مشروع في الفوتوشوب

[HaMaNi]

السلام عليكم ورحمة الله وبركاته..

هذي فكرة جت على بالي(يوم شفت المنتدى نايم وبديت أزهق)

أبحط دروس من مجهودي وليست منقولة،،
ولكن بطريقة مبتكرة أعتقد لم تطبق من قبل>>>أضع الدروس ولكن تكون عبارة عن مشروع نمشي فيه خطوة بخطوة مثلا نتفق نسوي مجلة لمنتديات الرسوم والتصميم فنبدا بالغلاف وأشتغل فيه حبه حبه وأوضح كل حركة أسويها علشان تستفيدووووون وأجاوب على استفساراتكم إلين ما نخلص من المجلة إلى غلاف النهاية >>>يعني مستوى الدروس بيكون مبتدئ-متوسط وبيكون فيها شغلات حلوة مثل المؤثرات وبعض الحركات ...وطبعا التصميم بيكون بواسطة فوتوشوب 7 Me ....

أبغى رايكم وش أحسن شي نسوي فيه المشروع>>>أنا أشوف نسوي مجلة تكون تقريبا شاملة لكل شيء

إذا في أحد عنده اقتراح ثاني يقول لنا الله لا يهينه....
وأتمنى لكم التفاعل
المشروع لكم أولا وأخيراً...

تحياتي أخوكم في الله B.D.M ...................؟؟؟!

[C.Falcon]

الحمدلله إنه في واحد بادر بفتح الموضوع ...
أخوي BlAcK-DrEaM-MaN فكرتك جميلة جدا...
وانا شخصيا حاولت أنفذها قبل فترة ((عمل مجلة أسبوعية حيث أصدرت ثلاث أعداد بمجهودي الخاص)) لكن
في النهاية ما قدرت أكمل المشروع لأسباب أهمها : ما حصلت أحد يساعدني و كانت أغلب الردود مجرد شكرا و أخواتها ...
bla bla bla إلخ المهم الحين ما شاء الله حصلت أعضاء عندهم خبرة و إرادة لمساعدة الآخرين عشان كذا راح نوسع المجال ...

بإنشاء فريق الفوتوشوب ، و تقسيمه كالتالي :

أولاً: راح أرشح أربع أشخاص ( كل واحد يمثل فريق بحاله ) طبعا راح تكون صعبة على شخص واحد عشان كذا راح نرشح 16 عضو
كل 4 اعضاء راح يساعدوا واحد من الأربعه المكلفين طبعا بموافقة الأعضاء (( يعني اللي يبغى يرشح نفسه عادي و اللي يبغى ينسحب كمان عادي))

ثانياً: المهمات كالتالي :

1) فريق يهتم بالتواقيع و الطبات
2) فريق يهتم بملحقات الفوتوشوب ((فلاتر و فرش و خطوط و آكشن ... إلخ))
3) فريق يهتم بالدروس و الأخبار
4) فريق يهتم بإنشاء مجلة الفوتوشوب

* إذا عندكم ترتيب أحسن من كذا ، ممكن تقولوا رأيكم بدون خجل أو خوف
================================

الحين نروح للترشيح ،
بالنسبة لفريق التصاميم و الطلبات أرشح ملك الفوتوشوب أو جامع الأسرار
بالنسبة لفريق الملحقات : ما عندي اقتراح
بالنسبة لفريق الدروس أرشح BlAcK-DrEaM-MaN و كمان جامع الأسرار و الأخ designer
بالنسبة لفريق المجلة : ما عندي اقتراح

===============================

وممكن نختصر الكلام هذا كله و نسوي مجلة شهرية و نجمع فيها
الدورس و الملحقات و الأخبار و تواقيع مجانية ... إلخ
و نخلي الطبات مثل ما هي في موضوعها الحالي

=========================

كلمة أخيرة :
ساعدونا .... نساعدكم

أخوكم

[tootaa18]

فكرة حلوة
ودي اشارك اذا مافي مانع
بس انا مبتدأة وماعندي خبرة بالفوتوشوب

[HaMaNi]

ياهلافيك ،،،، طبعا ما عندي مانع الموضوع محطوط للكل


مو مشكلة نستفيد من خبرات بعضنا البعض

ونتعلم مافي أحد يولد من بطن أمه عالم

[ملك الفوتوشوب]

مشكور على ترشيحك لي و أنا مستعد للدروس و الطلبات .....لأنه عندي دروس أنا مسوينها
و أيضا أقدر أسوي تواقيع و طلبات للأعضاء ......ستايلات,أكشن,تواقيع .......

