بعد تجرتبي لبوكيمون كولوسيوم..

[Trapped Inside]

بسم الله الرجمن الرحيم

اخيرررررررررررا وبعد طول انتظار صارت اللعبه بين ايديني...بعد ما اتصلت على كل محلات الرياض ادور على اللعبه والحمدلله لقيتها عند النسر ورحت بسرعة البرق

المهم جيت البيت ورميته على السرير>>>>كل ذا الحماس عشان يشتريه واخرتها رماه على السرير
ويوم جا الليل شغلت اللعبه....وهذا راي مبسط عن اللعبه:

1- الرسوم:بكل صراحه لو تلعب اللعبه راح تحس انك تلعب بالننتندو 64...يعني الجرافيكس مره عادي ويمكن يكون احسن من بوكيمون ستاديوم 2 بنسبه قليله جدا...هذا من ناحيه البوكيمونات..وبالستوري مود الجرافيكس اشين..بس يمشي الحال

2- الاصوات:من ناحية المعلق ما اعتقد انه موجود...والموسيقى عاديه جدا...هذا ان كانت موجوده >>>>نسى انه في موسيقى ولا لا

3- التحكم: التحكم سهل جدااااااااا..يعني اذا جيت بوقت الباتل ما لك الا زر الAبس هو يسوي كل شي تقريبا..وبالستوري مود وانت تمشي ما تستخدم الا الانلوج الي باليسار علشان تمشي..والزرين Y,X عشان يوريك الادوات والبوكيمونات..الخ..
ومافي زر تتحكم فيه الكاميرا..يعني التحكم بسيط جدا..
======
سلبيات اللعبه:
1-مافي فرق كبير ملحوظ باللعبه عن الاجزاء السابقه...حتى ان بوكمون ستاديوم 2 عندي احلى..
اللهم حطوا الستوري مود (حتى مو ذاك الزود ) وانك تقدر تستخدم بوكيمونين بالباتل..

2-للاسف الشدييييييييييد ان مافي ميني جيمز بصراحه كانت صدمه كبيره..

3-الجرافيكس مو ذاك الزود ابدا...مثل ما قلت تحس انك تلعب بالننتندو64

4-لاحظت انك ما تقدر تختار بوكيمونات لك...هم يختارونها لك حتى بالباتل مود...انا بصراحه مستغرب من هذا الشي بس يمكن في طريقه تقدر انت تختار..مدري والله..
======
بس من رغم كل هذا اللعبه عجبتني ومره استانست وانا العب الباتل ومتحمس للستوري مود جدا..واضافة للبوكيمونات الجديده..

على كل هذا التقرير كتبته بعد ما لعبت اللعبه لمدة ربع ساعه تقريبا..يعني لا تاخذون برايي..بس ان كانت من معجبي ومدمني بوكمون فان شاء الله بيعجبك هذا...لانه عجبني..


وشكرا..

[Tomb raider]

السلام عليكم ^^

امممم , مشكور على التقرير
لكن عندي بعض الاسئله :
1- تقدر تغامر في اللعبه(انا شفت العرض في الديمو مع ماريو كارت)
2- تقدر تصيد بوكيمونات
3-تقدر تسوي باتل مع اي شخص او اي بوكيمون تلقاه (نفس روبي وسافيير يعني )

والف شكر على التقرير المبسط لكن بعدني محتار يمكن اشتريها بعد يومين لأكن مو متأكد -___-

وثانكس ^^

[Golden_Sun]

خابت آمالي -___-
عيل تقول مافيه Mini Games ?

عموماً شكلك انصدمت باللعبة .. ماراح اتحمس لها وايد
علشان لا انصدم ..

الأسبوع الجاي راح اشتريها واجربها بنفسي ^^ ..

شكراً على التقرير .. ومبروك على اللعبة

[wario2002]

والله اني داري انها بتطلع كذا من يوم شفت ذيك الصوره الي فيها بيكاتشو معفوص راسه وانا غاسل يدي من اللعبه<=== لاتسألوني اي صوره لأني نسيت وين شفتها

على العموم مبروك على اللعبه....، انا ان شاء الله بتكون عندي هارفست مون بعد اسبوع ونص واتوقع انها بتتفوق على بوكيمون من كل النواحي.

ومشكور على التقرير.

[Trapped Inside]

Tombrider..
عليكم السلام
ما فهمت وش قصدك (اغامر باللعبه) بس في ستوري مود مثل الاربيجي...يعني تمشي وتكلم ناس وتباري ناس..

والله بالنسبه للسؤال الثاني ما اقدر اجاوب لاني توني بادي باللعبه في اشياء كثيره ما اعرفها عن اللعبه
نفس الشي للسؤال الثالث..
ومشكور على مرورك ^^

Golden Sun
اي والله انصدمت واكثر شي عشان الميني جيمز..
بس مو لذيك الدرجه خاب املي..يعني عجبتني اللعبه..راح ادمن عليها ان شاء الله ^_^..
الله يبارك فيك..ومشكور على ردك..

