درادش نويز ..... بقلم Devilboy

[KuwaitDragon]

شدعوه مالنا رب بلاك ايس >.>

يا ريت كل الاعبين مثلك انت وشيف و ك ك ^^

على طاري شيف نسيت اكرك على كل الي سويته معاي ^^

[sul911]

هلا دب = DB

أذكر أول ما دخلت كلمني الكايزر قال لي اقعد في مكانك الحين جايك وأنا علي علامات استفهام كيف يلقاني

المهم جاني وعلمني على الأساسيات ومشينا نطق في هذي الأرانب

كل شوي يقول سو Check عليه أقول سويت يقول لي هذا Even match عندك أقول إيه وأنا ما أدري وشو القضة وعلمني كيف أسوي Dia طبعاً ريد ماج لفل 1 عنده وأشوفه قال لي أحلى ويكبر راسي وصرت أسويها كل شوي وسوى لي بور لفل إلين لفل 7 وشرى لي أرمور لفل 7 و Cure

------------------------------

مرة من المريرات أسمع الناس يتكلمون عن الإير شيب وطقت براسي ودي أجربه وأسوي Shout مافي تفاهم يقولون لي لازم تسوي ميشن 10 أو يصير عندك 500k قلت لهم عندي 500 ( وأنا على بالي 500G )

ويجي واحد يقول لي على الخاص 500k = 500000 وقعدت أسأله وينك هذا الي يهمن ويقول لي ما علليك


وسلام ^^ أيام النوبز حلوة ما عليك من أحد

إيه نسيت أقول لكم كان علي بودي لفل 10 إلين صرت لفل 32 إلين حسيت إنه عفن

[Dr.Lucifer]

ويييه انا بداياتي تفشل حيل
اذكر اول ايامي داش انا ويا رفيق العمر Shaman اللي الحين وصل 72 مونك تارو
كنا اثنينا بلاك ميج
اول الايام كنا بباستوك مستانسين على الخفاش يعطي 100 جان يقول لي صاحبي داركر تعال وياي لقيت مكان كله خفافيش راح نزيد بسرعة وكنا وقتها تقريبا ليفل 3
اخذني صاحبنا حق Korroloka Tunnel انا اول ما شفت الخفاش استاست وبديت بـStone
انا خلصت ستون جان القى الرمل اللي بالنفق كله بحلجي من كبر الموتة
اشوف صاحبي انحاش وقبل ما يوصل للزون بطقه وحدة مات

سالفة ثانية كنا يعني على اساس مغامرين نبي نسوي المشن مال باستوك في الوادي وما ادري شلون جمعنا فريق كامل كلنا ليفل 6-8 ومعانا الواريور ليفل 8 يعني اهو الكابتن
المهم بعد ما انتهينا من المشن شفنا نفق ... طبعا اخوكم ما يعرف يجيك على الوحوش لكن من باب الخبرة بالعاب الاربيجي (اي خبرة زين كلها لعبتين خلصتهم ومستانس) قلت لهم اكيد في شي مرعب هالنفق ولا نشوف Goblin Tinkerer داخل.... طبعا الواريور قال افا عليكم نقدر عليه وانا اقول يا حبيبي خل نرجع احسن
المحم كل الفريق وافقوه اول ما دش صاحبنا بروفوك جان يعطيه الجوبلن دبل اتاك سدحته بالارض .... طبعا انا عطيته Water جان يسدحني انا بعد ... ربعنا انحاشو مساكين والجوبلن يفترسهم واحد واحد بتلذذ لول
اخر شي الواريور قال: Now i know what Incredibly Tough means

