موضوع نقاش:الا تخجل من مشاهدت الـ Anime او الرسوم المتحركه (ارجوا التفاعل يا اعضاء ا

[The Last Fantasy]

والله من ناحيتي .. أشوفها خفيه ..(من دون ما يدري أحد )..

أخاف أتفشل عند الناس ..

أتخيل نفسي قاعد مع عيال خوالي .. وأكلمهم عن الأنمي .. وفجأه يضحكوون كلهم علي .. وش بيكون شعوري ..

والله بروح وطي ..

ولا وش رايكم ..

.س.ل.م.ل.م.

[resedent evil]

اخوي ما عليك منهم انا ربعي يقولولي انت ياهل
اقولهم على الاقل ما احصل سيأت وانا اطالع رسوم متحركه
عكس الافلام العاديه
وانصحكم كلكم شوفو كل شي
رياضه افلام مسلسلات عربيه ونجليزيه العب سوني كل شي

[Mibu Wolf]

السلام عليكم ورحمه الله وبركاته.. حبيت اشاركم النقاش

بنسبه لي مااخجل ابد بهشي ليه اخجل انا مقتنع بشي اللي اسوي وموقاعد اعمل شي غلط ممكن البعض يقولي اتبالغ بس جد انا الأنمي جزء من حياتي لوكل العالم اشر علي وقالو طاع هذا البزر اللي يطالع كرتون وبعدين على فكره انا المسأله صارت عاديه بنسبه لي حتى قمت اطلع بتشيرتات ل DBZ وغيره << كله يلبس تيشيرت لترنكس ههههههه احم المهم , صحيح تعرضت لمواقف ناس كثير ضايقوني ومنهم الاهل -__- يقولولي عمرك 19 وقاعد بس اطالعلي بباي << يجيلي الضغط لوسمعت هالكلمه يقولولي الأنمي هو السبب انك ماتطلع وتروح وقليل تطلع من البيت وكان ردي عليهم انه هذي رغبتي اطلع شسوي يعني مجمعات نفس هشباب اللي ماعندهم شغله ولامشغله غير المغازل بالبنات والكلام الفاضي والمشاكل...يعني مومااطلع حابس نفسي بالبيت انا .. بس قليل يعني لأني ماحب موحرام يعني.. بس دايما يعني ربعي ايوني ونقعد انطالع انمي ونتناقش اكون سعيد جدا والله هذي تعتبر طلعه هههههههه << اقول اخلص بس هههه
جووابي على سؤالك اخي العزيز<< عيل الكلام هذاك كله شنوهههههه , لااخججججل ابد وكثير قالولي هالكلام ورديت عليهم رد خليتهم يعرفون انه هم اللي اطفال موانا..

والله من ناحيتي .. أشوفها خفيه ..(من دون ما يدري أحد )..

أخاف أتفشل عند الناس ..

أتخيل نفسي قاعد مع عيال خوالي .. وأكلمهم عن الأنمي .. وفجأه يضحكوون كلهم علي .. وش بيكون شعوري ..

والله بروح وطي ..

ولا وش رايكم ..

جذي يعني انك مقتنع انه اللي تسوي شي مخجل ..نصيحتي يااخي لاتخاف من اي واحد ولاتخاف من رده الفعل اللي يضحك خل يضحك وممكن ايضا انه يتفهمون كلامك مواكيد انه يضحكون عليك... وممكن بعدها يغيرون فكرهم انه الانمي للصغار..


على فكره 4 على ايدي غيرو فكرتهم عن الانمي بسببي << هههههههههه ياخطير

[tootaa18]

كح كح


إذا كان حُبٌ الانيمي جَريمَةً.......فليشهد التاريخُ أني مُجرمُ

:chairshot

[The Last Fantasy]

بالعكس أنا أشوف أن الأنمي من أروع الأشياء ...

لأن تجمع بين عدة أشياء ..منها :-

1- فن الرسم .. وعلى حسب جودة الرسم تقيم الأنمي .
2-القصة .. عامل رئيسي لنجاح الأنمي .
3-الشخصيات ..
4- نوعية الأنمي .. كوميدي ،، درامي ،، أكشن ،، .... .

وهي تعبر عن فكرة فريق العمل .. كما أنهم يستطيعون وضع أفكار لا يمكن وضعها في الأفلام العادية ..
وهذي ميزه قوية في الأنميشن ..

بس المشكلة إذا قعدت مع ناس جهلاء ... وإذا كلمتهم من أول كلمة .. ضحكوا وتمسخروا وضحكوا غيرهم علي ..

وش تبيني أسوي مع ناس زي كذا

.س.ل.م.ل.م.

[**beauty**]

انا لا اخجل ابدا



اشوف انمي مو صح انه الانمي لاطفال حتى للكبار

انا عن نفسي اشوف الانمي وايد

[اورتيغا]

المشكلة ليست مشكلة خجل ...... بل مشكلة المجتمع اللي إنت عايش فيه وهل يتقبل مثل هذه الأشياء أولاء ؟!

في مجتمعاتنا العربية ( المتخلفة ) ينظر للإنيمي على أنه مسلسل كرتون للصغار فقط...... مع العلم إني اتحداكم إن الصغار ماهم دارين عن الهرجة ولا يفهمو هذي الأشياء !!!

يعني مثلا هل كونان للصغار؟!؟!

هل سلام دانك للصغار؟!

هل و هل و هل و هل.................