Wario
اي والله انا يوم شفت الصور طحمت..
بالنسبه لهارفست مون ما اقدر احكم عليها بس كم يوم وان شاء الله اشتريها ^^..الله يبارك فيك..ومشكور على مرورك..

[x-virus]

السلام عليكم ورحمه الله وبركاته

مبروووك على اللعبه ما ادري اذا ابارك ام .........

بس عندي سؤال واحد هل فيه انديه البوكيمون و الكؤوووس مثل ستاديووم ولالا

اذا لا
انا راح اتبرى عن نيتندو

[microali]

لا لا لا تتبرأ من ننتندو


أبشرك فيه الأوسمه والمكان هذاك اللي في أكثر

المدن نسيت اسمه

مساعده يا سعـــ2002ـــودي

[Super Shadow]

الصراحة اللعبة حلوة

لكن للأسف الشديد الرسوم بااااااااااااااااااااااااااايخة

هذا استخفاف بقدرات الجيم كيوب

الشي الي يقهر

هو طريقة امساك البوكيمونات :hypnotize

لازم أي بوكيمون الي عند المنافس يكون حوله طاقة سودة

و يوم أمسكه هذي الطاقة تظل موجودة فيه

ما أعرف كيف أخلص البوكيمون منها

على الأقل هذي أول لعبة بوكيمون آر بي جي نلعبها على جهاز المنزلي

و بدون شك سيصدرون ما هو أفضل من ذلك

[microali]

السلام عليكم

super_shadow11

والله كلامك صحيح

و بدون شك سيصدرون ما هو أفضل من ذلك اتمنى

موضوع الطاقه السوداء

لا زم تخلي قلب البوكيومون (أبيض) كيف ؟؟؟

أنه إذا كان معك وصارت له حالة الطاقه السوداء انك تناديه (CALL)

وبعد كم مره من المناداة روح للسميري حق البوكيمون وإذا كان

كله أبيض (أنا إلى هنا وصلت )

لازم تروح إلى (حجر ما ادري وش اسمه ولا ادري وينه ) الكلام هذا واسم الحجر

موجود بالكتيب اللي مع الشريط ..

والسلام

عندي أمنيه ودي تتحقق

إنك فهمت شي

وإذا ما فهمت علمني

[Super Shadow]

تبا الصراحة

مب كثير

الي فهمته أنك لازم تروح مكان معين عشان تشل عنهم الطاقة السودة؟

[Trapped Inside]

اكس فايروس مثل ما قال ماكرولي اي فيه...بس لازم يكون معك 6 بوكيمونات واول ما تبدا اللعبه بيكون معك بوكيمونين...وتقدر تستخدم الجيم بوي اذا كان عندك بوكيمون روبي او سافري(مو متاكد من الاسم) وتنقل بوكيموناتك من الجيم بوي الى الكيوب..


مشالله يا ماكرولي وسوبر شادو الظاهر سبقتوني انا الحين عند بايرتس تاوا وفزت بالدوري الي بالكولوسيوم ولازم اروح الكهف عشان اقابل ميرور بي...بس انا الى الحين معي بوكيمونين!!كيف اصطاد؟؟يعني اقدر اصطاد بوكيمونات خصمي؟!!

ومشكورين على مروركم^_^

[Super Shadow]

ما تعرف كيف تصطاد البوكيمون؟

لازم تكون عندك Poke ball

و هي موجودة في المقهى الي في أول لعبة

بس أنا أنصحك بGreat ball لأنها أحسن

أما عن طريقة الامساك

لازم يكون عند المنافس بوكيمون تطلعه طاقة سودة ( Shadow Pokemon )

المساعدة الي تنقذها من اللصوص و ترافقك الرحلة بتخبرك اذا كنت في أي مباراة اذا كان البوكيمون المنافس فيه طاقة

سودة ولا لأ

لا تنسى أنك تضعفه أول الشي

ملاحظة : في بوكيمونات تقدر تمسكها بدون ما تهجم عليها أول هجمة

طريقة ازالة الطاقة السوداء من البوكيمون

اذا كان البوكيمونات الي مسكتها فيها طاقة لونها أحمر داكن (hyper mode)

يعني أنه ما بيطيع أوامرك >_<

عشان تشيل الهايبر مود لازم تستخدم Call أثناء المعركة

و عشان تزيل الطاقة السودة نهائيا و تخليه طبيعي مثل البوكيمونين في معك في أول اللعبة

لازم تروح القرية ( ما أذكر اسمها )

يمكن اسمها Aget أو شيء من هذا القبيل

المهم هناك راح تعرف السالفة ، اقرأ الحوارات و بتفهم

بتحصل صخرة ترجع Shadow Pokemons الى طبيعتها

بس أعتقد أنك لازم تتأكد أن عمود الطاقة البنفسجي الخاصة بShadow Pokemon يكون فاضي خلاص

(أقول أعتقد)

أرجوا أني أفدتك

اذا ما فهمت كلامي

شوف كاتالوج اللعبة ، هناك أنت بتلقى الحل

اي استفسار نحنا حاضرين