أول مرة شفت shaman كان بـ alliance بفالكرم بذبحون الlizards
قلت له يا أبو الشباب ترا الوضع ما ينفع كذا ...
قال ما عليك I'm having fun ..
شكلك كنت معاك .
-----------------------------------------
أنا أول ما بديت ما كنت أدري وش السالفة ..
أذكر رحت لكورلوكا تنل و تمشيت فيه و شيكت على الخفافيش الي هناك ..
رحت ناديت واحد نوب زيي و قلت له تعال فيه محل ممتاز ..
و رحنا هناك عاد الرجال هو الي بدا الطق .. ما لحق إلا هو مسدوح بالأرض ..
و أنا سابقت الريح و الحمدلله خرجت من المنطقة .. الرجال من بعدها ما عاد شفته الظاهر مات من القهر
و بعد مره بفالكرم .. كنا على الشاطي نذبح بهالـ crabs و جا وقت الليل و يطلع لنا الأخ الحبيب bogy و يلحق واحد منا ..
عاد أنا مسوي لك فيها البطل .. و أسوي بروفوك و أشرد منه .. و مشيت مسافه كبيرة .. و إعتقدت إني ضيعته ..
عاد قلت مابدهاش برجع للبارتي و فرحان و مبسوط ..
وصلت لهم و كلهم واو و مهم مصدقين إني عايش .. ما كملت 30 ثانية إلا و أبو الشباب يصكني بسحر يسدحني بالأرض و طلع معاه كم جوبلن و ghoul ..
و الحمدلله كل البارتي راح فيها
و فيه أشياء كثيرة و مصايب صارت
لكن على لفل drg55 كنت مع بارتي في Boyahda Tree و أنا كنت الـ puller حقهم ..
كنا نلفل على الـ robber crabs و محد طبعا قال لي أنه بنفس المنطقة فيه HNM إسمه aquarius و الله و أشوف ذاك الـ crab الي دوبه طلع .. و سحبته ..
عاد أول ضربه جتني 300 .. أنا قلت وش القصه شكلة ذا قوي ولا شكلي ناسي berserk شغال ..
و الله و أنطق الي بعدها 320 مع added effect . قلت العن أم الـ crab الي يطلع added effect ..
و التفت على الأسم إلا يطلع الأخ aquarius ...
و أعطاني الضربة الأخيرة بـ 330 ...
عاد تسدحت بمحلي قلت للبارتي تعالوا لا بارك الله فيكم محد يقول لي فيه التبن ذا aquaruis إنتبه لا تاخذه بالغلط
إنشالله السنة الجاية نعطيكم حكايات أخرى شيقة
و مشكور على الموضوع

[Master X]

أسوأ موقف صارلي بفالكرم دوزنز كنت ما أعرف شي بالبارتي ^^ وكنت الـ main healer للفريق بس كل اللي كنت اسويه أني اسوي كيور لنفسي >< المهم عقب ثاني سحليه Lizard كل الفريق طاقته جربت على النفاذ بسبب الكره الناريه وأنا طايح كيور بعمري لوووول وعقب سويت لعمري Protect و حاولت أشرد من فالكرم دونز وأنا في الطريج شفت قوبلين وطاح في ضرب وكنت شويه وبموت, بس الواريور سوا بروفوك جان أشرد وكل البارتي مات ><. وما هي إلا ثواني وأحصل الجماعه مسويلي كيك kick من البارتي ^^.

هههههههه
والله خوش وايت مجيك ... مطنش الشباب


عموما السوالف ماانتهت , وبوجود اخوي الفارس ... اذكر كنا على لفل حول الخمسين كنا اخوي الفارس اعلى مني با 4 لفلات , عموما رايحين نسوين مشن الرانك 5 في قصر أوزي ... الوحوش مستواياتها كانت عالية , وحنا نمشي متخفين , وصلنا عند اخر بوابة كان فية وحشين ولازم تنزل الاختفائ عشان تفتحها والوحوش كانت بالنسبة لي ديسنت تشالنج , المهم , انتظرنا لين هم عطونا ظهورهم , طيحنا الانفزبل فتحنا الباب ودخلنا , ماادرينا الا الشباب ورانا , طبعا كنت انا بالادين والفارس وايت ميج .. الام بي عندنا كان خالص , ونقعد نستلمهم قتال وطق وطق . وانا قاعد اقاتل الوحشين والفارس يعبي الام الابي وكل شوي يقوم يعطيني كيور .. وكل ماسوله راحو له برفوك واحد ويرجع .. الزبدة استمرينا على هالحال فوق الربع ساعة هوشة , والله لو انة انم ام لوووول .. بس جد كان موقف لاينسى ..

==================================

علم التونيبز , هذا علم يعني بشئون النوبز الكاملة ويخليهم يستفيدون من قدارتهم العقلية والجسدية في مايخص الشخصية ويلطعها بصورة احلى , .. مهمة البالادن انة يحافظ على الكره علية مهما صار , كنت في بارتي في كوايفم أيلاند حيث اكبر نسبة قتل فيها ... عموما كان معنا واحد مونك لفلة 23 وسوب جوب واريور لفل 6 ... يعني نقول مشيها .المهم وانا العب اعمل بروفوك على الوحش مااقعد دقيقتين الا هالمونك يعمل فوك علية , الليدر يقول له خل التانك يشوف شغلة , هذاك يقول طيب لكن الفعل مافية , اضطريت اعمل 2 كيور بعد الفوك عشان مايروح له الكره , ماادري وش قصتة لكن طفش البارتي من كثر البروفوك اللي يسوية , عاد في الاخير انا بجد طفشت صرت لشفتة عمل بروفوك اخلية علية ولا استلم الكره , وهذاك ينطق طق لين مامات ,,, بس خلة يعقل مرة ثانية لايسويها لووول ...

