مبروك للكويت

[opz box]

مبروك للكويت بمناسبة العيد الوطني 25 فبراير
و عيد التحرير 26 فبراير
و حفظ الله الكويت و اميرها الشيخ جابر و شعبها من كل مكروه
و اليوم و باجر الاحتفالات بالعيد الوطني و عيد التحرير في شارع الخليج و بنيدر
و اللي عنده شغل او يبي يتسوق في احد المجمعات او يتعشى صوب البحر او السالميه ما يروح لانه الزحمه راح تكون مو طبيعيه و اكثر الشوارع مسكره
و كل عام و الكويت بخير

[Homoud]

الله يبارك فيك ...^^

اليوم وناسه راح نروح المسيره لووووووووول وين الرغوه والفومات ...... امش وطشر على الناس


بايات^___^

[lulu_al7elwa]

السلام عليكم ....
ابارك لكل الكويتيين عيد التحرير والعيد الوطني...
اخ Jill©Valentine :انتو يالاصبيان ماعندكم غير هال الرغوة والفومات عشان تخربون سيارات الاوادم
ومشكور اخوي opz box على الموضوع

[DraGonGreeN_Z]

ألله يبارك فيك يا أبوز بوكس

المصيبه ان الشارع من اروحله ربع ساعه من رحتله الساعه 6 >>>> رايح متأخر

ما وصلت الا بعد ساعتين ونص من الزحمه

بس شنو ماخلينا سيارة وألا رغوة عليها وغرقت جم ولد عمره 10 سنوات حليو قلت يستاهل رغوة

ــــــ

السلام عليكم ....
ابارك لكل الكويتيين عيد التحرير والعيد الوطني...
اخ Jill©Valentine :انتو يالاصبيان ماعندكم غير هال الرغوة والفومات عشان تخربون سيارات الاوادم
ومشكور اخوي opz box على الموضوع

ـــــــ


خخخخخخخخخخخخخخخخخخخخخخخخخخخخخخخخخ

أختي الناس ليش رايحه

تبي تغرق بالرغوة

وابقولج غرقت 30 سيارة بالرغوة
ولالسنه الي طافت 90 سيارة

اخ يالقهر بس باجر عيد التحرير ابجي مبجر

ماني مخلي سيارة هالمرة ابجمع شله وطرب ووناسه

[أميرة الخيال]

لولولولولولولولوولولولولوش

تحيا الكويت عاش الأمير

الله يخلي لنا آل صباح و كويتنا حرة أبية

[opz box]

اليوم رايح تكانه مو ماخذ معاي رغوه و لاشي قلت اروح المارينا تمشيت قعدت في كافيه مع الربع و طبعا رايح مبجر تقريبا
الساعه 6 و بعدين دخلت سينما و صافط سيارتي مواقف المارينا اللي مقابل البحر و لمه طلعت بالليل على السعه 12 والا سيارتي متروسه رغوه اهيه سوده صارت بيضه فباجر بروح اشتري رغوه و بشتغل على الناس هاهاهاهاها
و طبعا و انا راجع زحمه اشوف عوايل و يهال واقفين على الشارع و اللي يطوف رشوا عليه انا اسوي روحي معصب عشان ما يرشون تييلي الضحكه و يشوفوني اضحك يكملون على السياره
بس الزين انه واحد من الربع بالداخليه ياخذ رغوه من الناس فكل ما اشوفه يعطيني هااهااهاهاهاهاهااها

[DonMusallam]

خلكم بسوالف الرغوة والخرابيط مالتكم ماني متكلم عنها!
أنا اليوم بس رحت مجمع الرحاب و مبجر بعد عشان ما تحوشني الزحمة

بس يالله من حقنا و حق كل الكويتيين يستانسون اليوم

كل عام وانتوا بخير

[Fly_Batman]

مبروك للكويت بمناسبة العيد الوطني 25 فبراير
و عيد التحرير 26 فبراير
و حفظ الله الكويت و اميرها الشيخ جابر و شعبها من كل مكروه
و اليوم و باجر الاحتفالات بالعيد الوطني و عيد التحرير في شارع الخليج و بنيدر
و اللي عنده شغل او يبي يتسوق في احد المجمعات او يتعشى صوب البحر او السالميه ما يروح لانه الزحمه راح تكون مو طبيعيه و اكثر الشوارع مسكره
و كل عام و الكويت بخير

مبروووك...بس الأفضل تسموه الإحتفال مو العيد...

