<<<و أخيراً أنهيت لعبة سايلنت هيل 4 - أدخل لترى إنطباعاتي عنها>>>

[Deadly Spot]

[QUOTE]ايش الكلام هذا اللعبه ما عجبتك وايش هذا اللي اسمه new fear صعوبه زياده ولا وشو؟

.......................................................

هوا المشكله انه هذا الجزء الوحوش ماتخوف وحتى المناطق اللي تمر فيها ماتخوف مثل الجزء الثالث

واما عن new fear فالصراحه مالعبت بها
لكن على ما اظن تغييرات بسيطه في القصه

[Homoud]

مشكور كيوب لوفر على مراجعتك وما شاء الله عليك فنان

بالنسبة للعبة الصراحه ما كانت بالمستوى المطلوب وماريو ما ظلم اللعبه أبدا
يعني الصراحه اللي يشوفها يقول جرافيكس PSone

هذي الصراحه وطبعا اهما سارقين جم شغله من رزدنت ايفل وماريو وضح هالشئ


مشكور مرة ثانية ^^

[JAK]

بالنسبة للعبة الصراحه ما كانت بالمستوى المطلوب وماريو ما ظلم اللعبه أبدا
يعني الصراحه اللي يشوفها يقول جرافيكس PSone

هذي الصراحه وطبعا اهما سارقين جم شغله من رزدنت ايفل وماريو وضح هالشئ

مب مصدق للاسف حمود يقول هالكلام اللعبه روعه و انت اتسعجلت بالحكم عليها لانها طوييييييله و انصحك ماتسمع كلام ماريو اللي نصه غلط و الله ان توني كنت اوصل بسايلنت هيل 1 على السوني 1 و مخلص المستشفى توني من صجك تقارن الجرافك الروعه اللي فسايلنت هيل 4 مع جرافك سوني 1 المربعات انت شفت شكل هنري ؟ و شكل والتر ولا شكل الين شفت ثيابهم شلون ؟ شفت التجاعيد في وجه صاحب الشقه ولا شفت شعر والتر ؟؟؟ انت الصراحه تسرعت وايد فالحكم على اللعبه حتى كيوب لفر غير رايه بعد مالعب اللعبه و خلصها ان شاء الله كيوب لفر يوضحلك شلون اللعبه طويله انت امس قايلي ان اللعبه تعلق لما تطلع من الفتحه يعني باقيلك وااااااايد و عروض وايد و احداث وايد ما شفتها انصحك تلعبها مره ثانيه اخوي الغالي حمود بعدين تحكم عليها

[Final Fantasy 7]

مبروك على انهائكم اللعبة ^^


بالنسبة لي أفضل الأجزاء السابقة على هذا الجزء .. و هالجزء يالي جذبني فيه هو القصة و الشخصيات فقط


و الجيرافيكس فعلا تحسونه أقل مستوى من سايلنت هيل 3 .. و هذا العيب مو من محرك اللعبة هذا العيب من فريق التطوير يالي ما عرف كيف يظهر لنا الجيرافيكس بالشكل و القوة الحقيقية .. و بعدين اللعبة جدا سهلة و صارت أقل رعبا من الأجزاء الماضية


و لكنها تظل رائعه و ممتازة جدا




و شكرا

[Homoud]

أوكي نخلصها ونشوف آخرتها مع هنري

[Final Fantasy 7]

أنا الحين خلصت اللعبة من 10 دقائق .. و هذه كانت النتائج :

الوقت : 8 ساعات و 31 ثانية

الحفظ : 39 مرة

الكينتنيو : صفر

الوحوش يالي قتلتها : 398 وحش

المذكرات يالي وجدتها : 52 / 52

نهايتي : الهرب (( أفضل نهاية ))

عدد النجوم : خمس نجوم كبار و جم نجمه صغيره

أظن أني أحسن واحد فيكم

[JAK]

أنا الحين خلصت اللعبة من 10 دقائق .. و هذه كانت النتائج :

الوقت : 8 ساعات و 31 ثانية

الحفظ : 39 مرة

الكينتنيو : صفر

الوحوش يالي قتلتها : 398 وحش

المذكرات يالي وجدتها : 52 / 52

نهايتي : الهرب (( أفضل نهاية ))

عدد النجوم : خمس نجوم كبار و جم نجمه صغيره



أظن أني أحسن واحد فيكم

هلا اخوي العزيز فاينل مبروك انهائك للعبه بقولك شي مابتصدقه طبعت الحل الكامل مال سايلنت هيل 1من موقع برنسس هارت و اخوي لعب اللعبه كامله و انا اعلمه شنو يسوي انهى اللعبه توه GOOD+ في خمس ساعات النهايه عجيبه تهاوش مع سامائيل و النهايه مختلفه و الموسيقى بعد..... اموت في سايلنت هيل الصراحه وودي العاب 4 مره ثانيه عشان اخذ النهايه اللي خذتها عشان انا خذت نهاية 21 SACREMENTS للاسف اسوأ نهايه بعد ما شفت نهاية GOOD+ مالت الجزء الاول ودي يسوونلها ريميك و ينزلونها على السوني 2 و مبروك مره ثانيه انهائك اللعبه اخوي الغالي فاينل فانتاسي 7

[NorteX]

مشكور اخي على التقرير الرائع والفريد و بصراحة شوقتني انهي اللعبة بسرعة ..لذلك رح انهيها و دلك خبر.