====================================

يوم كنت لفل 7 واريور .. حسيت اني كبرت شوي لوووول , قلت لازم اغامر واكتشف هالعالم في اللعبة , (مسوي فيها) عموما , كنت اشوف في خريطة لا ثين ... تحت مكتوب فالكرم ... قلت خل نروح , واطق هذاك المشوار بجد على وقتها درب طويل وانا امشي يقابلني هالخروف الكبير ,, بصراحة اخترعت بس زين جاء واحد وقتلة , طبعا فية كم جوبلن على الطريق لين وصلت هناك ...
دخلت فالكرم , ياسلام وش هالرملة الزينة انبسطت انا ,, امشي اشوي والا اشوف هالعالم زحمة , اول مرة وقتها اشوف بارتيات كاملة , 6 اشخاص طايحين طق في ارنب واحد قلت بيية وش هالقوة عموما قلت خلني اكمل استكشافي وصلت للبحر , طبعا طول الوقت وانا كل مااشوف وحش غرب امشي شرق بيني وبينهم مسافة كبيرة من الخوف .. وصلت لسالبينا , دخلتها انبسطت على موسيقتها .. اخذت لفة لقيتها ماتسوى هالقرية , مريت من مكتب السفينة قال لازم تدفع , الظاهر ب 100 جيل وانا كل اللي عندي 200 قلت حلو فية شي للرجعة ضامن ابرجع ,, طلعت على السفينة مافية غير صيادين السمك , وفية واحد ثيف قمت اسولف معاة قلت له وين بتروح؟ قال لي رايح ويندرسات , قلت هي قريبة قال لا يعني عشر دقايق الزبدة قلت تدري ابجي معاك ابوش ويندرسات هذي , الرجال ماقصر اخذني معاة وبصراحة طريق كان طويل وموحش لين وصلت هناك شفت الوحوش عندهم غير كلها دلع لفيت في المدينة ضعت بصراحة لانها كبيرة كثير , وكنت كل اللي اعرفة عنها انها بلاد الاقزام عفوا التاروتارو .. وموطن السحر ... كانت رحلة حلوة بس مالقيت طريقة ارجع فيها ويندرسات فأخذت لي ديث وارب .

==========================

مساعدة الناس حلوة , لكن بعض الاحيان تقلب عليك , بلفل 27 كنت امشي بفالكرم ليلا , عموما مااشوف لك الا هالتارو الصغير الحليوة يركض ووراة هالغول طايح طق فية المهم من باب خوفا علية عطيتة كيور , طقة الغول كان قويتة الكيور هذا ولا كان شي المهم التارو مات ,, بس الغول ابو الشباب رجع عليّ وقام طق فيني , اسم الغول بنفسجي مش اصفر يعني لو اصفر كنت دافعت عن نفسي , وابوالشباب طق فيني :shock22: وانا ماادري وش اسوي قلت ابركض ادخل زون احسن لي , دمي صار اصفر .. وماادري الا بغول ثاني يتجة علي , طبعا ماطولت الا وانا مسدوح .. بصراحة ظلم

==========================

لي رجعة ان شالله معكم ومشكورين على مشاركاتكم

[Blue Knight]

أنا بدايتي في راجناروك في باستوك ..

كنت ما أعرف أحد أبد ..

وحتى كنت مدري وش أسوي ..

كله مستانس اني عرفت أتكلم مع الاعبين ..

وسألت لي كم واحد وقالوا لي رح قاتل في المنطقة (نسيت وش اسمها) اللي جنب باستوك ..

المهم .. كله مقاتل يمين ويسار وكانوا النحل يعقدوني .. وبعد ما صار لفلي 7 صرت أتقوى على الكواداف ..

وبعد كذا لقيت واحد اسمه Aboodi وكنت مستانس اني لقيت واحد عربي يلعب معاي ..

وسوينا بارتي أنا وياه وواحد مو عربي ..

ورحنا لمطقة بعيدة شوي وكانوا الوحوش فوق لفلنا ..

وشوي الا ويجينا الجوبلن ويقتل الثالث اللي معنا ..

