مناقشه حول طريقه لعب لعبه World Of Warcraf بالشرق الأوسط

[BlackJack]

السلام عليكم

شباب عندي لك خبر يرفع الضغط ....

انا تو وصلتني اللعبه والبطاقه مسبقة الدفع وعلطول رحت اسجل نسختي لكني تفاجئت انه مافيه مكان تحط رقم البطاقه مسبقة الدفع , يعني حتى البطاقات مسبقه الدفع ماراح تنفع لنا لين تنزل النسخه العالميه غير كذا مافيه

[AL-Samurai]

السلام عليكم و رحمة الله وبركاته

اخويBlackJack ولله يا اخي يعني انا لو اني بمكانك ادق على الشركه واعطيهم جم سبه واطلع ههههههههه

ولله يا اخوي يعني انا استغربت شلون مافي مكان تحط الرقم مال البطاقه
لازم يكون فيه وشلون ما اشتغلت وياك اللعبه والبطاقه هذي



يليت توضح لنا اخوي


تحيتي

/)/)/)

[daour]

ما في فايده

[KuwaitDragon]

في ناس في الامرات مستعملين كاش يو -____-

[Bedousim]

اخوي BlackJack في الكرت شنو حاطيلك ؟؟ يوزر نيم و باسوورد ولا غير جذي ؟؟
لانه لازم في طريقة تحط الكرت
و على طاري الكاشيو شلون استخدموها ؟؟ انا عندي و ما ضبط !!

[BlackJack]

السلام عليكم

الكرت ال60 يوم يجي ارقام كثيره من ورى الكرت تكشط الخانه وتحط الرقم الي موجود , تقريبا زي الCD-Key بس كله ارقام
واما بطاقه كاش يو ماتنفع لان انا معي بطاقات ائتمانيه حقيقي من بنوك هنا بالسعوديه ولما جيت استخدمها في التسجيل قالي ...

"يبدو انك تحاول استخدام اللعبه من منطقه ليست مدعومه من النسخه الامريكيه ," يعني كاشفيني اني موب من امريكا

اشلون يدرون اني موب من امريكا مادري , لاني سئلت واحد من امريكا وقالي انه لما سجل طلعته خانه البطاقه المسبقه الدفع , بس ممكن علشاني موب من امريكا ماطلعلي الخيار هذا ...شكلي باعطيه يسجلي بس اخاف يلقط علي السيدي كي ثم يسويلي حظر على الماسنجر

[Bedousim]

عيل ماكو امل
مافي الى ننطر النسخة الاوروبية او البيتا !!
قريت في الموقع ان نسخة البيتا الاخيرة راح يطلعونها في هاذا الشهر

[daour]

السلام عليكم

الكرت ال60 يوم يجي ارقام كثيره من ورى الكرت تكشط الخانه وتحط الرقم الي موجود , تقريبا زي الCD-Key بس كله ارقام
واما بطاقه كاش يو ماتنفع لان انا معي بطاقات ائتمانيه حقيقي من بنوك هنا بالسعوديه ولما جيت استخدمها في التسجيل قالي ...

"يبدو انك تحاول استخدام اللعبه من منطقه ليست مدعومه من النسخه الامريكيه ," يعني كاشفيني اني موب من امريكا

اشلون يدرون اني موب من امريكا مادري , لاني سئلت واحد من امريكا وقالي انه لما سجل طلعته خانه البطاقه المسبقه الدفع , بس ممكن علشاني موب من امريكا ماطلعلي الخيار هذا ...شكلي باعطيه يسجلي بس اخاف يلقط علي السيدي كي ثم يسويلي حظر على الماسنجر

راسلت الشركه وهذا هو السبب

If you do have a Game Card and you are trying to create an account and do not

see the option, that could be due to the fact only customers in USA, Canada,
Australia and New Zealand will get the option. If you are outside of those
areas it will not give you that option.

ما فى امل

[AL-Samurai]

السلام عليكم و رحمة الله وبركاته

ولله مشكله ياجماعه وانا اقول انه خلاص ماكو امل من النسخه الامريكيه ولاكن ننطر النسخ الجايه .

ومن جهه اخرى .. انا اعرف النسخه العالميه و الاوربيه ولاكن النسخه الي قالها لنا الاخBedousim الي هي "البيتا" ما اعرف شنو هل نسخه يليت يوضح لنا

ويوجد سوأل اخر الكثير يتشوق لمعرفته وهو ... هل النسخه الاوربيه تشتغل عندنا 100%100 ؟؟

تحيتي

/)/)/)

[KuwaitDragon]

guy's i know some one playing wow with normal cash u

[ROOK]

guy's i know some one playing wow with normal cash u

can u ask him how plz
thnx

salam

[KuwaitDragon]

inshalah i'll wait 4 him till he enter tonight

[BlackJack]

ابشركم ياشباب قدرت اسجل

اعطيت الCD-KEY ورقم الكرت ال60 يوم لواحد من اصحابي في امريكا , وخش وزبطلي الاكاونت

يعني بالنسبه للي مو في امريكا ماراح يقدر يسجل حساب جديد , لازم التسجيل من امريكا

تحياتي

[Bedousim]

نسخة البيتا هي نسخة تجريبية يعني مو مثل النسخة الامريكيه او العالمية او الاوروبية
راح يطلعونها في هاذا الشهر و مع صدور النسخة الاوروبية يصكرون البيتا (هاذا على حسب علمي )
__________________
اوخوي KuwaitDragon اذا تعرف ناس مسجلين بالكاشيو اسألهم عن الطريقة ... لانه انا عندي كاشيو و جربة و ماضبط !! و سمعت من واحد يقول انه عادي تسجل بالكاشيو ؟؟

[Bedousim]

نسخة البيتا هي نسخة تجريبية يعني مو مثل النسخة الامريكيه او العالمية او الاوروبية
راح يطلعونها في هاذا الشهر و مع صدور النسخة الاوروبية يصكرون البيتا (هاذا على حسب علمي )
__________________
اوخوي KuwaitDragon اذا تعرف ناس مسجلين بالكاشيو اسألهم عن الطريقة ... لانه انا عندي كاشيو و جربة و ماضبط !! و سمعت من واحد يقول انه عادي تسجل بالكاشيو ؟؟
__________________
BlackJack مبروك على التسجيل ...بس انت بديت اللعب ولا لا لحين ؟؟
__________________
هل النسخه الاوربيه تشتغل عندنا 100%100 ؟؟
والله يمكن لانه حولوني للنسخة الاوروبية بعد ما اكانت نسختي امريكية و مثل ما قال واحد من الشباب انه سوق الشرق الاوسط تابع للسوق الاوروبي...ليت واحد من الشباب (الخبره بالانجليزي) يرسلهم رسال يسأل اذا في امل نلعب بالنسخة الاوروبية في الشرق الاوسط