الإمارات.. تشدد القوانين والسبب السعوديون!!

[Moon Boy]

مرحبا شباب..

في فترة الصيف هذي.. يستغل السعوديون الإجازة ويسافرون للإمارات لأنها بلد سياحي..

وتلقى الكثير منهم هناك.. وخصوصاً في دبي..

طبعاً أخلاق السعوديين تختلف.. فيه منهم المحترم ومنهم الصالح اللى جاي يتمشى ويغير جو..

ومنهم الطالح اللى جاي يفسد ويخرب.. ويشوه صورة بلده.. وللأسف هم كثر..!!

طبعاً قابل هالتصرفات الخاطئة من منطلق (لكل فعل ردة فعل).. تشدد من الحكومة الإماراتية..التى لم يعجبها الوضع..

على الرغم من أن العلاقات السعودية الإماراتية على أعلى مستوى..

ولأن السعودي يعتقد أنه محصن وعلى راسه ريشة .. أصبح لا يبالي ولا يعطى حساب لأحد.. لأنه ولد نعمة

وبالتالي قامت الحكومة الإماراتية بالتشديد على السعوديين إصدار قوانين جديدة في بلادهم..

فمثلاًنظام المرور على سبيل المثال يختلف من بلد لآخر.. وطبيعي أن السعوديين يجهلون النظام الإماراتي..

فأحد أصدقائي يقص لي.. أنه لف يمين من الإشارة وسط حسن نيه.. تفاجأ بالشرطي الإماراتي ( ربمامن أصل غير إماراتي).. يصرخ في وجهه ويوجه له مخالفه مرورية .. وتعامل معه بتسلط وغطرسة.. فقط لأنه سعودي..!!

والمشكلة أن رحلت عودته تعطلت .. لأنه لازم يسدد المخالفة وهم مسكريبن.. فراحت عليه الطيارة بسبب تلك المخالفة..

صحيح أنه أخطأ ولكن أين غاب كرم الضيافة ومراعاة الجهل.. تلك معوقة من معوقات السياحة..!!

قصة آخرى في دبي..

أحد الذين أعرفهم ركب مع (تاكسي) هو وزميلة.. صاحب التاكسي صدم واحد.. ودخل هذا الشخص في المستشفى ثم مات ..رحمه الله..

المفترض أن يدخل السجن سائق التاكسي لأنه هو السائق وأنا سائح لا أعرفه.. ماهو ذنبي أنا..

والذي يعاقب هو سائق التاكسي.. وهذا معروف في كل الأنظمة..

لكن المفاجأة أن النظام الإماراتي قد تغير أو غير بقدرة قادر.. ولا أعلم كيف خطرة لهم فكرت تغيير النظام..

فسجنوا جميعاً .. ولهم أكثر من الشهر في السجن..!! :shock22:

أعتقد أن الأمر غريب بل يصنف من العجائب..!!

أخيراً ..لماذا كل ذلك..

وتغيير الأنظمة.. هل جاء من نظرة فاحصة أم عشوائية؟!!

وهل النظام هذا لا يطبق إلا بالصيف.. ومع السعوديين فقط.. أم مع غيرهم؟!!

إذا كان الجواب هو مايدور في خاطري.. فاطردوهم.. والله لايحرمنا من الهاف مون!!

[Deadly Spot]

السعوديين منبوذين في كل مكان
حظهم نحس

ومشكور على الموضوع

[sul911]

الالتفاف لليمين والاشارة حمراء مخالفة :shock22:

[BoJasem]

السلام عليكم :

ما اتوقع جذي تشديد مرة وحدة

فأحد أصدقائي يقص لي.. أنه لف يمين من الإشارة وسط حسن نيه

حتى لو هذة مخالفة وتلقى الشرطي عصب لأن كان من الممكن يصير حادث كبير لا سمح الله

ومو شرط عشان انه سعودي

وبالنسبة لحادثة التاكسي يمكن خطأ من المحكمة لكن يمكن الخطأ من السائح حيث انه
قام يأذي السائق (( روح يمين لأ شمال )) وبالتالي لحادثة الصدم

ما اتوقع ان سالفة تشديد

[Kubaj]

حقة الإشارة شي طبيعي .. لكن اذا حادثة التاكسي صحيحة فهذا فعلاً تحامل على السعوديين .

يسلمو موون بوي ..

[Angel whisper]

no offense بس الصراحه وايد من السعوديين يسوون اشيا عجيبه وهم يسوقون ..
هذا غير عن السرعه الخياليه اللي يسوقون فيها ..
واحنا بشكل عام نشدد وايد على اللي يسوقون .. ان كانو مواطنين او غير مواطنين .. لانه الواحد منو ما كان لازم يتحاسب على السواقه الغلط ..

