اسأل وورط اللي بعدك (خلينا اندردش شوي)

[orange road]

تصدقون.. ممكن يكون هاذي جواب بعد

سؤالي: ليش أحس أن أيد بيموت في نهايه فل ميتال ألكميست؟؟ ما يستاهل مسكين!!

النهايات اللي يموت فيها حد من الشخصيات المحبوبة تم في الذاكرة اكثر من النهايات السعيدة اللي ما مات حد فيها علشان تتحقق..

ليدي اوسكار واندريه ماتوا ...
نوريكو وهوتوهوري وميتسكاكي وجيريكو ماتوا ...
ما تبين هاذي يموت ؟؟؟

على العموم ما جفت المسلسل فما اقدر احكم على الشخصية...
خل لين جفته باتعاطف معاج...

سؤالي هو....

اذا انت تشتغل شلون علاقتك مع مديرك.. مملغ عليك والا اوكي معاك
واذا كنت تدرس طبق الكلام على مدرس أو دكتور عندكم

[Rex]

السلام عليكم,

واذا كنت تدرس طبق الكلام على مدرس أو دكتور عندكم؟

بصراحة الدكاتره اللي عندنا بالكلية اللي اداوم فيها , جدا جدا محترمين ومهضومين !!
تحس انك مرتاح معاهم! , ودايما يحاولون يخلون التكليفات اللي على الطالب سهله عليه ان أمكن!
ببساطه فيهم رحمه و يراعون الطلاب يعني.. والحمدلله !


= شو هو اسم فيلم أنمي (فيلم وليس مسلسل!) شفته وعجبك وتنصح بمشاهدته؟؟؟ =)

[orange road]

شو هو اسم فيلم أنمي (فيلم وليس مسلسل!) شفته وعجبك وتنصح بمشاهدته؟؟؟ =)

مافي غيره..

Spirited Away

أحلى فيلم أنيمي في الفترة الأخيرة وما في غيره في بالي الحين..

سؤالي..

فيلم أنيمي خلاك تصيح وتتأثر معاه...
ولاحظ.. فيلم.. مب مسلسل... (الحقوق محفوطة حق ريكسو)

[g. byte]

"فيلم أنيمي خلاك تصيح وتتأثر معاه..."
Grave of fireflies... وبلا منازع
والله تعبت نفسيا لأيام يوم شفت الفيلم , وكدت اني أفقد الأمل في الحياة بسبته ! لكن بعد الكثير من التفكير العميق في الفيلم والحياة وماسيها اتخذت قرار باني راح أعيش هالحياة بحلوها ومرها إلى النهاية , لكن مع ذلك ماقدرت اتمالك نفسي وبكيت حتى يوم طالعت الفيلم للمرة الثالثة .. !
أكثر فيلم محزن وتراجيدي شفته في حياتي والى الان مستغرب كيف قدرت رسوم متحركة تسوي فيني هذا كله !! اللي يبغى يعرف قدرات الانمي الحقيقية يطالع هالفيلم @@


سؤالي : " استخرج ثلاث كلمات من هالكلمة ( جرجير ) "
1-
2-
3-

[الكلاسيكيه]

اممم ..
ثلاث كلمات من ( جرجير ) .. ذكرتيني بحصة العربي ( ^ ــ ^ ) ..
1ـ جري
2ـ جير ( الحجر )
3ـ جر ..
واذا تبين زياده .. ممكن .. يجر ، يرج ، رجرج ، رج .. وسلمتم ..

[الكلاسيكيه]

اهه .. نسيت السؤال !!
كيف ممكن تتخيل الحياه وانت لوحدك تماما ؟؟!!!!!!!!!!
ومن غير وسائل الدنيا المتوفره حاليا .. واقصد من الناحيه النفسيه !!

