مواقف بالذاكره

[I`m HeRe]

السلااااااااااااام عليكم ورحمة الله وبركاته
حي الله اغضاء المنتدى

الصراحه مبطي عنكم وبقوه

أخبار علووم وكيف الإجازه

المهم ندخل بالموضوع اللي طرا على بالي نتيجة الطفش والبلاوي اللي معطينا إياها دكتور الأنجليزي <<<مشكله اللي مسجلين صيفي

طبعاً اللي شاف العنوان يقول ذا بيكتب خاطره ولا شي فيه سنع <<<طبعاً ما يدري ان ما وراي اللي الدجه

المهم وش رايكم لو كل عضو يكتب أقدم موقف يتذكره

طبعاً ويقول متى صار هالموقف

يعني مثلاً يجي واحد يذكر موقف اول ما دخل المدارس

أو يوم كان عمره 4 او 5 او 6 سنوات

أو أول ما طلع من بطن امه

ونشوف من أقواكم ذاكره

<<<هذي اخرتها موضوع ما ادري وش يبي

طبعاً الموضوع ما يحلا ألا بردودكم

وسلامتكم

[Lena]

اهلييييييييييييييين سعد^_______________^
وينك من زمان عنك ؟؟؟

ههههههههه الله يعينك على الصيفي بس فكر فيها ماده بتروح عنك

بخصوص الموضوع بالعكس رهيييييييييييييب والله

احب السوالف اي كذا متخصصه بربرة ^^

اممممممممم

خلني اتذكر اتذكر ........


بصراحه اقدم صورة ببالي احسها يطلع معها نفثه من الغبار اذا تذكرتها+ اني مب مصدقه اني فعلا اتذكرها


لاني كنت عمري سنتني او ثلاث..ًغيره مرة

بس هي صورة وحده


والي اك لي انها صح..

اني وصفتها لامي..بالتفاصيل..وقالت بسم الله!! فعلا كلامك صح هالشي صاير..

كنا طالعين مع جيراننا للبحر..

الصورة الي في بالي هي صورة وحده..

اهلي وراي فارشين بساط ويسولفون مع الجيران

والبزران في البحر

ليل

ومافيه نور الا اناره صفراء من وراء

انا مواجهه للبحر اتفرج عليهم


واشوف بنت جيراننا الي اكبر مني بسنه..تمسكها شغالتهم وتحاول تخليها تسبح..والبنت متفقعه من الصياح وخايفه..وبنت جيراننا بالصورة الي في بالي كانت بزر بزر بزر يمكن 3 سنوات او اربع..حتى كانت لابسه قبوعه البزران الي فيها ربطه...


احس بشعور غريب لما اتذكر شي بهذا القدم يعني احس الاطفال في ذاك العمر مالهم ذاكره..


بس هذا الي صار^^



يلا دوركم

اتمنى اكون اول من رد <===بزر

صانكيووو عالموضوع والله يكثر من اوقات الفراغ عندك عشان تطب علينا وتعطينا مواضيع هيك ههههههه


سلام^^

[Angel whisper]

هلاو .. من زمان مالك شوف..
اممم موقف من الطفوله ..
انزين
بقولك موقف مرعب
كنا انا واختي اللي اصغر مني بسنه نلعب في الحوش.. اظن ان عمري يومها كان 5 او 6 سنين ..
وهي تركض وانا اركض وراها..
وما اشوف الا منحدر جدامي "نصابه .. كانت حصاه صغيره" ..
واتخرطف عليها واطيح على ويهي..
قمت ويلست مكاني..
من قوة الطيحه كان ويهي متخدر ومب حاسه فيه
وشوي واتيني امي .. وويهها مثل هذا >>
ويوم اطالع ثيابي اشوف عليها شي احمر سائل ..
ويوم شفته يلست اصيح
وتشلني امي ومادري شو سوت بويهي اللي كان متخدر..
وعقب ما خلص فاصل الصياح اكتشفت انه كان عندي جرح محترم على برطمي اللي قوق مادري اللي تحت نسيت .. وفقدت واحد من اسناني العزيزه -__-
ومن يومها تأدبت وما ركضت في الحوش..
عموما بحاول اتذكر مواقف اكثر وبخبرك عندها بعدين ^^

