسمك يتاثر باقل كمية من الاكل فما انصحك تزود اكلك

الجسم يحتاج جرام برويتن مقابل كل كيلو من وزنك عشان تكبر العضلات... اذا كان وزنك 80 كيلو فراح تحتاج الى 80 جرام من البروتين يوميا و نسبة البروتين هذي ما تحصلها الا اذا كنت تبلع واجد ^_^


الموضوع المهم اللي المفروض تنتبه له هي نسبة الدهون في البودرة اللي بتستخدمها لان فيه انواع تكون فيها نسبة الدهون عالية و هذي للاشخاص النحيفين و فيه انواع ثانية خالية من الدهون..
على العموم البروتين هذا هو وسيلة مساعدة لاكتساب العضل و في النهاية النتيجة راح تكون نفسها سواء باستخدام او بدون استخدام البودرة و اذا المنتج اللي بتشتريه مرخص من وزارة الصحة فما اظن انه راح يسويك لك مشاكل صحية.

[Moon Boy]

ودي أعرف ليش مقفلين موقع بناء الأجسااام ..الله ابوهم ..تخولف :vereymad:

[القــعـقـاع]

ودي أعرف ليش مقفلين موقع بناء الأجسااام ..الله ابوهم ..تخولف :vereymad:

الصور الايضاحية لبعض التمارين تكون لحريم في لبس الرياضة....يعني ضيق او قصير او الاثنين مع بعض

[Moon Boy]

الصور الايضاحية لبعض التمارين تكون لحريم في لبس الرياضة....يعني ضيق او قصير او الاثنين مع بعض

داري.. بس من المتخلف اللي بيدخل موقع بناء الأجسام عشان هالصور المعوقة

[acer2]

كلام اودين ينفع يتطبق اذا كان جسمك نحيف.... يعني تاكل و لا تبين عليك السمنة اما اذا كان جسمك يتاثر باقل كمية من الاكل فما انصحك تزود اكلك

الجسم يحتاج جرام برويتن مقابل كل كيلو من وزنك عشان تكبر العضلات... اذا كان وزنك 80 كيلو فراح تحتاج الى 80 جرام من البروتين يوميا و نسبة البروتين هذي ما تحصلها الا اذا كنت تبلع واجد ^_^


الموضوع المهم اللي المفروض تنتبه له هي نسبة الدهون في البودرة اللي بتستخدمها لان فيه انواع تكون فيها نسبة الدهون عالية و هذي للاشخاص النحيفين و فيه انواع ثانية خالية من الدهون..
على العموم البروتين هذا هو وسيلة مساعدة لاكتساب العضل و في النهاية النتيجة راح تكون نفسها سواء باستخدام او بدون استخدام البودرة و اذا المنتج اللي بتشتريه مرخص من وزارة الصحة فما اظن انه راح يسويك لك مشاكل صحية.

انا اكتشفت انه النظام الغذائي اللي انا مسويه لنفسي اهو الافضل لجسمي و للتمارين !!


اما هذا الموقع http://www.bodybuilding.com

فاهو مفتوح عندنا في الكويت !!

وفيه خوش تمارين ... تنفع وايد ... ولكل العضلات في الجسم !!!