[g. byte]

ماشاء الله عليكِ يالكلاسيكية , شكلك تحلين صفحة الالغاز اللي في المجلات كثير
بصراحة يوم حطيت الكلمة ماكنت اعرف استخرج الا كلمتين بس , يعني وهقتكم وانحشت بس زين تعلمت انه الكلمة الوحدة ممكن ننظر لها بأكثر من طريقة n_n


" كيف ممكن تتخيل الحياه وانت لوحدك تماما ؟؟!!!!!!!!!!
ومن غير وسائل الدنيا المتوفره حاليا .. واقصد من الناحيه النفسيه !! "
أنا طول حياتي أعيش لوحدي , عشان كذا مااقدر اتخييل الحياة وانا لوحدي لاني فعلا لوحدي ههههه بالاضافة الى اني منقطع ايضا عن معظم وسائل الدنيا مثل التلفزيون والتلفون والراديو والجرائد والمجلات .... مافي الا الانترنت هالعلة مااقدر أتركه لأني محتاجه
بس من الناحية النفسية ... الموضوع فعلا صعب , الانسان مايقدر يعيش لحاله لأنه خلق عشان يعيش مع جماعة , لكني ماراح أواجه اي مشاكل لو ماكان فيه أحد غيري على الأرض , بالعكس من يوم ماكنت طفل وانا اتخييل نفسي أعيش في أرض معزولة وبعيدة عن الناس , مع الحيوانات والطبيعة والصخور والجبال والوديان والأنهار , أفترش الأرض وألتحف السماء وأركض حافيا وسط المروج الخضراء .. من دون عناء , أنتظر الشمس في الصباح وأتأمل القمر في الليالي الملاح ................ لحظة , مو كني سرحت بخيالي ؟ *_*
بس السؤال يقول " تخييل ..." عشان كذا اعتقد اني جاوبت على السؤال وعلى فكرة يالكلاسيكية انا ولد مو بنت ! ولد !!! صارلي اكثر من سنتين ونص في المنتدى محد لخبط وحسبني بنت , معقولة في اسبوع واحد يردون على اساس اني بنت مرتين !! ايه اللي بيقرا في العالم ياقدعان ؟!
يبغالي احط صورتي تحت اسمي , بس وقتها ماراح يحسبوني ولد , راح يحسبوني زومبي


سؤالي هالمرة يقول :اكتب نظرتك الخاصة عن التالي :
1- غسيل الصحون :
2- النجارة :
3- رفع الضغط :
4- الرسم :
5- الحكّة :
6- سندويتش الجبن :

[الملاك الأبيض]

1- غسيل الصحون : ما أحبه مووووووووليه
2- النجارة : هي حلوة من ناحية انت تبتكر يعني مثلا أيلس وأسوي أشكال غريبة بالخشب ( من هالناحية بس )
3- رفع الضغط : يعني ما شي الحال
4- الرسم : أنا طول عمري أرسم وما أقدر أتخلى عنه
5- الحكّة : آآآآآآآآه تريح
6- سندويتش الجبن : أحبه بس لازم يكوووون شرط أساسي الدقوووس موجوووووود


شو الأنيمي اللي بتسوييه إذا كانت عندك شركة صنع ورسم الأنيمي ( يعني كيف بيكووون نوع الأنيمي : آكشن ولا خيالي ولا دراما ولا رعب ولا ديني ولا ولا ولا )

[orange road]

سؤالي هالمرة يقول :اكتب نظرتك الخاصة عن التالي :

1- غسيل الصحون : لازم تاكلون في صحون يعني؟؟ اكلوا في المواعين اللي ينطبخ فيها الاكل على طول وريحونا منه.. اكره شي غسيل الصحون..

2- النجارة : شي احسه من المستحيلات العشرين @@ واحد يمسك لك قطعة خشب وبقدرة قادر تتحول حق اثاث.. شلون؟؟ الله اعلم

3- رفع الضغط : ما في اسهل منه.. حاور لك واحد عبيط وبيرتفع ضغطك.. والا اقول.. تعال عندنا الدوام يوم واحد وجوف الضغط وين بيوصل

4- الرسم : حياتي وخبي.. فن عريق لكن التلوح ما يفهمون له

5- الحكّة : ما تيي الا في نص الظهر المكان اللي ما تطاله..

6- سندويتش الجبن : الجبن واحد من أهم العناصر الغذائية في العالم... ولا يمكن الاستغناء عنه بأي شكل من الأشكال... وتقدر تاكله مع كل شي الكلام صار عن الجبن مب السندويتش

طيب السؤال..