[Yamabuki]

يوم طلعت في اذاعة في المدرسة ثالث ابتدائي الولد الي المفروض يطلع تاخر والفصل كله اشر علي

ولي يشدني يقلي اطلع بسرعة واللقب الي كانو يقلوه على @#$& <<لول حاس نفسي ناروتو

عاد وقتها كنت استحى من ظلي =_= يوم طلعت على المنصة او المسرح اي شي اعطوني ورقة عن

فقرة هل تلعم وانا عيوني على الارض طالعت فوق شوي لقيت ابشع منظر شفتوا في حياتي اكثر من 300
طالب يطالعون عليك <<مو ماتلكد من الرقم ,,يعني بلاه ايش الشعور مانطقت بكلمة لمدة بعدها تذكرت

بديت قلت هل تتتتتتتتتتتععععععععلللللللم اننننن..الخ الحرف الواحد يتكرر 100 مرة ودقات قلبي اخخخ بس موقف لاينسى

[Lena]

يؤ..فقرة "لاتعلم" ناشبة لنا في كل محل!!!

[ابتسامــــــه]

أنــــــــــا اتذكر لما كان عمري يووووم كنت ابجي مثل اليهال الصغار

[ثريول]

أوه , آيم هير .. تصدق قبل يومين أفكر فيك , وأفكر في اختفائك المفاجئ , أنت وسنورلاكس اللي طرى علي يوم شفت موضوع هو مشارك فيه .. ولكم باك عزيزي .

عني يمكن تكون أقدم صورة في ذهني هي في حوش البيت , قطو أشوفه وكأنه بحجم أسد , هو أصلاً كبير .. لكنه في عين الطفل عملاق يصير عملاق .

والمشهد الثاني هو مكان في تركيا فيه مثل الجدول الراكد وضفادع .. عمري حينها يمكن 4 سنين . وواحد تركي مراهق يمسكني ويوديني الطرف اني عند الأهل , كأن هذي الجولة في الغابة بالنسبة لي حينها كمغامرة طويلة .

والثالث في البر في روضة من الروض , يمكن عمري 3 سنين وشي , أتذكر كنا نايمين في الليل في الخيمة آنا والوالد وعمي , والمطر ينزل بقوة علينا .. وداخل الخيمة عمي يشغل الليت وهو منبطح على أعلى خيمة , ويحرك بيده وتطلع أشكال مثل وجه الذيب .

شكراً على الموضوع المرور بعد غيبة على المنتدى .

[Arsene Lupin]

اممممم أتذكر مشاهد من الروضة... لكن أظن فيه أقدم من كذا

أتذكر مشهد أظنه في العيد.. كنا في بيت جدتي و مجلس الحريم كان ملياااان...

و أظن كنت أبي أروح لأمي... فلازم أدخل المجلس.. و لكن مستحي و خايف من الحريم بيستلموني تبويس و تجغيف

أظن الخوف لحظتها هو الي ثبتها ببالي



و أذكر مشاهد من زمان و أنا أسبح مع أخواني في "البانيو"... و عددنا أربعه على ما أظن كان قبل الروضه هذا

[Better Days]

اقدم شي اذكره بركة السمك في الخميس في بيت جدي كنت اجلس على طرف البلكونه المطله على البركه (بركه كبيره مره) والشغاله تأكلني ما اذكر كم كان عمري بالضبط


بعد اذكر يوم كان عمري يا 5 او 6 سنوات ايضا في الخميس (كل ذكرياتي في الخميس) يوم العيد جا مطر ويوم وقف واروح عند البركه وانا متكشخ ولابس بشت (كانت البركه قد فضوها ماعد فيها شي فاضيه) وكان فيها شويه مويه عقب المطر واطب فيها كان علي منظر

