موقف لا أُحسد عليه
اليوم في الجامعه وفي محاضرة الساعه 9 كنت جالسه وجنبي صديقتي وكانت قدامنا وحده ما أطيقها ومن كرهي للبنت هذي قعدت احشّ فيها حشّ اليين ما خلصت المحاضره المهم بعدين قعدنا انا وصديقتي نجمّع أوراقنا وملازمنا وحوستنا اللي يشوفنا يقول هذولي ما شا الله ما خلّوا كلمه تقولها الدكتوره ما كتبوها وبعدين قمنا والتفتت عليّ اللي كنت احشّ فيها وقالت لي بالحرف الواحد ثاتي مرّه اذا بغيتي تتكلمين على وحده تكلّمي عليها بصوت واطي علشان ما تسمعك
اللي قاهرني وشلون سمعتني وانا صوتي أوطى من صوت النمله
والحين لو انتم صار لكم نفس الموقف وش تسوون ?:
ايه صح نسيت اقولكم من بعد المحاضره هذي وانا هايته في ساحات الجامعه من الفشيله مالي وجه ادخل القاعه اللي فيها هذي البنت يعني اليوم ما حضرت الا ساعتين بس وباقي الثلاث ساعات ما حضرتها ولا أدري وش صار فيها
سبحانك اللهم وبحمدك اشهد ان لا اله الا انت استغفرك واتوب اليك
قال
الرسول صلى الله عليه وسلم ((من قرأ دبر كل صلاة مكتوبة آية الكرسي لم يمنعه من دخول الجنة إلا ان يمــــوت )) ..