شنهي علاقتك مع البقر؟

[ديابلوس]

زفتة و الحمدلله

سؤالي:

ليش اورانج رود تحب البقر؟

[الملاك الأبيض]

وأنا وييييييييييييين سار سؤااااااااااااالي

[Rex]

=شو الأنيمي اللي بتسوييه إذا كانت عندك شركة صنع ورسم الأنيمي ( يعني كيف بيكووون نوع الأنيمي : آكشن ولا خيالي ولا دراما ولا رعب ولا ديني ولا ولا ولا )

اهم شيء عندي شخصيا انه يكون أكشن وخيالي معا! , والأمور الثانية اختياريه بالنسبة لي ^^



=ليش اورانج رود تحب البقر؟

لأنها مع المنظمة الدولية لحماية البقر ( انضمت من بعد اللي سويته انته ) لول


سعال: شو احسن الأوقات عندك للرسم؟

[Renoa Heartilly]

--سعال: شو احسن الأوقات عندك للرسم؟

لما يكون عندي أختبار و لا دفاتر السكتش حقتي خلصت ._.

-1- غسيل الصحون : عاد الدور علي اليوم ._. ليش ما ياكلون في صحون بلاستك و يقطونها؟
2- النجارة : وناسه بس لازم تجهز علبة الأسعافات الأوليه حق أصابعك ...
3- رفع الضغط : وناسه أنك ترفع ضغط أحد, بس مو وناسه لما تكون أنت في الجهه المقابله ._.
4- الرسم : شنهوا هذا؟
5- الحكّة : ما تجي إلا في الخشم لما تكون شايل شيء ثقيل ._.
6- سندويتش الجبن : حلو إذا كنت تشرب معاه شاهي منعنع ولا عصير... بس مو حلو إذا كان السندويش ناشف ._.

--=شو الأنيمي اللي بتسوييه إذا كانت عندك شركة صنع ورسم الأنيمي ( يعني كيف بيكووون نوع الأنيمي : آكشن ولا خيالي ولا دراما ولا رعب ولا ديني ولا ولا ولا )

أصلاً لو عندي شركه باسوي ممانقا مو أنيمي @_@ بس لو بيغصبوني أسوي أنيمي باسوي شيء shoujo عشان الأنيميشان حق الshounen فيه فريمات كثيره تخسر فلوس خخخ

يللا بكذا جاوبت على كل الأسئله ._.

سوؤالي: كم مره كلمت عضو تحسبه جديد ولما تقرا أسمه تكتشف أنك تعرفه لكنه مغير صورته الشخصيه؟ (تها صايره لي مع صوره ريفلكس فوقي خخخ)

[orange road]

شكلي انا والملاك حطينا الرد مع بعض..ما جفت ردك الا اليوم بس >_<

شو الأنيمي اللي بتسوييه إذا كانت عندك شركة صنع ورسم الأنيمي ( يعني كيف بيكووون نوع الأنيمي : آكشن ولا خيالي ولا دراما ولا رعب ولا ديني ولا ولا ولا )

باسوي مسلسل the others وهاذي قصة رعب

ليش اورانج رود تحب البقر؟

لأن ديابلوس يكرههم

سعال: شو احسن الأوقات عندك للرسم؟

أنصاص الليالي

سوؤالي: كم مره كلمت عضو تحسبه جديد ولما تقرا أسمه تكتشف أنك تعرفه لكنه مغير صورته الشخصيه؟ (تها صايره لي مع صوره ريفلكس فوقي خخخ)

في المنتدى مب وايد
لكن على الماسنجر دايما تصير لي خصوصا لما يغيرون النك نايم وانا عاد اللي خواره في حفظ الإيميلات
عاد تعالوا لما يستعبطون علي ويقولون لي قولي احنا من

السوعاااااااال

كم قلاص ماي تشرب في اليوم؟؟؟

[الكلاسيكيه]

كم قلاص ماي اشرب في اليوم ؟؟
لما اسمعهم يقولون الماء مفيد حق الكلى والبشره .. الخ ..الخ ..اقوم بسرعه واشرب طول اليوم ..
وثاني يوم انسى .. ههههه ..وتنعاد السالفه ، وهكذا .. ( ^ ـ ^ ) ..
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــ
شئ فعلته في حياتك وندمت عليه ؟ وشئ لم تفعله والفرصه امامك وندمت انها راحت عليك ؟؟
ـــــــــــــــــــــــــــــــــــــــــــــــــــــــــــــــــــــــــــــــــــــ
واقول حق اخونا g.byte اسفه اذا غلطت وفكرتك بنت .. والعفو منك !!