هاي شباب شخباركم زمان على ماعملت موضوع في الترفيهي
مو مشكلة المهم نعود للموضوع
اليوم صحيت على الساعة 6 الفجر كذا>>>في الاجازة يصحى بدري
المهم دخلت النت حق ابو ساعة ونص
بعدها قولت يارجال خلني الف في البحر كم لفة وافطر بعدها
المهم خرجت ورحت البحر وبعدها رحت حي السلامة ورحت الى احد محلات المناقيش واكلت في السيارة وخلصت
وانا راجع في البيت وبالتحديد في تقاطع صاري وطريق الملك (اشارة البيوتات)
ياخي يدي حكتني وقلت يابويا خلنا ناخد لفة في التحلية يمكن يكون في شغل
المهم اخد اللفة واللفتين
وانا راجع
وبالتحديد جمب الدوار اللي عند برجر كنج
تفتيش
انا قلت افا رحنا وطي (لاتصريح ولا رخصة
المهم وقفت العسكري : الرخصة والاستمارة
قلتله ابشر
طلعت الاستمارة وقلتله تفضل اما الرخصة فماعندي والله
قالي جنب
رحت جنبت
وجا عندي
ويقولي ماعندك ولا تصريح حتى
قلتله لا والله
المهم قالي وش جايبك التحلية
جيعان ومافي احد في بيتي كلهم في المدينة >>> خرش خرش
قلي وين ابوك قلتله مسافر
وين راح
مصر واسبانيا
وش يسوي
عنده شغل
قالي والله شكله متزوج هناك وانت منت داري
قلتله لالا خخخ كذا انت خوفتني
قالي طيب انا بعطيك مخالفة وبسحب الاستمارة وياخذها ابوك من القسم
قلتله افا افا ليش كدا يابو الشباب
القلي وش اسوي ماعمعك تصريخ
قلتله ياخي والله اني بطلع رخصة بس ابوي سافر الحين ولما يرجع يطلعها
قالي كم عمرك بالضبط قلتله 17
قالي مخلص الثانوية
قلت لا انا 3 ثانوي
كم نسبتك في الترم الاول
قلتله 97.22
قالي شاطر يعني
قلتله والله اني زعلان عليها ودي اجيب اكثر
قالي لا مدام انك شاطر بنراعيك
قلتله الله يخليك
قلي لايكون تكذب علي مو 97
قلتله لا والله اجيب الشهادة من البيت
قلتله ولا ادق على واحد من الاصدقاء يقولك
جيت اطلع الجوال تذكرت انه ابو كاميرا
وقلت في بالي يبويا فكنا عساه لا يصدق
تراه معدوم وممكن يعلق على الجوال ويسوي سالفة ممنوع وما ممنوع
قمت قلت بلاش شكله نايم
بس اقسم بالله ماكذب
المهم قلي انت شكلك طاحس وزاحف قولي انت حق مغازلات
قلتله حرام عليك انا نياتي وفي حالي
قلتله شوف شوف هذا كيس المناقيش
قام فك الباب وركب السيارة وقعد يمسك فيالاشياء
وقال لمين هذه النظارات
قلتله لي
قلي هذه نظر ؟
قلتله لا
شمس لا
وش تطلع
قلتله بس كدا حقت كوول هههههه
قال وشو
قلت سلامتك
قلتله الحقيقة هذه حقت واحد من اصحابي وعطاني اياها ومدري وش هي بالضبط
قالي وش فيك محلق الشنب
قلت في قلبي ياحبيبي هذا دخل في الشنب والكلام هذا
قلتله اما كمان الشنب فيه ممنوعات
قالي وش هالطقاية اللي في راسك ؟
قلتله هذه اسمها ايس كاب موب طاقية
قالي وش هالاسطوانات ؟
قلتله هههههه هذه سي ديات اغاني
قالي اكيد انك تحب وتغازل
ياهوو والله مو حق حب ولا غزل
لالا اكيد عندك صديقة ؟
قلتله ياحبيبي والله ماكذب
قالي قول الصدق وانا امشيك
قلتله والله ماكذب عليك
قالي انت دايم تجي التحلية
قلتله عشين اكون صريح معك ايه بس مو انا اللي اسوق اكون مع اقربائي او اصحابي
وانا في قلبي (قاعد اقول ترا كثر هرجه الظاهر بقوله اكتب المخالفة وانت ساكت)
بس قلت بلاش اخبصها مع العسكري
وبعدها قالي واخرتها معاك
قلتله اللي تشوفه
قلي ماقد اخذت مخالفة ؟
قلتله لا والله وانشالله ماخذ
بس مسكني مرة واحد عسكري في الحي
وطلع ابن حلال وصار صاحبي
قالي واذا ماطلعت ابن حلال
قلتله كل شي منك حلو
قلي اكيد قلتله ايه
قام قلي عندم قلم
قلتله لا
قالي اكتب اسمك ولوحة السيارة والموديل واسم المالك
:vereymad: :vereymad: انا طرطعت
قلتله اما بعد المشوار هذا كله تصكني مخالفة
قلتله طيب مو مشكلة
وكتبت المعلومات وعطيته الورقة
قالي انشالله كنت رابط الحزام
قلتله ياهو والله اني رابطه
قلي ارجع السيارة شغلها
وشق الورقة وقلي روح
قلتله تسلم والله يخليك
قلي بس ادعيلي
قتله ولا يهمك
وانتهى المسلسل
بعد ماصدع راسي
المشاركة الأصلية كتبت بواسطة alamid