وضعنا حنا ما معنا خرايط ولا شي .. وأذكر أنواع الأدعية عليه ..

على العموم شوي ولقيت نفسي عند الـ HP اللي بباستوك .. قتلنا الجوبلن ..

وبعد كذا مليت أنا مدري وش أسوي .. اللعبة صايرة مررة صعبة ..

وأشوف لي واحد من أخوياي (خارج اللعبة) قاللي تعال عندنا بسيرفر Fairy ..

ويمين ويسار الين ما رحت معاه .. بس ماشاءالله عليه كان يفهم باللعبة زيين ..

المهم ويجي يعطيني اللنك شل تبعهم وكانوا كلهم عرب ..

وأسألة من هنا ومن هنا .. والحمد لله يعني عرفت أساسيات اللعبة ..

والحين حولت على راجنا روك .. <----- مرد الكلب القصاب ..

فلو سمحتوا أبي لنك شل <----- تايه بساندوريا ما يعرف أحد ..

وهذا كل اللي أذكره ..

ومشكوور أخوي على الموضوع ..

تحياتي لك ..

[Dreamweaver]

Dr.Lucifer
لوووووووووول صراحة يوم لا ينسى مع الحبيب Aquarius
عالعموم الحمدلله انتقمت لك منه الحين لي اذبحه 20 مرة وبس مرة وحدة دروب
والمشكلة هالمرة تشاركنا فيها وكنا 5 BSts يعني صفالي من 750k بس 150k
لو شيصير ما انسى ملامحك لما ذبحك اكواريوس ذاك اليوم لووووووول

[earth]

لوووول والله استمتعت بقراءة اللي كتبته أخوي Master X (وش سالفة الساحره اللي جنب أسمك بالمنتدى)، لول وهاي سالفه جديمه يوم كنت بفالكرم دونز كان عدنا WAR وحاط سب جوب WHM وكان جالكا وكل اللي بالفريق وأنا معاهم Mele يعني ما عدنا Mages، فقررنا ان يكون الـ Main Healer للبارتي وعقب أول معركه البارتي كله في خبر كان وأخواتها لأن الـ MP اللي عند الجالكا أقل من 40 ومتنا والمشكله أن اللي بالبارتي كلهم أوروبيين ما تفهلهم جي لغتهم Dua lo pe ko samo ولا تفهم كلمه بس المهم أنا تركتهم وطلعت ومشيت أموري.

[Master X]

لوووول والله استمتعت بقراءة اللي كتبته أخوي Master X (وش سالفة الساحره اللي جنب أسمك بالمنتدى)، لول وهاي سالفه جديمه يوم كنت بفالكرم دونز كان عدنا WAR وحاط سب جوب WHM وكان جالكا وكل اللي بالفريق وأنا معاهم Mele يعني ما عدنا Mages، فقررنا ان يكون الـ Main Healer للبارتي وعقب أول معركه البارتي كله في خبر كان وأخواتها لأن الـ MP اللي عند الجالكا أقل من 40 ومتنا والمشكله أن اللي بالبارتي كلهم أوروبيين ما تفهلهم جي لغتهم Dua lo pe ko samo ولا تفهم كلمه بس المهم أنا تركتهم وطلعت ومشيت أموري.

الساحرة هذي بلاك لوتس من لعبة جنرالز , على أيام ماكنت مدمن على هاللعبة , وعلى طاري الاوربيين الغالبية اللي قابلتهم اول كانو ايطاليين , اما حاليا الغالبية منهم اسبانيين المنضمين للعبة حديثا ..

[Master X]

Dr.Lucifer
لوووووووووول صراحة يوم لا ينسى مع الحبيب Aquarius
عالعموم الحمدلله انتقمت لك منه الحين لي اذبحه 20 مرة وبس مرة وحدة دروب
والمشكلة هالمرة تشاركنا فيها وكنا 5 BSts يعني صفالي من 750k بس 150k
لو شيصير ما انسى ملامحك لما ذبحك اكواريوس ذاك اليوم لووووووول

انا شفت 2 بيست ماستر ذبحوة , يعني ان شالله انت تقدر بعد وبكذا تزيد النسبة , غير انك تقدرون تذبحون اكثر من مرة .. يعني جمع خير ..

