منتخب الكويت يخسر من الصين بهدف .... قاتل

[Homoud]

خسر منتخب الكويت من منتخب الصين بهدف مقابل لا شئ

المستوى ^^

*الصين متحكم باللعب والجمهور يخرع
*الكويت مستواهم عادي بس قاعد يزيد ويزيد ...... وروووح قتاليه من منتخب الكويت
*هدف ملغي للصين من تسلل واااااضح
*اكتشاف لاعب جديد وصخرة دفاع ( اللاعب خالد الشمري)
*هدف من خطأ قاتل وكان ممكن التعادل
* مستوى مطمئن وان شالله يتضبط الفريق ونفوز عليهم بالكويت

وحســافة يا عمــــان هاردلك والله كبااااااااااااار


شكرا^__^

[Homoud]

نسيت شئ ^^

حركه مو حلوه من اللاعب فهد الفهد ....

عيب عليك تسوي الحركات هذي شوهت سمعة الأزرق

لو يستبعدون اللاعب يكون أحسن -__-



شكرا ^__^

[TORNADO]

مشكور على الخبر

وهارد لكم يا جماهير الكويت

بس اخوي ليش مصغر خطك كذا

شوي وعيني كانت تطلع من مكانها

[C.R0NALD0]

مشكور اخوي عالخبر الي يفرح مع انها خسارة بس ما عليه دام المستوى تطور

من كاس الخليج ، والحقيقة اني ما شفت المباراة لاني ما توقعتهم يلعبون على مستوى احسن

و شنو اهي التشكيلة اليس لعب فيها الازيرق

و شنو اهي الحركة الي سواها الفهد

و مشكور مرة ثانية

[MandN]

هاردلك لمنتخب الكويت

[rushrush]

فهد الفهد تفل بوي اللاعب الصيني وطرده الحكم
والحكم لم يحتسب ظربه جزاء للكويت من دفعه واظحه
وانفراد للاعب خالد عبدالقدوس احتسبه الحكم تسلل مع ان الكره راجعه من الدفاع
هدف الصين خطا فادح من كنكوني بخروجه عن المرمى بهمجيه
كسبنا من المبارات اللاعب خالد الشمري فهو صخره دفاع المستقبل
خالد عبدالقوس نجم المبارات
ونواف الحميدان لعب بفدائيه
ونهير الشمري كان ممتاز
بس احمد الصبيح تايه بالملعب وكان نقطه الظعف بالفريق

[مصرقع اس اس]

اقول انتم وهالمنتخب من زينكم عاد

بلا ازرق بلا هم الاخضر وبسسسسسسسسسس


يكفي انكم فزتم بكاس اسيا وتا هلتم لكاس العالم بالسحر والشعوذة ولا بعد تفتخرون بها



مدري وشوله تلعبون وانتم بتنهزمون

[C.R0NALD0]

لا والله

مابي ارد عليك و انزل مستواي لك لانه جمهور الاخضر غير عنك

و انت مالك شغل حنه فرحانين ولا لأ

ارجو من المراقب يلغي ردي و رد الاخ علشان لا يخترب الموضوع

وشكرا

[TORNADO]

اقول انتم وهالمنتخب من زينكم عاد

بلا ازرق بلا هم الاخضر وبسسسسسسسسسس


يكفي انكم فزتم بكاس اسيا وتا هلتم لكاس العالم بالسحر والشعوذة ولا بعد تفتخرون بها



مدري وشوله تلعبون وانتم بتنهزمون

نتمنا لهم التوفيق

[الازوري1]

مبروك للمنتخب الصيني الفوز .. واحمدوا ربكم انها مازادت على هدف واحد .. والا كنتوا رحتوا في خرايطها

[راكانو]

وش فيكم كذا على المنتخب الكويتي
ترى الكويتيين أخوان واعزاء
وفوزهم كأنه فوز لنا نحن السعوديين
وخسارتهم بعد تزعلنا
نتمنى لهم التوفيق

[Framed Love]

مبروك للمنتخب الصيني الفوز .. واحمدوا ربكم انها مازادت على هدف واحد .. والا كنتوا رحتوا في خرايطها

If you don't respevt other teams , no body will respect yours ...
and if Kuwait lost the match which is a good improvement after what happened in the Gulf Cup , who knows , maybe your team will loose by 5 or 6 goals ..

Respect and don't make fun of others ...

[Homoud]

مبروك للمنتخب الصيني الفوز .. واحمدوا ربكم انها مازادت على هدف واحد .. والا كنتوا رحتوا في خرايطها

هههههههه كلامك يضحك يبه الكويت لعبوا زيــــن .... مستواهم زاد عن الأول^^

بالنسبه لتفلة فهد الفهد أعزكم الله ( بالمرفق)

أخوي راكانو

تسلم ... حبيب وغالي


شكرا ^__^