إذا المشكلة في مجتمعاتنا و هل تتقبل مثل هذي الأشياء

أنا عن نفسي لازم تجيني تريقه و ضحك و تهزيئ أحيانا فقط لأني أشاهد الإينمي .......... ( شاب معقد )

و خاصة و إني شاب و عمري 19 فيستنكروها منك ؟! كيف واحد عمره 19 سنة و يتفرج أنمي أوووووووه عيييييييييييب إستحي يا ولد إكبر سيبك من حركات البزورة هذي ( هذا بعض الكلمات اللي يتعرض لها الواحد )

و أتوقع إن المشكلة مالها حل ابدا......................

[MARINA OGHAMI]

أنا صراحة مو مهتمة باللي يقولونه لأنها في النهاية حياتي و أنا حرة فيها ...

و اللي يجي و يقول (الكرتون هذا ما منه فايدة و للبزران) أقول له :
أولاً هذا مو (كرتون) هذا (انيمي) ،، ثانياً لا تحكم على الشئ قبل ما تجربه ،،
ثالثاً : ليش ما تعتبر هذا (الكرتون) مجرد قصة فيلم أو مسلسل أمريكي ما لقوا له ممثلين ممتازين ، عشان كذه رسموه ؟؟
لأن مو كل انيمي أو (كرتون) هو للصغار ..

[L.Z.N.Y.S]

اذا ما طالعنا الحين متى بنطالع اذا ازوجنا

[اورتيغا]

و هذي هي اكبر مشكلة

إننا ماراح نقدر نفارق الآنمي بنتزوج و هي معنا و بنخلف و هي معنا و بنتفرج مع عيالنا ؟!؟!

بالله عليكم هذي ماهي مشكلة؟؟؟ ولا انا غلطان؟؟؟

[K.Draw]

أنا عن نفسي لا أخجل إذا كنت مقتنعة في الشيء إلي أسويه , صح و لا غلط ؟
يقول لك : إن كنت لا تستحي فاصنع ما شيئت هذي بس جاية في هالحالة إلي أحنا فيها ..
الناس قالوا ما قالوا كله سوا .. يعني ما راح يغيرون وجهة نظري بهالسهولة شوية كلام فاضي جهال و ما أدري إيش من الكلام
بصراحة في المدرسة لا أحب أن أتحدث عن الأنمي حتى لا يهزأ بي أحد و خلوني محط سخرية
بس كان ويانا بنات ما شاء الله عليهم بس يحبون الأنمي .. يحاولوا أقلدوا الرسام و يقعدون يرسمون
و أنا بصراحة أشجع هذا الفن .. و إلى الأمام
بس المشكلة إن أهلي لازم يعطوني محاضرة ويش طولها ويش عرضها
إنتي كبرت متى بتعقلي و متى .... الخ على كل حال ما بينضاق خلقي كثير ..
أما أختي شايفة نفسها داخل طب قامت تكبرت علينا و الله حالة >> ااححححممم اسكت أحسن

مشكور أخوي على الموضوع الرائع

[judy_abbott]

السلام عليكم


انا عضوه جديده في المنتدى توني اليوم مسجله و استغربت جدا من هالسؤال أستحي اني اطالع انمي ؟!!!
أصلا وايد من الانمي يحطون عليه فوق ال16 سنه او فوق ال18 سنه و هذا معناته انه مو حق صغار فليش استحي لما اطالعه بالعكس انا اموت عالانمي و مو قادره احصله !!

[المدهش]

هلا بك اخوي judy_abbott

المشكلة مو انك تخجل ولا تستحي
المشكلة عندي من الفشيلة الي لين عرفو الناس انك تشوف كارتون وضحطون عليك او يعتقدون انك ياهل
هذي مشكلتي لازم ماقول حق احد او احد اعرف عني شي

[Aimar 21]

مشكور اخواني على الردود

لو تعرفوا ايش سار امس في الليل جوا اقربائ يتعشون عندنا لوجيت جلس مع الرجال يقعدوا يتكلموا في السياسه لو قعت مع الحريم (خالتي) ماشاء الله مايقصروا يغتابوا الي يسوا ومايسوا فقلت اروح الغرفه اتفرج انمي وفجاء يدخل ولد خاتي مسوي فيها حط الوكمان ولابس تيشرت وجينز يدخل فيه امة محمد وقلي يابزه تدفرج على كرتون قتله انا اتفرج انمي وفهمته ايش يعني انمي قلي مهمى اختلفت الاسماء يبقى المعنه واحد قتله بكيفك تبغا تقتنع ولا طق راصك في الجدرا زي ماقتلكم كان معاه وكمان سألته ايش تسمع قلي امنيم كان اغنية لوز يور سلف كتله اعن ايش تتكلم الاغنيه قلي عن الحب انا انفللللللللللللللللللللللت ظحك عله قلي اشبك قتله انا اتفرج على شئ افهمه على الاقل مواسمع واحد قاعد ينهق وارد وره وانا مني داري ايش الهرجه كام قفل الباب وخرج بره الغرفه ايش رايكم بس

[smarty]

هااااااااااااااااااااااااه حلوه يا TAT تصلح تصير محامي خاص



أنا أقول إن الأنيمي مو عيب إن الواحد يتففرجه يعني في السعودية مهما يكون عمر الواحد بس تلقاه يشوف كونان مع إنه أنيمي وأنا من وجهة نظري إن الأنيمي شيئ مسلي وبعض الناس يقولون إن الأنيمي يضيع وقت بالعكس حنا منه نستفيد يعني يمكن<===نتعلم ياباني بعدين ونبدأ نروح اليابان <====== وش رايكم بالطموح