اسأل وورط اللي بعدك (خلينا اندردش شوي)

[الكلاسيكيه]

اذا في حد حاب يرد على نفس السؤال ممكن .. وبعدين يرد على سؤالي اللي يقول :
وانت طفل صغير ايش الحادث اللي سبب لك خوف حقيقي والى الحين موب قادر تنساه ؟؟
حادث حقيقي ياجماعه ( ^ ــ ^ ) .. يعني الرعب بعينه هوهوهوهوهوهوووووووو..

[Rewayah]

اذا في حد حاب يرد على نفس السؤال ممكن .. وبعدين يرد على سؤالي اللي يقول :
وانت طفل صغير ايش الحادث اللي سبب لك خوف حقيقي والى الحين موب قادر تنساه ؟؟
حادث حقيقي ياجماعه ( ^ ــ ^ ) .. يعني الرعب بعينه هوهوهوهوهوهوووووووو..

بالنسبة للسؤال الفايت, ما في شخص ما أحبه.
الكل يغلط والكل من حقه الحصول على فرص لمعذرته أو إعتذاره.

بالنسبة للسؤال الجديد, مافي حادث معين مر عليه أرعبني. ^^"
ولله الحمد!

أترك نفس السؤال للي بعدي, لأني ما جاوبت عليه بشكل شافي.

[Rex]

السلام عليكم

"وانت طفل صغير ايش الحادث اللي سبب لك خوف حقيقي والى الحين موب قادر تنساه ؟؟"

اممم ... والله في حوادث بس مش لهدرجة يعني اخترعت ...

أذكر مره وانا طفل صغير انكسرت ذراعي بسبب سقوطي من على جبل ترابي...
اصلا الخوف اجاني الا يوم اكتشفت اني ما قدرت احركها بشكل طبيعي... كان اول كسر... >_<




سؤالون:
= شو اللي يحمسك للرسم؟ أقصد شيء يأثر عليك وبعدين تصير تتحمس ترسم!

[Rewayah]

سؤالون:
= شو اللي يحمسك للرسم؟ أقصد شيء يأثر عليك وبعدين تصير تتحمس ترسم!

جوابون:
هناك العديد من الأمور والمحفزات اللي تدفعني وتحمسني للرسم, منها:

- إذا شفت أنيماي ولا كارتون عجيب, وعجبني فيه إما القصة ولا الشخصيات, أو الأغاني, أحد ذلك أو كله.

- إذا قرأت مانجا ولا كوميك قوية, وعجبتني القصة ولا الشخصيات, أو كلاهما.

- إذا لعبت لعبة قوية متميزة, وشدني فيها أحد أو كل ما سبق.

- إذا قرأت كتاب سيرة ذاتية أو مذكرات عن أحد فناني الكوميك أو المانجا أو مبرمجي ومنتجي الألعاب.

- إذا قلّبت بين عدد كبير من المواقع, وتصفحت جالاريات محترفين أو هواة.

- إذا قرأت كتاب تعليم رسم جديد أو راجعت واحد قديم.

- إذا رحت أتسوّق رقمياً من المواقع اللي تهتم ببيع المانجا والكوميك والأنيماي والكارتون, وما يتعلق بهالفنون, وشفت أشياء جديدة.

- إذا إستمعت لموسيقى كلاسيكية, أغنية, أو ألحان ألعاب فيديو جيمز.

- إذا إبتكرت قصة جديدة, فإني سرعان ما يصيبني الحماس وأبدأ برسم شخصياتها.

- إذا شفت مسلسل عربي أو تمثيلية, وعجبتني.

- إذا شفت فلم أمريكي عجيب ومبتكر, وعجبني فيه الممثلين أو القصة.

- إذا إشتريت ألعاب آكشن فيجرز عجيبين, أو حصلت على شيء منهم كنت أدورهم لفترة طويلة.

- إذا إستيقظت من حلم عجبني.

- إذا إستخلصت شكل معين من خربشة, كومة أغراض, نقش خشب, صدأ أو رخّام.

- إذا أحد طلب مني إثبات موهبتي (خصوصاً إذا كان جديد ومعرفته بي خفيفة أو شبه معدومة - حينها أبدّع!). @@

- إذا أحد تحداني في رسم شيء ما, في منافسة بيني وبينه.

- إذا طلب شخص مني رسم شيء معين يتعلق بقصة إبتكرها, لعبة أو شيء مماثل, أو أحب إني أصوّر فكرة جت في بالة وعجبته.

- إذا أحد طلب مني رسم "الشخصية الفلانية".

- إذا أحد طلب مني أن أعلمه الرسم أو كم حركة.