[Lumina]

أنا سالفتي سالفه من المطامر في المحلات علشان أشتري اللعبة و بعدين انتظار بطاقة كاش يو و التحميل استغرق هذا كله أكثر من شهر ، بس للأمانه اللعبة حلوه و خلابه دخلت اللعبة بمساعدة واحد من شباب المنتدى الله يوفقه و ساعدني في بداياتي

و لكن بعد ما وصلت ليفل 15 بدأت معي المشاكل ، أنا ألعب اللعبة على البي سي و كل شي تمام في البداية لكن بعد ليفل 15 صرت اذا لعبت لمده ساعة تفصل اللعبة بدون أي سبب وجيه

سألت الـ GM و قالي ما أعرف الحل لمشكلتك و سألت أعضاء منتدى البي سي و منتدى فاينل فانتسي و طبعا سحبو علي السيفون

جربت حذف الشخصية و انشاء شخصية جديدة و نفس المشكلة لكن من بداية اللعبة يعني أول ما أنشأت الشخصية و دخلت بعد ساعة حدثت نفس المشكلة و انقطعت اللعبة

أصبت باحباط و رميت الشريط في الدولاب و سويت Format للجهاز و ما تكلمت عن الموضوع مره ثانية أبدا

واحد من الشباب الي علمتهم طريقة اللعب أصبح الآن محترف و أخذ جميع المهن في اللعبة

مع تحيات لاعب فاينل فانتسي 11 سابقا Zigy

اذكر اول ما دخلت فاينل ما ادري وش السالفه واكنت اعرف واحد اسمه zigy سابقني باسبوع يعني نو ذاك الخبره وهو الي علمني اللعب
وكان يصفق وان جالس احاول اصفق اخذت دوره على الكيبورد
بعدين اكتشفت ان الوضع كله اوامر

وجت سالفة الفلوس
عاد انا كنت اجمع كريستالات واجد بس ما اسوي auto arrange علشان كذا تصير كل كريستاله وحده لحال ولا ادري وين احطهم اروح ابيعهم على NPC بـ 4 جيل بس

بس ما اقدر اقول عن نفسي نووب لاني توني مبتدأ

وغيره واجد
_______________
mR-DEATH
يمدحون العربي ترى.... خاصة اذا كان المنتدى عربي..... ونسبة الاعضاء العرب 100000%

الحمدلله يا أخوي اني قدرت أفيدك قبل ما أنقطع عن اللعبة بس نسيتك بصراحة ياليت تقولي من أنت ؟

[H.e.a.T.e.R]

أنا سالفتي سالفه من المطامر في المحلات علشان أشتري اللعبة و بعدين انتظار بطاقة كاش يو و التحميل استغرق هذا كله أكثر من شهر ، بس للأمانه اللعبة حلوه و خلابه دخلت اللعبة بمساعدة واحد من شباب المنتدى الله يوفقه و ساعدني في بداياتي

و لكن بعد ما وصلت ليفل 15 بدأت معي المشاكل ، أنا ألعب اللعبة على البي سي و كل شي تمام في البداية لكن بعد ليفل 15 صرت اذا لعبت لمده ساعة تفصل اللعبة بدون أي سبب وجيه

سألت الـ GM و قالي ما أعرف الحل لمشكلتك و سألت أعضاء منتدى البي سي و منتدى فاينل فانتسي و طبعا سحبو علي السيفون

جربت حذف الشخصية و انشاء شخصية جديدة و نفس المشكلة لكن من بداية اللعبة يعني أول ما أنشأت الشخصية و دخلت بعد ساعة حدثت نفس المشكلة و انقطعت اللعبة

أصبت باحباط و رميت الشريط في الدولاب و سويت Format للجهاز و ما تكلمت عن الموضوع مره ثانية أبدا

واحد من الشباب الي علمتهم طريقة اللعب أصبح الآن محترف و أخذ جميع المهن في اللعبة

مع تحيات لاعب فاينل فانتسي 11 سابقا Zigy



الحمدلله يا أخوي اني قدرت أفيدك قبل ما أنقطع عن اللعبة بس نسيتك بصراحة ياليت تقولي من أنت ؟

انا يا طويل العمر SOLTAN

[Master X]

مراحب . وكل عام وانتم بخير
ولاتنسون الغداء ترى بساندوريا اليوم

قبل يومين صار لي موقف بايخ يدل على ان دلاخة البعض حتى وان كانو بلفل عالي ..

كنا نعمل لفل اب في منطقة Bibiki bay والاكس بي مافي احلى منة نبدأ من 200 الين 260 ..

كان الفريق انا مع 2 رينجرز , سمنر , بلاك ميج , رد ميج ...

