Ninja Gaiden موضوع المساعدات الرسمي

[DODGE]

شفت الغرفة الي تطلعلك حشرات كبيرة كانهم باعوض؟؟؟

هذي تقفز على الزوايا ليما توصل فوق


مشاري : تعرف ان الي تسوي يعتبر غش

الان من المستحيل على الانسان ان يقف فوق الحمم

[DODGE]

boxman88

اغلب الباعوض اول علشان يطلعلك تلسمان اوف ربيرث

[Mesharey]

مشاري : تعرف ان الي تسوي يعتبر غش

الان من المستحيل على الانسان ان يقف فوق الحمم

لكن لو كان حواليه الثلج والبرودة وسط هالحمم يكون الوضع عادي ..

[DODGE]

اي هين :

[ستيف بورنسايد]

هذي طرق لقتل التنين الناري؟ اصلا المجك ماياثر عليه كثير
اركب فوق من بداية المرحلة خلك جنبه وخلك ضاغط زر الصد اذا يبي يعضك تأرجح شوي واذا رمى نار اقفز
بعدين بيقرب الراس انا استخدم معاه سيف dabilahro
اصلا من دون مجك سهل

[boxman88]

شباب انا عند الوحش الأخضر الي ايطير في شابتر 15 كيف اقتل مع اني حاولة كثير

[INDIGO]

وضح أيت اخضر

[boxman88]

لمن اتروح القلعة الي في شابتر 15
فيالطابق الرابع راح تلقى دائرة زرقة تنقلك لمكان ثاني
راح تلقى وحش قاعد على الكرسي فوق هذا اهو

[H.M.D]

متاسف على المقاطعة شباب

[Yamabuki]

back

اخيرا بكمل ننجا جايدن

شباب واصل عند شبتر 12 كما موضح في الصورة اسم المكان Ruins

ارجوكم ترى مافيه اعيد من نقطة التخزين مخلي اللعبة شغالة

المكان:



هلب باقصى سورعة

[Na9er]

عفوا اخوي شنو تبي بالضبط يعني منحكر اهني ؟ ولا شنو سؤالك بالضبط
هل مكان تحط الذهب ألي يمعت في المرحله وتحطه بهل جدر ( هاذا الماعون الكبير) لما تحط الذهب يذوب وروح الصوب الثاني بس روح يمه وطق عليه وهو يسوي هل شغله

[Yamabuki]

خلاص خلاص خلاص عرفت

دحين هزمت الوحش الي طلعلي العين الثلجية وركبتها في الباب بقيلي العين النارية على ماعتقد فين الاقيها؟

ممكن تقلي اذا مافي كلافة وشكرا على المساعدة ^ ^

[boxman88]

لمن اتروح القلعة الي في شابتر 15
فيالطابق الرابع راح تلقى دائرة زرقة تنقلك لمكان ثاني
راح تلقى وحش قاعد على الكرسي فوق كيف افوز علية

[USB]

السلام عليكم ...

اشكركم على جهودكم الطبية وعندي سؤال لو تكرمتوا ....

انا عديت اللعبة على مستوى الصعوبة Normal وحصلت 40 سكرابس ولكن ما طلعلي السيف الأخضر اللي ذكرتوه في ثنايا هالموضوع فما ادري إذا كان هناك طريقة او حركة اسويها علشان يطلع اتمنى تفيدوني ...

تقبلوا خالص تحياتي

[SNYMA]

أهلاً إخواني....
إقتباس من الأخ sehro :

دحين هزمت الوحش الي طلعلي العين الثلجية وركبتها في الباب بقيلي العين النارية على ماعتقد فين الاقيها؟

رجاءاً إقرأ الرد كله قبل لا تطبق
شوف أخوي , إنت طبعاً ركبت العين الثلجية , حلو
بعد ما تركبها إرجع للمكان اللي فيه عواميد تنفث الدخان و اللي تتعلق فيها فوق , لا تروح و تتعلق , إصبر , فيه طريق على الجنب أو بالأحرى نزلة , إنزل و بعدها إصعد للجهة الثانية من هالنزلة , راح توصلك للجهة اليسرى من المكان اللي تحط فيه العيون الثلجية و النارية , و راح تلاقي في هالمكان زر لازم تضغطه و ما عليك إلا إنك تقفز عمودي بشخصيتك و تطق Y علشان تنزل عمودي و تضغط الزر السري , بعدها راح يطلعلك هالزر ممرات سرية بوسط الحمم البركانية , إنت إركب على الممر اللي جدامك و بعدها تعلق على العمود الجانبي اللي ريو أول ما يتمسك فيه يدور دوران علشان توصل لممر ثاني يوصلك للجهة اليمنى من المكان اللي تحط فيه العيون , و اللي موجود فيه تمثال للعجوز اللي يبيع , إذا طبعاً حبيت تشتري أي شي فإشتر , و في نفس المكان راح تلاقي باب يطلب منك إنك تركب درع خماسي الشكل , و علشان تصنع الدرع لازم تجمع أشياء ذهبية إسمها لمن تاخذها و تضيفها لقائمة الأدوات The Golden Ore على ما أعتقد , لازم تجمع كل اللي موجودين في المكان , هم تقريباً خمسة , طبعاً المكان اللي قلتلك عنه اللي فيه باب لازم تركب فيه الدرع الخماسي , راح تلقى فيه أيضاً ممر سري ما تقدر تعديه إلا إذا مشيت مشي جانبي على الحائط أو الطوفة لأنه هالممر مو ممر أرضي يعني تمشي مشي عادي عليه , هذا الممر ناري فيجب عليك إنك تمشي على الطوفة , هذا الممر راح يوصلك إلى مكان فيه ديناصورين صغار من اللي ينفثون لهب من فمهم , لا تقاتلهم لأنهم متعبين , ركز على الشي الذهبي اللي راح تستخدمه في صنع الدرع , راح تلقاه في نهاية المكان , بعدها تروح فوق بنفس المكان اللي إنت قاعد فيه طوفة تقدر تمشي عليها رأسي علشان تتعلق بحافة هالطوفة و توصلك لمكان أعلى شوي , بعد ما تصعد كمل للأمام و راح تلقى ممر متأرجح , إمش فيه إلى أن تصل إلى النهاية و بسرعة إقفز و تعلق بالحافة , بعدها كمل طريقك إلى أن تصل إلى فرن أو ماعون مثل ما قال الأخ Na9er , هذا الفرن تحط فيه الأشياء الذهبية و تحطهم وحدة ورا وحدة إلى أن يطلعلك عرض قصير إنه خلاص الدرع إكتمل , فأول ما تخلص روح للجهة الثانية من الفرن و إنت راح تعرف وين بالظبط لمن تدقق النظر بالعرض القصير , هو بالتحديد في الكهوف الجليدية , يعني لازم تطلع من المكان اللي فيه النار و بعدها تستلم الدرع الخماسي أو الدائري و الله ما أتذكر شكله بالضبط و بعدها ترجع للباب اللي تحط فيه هالدرع علشان تفتح الباب و تحصل على العين النارية و بعدين ترجع للباب اللي تحط فيه العيون و تركبهم و بعدين تدش و تاخذ أحد التماثيل الأربعة اللي تركبهم في نهاية اللعبة و بعدها راح تقاتل أحد الزعماء ألا و هو التنين الناري الذهبي الضخم ... و أي مساعدة أنا حاضر , و إذا تبي شرح وافي دز إيميلك علي بالرسائل الخاصة.
إقتباس من الأخ boxman88 :

