بالفعل ما نراه شئ غريب ... لا ادري هل كانت بدايات الغرب في عالم الإنترنت هكذا ثم ارتقت اهتماماتهم و مواقعهم ام ماذا ؟؟؟
اقابل في عملي كمسؤول عن مؤسسة تصميم مواقع عينات كثيرة من هذه النوعية ...
على سبيل المثال ...
يأتيني احدهم و يقول لي العبارة التالية ::
" أبغى اصمم موقع فيه كل شئ " !!!
اقول له : " طيب يا الغالي كل شئ مثل ايش حدد ؟؟ "
يقول : " ما ادري انا ابغى كل شئ تحطونه لي ؟؟ "
اقول له : " المشكلة انه ما فيه شئ بالإنترنت اسمه كل شئ ، انت قل لي بتصمم موقع عن ايش و انا اصممه لك بإذن الله "
يقول : " ما اعرف ابي كل شئ ممكن يكون في الإنترنت تحطونه بموقعه " !!
طبعا بعد هالكلام قلت لازم افهمه انه فيه اشياء مو فاهمها في الإنترنت ويحسب الإنترنت (حسب ظني) :: منتدى + تشات + بطاقات + مجلة
قلت له :: " طيب كل شئ ، تبي مثلا نسوي لك متجر الكتروني ، او تبي مثلا نركب لك نظام ادارة محتوى !!! "
طبعا هو بهالحاله انصعق و تنح ( وهذا الي ابيه )
قال لي : " لا لا ما ادري وشو هذا بس انا ما ابي كذا "
قلت لنفسي دامك عارف وش يبغى اخلص عليه وقل له
قلت له :: " انت تبغى منتدى و بطاقات و تشات و مجلة .. صح ؟ "
قال :: " ايوووووووووووه و يا ليت سباق مواقع بعد ، شف لي كم تكلف وعطني السعر "
( حشا داخل بقاله على هالجملة )
طبعا كان يبي تشات بـ 600 يوزر و منتدى عجيب غريب ( الظاهر ابرجع ابرمج الـ VB على ذيك الطلبات )
قلت له بالأخير : " الموقع يكلفك 12 الف "
ما نطق غير بـ " طيب شكرا "
هذي بس عينه بسيطة من الناس الي نقابلهم .. كثييييييييير غيره و اغرب منه بالطلبات
مثل واحد طلب مني موقع ما يطلع منه الزائر ؟؟ يقول ابي الزائر ما يحتاج شئ اذا دخل موقعي كل شئ بالإنترنت يلقاه بموقعي ، حتى لو ضغط على ارتباط لموقع ثاني يفتح له في اطار جوا موقعي لا يطلع الزائر ابدا ( وش ذا التحجير )
المشكلة ان هذا الأخير صاحب موقع معروف جدا جدا جدا ... وصار له شهور و شهور في قائمة افضل المواقع حسب احصائيات مدينة الملك عبدالعزيز
يعني الحال من سيئ الى اسوء ... الله يعين بس