Prince of Persia تفوز بـ 8 جوائز من IAA ..

[msm]

أعلنت "The Academy of Interactive Arts & Sciences" عن جوائزها الموسمية الخاصة بألعاب الفيديو للعام الفائت 2003 .. وقد حصلت لعبة Ubisoft المعروفة Prince of Persia: The Sands of Time على ثمانية جوائز مستحقة ..وهي كما يلي :

• Console Game of the Year
• Outstanding Innovation in Computer Gaming
• Platform Action / Adventure Game of the Year
• Computer Action / Adventure Game of the Year
• Outstanding Achievement in Game Design
• Outstanding Achievement in Animation
• Outstanding Achievement in Game Play Engineering
• Outstanding Achievement in Visual Engineering

ولقراءة القائمة كاملة : (اضغط هنا)

interactive.org

[Final Fantasy 7]

تستاهل اللعبة .. لأنها فعلا ابداع و خاصه من ناحية التصاميم المعمارية و الموسيقى .. أفضل ما شفتهم في عالم الفيديو جيمز على الاطلاق ^^



اللعبة متكاملة من جميع النواحي .. حتى ساعات لما تلعبها راح تتعجب و تقرص نفسك علشان تتأكد أن من المعقول توجد لعبة ذات تحكم سلس و أسلوب ممتع لهذه الدرجة


و شكرا محمد على الخبر الحلو

[سنــيك]

1- لعبه دمرة تحكم ديفل ماي كراي .
2- اعطيها 10/10 على القصه لروعتها وحبكتها .
3- الموسيقا لا يعلا عليها تجعلك تخش الجو حق اللعبه بقوه تدمج بين الموسيقا العربيه والروك.
4-جرافيك رائع
هذا اقل شي اقوله عن المدمره
اوه وشي ثاني تحكمها افضل من ننجا قايدين

[ستيف بورنسايد]

عندي 3نسخ بلاي2 كوبي ونسخة اكس بوكس كوبي وكلهم خربانين وناقصين للحين مالعبتها

[Hwoarang]

موسيقى اللعبة عجبتني ....

هل يوجد شئ آخر عجبني مممممممممم
مممممممممممممممممممممممممم

[Tomb raider]

السلام عليكم

واله انها تستاهل ^^
لعبه متكامله من جميع النواحي ^^
عندي لكن مب كامله ><

ومشكور يا مراقبنا المميز ^^

[msm]

Final Fantasy 7 :
أول كلمتين من ردك تكفي ..والعفو ..

سنــيك :
بس ننجا جايدن وديفل ماي كراي ألعاب أكشن أكثر من انها مغامرات .. يعني المقارنة : .. أما 2 و3 و4 .. فأتفق معك ..

ستيف بورنسايد :
أنا بعد ما فقدت الأمل بالحصول على نسخة dvd كاملة .. قررت أخذ النسخة الي من دون عروض (على الأقل كاملة) ..

Hwoarang :
مممممممممم .. ياخي أنت وآش أذواقكم صعبه وماينعرف لكم ..

Tombraider :
أنا الآن أنهيت نصف اللعبة تقريباً ..وحتى الآن اللعبة ممتازة جداً عندي .. والعفو عضونا المميز ^^ ..

[BOiND]

بس 8 جوائز ؟!!
والله تستحق اكثر على الجرافيكس والقصه والموسيقى والاحداث والمغامرة وال...الخ

على اي حال خير وبركه >>>اللي يسمعني يقول انا مصمم اللعبه

ثانكس msm على الخبر و keep working

[We6fe]

هي مو اسمها AIAS ؟

واللعبه ما عجبني فيها غير الالغاز وتصميم المراحل .. اما القتال والمعارك للاسف .. التحكم سهل لكن عالفاضي الوحوش متخلفين .. اتركهم شوي بيقتلو بعض

[msm]

boind2003 :
اي بس .. هذا من غير المواقع الثانية .. والعفو مراقبنا ..

We6fe :
تقدر تقول هذي وهذي ..AIAS هذا اسم المنظمة أو الأكاديمية ..
AAI = Interactive Achievement Awards هذا اسم حفل جوائزهم الموسمي ..شوف وصلة الخبر في أول الموضوع : http://www.interactive.org/awards/IAA-7/winners.asp
وغريبة ما أعجبك من اللعبة إلا الألغاز والمراحل بس ..وين الموسيقى ..وين مؤثرات الرسوم ..وين سلاسة التحكم ..إلخ ..
أما القتال مو مثل ألعاب الأكشن الثانية كل ماتضغط مربع أو غيره بسرعة أكثر كل ماتقتل أعداء أكثر ..هنا يمكن القتال سهل وبسيط ..بس كل عدو له طريقه معينة في قتله .. ومثل مالأعداء يضربون بعض البطل والبطلة المساندة يتأثروا بضرباتهم بعد ..

[Mesharey]

قررت أخذ النسخة الي من دون عروض (على الأقل كاملة) ..

بالنسبة على العروض فهي على ما اعتقد 5 ..
عرض البداية تقدر تنزله من آي جي ان..
العرض بعد ماتاخذ السيف وتوديه للعجوز..ممكن هذا أهم عرض باللعبة..
عرض ثالث..ما ادري ليش محطوط باللعبة أصلا..ماله علاقة باللعبة -___-
عرض لما يدخل الخنجر بآلة الزمن..
ومافي عرض للنهاية على حسب ما اذكر..اللي اذكره من اللعبة..

ممكن نسيت واحد وممكن لأ P:

ايه صح نسيت..بالنسبة على الجوائز..
اللعبة تستاهل كانت من أقوى العاب 2003..لونازلة ننجا جيدن بـ2003 كان خذت الجوائز كلها XD

[We6fe]

ومافي عرض للنهاية على حسب ما اذكر..اللي اذكره من اللعبة..

مبلا فيه .. **سبويلر للي ما خصلها **
بعد ما تقتل الزعيم الاخير اللي لابس بنفسجي راح يطلع عرض ويقوم الامير ب **** الاميره بعدين يرجع الوقت ويقول لها : it is just a story
**
نسيت اقول انه الموسيقى والاصوات كوول واللي لعب نسخة الاكس بوكس انصحه يشوف فيديو ال making of

[Homoud]

اللعبه تستاهل أكثر من هذا ...^^

مشكور يا مراقبنا المتمييز ..


جاو جاو

[Squall 9]

msm

تصدق ياmsm إلى الآن مالعبت اللعبه..

كل ماأروح محل يقولي خلصت

أروح المحل إلي بجنبه نفس الكلام

كان نفسي أتهاوش معاه

إلى أن يئست وبطلت أدور عليها وأشتريت مافيا قاعد أختم فيه

سوري قلبت الموضوع شات

على العموم مشكور محمدين

[Final Fantasy 7]

ومافي عرض للنهاية على حسب ما اذكر..اللي اذكره من اللعبة..

بل يوجد عرض للنهاية

عرض ثالث..ما ادري ليش محطوط باللعبة أصلا..ماله علاقة باللعبة -___-

تقصد العرض يوم يتسبحون في الماي