المانجا في الكويت

[kikyou]

السلام عليكم ..
شلونج اختي ان شاء الله تكونين بصحه وعافيه ..
والله يا اختي طلعت روحي وانا ادور الموقع .. كل الي اتذكره انه بنت الي مسويته . اتمنى اذا في احد عنده فكره عن الموقع يساعدنا .
على فكره انا عندي جزء منهم اذا تبينه ممكن احطه لج بموقعي .
في شي ثاني .. انا سمعت انه في محل بمجمع البرج الابيض على ما اظن اذا تعرفينه يصير فوق كتكات السالميه .. هذا المحل يطلبلج من النت الي تبينه .. هذا الي سمعته بس مارحتله ولا مره .
بالتوفيج ان شاء الله اختي .. ونشوفج على خير .

[*Ran*]

السلام عليكم ..
شلونج اختي ان شاء الله تكونين بصحه وعافيه ..
والله يا اختي طلعت روحي وانا ادور الموقع .. كل الي اتذكره انه بنت الي مسويته . اتمنى اذا في احد عنده فكره عن الموقع يساعدنا .
على فكره انا عندي جزء منهم اذا تبينه ممكن احطه لج بموقعي .
في شي ثاني .. انا سمعت انه في محل بمجمع البرج الابيض على ما اظن اذا تعرفينه يصير فوق كتكات السالميه .. هذا المحل يطلبلج من النت الي تبينه .. هذا الي سمعته بس مارحتله ولا مره .
بالتوفيج ان شاء الله اختي .. ونشوفج على خير .

هلا ولله إختي kikyou ..............
ياريت إختي إذا عندج جزء من المانجا أنج تحطينا بموقعج عشان أشوفه لأني ودي أشوف هذه المانجا ومشكوره على مكان المحل وياريت إختي تقوليلي شنو المانجا الرومانسيه إلي قريتها وأعجبتج ومن وين شريتها ( أدري إني ثقلت عليج عشان جذي ياريت تعذريني)

[sinchi codo]

أختي kiko يمكن تقدصين هذا الموقع

http://www.animesclub.com/mag/html/index.php

بس والله أنا ما أعرف كيف أحمل المانجا الي فيه لأنه يتطلب تسجيل وخرابيطفقلت يمكن أنتِ تعرفين له أكثر مني

وشكرا

[الأميرة ياقوت]

العفو ^_^

عن مكتبة المنارة هذه المكتبة تطلب الملات و المانجا من كندا و عندهم اصدارات Viz مثل Ranma, Fushigi Yuugi, Alice19thk Inu Yasha و لكن صار لي كم شهر ما طلبتمنهم _-_ الأفضل أن تسألي البائعة عن الcomics اللى يطلبونه لأنهم يستوردون حسب الطلب.

سمعت عن المحل في البرج الأبيض فوق كيت كات لكن المشكلة انه متروس شباب و صعب على البنات ان يشترون منه. بالمناسبة انا مستعدة ان اساعد العضوات في الكويت على شراء المانجا و لكن أرجو ارسال رساله على الخاص أولا

[*Ran*]

أختي kiko يمكن تقدصين هذا الموقع

http://www.animesclub.com/mag/html/index.php

بس والله أنا ما أعرف كيف أحمل المانجا الي فيه لأنه يتطلب تسجيل وخرابيطفقلت يمكن أنتِ تعرفين له أكثر مني

وشكرا

هلا ولله أخويsinchi codo .........
أنا اعرف هذا الموقع بس الصراحه ماعرف شلون أحمل ^ ـــــــ^ منا المانجا ياريت لو أختي kikyou
تعرف أنها تقولي ، عالعموم مشكور أخوي

[*Ran*]

العفو ^_^

عن مكتبة المنارة هذه المكتبة تطلب الملات و المانجا من كندا و عندهم اصدارات Viz مثل Ranma, Fushigi Yuugi, Alice19thk Inu Yasha و لكن صار لي كم شهر ما طلبتمنهم _-_ الأفضل أن تسألي البائعة عن الcomics اللى يطلبونه لأنهم يستوردون حسب الطلب.

سمعت عن المحل في البرج الأبيض فوق كيت كات لكن المشكلة انه متروس شباب و صعب على البنات ان يشترون منه. بالمناسبة انا مستعدة ان اساعد العضوات في الكويت على شراء المانجا و لكن أرجو ارسال رساله على الخاص أولا

هلا أختي الاميرة ياقوت ^ـــــــــ^
شلونج ............... إنشالله تمام
أختي إذا أبي مانجا من مكتبة المنار أروحلهم وأقولهم اسم المانجا إلي أبيها يعطوني إياها على طول ولا يطلبونها وأمرهم بعدين ياريت توضحيلي ، وعن المحل إلي في البرج الأبيض إذا كان أحسن من المكتبة أروح أشتري منا عادي وإذا عن الشباب عادي أطرش السايق وأكتبله اسم المانجا ، ياريت أختي تقولي لي شنو أحس وإذا تبين تشرحيلي على الخاص إرسلي لي رساله على الخاص

[sinchi codo]

مرحبا أختي ران

أنا عرفت كيفية التسجيل وحملت الفصل الأول من المانجا واضحة وباللغة العربية

راح أعلمك الطريقة:

أولا أدخلي على هذا الموقع www.animesclub.com

ولما ينفتح الموقع بتشوفين على يمينك قائمة ومكتوب فيها((مركز التحميل))ادخلي عليها وراح يقولون لك لازم تسجلين لأن الدخول فقط للأعضاء،اضغطي على كلمة((هنا))لتبدئي في عملية التسجيل،بعدين راح يرسلون لك رسالة على البريد الإلكتروني حق تفعيل اشتراكك في الموقع...ولما اتفعلين اشتراكك في الموقع عودي مرة ثانية للموقع وادخلي على((مركز التحميل))واضغطي على المانجا المترجمة وفي الصفحة الثانية راح تلاقين خمسة فصول من المانجاmarmalade boyمترجمة للعربية.

