أهلا أهلا
أبغاكم تشاركوني الحديث عن أحسن مسلسل أنمي شفته في حياتي
سليرز , سليرز نكست , سليرز ريترن , وباقي الأفلام حقته والأوفي اي
نبدأ الحوار بالبطلة لينا انفرز: لينا فتاة قصيرة لاتبدو في مظهرها كالفتيات, ذات شعر أحمر اللون ترتدي سترة صفراء وعباءة سوداء<<<< سعودية
المشكلة انها بنت شكلها صغيرة وماشية لحالها, عشان كدا طلع غاوري المسكين وورّط نفسه<< قال بيساعدها الغبي, وراح سوّا فيها السيد الفارس , وزاد البلّة طينة أنه قال لـ لينا الساحرة : ايش تسوّي بنت صغيرة لوحدها هنا, أبوك وأمك فينهم. وجلس ينظر يمين يسار
, فينهم فينهم مالقيتهم
, فكّرت لينا شوية (دحين هادا فارس قوي وممكن نستفيد منّه في الرحلة حقتي
) قالت له: أنا رايحة لمدينة أطلس وأبغي واحد يوصّلني. :shock22: لينا تقول الكلام هادا ماهو معقول ...بس هي داهية تفكّر في بطنها أكتر شيء , قالت في عقلها أنه هادا الغبي بيصرف ويدفع من جيبه أكلي وشربي,
،
راحوا لأقرب قرية ودخلوا المطعم وطلبت كل الوجبات على حساب الغبي غاوري
صارت دوشة وهيصة وزمبليطة, ومارضت تساعدهم حتى يدفعوا لها فلوس<<< ريالات, دراهم,جنيهات,دنانير, جل, جالد, وكل أنواع العملات ... أصلا أنا نسيت ايش العملة المستخدمة في المسلسلراحت الهبلة لينا الساحرة القصيرة دمّرت التنين والقرية بكاملها, وبراءة قالت للعمدة: أبغى فلوسي. على فكرة العمدة حرقته بكرة النار حقتها
. المشكلة كل سكان القرية والعمدة شايلين سواطير وكريكات ويبغوا يكسّروا راسها
, فقالت: خلاص خلوا فلوسكم في جيبكم ماأبغى بطّلت. وهربت وتركت وراها الغبي غاوري ورطان مع سكان القرية.
المهم هادي هيّ الحلقة الأولى.
أوف ماشاءالله عليّ كتبت كل هاداخلاص أبغى أرتاح شويّة. وبعدين راجعة تاني
رد مع اقتباس
مشاركة: Slayers Witch Project
والى الحين ما حصلته <<<<< اشك بان صاحبي هو الى ضيعه 
خاصة لما كانو في المطعم وانفصلو وكيف كانو عكس بعض 
هاااااااااااااه هاهاهاهاه" 
المشاركة الأصلية كتبت بواسطة devilmay cry
