اتحداكم ماتضحكون

[(نجمة الليالي)]

السلام عليكم

دشوا الى هذا الموقع وشاهدوا قصص المانجا واتحداكم اذا ما ضحكتم

وعن كف كمان

www.catman1.jeeran.com

على فكره الموقع من صنع عربي 100%

وسلام

[Framed Love]

و ليش نضحك ؟؟؟

لازم نشجع المواهب و اذا كل واحد ضحك على رسمة الثاني شلون يطلع منا رسامين و كتاب مانجا ..

فيه شيء اسمه نقد و مو اي نقد , النقد البناء . و النقد ما يكون اني اضحك عليه , بل العكس اشجعه على اللي سواه في الوقت اللي لا انا و لا انتي سوينا صفحة وحدة مع ان الخ ما شاءالله مسوي اكثر من 10 صفحات و هذا حلو و شيء طيب ..

يا ليت نكبر على الضحك و السخرية على الآخرين .. مو هذا اللي مخلي حالنا موصل للهدرجة من السطحية . الله يعين بس

[alamal13]

بصراحة الشغل واااايد حلو ومتعوب علية وما في شيء يضحك ابدا!!!

[ANIMEX]

تبغى الصراحه الموقع حلو وايد و عن جد يضحك.....

مشكوره يا نجمة الليالي على الموضوع الحلو.....

[dark sied]

مشكوره اختي على ذا الموضوع
الي يضحك من جد هوم الاشرار
الصراحه انا احيي ذا الرسام المبدع
لاتنسوا انو هو اشتغل لوحده عللى هذي الرسومات
وشكرا
اخوكمdark sied :vereymad:

[3shiro]

الأخ مسمي قصصه مانجا؟

[Framed Love]

الأخ مسمي قصصه مانجا؟

و شنو المشكلة ؟؟

الأخ مرتكب جريمة , شايف ان عنده الموهبة فرسم و عنده الإستعداد لتقبل الملاحظات فعرضها على النت ..

و شنو اللي يحصل عليه , استهزاء و تطنز .. يا اختي شلون هالعلماء اللي في هالدنيا اطلعوا .. شلون هالرسامين اطلعوا ... طلعوا بالمثابرة و بالتشجيع .. و على الأقل اللي كان يشحعهم ما كان اقوال , كل افعال .. اهني عندنا , تبون الواحد يطلع قمة من البداية .. اول قصة له و تبينه يكون مستوى احترافي .. شنو هالعقلية اللي ترجعنا لورا .. الريال فيه الخير انه كتب و رسم و الف .. و هذا مجهود مو سهل .. فيه الخير ان سوا هالجهد ...

و اذا كثر هالنوع من العقليات .. ابشروا يا عرب اللذين تحلموا بمانجاكا عربي .. بان هذا الحلم سيتحقق بعد 500 سنة بس .. حتى نتأكد من انقراض هالنوع من العقليات ...

الحمدلله ان روبنز و رافاييل و بيكاسو .. لم يكونو عرب .. و بعدين تضيع هالمواهب على الفاضي .. فعلا الحمدلله ..

الله يعين صاحب هالمانجا .. راح يواجه طريق شائك و صعب .. فالأشخاص اللي يبون شخص يألف و يسوى مانجا عربية و بعدين يتطنزون عليه .. لكن لا تهتم اخي الكريم و بالتوفيق لك

[3shiro]

و شنو المشكلة ؟؟

الأخ مرتكب جريمة , شايف ان عنده الموهبة فرسم و عنده الإستعداد لتقبل الملاحظات فعرضها على النت ..

و شنو اللي يحصل عليه , استهزاء و تطنز .. يا اختي شلون هالعلماء اللي في هالدنيا اطلعوا .. شلون هالرسامين اطلعوا ... طلعوا بالمثابرة و بالتشجيع .. و على الأقل اللي كان يشحعهم ما كان اقوال , كل افعال .. اهني عندنا , تبون الواحد يطلع قمة من البداية .. اول قصة له و تبينه يكون مستوى احترافي .. شنو هالعقلية اللي ترجعنا لورا .. الريال فيه الخير انه كتب و رسم و الف .. و هذا مجهود مو سهل .. فيه الخير ان سوا هالجهد ...

و اذا كثر هالنوع من العقليات .. ابشروا يا عرب اللذين تحلموا بمانجاكا عربي .. بان هذا الحلم سيتحقق بعد 500 سنة بس .. حتى نتأكد من انقراض هالنوع من العقليات ...

الحمدلله ان روبنز و رافاييل و بيكاسو .. لم يكونو عرب .. و بعدين تضيع هالمواهب على الفاضي .. فعلا الحمدلله ..

