وع!! تسولفين مع" شغاله"؟؟

[Lezard Valeth]

السلام عليكم ^_^ ..
شكرا على الموضوع اختي Lena ^_^ ..
وبالنسبة لرايي الشخصي ^_^ فطبعا الانسان لازم انه يسولف مع الخدم ^_^ .. فهذا الشي مو لنفسك او لتقضية وقتك تسولف مع احد .. هذا الشي لله لان هذا بر وحسن معاملة .. يعني اكبر مثال الرسول عليه السلام مع انس رضي الله عنه ^_^ .. يعني الواحد اذا يريد ان يتفانى في معاملته مع الناس لازم يقدر الجميع ^_^ .. واعتقد النقاط الاخرى في الموضوع وصولها اخواني واخواتي جزاهم الله خير ^_^ ..

FFX-YUNA

بنسبة لي ما أحب أسولف وياهم ...ويش بتكون سوالفهم يعني ؟

اقري ردي ..

[DeadLy_]

انا و اصغر اخوي لي محترمين الخدم و لا ارفع صوتي عليهم .. لكن قبل 6 سنين كنت غير و الحمدلله اني تغيرت الحين ..
و اختي الله يهديها .. يوميا ترفع صوتها ... انا اللي محيرني معظم البنات ما يحبون الشغالات و هالشيء غريزة في البنات
بس مو كل البنات لكن اغلبهم

[Yuna]

اقري ردي ..

كلامك صح أخوي ....لكن ويش أسوي ؟! ... بنسبة الى المعاملة الحسنة الحمد لله كلنا نعاملها بطيب ...لكن بنسبة أني أجلس أسولف هذا شىء مستحيل أسويه ~~

والمطلوب في النهاية :

لازم نتعامل معهم بشكل طبيعي لأنهم بشر مثلنا

أما أني أسوي معها صداقة ما أعتقد إنه واجب علينا ^^ ..

[Lezard Valeth]

FFX-YUNA

^_^ .. هلا باختي يونا ^_^ السلام عليكم .. كيف حالك ؟ .. والى الموضوع U_U

والمطلوب في النهاية :

لازم نتعامل معهم بشكل طبيعي لأنهم بشر مثلنا

أما أني أسوي معها صداقة ما أعتقد إنه واجب علينا ^^ ..

^_^ .. حسننا اختي يونا انتي قلتيها بنفسك .. لازم نتعامل معاهم بشكل طبيعي لانهم بشر مثلنا ... ولمن تقولين انه مو واجب تعملين صداقة معها .. معناتها .. ما صارت بشر .. صارت مخلوق فضائي ..
هو فعلا مو واجب انك تعملين معها صداقة .. لكن اذا كنتي فعلا تريدين ان تعامليها بطيب بالشكل الحقيقي .. لازم انك تسولفين معها .. ما قلت لك اعملي معها صداقة .. يعني لو عملتي صداقة هم كان احسن وجزاك الله خير على هذا ^_^ .. المهم حاولي انك تسولفي معها لوجه الله ^_^ .. والله الموفق وشوفي شنو راح يصير .. وراح تذكرين كلامي ان شاء الله ^_^ ..
وشكرا لك ^^ ..

[Empress uae]

بكل اختصار
انا طريقة معاملتي لا تختلف سواه مع خدام او وزير
سواء مواطن او اجنبي او اللي هو
طريقتي وحده مع الكل وهي (احترمني احترمك واحطك فوق راسي لكن انك تحتقرني او تستهبل علي فأصير نذل درجه اولى واملغ عليه بملاغه ماعمره شافها واحتقره احتقار غير طبيعي)
ومشكوره على الموضوع

معاك حق أخوي ولد البوكوارة و أنا نفسك بس نحن بعد لازم نصبر عليهم يمكن مرات هم يمرون في ظروف قاهرة أو تصرفات لا إرادية فلازم نمسك أعصابنا و ما نكون أخس عنهم. و لا كلامك على العين و الراس.

[Yuna]

تصدقون أصبحت كل مرة أشوف هالشغالة لازم أضحك ...ذاكرتي ترجع للموضوع ..!!

ولمن تقولين انه مو واجب تعملين صداقة معها .. معناتها .. ما صارت بشر .. صارت مخلوق فضائي ..
هو فعلا مو واجب انك تعملين معها صداقة .. لكن اذا كنتي فعلا تريدين ان تعامليها بطيب بالشكل الحقيقي .. لازم انك تسولفين معها .. ما قلت لك اعملي معها صداقة .. يعني لو عملتي صداقة هم كان احسن وجزاك الله خير على هذا ^_^ .. المهم حاولي انك تسولفي معها لوجه الله ^_^ .. والله الموفق وشوفي شنو راح يصير .. وراح تذكرين كلامي ان شاء الله ^_^ ..
وشكرا لك ^^ ..

امممم ..ايش أقول؟.....إن شاء الله ^^

[Touya]

صراحة والله شيء محزن هالمعاملة اللي يلقاها الخدم من بعض الناس.. كأن ماعندهم مشاعر ولا أحاسيس.. والحقيقة أن اللي يعاملونهم بهالشكل هم عديمين الإحساس.

في بيتنا الحمدلله ماحد يعامل الشغالة بهالشكل. لأن الخدامة نفسها بنت ناس. حتى أن اخوي الصغير يحبها لدرجة ان اول ريال حصل عليه شقه نصين بينه وبينها!

بالنسبة لي في البيت أحاول مأحتك بالشغالة ومأطلب منها كثير. وإذا بغيت شي من المطبخ الكز اقرب واحد من الكائنات الغريبة اللي في البيت اللي مسمرة قدام التلفزيون (يقولون اهلي انهم عيالنا بس أنا اشك) وطيعاً اول رد منهم بيكون "قول للشغالة تجيب لك!"!
مع شوية من ديموقراطية حرة (تروح برضاك أو غصب عليك.. أنت حر) يقتنعون بلكزة أو لكزتين.
إلا عمتي الصغيرة(اصغر مني بسبع سنوات) حالتها مستعصية... عندها تبليم مزمن في غدة التدبير المنزلي. تقنها من الأثاث الله يصلحها.

[Lezard Valeth]

تصدقون أصبحت كل مرة أشوف هالشغالة لازم أضحك ...ذاكرتي ترجع للموضوع ..!!

... حلوة.. نفس الي حصل معاي والله ^^ .. خليتيني اموت من الضحك ... هههههههه .. الله يقطع ابليسي ..

امممم ..ايش أقول؟.....إن شاء الله ^^

Good girl .. شكلي اليوم مو طبيعي ما ادري شفيني .. ..

Touya

جزاك الله خير اخوي على هذا الكلام ^_^ ..

[flarestar]

بصراحه ردود ولا لها مثيل ^_______^


من جد احلو الموضوع بردودكم

وكاتشفت شخصيات بعد


تسلمون ومشكورين..

[Lena]

بصراحه ردود ولا لها مثيل ^_______^

ودي ارد على اشياء لفتت نظري بس مشالله من اخذ ومن اترك

احلى شي انكم تترادودون فيما بينكم

الموضوع للجميع n_n

من جد احلو الموضوع بردودكم

واكتشفت شخصيات بعد

تسلمون ومشكورين..