راح تلقى وحش قاعد على الكرسي فوق كيف افوز علية

هذا الوحش أول ما تدش ما راح تقاتله , راح يدز عليك وحوش صغار من النوع السريع (لونهم وردي و بنفسجي) قاتلهم و بعد ما تخلص منك , هالزعيم اللي قاعد على الكرسي راح يفتحلك دائرة حمره و ينقلك عن طريقها إلى الوحش بو زعانف علشان تقاتله للمرة الثالثة و الأخيرة , و بعد ما تقتل بو زعانف راخ تطلعلك دائرة زرقة دشها , و بعدين راح ترجع للزعيم اللي قاعد على الكرس و راح يدز عليك دفعة ثانية من الوحوش اللي لونهم وردي قاتلهم , لكن خذ بالك من الكرات النارية اللي يرسلها الزعيم لأنها تأثر في طاقتك , و بعد ما تخلص منهم , راح يفتحلك الزعيم دائرة حمره ثانية و ينقلك إلى الوحش الثلجي و بعد ما تهزمه , راح تطلعلك دائرة زرقة دشها و راح ترجع للزعيم بو قرون اللي قاعد بالكرسي , و لكن هالمرة راح يعصب و راح يقاتلك هو بنفسه , هذا الوحش سهل , لكن اللي يخوف فيه هو هجمتين , الأولي : لمن يقذف عليك ثلاث كرات نارية دفعة وحدة و أنا أنصحك إنك تتحاشهم عن طريق دحرجة ريو يمين يسار علشان تبتعد عن الكرات النارية , الثانية : الحركة الدورانية اللي يسويها قاتلة جداً , إذا سمعت صوته و هو يصارخ بقوة و معصب أنصحك إنك تتدحرج و تحاول تبتعد عنه و بعد ما تبتعد هو راح يصطدم بالأرض و راح يدوخ شوي , عاد إنت بدورك تعطي شوية كومبوات قوية و سريعة , لكن أنصحك إنك تسوي هالحركة : القفز للأمام بإتجاه الزعيم و الضغط على زر Y , هذي الضربة مؤثرة جداً عليه , و بعد ما تفوز عليه راح يطلعلك التمثال الأخير اللي يفتحلك البوابة الكبرى اللي توديك لإمبراطور مدينة فايجور , و بعد ما تستلم التمثال , راح تطلع لك دائرة زرقة , روح لها و إطلع منها و بعد ما تطلع أنصحك تخزن.
و أي مساعدة أنا حاضر , و إذا تبي شرح وافي دز إيميلك علي بالرسائل الخاصة.
إقتباس من الأخ USB :

انا عديت اللعبة على مستوى الصعوبة Normal وحصلت 40 سكرابس ولكن ما طلعلي السيف الأخضر اللي ذكرتوه في ثنايا

بالنسبة للسيف الأخضر و اللبس الحديدي الغريب , ماله دخل بعدد السكاربس , طبعاً إنت نهيت اللعبة , روح للقائمة الرئيسية في اللعبة , اللي فيها
New Game
Load Game
Master Ninja Tournament
Movie Theatre اللي يطلعلك بعد ما تنهي اللعبة
Options
و تضغط أزرار معينة باليدة علشان تطلعها و الأزرار راح يعطونك إياها بعد ما تخلص اللعبة و تشوف التقدير النهائي لك , و أول ما تضغط الأزرار المطلوبة راح يطلعلك اللبس الجديد و السيف الاخضر أو سيف البلازما , الحركة على ما أعتقد موجودة في أحد صفحات هذا الموضوع و بالمناسبة أنا اللي كاتبه.
حاول إنك تدور في هالموضوع عن الأزرار.
تحياتي^^