[$الخليجي$]

طبعاً أخلاق السعوديين تختلف.. فيه منهم المحترم ومنهم الصالح اللى جاي يتمشى ويغير جو..

__________________

ولأن السعودي يعتقد أنه محصن وعلى راسه ريشة .. أصبح لا يبالي ولا يعطى حساب لأحد.. لأنه ولد نعمة

ينقض نفسه بنفسه سبحااااااااان الله ..

[Angel whisper]

وصح .. في سالفة المخالفه .. هل هو قاله "يا سعودي ليش سويت كذا وكذا" ؟؟

[Kubaj]

فعلاً السرعة الجنونية .. في دمائنا نحن السعوديين .. وصاحب الموضوع اولهم .

الا صحيح نسيت اسألك .. من وين جايب كلامك هذا .. ؟

- بالعربي هات المصدر-

[QaHir]

غريبة والله العنصرية في الخليج

على العموم السعوديين اعترف انهم بروفشنل بالسواقه ..

في البحرين .. تشوف شي طاير يمك مايحتاج تشوف اللوحة ورقمها ومن وين .. على طول تعرف انها من السعودية

السيارات واقفه والازدحام شديد تشوف واحد يمشي الف الف ويتجاوز ..

فوق هذا .. واحد سيراته نازلة .. يطق الرصيف ويركب ماعنده اشكال

اذكر يوم كنت باروح الشرقية بسيارتي قال لي الوالد اذا رجعت صاحي باسوي احتفال ..

واما عن الامارات ؟؟ فما ادري والله ><

[Miyamz]

فعلاً السرعة الجنونية .. في دمائنا نحن السعوديين .. وصاحب الموضوع اولهم .

الا صحيح نسيت اسألك .. من وين جايب كلامك هذا .. ؟

- بالعربي هات المصدر-

وين حقوق الانسان
بس وين مصدرك؟
مأعتقد ان الامارات تضع شروط وقوانين بسبب سعودي

[Trapped Inside]

وانا وجهي مسمي نفسي سعودي ..


مشكور خيو على الموضوع ^^ ..

[N-S]

وا اسفاه على الشعب السعودي المشكله مايطلع برا الا المتخلفين منهم اقصد الي اخلاقهم زفت للاسف
وبعدين مشكلة اهل الخليج الباقين هداهم الله يعممون على السعوديه كلها رغم ان السعوديه لحالها اكبر من كل دول الخليج يعني وش تنتظر من شعب العاصمة فقط 3 مليون فيها ؟
لازم تلقا الصالح والطالح لكن الصالحين ولله الحمد في السعوديه اكثر بكثير ومن يحب يعرف هذا الشي يجي ولا يححكم من تواجد السعوديين في بلدهم خصوصا اهل المدينه ومكه ماشاء الله ناس عندهم كرامه ماينزلون مستواهم لهالمستويات وايضا الكثير من البدو لان البدوي اخوف مايخاف على سمعته والسعوديه نصها او اكثر بدو وعندهم تقاليد صارمه ماشاء الله عليهم
بالنسبه للاخوان الي قالوا سعودي وسعودي انصحكم ماتحكمون على شعب ابدا من خلال النماذج الي قابلتوها وتشوفون الباقين انا كم من شعب كنت احتقرهم لانهم شفت عينه منهم ولكن تندمت يوم شفت باقين منهم فيهم طيبه توسع الارض بالنسبه للسرعه لووول محد من اقاربي يسرع ولله الحمد او يقود بتهور الا واحد صار له حادث واتعظ فالعينه الي تتكلمون عنها ما شفتها الى الان؟

[Lucky guy]

هههههه هذا الشعب السعودي -____- لهم ستايل خاص فيهم بالقيادة ..

اما بالقصه الثانيه العجيبه صراحة هذا فيها حق -____- يعني وش دخلهم بالموضوع من الاساس راعي اللموزين هو اللي صادم ..

يعني شيء معروف هو المتهم مب الركاب اللي معه يعني شيء غريب صراحة أذا هذا قانون في دولة الأمارات أتهام الركاب -___-,,!!!

[Angel whisper]

هههههه هذا الشعب السعودي -____- لهم ستايل خاص فيهم بالقيادة ..

اما بالقصه الثانيه العجيبه صراحة هذا فيها حق -____- يعني وش دخلهم بالموضوع من الاساس راعي اللموزين هو اللي صادم ..

يعني شيء معروف هو المتهم مب الركاب اللي معه يعني شيء غريب صراحة أذا هذا قانون في دولة الأمارات أتهام الركاب -___-,,!!!

الثانيه قويه .. مع احترامي انا مب قادره اصدقها ..