كثير منا اذا قرأ اسم احد يطري عليه صفات لهاالاسم ,وهذه بعض الاسماء ومعانيهاارجو ان تجدوا اسماءكم من بينها
========
الذكور:
فهد : ولد يطلع زين وش حليله بس انه برباره يعني كلامه واجد
عبدالله : هذا عله باطنيه مثل ما يقولون , اذا استلمك بالنصايح والكلام تروح فيها وتصدع , وغالبا عنده عقده , وشعره عراده
عبدالعزيز: هذا ما فيه عنده نص , اما شين وداشر والا زين وخاثر
محمد :نصاب بخفة دم بس لو تشكه شوكه راح لامريكا يعالج من التهويل اللي فيه
خالد : مؤدب , ويسمع كلام اهله وما يتاخر عن البيت وزين
سعد : طبعا الاسم معروف انه اسم قرد , لكن يمتاز سعد بالرشاقه وخفة الدم اللي مثل العسل
ناصر : نصااااااااااب , ويمدح نفسه واجد وفيه شوي حقد
راشد : نفسه شينه بقوه ودايم يتلطم , مدري ليه ؟!!!!!
صالح : اسم مهبول , تلقاه معاكس اسمه واحيانا عليه قل صح
احمد : يلبس نظارات دايم ويذاكر واجد وغالبا شكله زين
سامي: فيه شوي نجاسه ويستخف دمه دايم مع ان عليه طلعات مهيب شينه
عبدالرحمن : جلف
عادل : على باله انه فاهم ويسوي حركات ماهو قدها ويورط
سليمان : كبير حتى لو انه بزر , مكبر نفسه ابو الشباب
حسن : شين بس دمه خفيف راعي طلعات قويه
نواف: نفسه بخشمه وشايف نفسه على انه زين وهو مقشع
وائل : عامل نفسه مثقف وهوا ما من ثقافه
نبيل : يصير اسمر دايم ويبي يزين عمره بالقوه , ما يتعدى الحلاقين
جمال : مطيع ومؤدب ويسمع كلام امه
نايف: دايم يميل العقال على جنب , وما عنده ما عند جدتي
=====
الاناث:
نوره : عاقله وثقيله وتحل محل امها وهي اللي تصلح القهوه لابوها بس انها شينه
منيره : سكتم بكتم , مالها حس اكثر وحده مظلومه في خواتها
حصه : قشراء الله يكفينا الشر , لو تناظر فيها طبت ببطنك و هي عموما شينه
فاطمه : زينه بس معقدها اسمها شوي وتحاول تتجمل قدام البنات اللي ما يعرفونها بتغيير الاسم
مها:دبيبه وجميله وسواليفها خاثره ويحبها ويموت فيها المرسل
هيا :شيطانيه ومليقيفه , متوسطة الجمال
لطيفه : محبوبه من اللي حولها لخفة دمها , غالبا تصير دبدوبه شوي
امل : غثيثه من جد وفيها لقافه زايده
هيفاء : وش كبرها بس عقلها عقل بزر
اماني : مملوحه كأنها من ممثلات الهند
تهاني : دابه سليمه مثل ما يقولون , مالها رأي
الجوهره او جهير : تجي دبا ودبشه واحيانا خبيلاء على دلاخه
فوزيه: دمها عسل وعصلا ومملوحه
هيله: عاقله ولا تتكلم الا للضروره , هاديه بطبعها
نوف: حلووه , وفكرها عالي , بس شايفه نفسها
رانيا : هادييييييييييه ودلاختها قويه يعني ما تتكلم بس اذا تكلمت جابت العيد
منال : ثقيله ومثقفه وفكرها راقي
العنود : طويله وما تجلس بمكان واحد اكثر من خمس دقايق , ما غير تدور من زود اللقافه
مضاوي: هذي مدلعه عمرها بقووه . فيها لمحه من جمال بس البنت آخر شياكه
سهام : عاقله ومخها نظيف ( ماشاء الله ) بس عليها طلعات تكارنه احيانا بس اشوى ان هالطلعات نادره
وفاء : غالبا تكون حلووووه , وبنت حلال يعني حبيبه
ملاك : دلوعه وهاديه بس تجيها ام العبيد احيانا ويطلع لسانها الطويل
سعاد : من اسمها باين انها قشراء وشيطانيه بس حلوه ولا هي مهتمه بنفسها
دلال : اما شرانيه واما طيبه ما فيه نص
بدريه : تطلع حلوه وحبوبه بس فاهيه شوي
لولوه او اللولو : دبيبه وقصيره ومحبوبه من الجميع لطيبة قلبها
افنان : شعرها عراده ولاعبه فيه بالاستشوار شوي ويحترق , تحب تتجمل قدام الناس
دانه : حلوه بس ما تعرف تكشخ مثل البنات , يعني انواع الالوان في الفستان الواحد . وقصات شعرها دايم تفشل
جميله : اسم على مسمى لكن ان ما طلعت زينه مره تطلع شينه مره
مرام : سمراء ومملوحه وهاديه
وفي الاخير ااكد انه موضوع منقووووووووووووووووووووووول
مشاركة: اسمك وعلاقته بشخصيتك ( بدون زعل )
مشاركة: اسمك وعلاقته بشخصيتك ( بدون زعل )
واعععععععععععععععععععا 
واعععععععععععععا 
المشاركة الأصلية كتبت بواسطة Another_One
مشاركة: اسمك وعلاقته بشخصيتك ( بدون زعل )
بس أسمى على كدة
