للخبراء..بطور جهازي و ابغى افضل القطع و الأسعار..

[الأزرقاني]

السلام عليكم

شباب انا عندي جهاز نص و نص ابغاه يصير فل كامل .
المواصفات الحاليه:
انتل بنتيوم 4 سرعه 1700
مذربورد انتل
الرام 512 ddr
رت الشاشه fx5200
الهارد دسك 40 قيقا
-/-/-/-/-/-/-/-/--/-/-/-/-
واللي ابغاه تكون السرعه 3000 ومافوق.
والرام اقل شي 1024 (اقصى شي تتحمله المذربورد)
و الهارد دسك ما اعتقد مهم لو ازيده لان اللي عندي اكثره فاضي.

فكم سعر السرعه 3000 لحالها
وكم سعر قطعتين 512 رام طبعا ddr


ولو فيه كيس حلو وفيه مروحتين على الاقل و سعره مناسب يليت تدلوني عليه و لو صور يكون احسن

ومشكورين

[JoOoKeR]

أخوي المعالج 3 غيغا سعرة تقريباً 720 ريال سعودي

أما 3.2 غيغا سعرة ب850 ريال

وعن سعر الرام 512 وسرعة الباس 400 سعرة ب 325 ريال للحبة الواحدة واذا بغيتة 1024 ب650 ريال

أما عن أكثر شي يتحملة المذبورد في مذبوردات تتحمل إلى 4 غيغا بس مالة أي داعي انك ترعفة إلى أكثر من 1024 غيغا

وعلى الكيسات في كيسات حلوة وفيها ثلاث مراوح تحصلها على 100 ريال بس على حسب المحلات لأن كل محل يفرق عن الثاني

واذا تبي أي شي أحنا حاظرين

[wellknownQ8]

و عليكم السلام و رحمة الله و بركاته..

اذا طورت جهازك إلى أفضل المواصفات... ستجد نفسك قد اشتريت جهاز آخر..!!!

يعني.

إذا كنت تريد 3 جيجا أو أكثر.. لا بد من مذربورد جديد...!!
و مذربورد جديد + سرعة جديدة + رام جديد(أو أكثر) = جهاز جديد !!!!

يعني باختصار... يكون لديك جهاز جديد ==> أفضل.. و تستفيد من الجهازين ..

---
هذا ما أحببت قوله

و السلام عليكم

[بـومــايـد]

و عليكم السلام و رحمة الله و بركاته

كلام الاخ wellknownQ8 صحيح

[الأزرقاني]

JoOoKeR
اشكرك جزيل الشكر على ردك
الرام الــ1024 اللي تتكلم عنه اللي بــ650 ريال هل هو قطعه وحده 1024 ام قطعتين 512؟؟ ماهي سرعة الباس والى اي درجه لها تأثير؟

وبعدين هل من الممكن اني ابيع لهم القطع و استبدلها بجديده مع دفع الفرق(يعني اعطيهم السرعه و الرامات؟؟)
wellknownQ8
مشكور على الرد لكن...

ليش لازم اشتري مذربورد جديده عشان اخلي السرعه 3 جيجا؟؟اركبها على المذربورد حقتي ولا ما ينفع؟
وبعدين انا ما غيرت كثير في الجهاز عشان اكون كأني شاري جهاز جديد..عندك الهارد دسك و المودم و كرت الشاشه و السيديروم و كرت الشبكه و السبلاي واشياء كثيره وين اوديها؟؟حسافه والله.

[بـومــايـد]

المذر بور لازم تتغير والانتل PERL قيمتها 280 درهم اماراتي


والمعالج 3G قيمته 680

المجموع = 960 نصف قيمة الجهاز وهو جديد



__________________________________


بكم بتبع المذر بورد القديمه ؟؟ 100 درهم ؟؟

والمعالج ؟؟؟ 100 درهم

المجموع = 200

[الأزرقاني]

أخوي بومـــــايد
معليش اذا كنت ازعجتك لكن ممكن أعرف ليه لازم اغيرها ؟؟ يعني انت حتى ما عرفت ايش نوعها و قلت ما تنفع.فما هو السبب اللي يخليني اغيرها ؟

[wellknownQ8]

ليش لازم اشتري مذربورد جديده عشان اخلي السرعه 3 جيجا؟؟اركبها على المذربورد حقتي ولا ما ينفع؟

ما ينفع .. لأن تقنية ال3 جيجا تختلف عن ال1.7 ..!!
---

و صحيح كلام بومايد..
و إضافة لكلامه..
أنه بشكل عام .. بيع قطع الكمبيوتر المستعملة...تعتبر خسارة .. و أفضل شيء أنك تخليهم عندك و تستخدمهم !!!
--

أما باقي القطع..فأسعارها رخيصة :
الهارد دسك يتراوح بين 40 - 100 دولار
المودم أقل من15 دولار
السيدي روم = 20 دولار
كرت شبكة = 6 دولارات
السبلاي = 10 دولارات
case = 15 دولار
المجموع = 100- 140 دولار

و هو سعر جدا مناسب (رخيص) للإحتفاظ بجهاز آخر.. و لا سيما ان كان أداؤه جيد (ليس بطيئا) كال1.7 اللي عندك.

و السلام

[الأزرقاني]

والله ما ادري شقولك حيرتوني...
لكن اذا كان فيه تغيير مذربورد و سالفه طويله...شكلي بزيد الرام الى 1024 واشتري كيس يبرد الجهاز زي الناس والباقي ماله داعي اخليها بعد كم سنه اذا شريت الجهاز السوبر انشاءالله

على العموم مشكورين