الغريب ان هنا نقتل بشكل حلو , والاغرب ان الرينجرز كان عنهم مس فظيع في الرينيكي , يمكن لان الارمور عندهم تعبان كثير , لان عملت بارتي مع كذا رينجر في نفس المكان ولاشفت هالمس ..
المهم الرينجز بدا يتشكون وقالو خلونا نروح Boyhda tree نصيد الدارتر احسن !! انا وقتها كنت ماابي الا اعمل لفل اب , رحنا هناك في الطريق سبقنا احد الرينجرز , قبل لانوصل له قال لنا ترى Aquarius طلع عندة في السكان , وكان فية جنبة بيست ماستر , البيست مااخذ Aquarius تاركة , الرينجر قال خل نقتلة السمونر رفض!! المهم الرينجر جاب Aquarius التمينا علية , بصراحة كنا نقدر نقضي علية بكل سهولة لكن استغربنا الن السمونر مارضى يعمل هيل !!
لين متنا كلنا بقى هو ,, سألنا ليش ياابو الشباب ماعملت كيور؟؟ قال لانة مايحب يسرق الان ام من احد؟؟ والله رد رفع ضغطي تهاوشت معاه بالكلام وقلت له انت جاهل وش فهمك , قالي اللنك شيل لو يدرون انة سارق ان ام يطردونة والله خوش , قلت زين حبيبي اذا فية يوم بيجي راح تعمل كامب على ان ام اللاعبين الثانين ماراح يخلونة لك راح ياخذونة منك , وقلت ثاني شي اي وحش يكون اسمة بالاصفر تقدر تأخذة مهما يكون عندة ...

عموما كانت رفعة ضغط على السريع لووول ...

[KuwaitDragon]

وييييه ان ام منو يحبهم هالايام

بس النوبز وايد في vlk

لانه مره كنت في بارتي وفريق ليفل 15 كلنو قريبين من مككان امبراطور الفلكروم شافو نفسهم

ان ام خل نذبحه او ما خذه خخخ وانطقو اسحبوه الى اقرب زووون وخربطو الام لانه اسحبو ان ام =.=

[Dreamweaver]

اخوي Master X غلطت شوي لما رحت حق اكواريوس
انا ما اقصد الغلط بأنك على قولة اسمنر بقته بس صج لو فريق كامل ليفل 75 يمكن يذبحونه بصعوبة لأن المعفن مافي Delay بطقته يعني تقريبا اقل من 100 وهذا يخلي حتى Skimmer اللي ليفل 73-77 ما يقاوم اكواريوس اللي ليفل 70 والسمنر حتى لو ساعد صعبة تذبحونه لأنه يشيل 3Shadows from utsusemi لأقل من الوقت اللي تحتاجه حق Utsusemi Ichi
واسأل BST/NIN مجرب

على فكرة لما البيست ماستر يتهاوش مع اكواريوس في فترات كثيرة يصير اسمه بالاصفر يعني تقدر تبوقه بكل سهولة
انا سواها فيني ريد ميج وتحسف
كنت اتهاوش ويا اكواريوس وكان في ريد ميج يطالعني واضح انه فوق الـ65 يعني يقدر عليه... جان ادز تيل للريد ميج اقوله لا تاخذ اكواريوس ولا تتحسف ... ما رد علي وظل يخز اكواريوس.
وصلت طاقة اكواريوس ليما 20% ما اشوف الا الريد ميج مسوي Gravity
انا قلت في نفسي "The beast needs blood"
واسحب لي قبقب وكراولر واقطهم بطريجه ... شفته تفاداهم واحكره من الجهة الثانية من عند مكان Ellyllon المسكين ما قدر يسوي شي جان يموت اهو ويا رفيجه الوايت ميج وصاحبهم الثالث ساموراي انحاش...
جان ادزله تل "Congratulations you're the 1st in my Black List"
ما اشوف الا بعدها الساموراي داز لي تل يعتذر فيها عن رفيجه وانا قلت له انا حذرته واهو ما استجاب والحين اكلها اذا بيسوي Call GM ماعندي مانع
جان يقول الساموراي "I'm so sorry the last thing we need is a BST mad at our LS"

[l)@RK-l)EVIL]

انا ذابح اكواريس في بي تي تتكون من
sam/nin 75
drk/whm 67
brd 62
rdm 60
blm 60
thf/nin 65

الثيف كان يطق اكواري دايما صفر فوجوده مثل عدمه ماسوه شي لول
انا والساموراي كنا التانكس XD
انا بلينك وستون سكين واهو اليتسنومي

اكاوريس فعلا تقريبا ماعنده ديلاي سريع حيل ;;