الله يعين صاحب هالمانجا .. راح يواجه طريق شائك و صعب .. فالأشخاص اللي يبون شخص يألف و يسوى مانجا عربية و بعدين يتطنزون عليه .. لكن لا تهتم اخي الكريم و بالتوفيق لك

انا بفهم شنو يعني الواحد ما يقول رايه إلا و تاكلونه؟
و انت ما صدقت على الله الواحد غلط كتب كلمتين إلا و سويتيله قصه شنو ما عندج شغل؟؟؟؟؟؟؟؟

[DarkLordDragon]

شباب هنا منتدى أنيمي و النقاش بين الأنيمي و ليس الهدف واحد يقول شيء و الثاني يرد بشيء و الثالث يرد بشيء على العضو و الرابع...الخ فيرجى الإنتباه, مو أي موضوع على طول يتغير بهذه الطريقة لأني إذا شفت هذه الطريقة مستمرة متضطر أني أغلق الكثير من المواضيع و تنبيه الأعضاء... و يرجى التفهم و شكرا

نجمة الليالي:
مشكورة أختي على وضع الموقع لكن بصراحة ما شفت شيء ضحكني... لو الشيء المضحك رسوماته بصراحة رسوماته أفضل من رسوماتي و أفضل من الكثير... و إذا على تصميمه أيضا أفضل من البعض الآخر... و إذا على أساميه فكل واحد له رأي في إختيار الأسامي, و إذا هناك قصة مضحكة يمكن ما إنتبهت لها.... إذا أنا أشوف أشياء أكثر مضحكة في المنتدى و ما أضحك هذا كيف يضحكني و أفضل تضعي مثل هذه القصص في منتدى الرسم, لأن يمكن ستحصلين على الإجابات أكثر روعة من إجابات منتدى الأنيمي... و شكرا مرة أخرى

[KJF]

كلام دارك صح يعني حتى انا -واقولها بثقه- ما اعرف ارسم مثله

الله يوفقه وبعدين ياللي يقول انه رسمه مضحك او شي كذا, شوفو اول رسمات لاشهر رسامي انمي

ما في حد مقصود بكلام في الاعلى, وارجو اخذ كلامي كمناقشة لا اكثر

سلام

[orange road]

الموقع طريف ^^
ويبشر بموهبة...

باكتب له في سجل الزوار وبادعيه لمنتدى الرسم الحر يمكن يحب يدخل ويرسم مع الشباب هناك...

ترى صدقوني يا ناس.. جفت مواقع يابانية لهواة رسم رسمهم اسوأ منه بمراحل.. لكن عندهم الجرأة انهم يعرضون رسومهم على النت
طيب ليش احنا نستحي من رسمنا؟؟؟؟

ولو تقرون مذكرات رسامين المانجا المشاهير اللي نقرا لهم والله بتتعجبون شلون كان رسمهم.. وشلون ما كانوا يعرفون شي لحد ما طوروا نفسهم بالشغل وصاروا جذي ^^

بس رسمه وطريقة قصصة ما تندرج تحت المانجا... شكلها كوميكس اكثر...

[Framed Love]

انا بفهم شنو يعني الواحد ما يقول رايه إلا و تاكلونه؟
و انت ما صدقت على الله الواحد غلط كتب كلمتين إلا و سويتيله قصه شنو ما عندج شغل؟؟؟؟؟؟؟؟

اختي .. عفوا .. انا رجل ..

و من ناحية الشغل .. يوم الجمعة عندنا عطلة , كنت توني ياي من السينما و مزاجي رايق ..

الدوام يوم الإثنين .. يعني لاحق على الشغل ..

نشوفج على خير

[ANIMEX]

لاحد يفهم اني اضحك على رسوماته انا كنت قاصد الكوميك كوميدي و حلو.....

كوميك الحرامي و الشنطه حلو لما يكشف عن نفسه الشرير و يقدم روحه بكل خطوره و فجأه يحصل صفقه على وجهه بالشنطه و يرد عليه "يا كلب" يعني عن جد كوميك بلهجتنا ابدع فيه و خلاني اضحك عدل ودي لو يوافق انه ينضم لنا....

وبعدين شباب هدو وضعكم لاحد يتهاوش نبغاكم حبايب و حلوين مثل ما انتم حلوين... ودي اكلكم

[(نجمة الليالي)]

اقول انت وهو لا تعميلولنا مشكله

ولا تدرون انا غلطانه اني منزله الموضوع

واذا كان كلمة شكر ثقيله عليكم اشكر نفسي نيابه عنكم

مشكوره نجمه على الموضوع

ولا تفكرون اني زعلت لا عاااااااااااااااادي انا مازعلت

متوقعه هذا الشئ انا قلت انزل الموضوع للترفيه والتسليه بس واضح اني ماسويت شئ