اذكر ثلج ومويه بعد (تيدوس xxx ) يذكرها احسم مني ما كنت اوعي شي ذاك الوقت كانوا كل اللي في البيت الا جدي وجدتي يلعبون ثلج ومويه

ومن ايام الطايف السعيد على ما اعتقد كان عمري 7 سنوات ذاك الوقت جا ولد عمتي من امريكا(عايش هناك ومتزوج اميركيه من زماااان شايب) وكانت جارتهم حاطه بناتها عندهم ما ادري ليش اضنها كانت مسافره المهم جابهم معهم في العيد ووحده من هالبنات كبري وشوي ولا الاهل يقولون لي رح العب معها تراها كبرك وهي لا تدري وش انا اقول وانا ما ادري وشي تقول

وشكرا على الموضوع الحلو واذا ذكرت شي بعد جيت مره ثانيه

[Pr.Game]

اذكر وعمري 7 سنين

كنت بالمدرسة وقت الاختبار الشهري الشفوي والاختبار كان قراءة

وكنت أنه فاضي جالس أرسم سيارة

وفجأة بدأ الحماس يشتد في الرسم

وما تسمع بعد شوي إلا (وعننننننننننننننننننننننننننننننننننننننننننننننننننننننننن) <<<<< صوت سيارة

قام الأستاذ قالمن وين عالصوت

قلت له من الشارع

قلي طيب وهو يعرف انو انه مطلع الصوت

وماكو الا ووجهي حمر <<<< أول مرة أسوي شي زي كذا

هذا أحد المواقف الذي لاينسى

.

[Argandir]

ذاكرة ما انساها وراح استمر اذكرها كل ما اطالع في وجهي في المراية...

يوم اني كنت صغير قعدت العب في الحوش انا وعيال عمي وكنت قاعد امشي على حوظ الزرع...وتجي الوالدة وتقول يافلان انزل لكن ما سمعت...وتقولي مرة ثانية يافلان انزل برضو ماسمعت

قالت بكيفك اذا طحت لا تبكي بعدين...جيت اقول اصلا انا ما راح اااااااااااااااااااااااااااااااااااه <------ دردوب... واسقط كجلمود صخر حطه السيل من علي على حافة الحوظ

وتسيل دمائي على الارض والعالم تصارخ وياخذوني لاقرب مستوصف ويسولي خياطة


وبعدها بكم شهر اطلع انا وعيال عمي للحديقة وفي مرجيحة دائرية تلف بسرعة الظاهر ان اسمها الصحن الدوار او شي

المهم بعد ما بدات تلف قلت لعيال عمي شوفني كيف راح انط من غير ما اتعور هيااااااااااااااااااااااااااااع <----- دردوب اخر على الرصيف

واطيحلك على نفس المكان الاول سبحان الله

وزي المرة الي قبلها جري على المستوصف وخياطة ثانية....ومن يومها صار عندي ندبة Scar على جبيني الايمن من فوق

[mohammed111]

اخر ما اتذكره هو زوجتي عندما كانت تحتضر...!
.
.
.
لحظة ما الذي افعله هنا ...

يجب أن ادون هذا ... أين قلمي ..

<------------
لا يزال مخه منلحس بعد مشاهدته فلم MEMENTO

[I`m HeRe]

جميل جداً الصراحه ما توقعت كل هالردود

بالنسبه لي أتذكر موقف لي يوم عمري بين السنتين والثلاثه

كان ولد عمتي توه مولود يعني يمكن عمره حوالي خمس ست شهور
المهم دخلت المطبخ كان في كرسي البزران
رحت اشوفه وكان يفتح ويغمض عيونه
المهم قلت عبدالله يغمط عنونه ههههههه
طبعاً هالجمله ما ادري ليش دايم تذكرني فيها عمتي وجدتي

