وين احصل الوينج اليفين 8 في الرياض لفيت اكثر من 8 محلات ...

[المهلي مايولي]

السلام عليكم
ياشباب لفيت على 8محلات في الرياض ولا لقيت الوينج اليفين 8 ياليت لو احد يعرف محل يباع فيه الوينج اليفين 8 ويعطين اسم المحل وين موقعه وكم رقمه

[RAD]

كل اهل الرياض اللي شروه يقولون انهم ماخذينه من محل خط الانتظار ..

هذا عنوانه : محل خط الانتظار حي الملك فهد عند اسواق طيبه

عاد وين بالضبط مادري لأني بالدمام بس حبيت افيدك .. اتصل على 905 واسئل عن الرقم


اهل الشرقيه غنو معي ياليييييييييييييييييييييييييل

[J o e y]

خط الانتظار بحي الملك فهد قبال طيبه تقريباً بالشارع ذاك فيه محلات ومنها خط الانتظار


والدفعه بعد الصلاة ( المغرب )

اشك انها بتخلص قبل لا اوصل

[bandarr]

انا شريتها من البطحاء الساعة 10.30 ليلا

وشكرا

[Modi]

خط الانتظار

ادخل العليا العام وخل الفيصليه والمملكه على يسارك وامش طوالي
لين ما توصل عند اسواق طيبه وعويس وانت لازم تشوف الاشارات لما تشوف
اشاره مكتوب عليها ((شارع الامير نايف)) ادخل يمين وخلك مدقق على المحلات
اللي على اليمين تراه جنب محل فيديو بس نسيت اسمه

وهذا رقمهم : 2692313

[ORACLE]

أنا شريتها أمس الجمعة من أسواق الشعلة ((محل السليمان)) الساعة 10,30 ليلاً وانشاء الله بتلقاها يوم السبت بأي محل في الرياض لأنها نزلت رسمي حتى في جيزان ونجران وعرعر

ومع احترامي للمعجبين بويننق إليفن 8 أن شركة كونامي طاحت بمطب كبير في البطء الشديد عند الرفعات مع الجهتين وأكيد الشركة راح تعدل الخطا وتتطلع الفاينل بوقت مبكر قبل الموعد المحدد له .

والعب اللعبة وتأكدوا منها ....

[6226]

شمال الرياض - حي المروج - شارع ابن سينا - العاب الكمبيوتر - جوار مبنى بنك الراجحي القديم - تلفون 4559561

[embrator مدريدي]

تحصله في محل جيم ماستر في العليا في شارع التحلية
وأنا أمس اشتريت اللعبة الساعة 11ليلا والعبة موجودة 100%
وهذي أرقام المحل
4664541
4664542