- إذا إنتابتني نوبة غضب شديدة! (من نوع خاص).

- إذا صابتني نوبة حزن شديدة.

- إذا كان الأدرينالين يضخ بغزارة... بسبب أمر بسيط ولا حسّاس... نتاجي يكون غزير أيضاً. <== نتاج مثل هالحالة لا ينشر!! :icon6:
<== هالحالة قلتها بشويّة من التشفير.

- إذا حنّيت لشخصياتي القديمة.

- إذا إنتقلت لمكان جديد, ما رسمت فيه من قبل.

- إذا عجبتني صورة في مجلة لشخصية ما أو منظر حلو حبّيت أوظفه كخلفية.


نفس السؤال!

+--------------------+--------------------+

[Touya]

إذا كان عندي إختبار!!

سبحان الله!! تطلع الإبدعات في أي مجال!! إلا الدراسة (أسئلوا الوالدة هي أبخص)


وبعد أنا تجيني حالة ساعات لما اسهر كثير.. بعد حاجز ال 24 ساعة تطلع عجايب



أمم نفس السؤال

[orange road]

ممممممممممم شي يلهمني اني ارسم

لما اتفرج على رسوم رسامين احبهم او على النت او رسامين المنتدى ^^

لما العب لعبة يديدة.. أو اتفرج على انيمي عجبني وايد..

احيانا في أغاني تلهمني اني ارسم رسوم ^^

صور في الكتالوجات..

صور كتالوجات gothic and lolita اليابانية..

ممم بعد شنو ^^

القصص استوحيها من مواقف تصير لي مع خواتي وتعليقات طرزون او لما نلعب لعبة يديدة.. أو لما اتكلم مع الاعضاء على الماسنجر او معاهم على المنتدى ^^

ما اعتقد ان هاذي كل شي لكني تعبت

نفس السؤال لان ما في سؤال في بالي

[Sparta Ghost]

احم ...خلووود جوابي على السؤال كل اللي قلتوه<<<<<<<قاعد يختصر


((فرصه صاحب الموضوع ما يدري خلني احش فيه ))س:- اتعتقد انك تتورط فعلا إذا سألتك كما قال كاتب الموضوع ؟؟

[abeeressa]

((فرصه صاحب الموضوع ما يدري خلني احش فيه ))س:- اتعتقد انك تتورط فعلا إذا سألتك كما قال كاتب الموضوع ؟؟

لا طبعاً لأني ما أجاوب إلا بكيفي إذا عيبني السؤال وحسيت إنه لي مزاج أرد عليه

سؤالي يقول يا حلوين :-

كم تعطي نفسك درجة - من عشرة - على التالي :-

1- رسم الشخصيات
2- رسم الخلفيات
3- التلوين بالكمبيوتر
4- التظليل بالرصاص
5- الابتكار - سواء للشخصيات أو الأزياء أو أي شيء خاص بالرسم -

[orange road]

كم تعطي نفسك درجة - من عشرة - على التالي :-

1- رسم الشخصيات
2- رسم الخلفيات
3- التلوين بالكمبيوتر
4- التظليل بالرصاص
5- الابتكار - سواء للشخصيات أو الأزياء أو أي شيء خاص بالرسم

حلو السؤال وايد ^^

1- رسم الشخصيات مممم خل نقول 8 على البنات و4 على الأولاد -_-
2- رسم الخلفيات 5 من عشرة هاي اذا رسمتهم
3- التلوين بالكمبيوتر اعطي نفسي 6 بعد ما جفت تلوين المحترفين في المجلات التعليمية
4- التظليل بالرصاص 9 ونص (يعني.. لوحاتي بالرصاص كانت احلى انتاج لي في الجامعة.. )
5- الابتكار - سواء للشخصيات أو الأزياء أو أي شيء خاص بالرسم مممممممم ممكن اعطي نفسي 5 يعني.. مب كل ابتكاراتي تعجبني..

نفس السؤال

[مهوس]

لا مافصلت ثياب اخوي حق العيد انت عطني مقاس العيد وعرضه وانا افصله خخخخخخخخ



مممممممم من هو ممثلك المفضل?

[Rewayah]

مممممممم من هو ممثلك المفضل?

داود حسين! ^^
لأنه فنان بمعنى الكلمة.