وإذا صادفتك أي مشكلة في الإشتراك قولي لي

مع السلامة

[yuki-babe]

هاي ,,, ^^

آنا رحت الرحاب و شفت المانجا اللي في هوبي جابان ,, الصراحة كلها مالت صبيان

و روبوتس ,, و السعر حيييييل غالي يعني شدعوة سعرها بالأصل 7 دولار يخلونها 7 دنانير ؟؟

المفروض 3 دنانير و نص 4 ,, و ممكن 5 دنانير ,, بس سبعة مرة وحدة ؟؟؟ مو جنة غالي شوي ^_-

يا ليت يرخصونها ,,

إي و اللي عنده خبر عن أشرطة الفيديو في هوبي جابان ,, آخر مرة رحت قالوا إنهم وقفوا الأشرطة

عاد مادري الحين رجعوهم و لا لأ ؟؟؟؟ يا ليت اللي يعرف يقووووول ^^

و مشكوووورين ,,

و انشالله تلقين المانجا اللي تبينها اختي ران ^^ ,,,

و إذا حصلت محل يبيع مانجا ماراح أبخل ,, و راح أخبرج انشالله ,,,

على فكرة الأشرطة بهوبي جابان تسجيل واضح مشالله و سعر الشريط وااايد حلو ,,,
أسوي لهم دعاية ( بس انشالله يردوووون يبيعون أشرطة >_<) ... هههه

[Melon]

المانجا صج غاليه بس اعتقد تستاهل يعنى وين نلقى مكان ثاني يبيع مانقا Naruto و Yu Gi Oh

و المجسمات اغلى و اغلى انا مره بغيت اشتري مجسم و طلع اب 35 دينار

و على طاري الاشرطه اهمه صح وقفو الاشرطه بس بدو يبيعون DVD's للانمي

[yuki-babe]

إي صح آنا شريت جم ديفيدي ,, بس المشكلة إن الأنيمي الحلو

يطير بسرعة و ما يبقى إلا الأنيمي اللي مو ذاك الزود ,,,

في مكتبة بماليزيا و سنقفورا تبيع مانجا و بسعر رخيص يعني دينار و نص دينارين

و إسم المكتبة : kinokuniya روعة روعة هالمكتبة ^^.. كل المانجا اللي يطري

عليكم فيها ....

باي

[Melon]

س احنه بالكويت مو ماليزيا و سنغفورا

[*Ran*]

هاي ^_________^
مشكورين شباب على محاولة مساعدتي............
وشكراً اخي sinchi codo على طريقة التسجيل ، وأتمنى من إلي يشتري من محل هوبي جابان في الرحاب مانجا إنا يقولي كمية المانجا إلي عندهم يعني هناك الكثير من المانجا ولا عدد معين وياريت إلي يعرف وين تنباع مانجا marmalade boy يقولي ومع السلامة

[Melon]

الاخت *Ran*
بس حبينه انساعد انا اليوم رحت الرحاب و مريت على المحل (( و طبعا خذيت جم شغله )) و شفت المانقا الي عندهم في مجموعه مترجمه انجليزي مثل Naruto-One Piece و في مجموعات كثيره و لكن يابانيه فقط مثل (( DevilMan-Gundam )) و في مجموعه كثيره بس مو متذكرهم الحين بس ما اعتقد انه الي تبينه موجود

[*Ran*]

هلا ولله أخوي Devil Man.........
أنا مستانسة وايد أنا موجود عندهم مانجا One Piece لأني كنت أتمنى أني أقراها ، وياريت أخوي يكون عندهم مانجا إلي أموت عشانها مانجا marmalade boy وتكون بالإنجليزي لأنها لو كانت ياباني ماراح أشتريها لأني ماراح أفهم شي،و إنشالله الأسبوع الياي بعد ماتخلص الإمتحانات راح أروح الرحاب وأسأل وياريت أخوي إذا رحت خلال الأسبوع الياي للمحل أتمنى تسألي عن marmalade boy
أتمنى أني ماثقلت عليك ومع السلامه

[Lezard Valeth]

السلام عليكم اختي ران ^_^ شلونك ؟ ان شاء الله بصحة وعافية ..
الصراحة انا ما اعتقد انك راح تحصلين عند الهوايات اليابانية مانجات رومانسية .. لان على حد علمي غير مطلوبين عنده هناك والمعظم ما يهتم فيهم ... وان شاء الله تلاقين عنده مع اني ما اعتقد ..
وشكرا
والسلام عليكم ..