وفيه موقف ثاني ايام الروضه أو التمهيدي المهم كنت داخل المدرسه واشوف البزران يصايحون
وانا مفهي ما ادري وش قصتهم المهم بالفسحه كان معي اكل وحلاو بيض <<<أول يوم لازم دلع
المهم أكلت الحلاو وجيت بأفتح اللعبه طلع لي واحد يدقدق بالكوره
ركبت كل شي بقي الكوره ما لقيتها أدورها بالشنطه يمين يسار ماش
ويمر علي واحد من البزران ويوريني الكوره ويقول تبي هذي ويهرب
ههههههه اللي مخليني اتذكر هالموقف إلى الحين لأني مستغرب وشلون أخذ الكوره وأنا توني فاتح الحلاو

[A Step--ForWarD]

السلام عليكم........هلا والله وغلا Iam Here لك وحشه والله..

أووه ذكرياتي كلها إصابات ...
أيام السياكل يوم كان عمري 6أو 7 سنين كنت مقطع الحاره أخذ دوره حول مسجدنا ومسوي زحمه المهم ذاك اليوم جاي مقلع على بالي بسوي خمسات وعينك ماتشوف إلا النور غديت دجاج مسحب نظفت الشارع كله من كثر ماتدردبت والله طيحه ألييييييمه كانت ولاتزال معلمه عند الكوع أنواع أقرب مستوصف وخياطة وقلق ...

أيضاً أتذكر مره نفس الشي كنت بالسيكل ألفلف أنا وولد عمي المهم انا جيت مسوي قوي قلت أبي أعكس الدوره وأفاجئه وفعلاً من الدلاخه أشوفه قدامي أروح يمين يروح يمين أروح يسار يروح يسار أبي أتفاداه عجزت وللأسف خشيت فيه خشه غير طبيعيه وتسدحنا على الزفلت انا وياه وكلنا نصيح وأخوي يطالع فينا ويضحك وحنا رايحين فيها صياح ...

ومره أيضاً وهي المره اللي حرمت عقبه أركب سيكل قاعد ألفلف كالعاده ومدري إلا ويجي واحد يسبني من الباب للطاقه مدري وش يبي قلت طيب وجيت بلحقه (كنت خطير ) ومدري إلا انا منقلب بالسيكل صراحة كانت حركه بهلوانيه مدري كيف إنقلبت على راسي والله قعدت شوي دايخ أسمع الناس يتكلمون من حولي كأنه صدى موقف لاينسى ...

[I`m HeRe]

نرجع للردود

لينا
هلا والله
وأنا موجود بس كنت لاهي بالصيفي وبالنادي وسيلنت هيل واليورو 2004
وزين انه اعجبك الموضوع

بالنسبه للموقف حتى انا فيه صوره ببالي بس ما اتوقع انها صارت لي وحتى محد أكد لي هالشي
لأنها قديمه جداً جداً أتذكر اني كنت أحبي ببيت جدتي وكان عيال وبنات أخوالي مسوين حلقه ويدورون وأنا بالنص
الصراحه ما ادري ليش هالموقف ببالي ولا تأكدت هل صار فعلاً ولا لا بس الغريبه اني اتخيله وأحس انه قد صار

ومشكوره على الرد

انجل
اهلين
ههههههههه شي عجيب يوم انا بزران أذا انفلقنا او شي ما نصيح ألا اذا شفنا الدم
ولا قبل ما نكتشف وجود الدم نقوم ولا كأن صار لنا شي

مشكوره على الرد وننتظر المزيد


sehro
هههههه ذكرتني بواحد من اقرباي بالمدرسه كان طالع يقول هل تعلم
المهم قال هل تعلم أن عمر بن الخطاب يلقب بالفرقود <<طبعاً هو لقبه الفاروق
بس مع الربشه خبط
وتسلم على الرد

ابتسامه
يبدو أن هالموقف مار علي انا بعد


ثريول
هلا والله وغلا
ياخي وش اسوي كان المنتدى ميت وبقوه ايام الإختباراتواللي قبلها ويوم بدت الإجازه لهينا شوي
وبنسبه للقطو لا يكون ذا


ومشكور على الرد

Arsene
أربعه في بانيو ههههههههه
ومشكور على الرد