عجبني سؤال الأخت عبير! @@

سؤالي يقول يا حلوين :-

كم تعطي نفسك درجة - من عشرة - على التالي :-

1- رسم الشخصيات
2- رسم الخلفيات
3- التلوين بالكمبيوتر
4- التظليل بالرصاص
5- الابتكار - سواء للشخصيات أو الأزياء أو أي شيء خاص بالرسم -

بالنسبة لقناعتي عن نفسي:
1- رسم الشخصيات 9/10 ما في إنسان كامل, لكن دايماً أبتكر. @.@
2- رسم الخلفيات 9/10 تعجبني خلفياتي المائية, بارع فيها. ^.^
3- التلوين بالكمبيوتر 3.5/10 ومالزت ‘طمّة‘ محترف!! @@"
4- التظليل بالرصاص 6.3/10 ما أحب أظلل, لكن يوم أبغي أظلل, أظلل ‘صح‘...
5- الابتكار - سواء للشخصيات أو الأزياء أو أي شيء خاص بالرسم - 8.4/10 خصوصاً في الأشرار؟! أوووف!! @@


سؤال مال أنا:
كم تعطي نفسك, كذلك من عشرة, في رسم الآتي:
1 - رسم ما يخطر في بالك والوصول للصورة النهائية للشخصيات اللي تألفها لقصّة ما.
2 - إعادة رسم شخصية معروفة وإتقان مواصفاتها الأصلية.
3 - تغير ‘البوزيشين‘ (التحكم بالكاميرا) حول رسمة ما, (إعادة رسم شخصية من جهة أخرى أو وجهة ثانية مثلاً).
4 - تحريك الرسمة أو الشخصية وأطرافها.

+--------------------+--------------------+

[Evil Clow]

سؤال مال أنا:
كم تعطي نفسك, كذلك من عشرة, في رسم الآتي:
1 - رسم ما يخطر في بالك والوصول للصورة النهائية للشخصيات اللي تألفها لقصّة ما.

6\10 ....رسمي يحتاج للتطوير

2 - إعادة رسم شخصية معروفة وإتقان مواصفاتها الأصلية.

8\10 .... اعرف ارسم الشخصيات المعروفة خاصة في النقل

3 - تغير ‘البوزيشين‘ (التحكم بالكاميرا) حول رسمة ما, (إعادة رسم شخصية من جهة أخرى أو وجهة ثانية مثلاً).

3\10 .... وايد تعبان

4 - تحريك الرسمة أو الشخصية وأطرافها.

0\10.... لا تنتظرون مني شي ^^



سؤالي :


اذا شاهين واجه رواية في تحدي رسم و قتال من راح يفوز برايكم؟؟

[ديابلوس]

اذا شاهين واجه رواية في تحدي رسم و قتال من راح يفوز برايكم؟؟


هههههههههههههه سؤال وجيه



ممممممممم انا على حسب تقديراتي شاهين راح يفوز

ليش؟؟ عشان رواية عنده الماجيك باور زين بس تنقصه السرعة الديفنس ماله وايد قوي ... لكن شاهين اسرع منه ... و شاهين بعد معروف بالاوفينس و الديفنس القوي ... و الفيزيكال اتاك ماله عالي وايد ...... يعني نقدر نقول ان رواية يحتاج شوية اكسبيرينس حق الابيلتي ماله و يصير انشالله مثل شاهين

تحليل قوي هههههههههههههه


سؤال :

كم تعتقد الليفيل مال شاهين و رواية؟؟

[orange road]

ممممممممممم

السرعة شاهين متفوق على رواية ^^
ما ندري بالضبط عن السرعة الحقيقية لكل واحد.. لكن من اللي نجوفه في العرض.. هو ان شاهين اسرع

اما في المهارة.. ما جفنا رسوم يديدة حق رواية.. أما شاهين اجوف رسومه اليديدة أول بأول.. فأقول ان شاهين أحسن..

لكن هاذي على حسب ما جفت.. أكيد رواية الحين مستواه تغير ثل ما تغير مستوى شاهين.. لكن عيب رواية انه ما يعرض وايد علشان نقدر نتابع رسمه ومستواه

نفس السؤال ^^ وموجه حق رواية هالمرة

[Rewayah]

كم تعتقد الليفيل مال شاهين و رواية؟؟

من كم؟

يالله, من ألف!!

شاهين LV 899 إلى LV 959 (مش أنا اللي بحدد) >.<"
رواية LV 563

خلود, شاهين طبعاً الأحسن! @@

هو عنده السرعة عالية, بالمنتدى وبرع المنتدى..
عنده الخبرة والتجربة الميدانية.

أنا عندي سرعة برع المنتدى بس. ^^"
أفتقر للتجربة الميدانية.



سؤالي:
ليش الأعضاء نطوا فجأة وبدأوا بالمقارنات بيني وبين حبيبي شاهين؟ @@"
يبغون يوهقونا؟

السؤال الثاني:
هل تحب الرسم على الدفاتر المخططة؟