[DraGonGreeN_Z]

اليوم رايح تكانه مو ماخذ معاي رغوه و لاشي قلت اروح المارينا تمشيت قعدت في كافيه مع الربع و طبعا رايح مبجر تقريبا
الساعه 6 و بعدين دخلت سينما و صافط سيارتي مواقف المارينا اللي مقابل البحر و لمه طلعت بالليل على السعه 12 والا سيارتي متروسه رغوه اهيه سوده صارت بيضه فباجر بروح اشتري رغوه و بشتغل على الناس هاهاهاهاها
و طبعا و انا راجع زحمه اشوف عوايل و يهال واقفين على الشارع و اللي يطوف رشوا عليه انا اسوي روحي معصب عشان ما يرشون تييلي الضحكه و يشوفوني اضحك يكملون على السياره
بس الزين انه واحد من الربع بالداخليه ياخذ رغوه من الناس فكل ما اشوفه يعطيني هااهااهاهاهاهاهااها

منو قالك تصفط سيارتك

لحظه لحظه لحظه

انت سيارتك سودة وصافطها عند سينما مارينا

نيياهاهاهاههااهها

انا والربع ما قصرنا بسيارات

كل مانشوف سيارة سودة نقول تستاهل رغوة

لازم نبيضها

اما عن الداخليه

نسيبنا مجمع من الشباب كرتون وعطاني اياه

والله واسطه تنفع هلأيام

ـــــــــ

أحمد شكلهم رشو عليك رشه ماخلاك تروح للمسيرة

ما الومك

ــــــــ
هلا حبيبي فلاي

هو أحتفال أصلا

[opz box]

انا كل مره كنت اصعد سيارتي فوق معاي المارينا المره هذي قلت خل اصفطها

والله سيارتي bmw 528 لونها اسود صافط بمواقف المارينا بالضبط مقاابل البحر و ما فيها رقم جدام و الرقم اللي ورا ممسوح عاد لمه طلعت و شفت الرغوه انقهرت قلت حتى و انا بالمارينا مو مخليني بحالي
و قبل ما اشوف سيارتي شفت حوت ابيض مغرقينه رغوه ضحكت عليه و بعدين جان اشوف سيارتي مغرقينه لول.

[DraGonGreeN_Z]

قبل ما اشوف سيارتي شفت حوت ابيض مغرقينه رغوه ضحكت عليه و بعدين جان اشوف سيارتي مغرقينه لول.

ــــ

مسكين

[Surgeon Man]

هلا حبيبي فلاي

هو أحتفال أصلا

بس اتفق مع اخوي العزيزFLY_BATMAN انه مايصح..انه نكتب عنه عيد..يعني نكتب احتفال..

وانا اتفق معاك اخوي العزيزDraGonGreeN_Zفيما قلته..ولكن هو قال عيد..والمفترض يقول انه احتفال الوطني مو العيد الوطني...وإذا اخذنا الأمور من نظرتك اخوي...كنا قلنا عيد الأم وعيد الأب وعيد الشجرة..وعيد المرور وعيد العمال الخ...من الأقوال الناس والدول..التى..جعلت كل شئ عيد عيد...ونسيت انه ماعندنا إلا عيدين.. يعني احسن شئ نحافظ على كتاباتنا..عشان مانتعود في المستقبل...نقولها عادي..الخ...وهذه نصيحة مني..ولا تأخذوها من مأخذ اني ابغي اتعالا عليكم..او اسوي نفسي اكبر منكم او اي شئ...ولكن حبيت انصحكم...لأني أحببتكم في الله وكرهتكم في الله..فأرجو...أن يجمعنا معنا في جنات النعيم..وتقبلوا تحياتي

[DonMusallam]

لا انا مو رشو علي بس أنا ما أحب شي اسمه زحمة!

[alamid]

مثل ماقال الأخ فلاي،
الأفضل إنه يُسمى إحتفال ..

لأن المسلمين ماعندهم إلّا ثلاثة أعياد عيد الفطر وعيد الأضحى وعيد الأسبوع يوم الجمعة ..

ولو إني أرى إن موضوع الإحتفالات بالأيام الوطنية والتحرير والثورات وغيره من الإحتفالات،نوع من تقليد الكفار،وأشياء ماأنزل الله بها من سُلطان ..

وعاشت الكويت حُرّة أبيه لا يُكدرها الأمريكان وغيرهم .. ..

وحفِظ الله شعب الكويت من كُلِّ مكروه .. ..

[Scorpion KING-911]

اضم صوتي لصوت الاخوان العميد وفلاي

والله يحفظ للجميع امنهم واستقرارهم