عزيزي العضـو المخربها اللي وده يرفــع ضغــط المشرفيــن... يتبـع التعليمــات التاليــه وسيجـد نفســه مطــرود مع التحيه
ماعليك الا انك تسيخ اذانك وتفتح معي كويس .. وانا اظمن لك كل شي مع قطع الغيار ,,
وكــل شي موضـح بالأمثــله لتسهيــل استخـدامهــا:
<< نحــن في خــدمــة الشعـــب ولوووو >>
________________________________________
1) أدخــل اي منتدى واكتب أي موضــوع مال امه دخــل في هالمنتدى >> الموضوع
في وادي والمنتدى في وادي,,
مثال >> اكتب موضوع رياضي في المنتدى الإســلامي,,
ويفضــل لو تكتـب عليه (( ارجــوا التثبيـت )) يكون لها طعم احسن ,,
-------------------
2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في
نفس المنتدى ,,
ويفضــل تكتب عليـه ((( فكــره جديــده )))
<< هينا المشــرف يـدوخ.... مايدري وين المكـرر عشــان يحــذفه >>
-------------------
3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال
وكل يوم أرسل تظلّم إذا ماعطوك وجه ؟؟
<< صدقني اذا ماقالوا لك اقلب وجهك ... اضمن لك بيرقونك إلى (عضـو غثــه) >>
-------------------
4) اكتب موضوع في منتدى الشكـاوي والإقتراحــات (( الفزعــه ياشباب )) >> طبعـا
بيجيك المشرف طاير
واكتب في الموضوع (( واحــد صفــر )) وجبمها صـوره واحــد يضحــك ,,
>> في هـذي اضمــن لك الطراق على خشـتك وانت توك تكتب الموضوع >>
-------------------
5) شكّك في أي موضوع يـطرح في المنتدى .. في كل موضوع قل (( كأني شايفه في منتدى
ثاني))
<< خلي العالم تــفهم أنه مسروق>>
-------------------
6) ادخل على أي موضوع مثبت ... وأكتب عليه للرفع,,
<< في هـذي احسن لك تطلع بشويش بكرامتك قبل مايمزعونك >>
-------------------
7) حاول ترد على المواضيع القدييييييمه >> طلع الغبار >>
والجديده خلها تنزل ,,
<< كذا تقلب القسم حقه فوق تحت >>
------------------
8) شوف لك مشرف أو مشرفه وتلزق فيه.........كل يوم إرسله رسائل خاصه تقـول له
وش رايك في ذاك الموضــوع... احـس انه ماصــل احذفه تكفى ,, ولا ذاك الموضـوع
رهيـب ثبته تكفى ,,
<< هينا المشـرف يكره اليوم اللي خلـوه فيه مشــرف >>
-----------------
9) دقق في إملاءات المشرفين... ورد عليهم فقط لتصحيح الإملاء ولا تجيب طاري
الموضوع,,,
-----------------
وعندما تصـل حالة تهـورك إلى درجــة الغليــان فما عليك سوى :
10) عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما
عندها سالفة ,,
>> هــذي تغنيــك عن كل الوســائل اللي راحــت
>>_________________________________
للتحقق من فعــالية التعليمــات ناظـروا عضــويتي بكــره ... خخخخخخخخخخخخخخخخخخخخخخخخ
أرجو التثبيت
)
بس تراني مثقف (اي هين)