و مشكورين لأنكم فتحتوا الموضوع

[HaMaNi]

مشكوووور يا الملك
وما نقدر نستغنى عنك وعن خبراتك

[ملك الفوتوشوب]

متى إن شاء الله بيستوي الفريق

[C.Falcon]

متى إن شاء الله بيستوي الفريق

بس نختار الأعضاء ... و نبدأ
كلم جامع الأسرار ...

[HaMaNi]

بسم الله
بالنسبة لما قاله الأخ العزيز C.Falcon عن بإنشاء فريق الفوتوشوب فكرة جيدة ومتميزة ورأيي عنها كما يلي:

* توزيع الفرق جيد لكن به بعض نقاط الضعف:

-ممكن المجموعات تتوهق مستقبلا بحيث بعد ثلاثة-أربعة أشهر ما يلقون مواضيع متميزة:
الحل:
التبادل: يعني كل شهر تتبدل الأشغال ويترتب على ذلك:
صدور مجلة كل شهر وتكون من اعداد مجموعة أي في خلال أربعة أشهر تكون كل مجموعة سوت مجلة ومسكت كل مجال مدة شهر ........ النتيجة:
الخبرة والابداع والتنافس...

-الفريق المهتم بالتواقيع بيكون عليه ضغط كبير :
الحل:
وضع شروط تخفض عدد الطلبات من التواقيع مثل التواقيع لمن تكون مشاركاته فوق الأربعين

-بالنسبة للفريق المهتم بالدروس والأخبار لا خوف عليهم ولا هم يحزنون...

-الفريق المهتم بمجلة الفوتوشوب لا أعتقد أنهم سيواجهون مشكلة لأن كل شيء بيكون موجود بس يمكن الشغلة يبيلها متابعة منهم.



وبالنسبة للمجلة اللي تجمع المواضيع يفضل تكون كل شهرين أو ثلاثة علشان ما يكون فيه ضغط ويكون المحتوى كبير وفي أشياء أكثر وحلوة...






كلمة أخيرة :
ساعدونا .... نساعدكم

أخوكم




وهذا الموضوع مفتووووووح للكل أرجو الجميع المشاركة

هذا الموضوع لنل ولكم أولا وأخيراً............

تعبت من الكتابة والتحليل.....تحياتي:
أخوكم في الله B.D.M

[theway]

هلا ،،،

انا ما عندي مانع اصمم تواقيع للاعضاء ( الي اعتقد هو "" فريق التصميم و الطلبات "" )

و انا مبدع ( بس مو لذيك الدرجة ) ،، دارس عند واحد خطير اعتقد ان C.Falcon يعرفه ،، عشان لمن كنت ادرس عنده كان يقول لي عن طالب اسمه C.Falcon ...

الزبدة : انا ابي اشارك ،، تقبلوني ولا لأ ؟؟؟

و السلام خير ختام ...

[HaMaNi]

ما شاء الله عليك يا theway توقيعك حلو...ومشاركتك أحلى،،،

[detective]

مرحبا إخواني .....ضعوني في فريق...التواقيع والطلبات.......

[darkitp]

طيب أخوي فالكون .. ليه ما تثبت الموضوع
لأنه يستحق

وانا احب اصمم كمهنة و هواية ..
و أنا استخدم برامج الرسوم الأخرى بالاضافة للفوتوشوب ..

سلام ..

[badboy_evilfire]

فكرة ممتازة للغاية
و ضحكت بعد ماقرأت bla bla bla من كل قلبي

وأنـا راح أشارك في قسم الملحقات

لأني أعرف إن :: إرضاء الناس غاية لن تدرك::

[HaMaNi]

طيب إلين ما يجون الأعضاء ويشاركون
أقترح أن احنا نصمم شعار للفريق
اللي يقدر يصمم

وانا بصمم شعار وبنزله إذا خلصت