ابي احسن شركة كمبيوترات؟

[NoNa_girl]

سلام عليكم
ابي اشتري ديسك توب وومادري محتاره اخذ تجميع ولااا شركات فـــرحت سألت على التجميع
كل محل اروحله سعر غير يختلف! ونفس المواصفات اليي اقولها لهم فـــــ حترت وموضامنه المحلات
رحت شركات اضمن بس مادري احسن شركة شنو لل يوو س بي

ساعدوووني ويعطيكم الف عافيه

[NoNa_girl]

محد عطاني جواب ليلحين

[amajed]

اولا وش الديسك توب ؟؟

اخاف تقصدين لاب توب "محمول"

اذا محمول فافضلها الحين هي توشيبا او سوني

توشيبا افضل بقليل من سوني ولكن سوني افضل في الشكل والحجم

اما اذا مو قصدك لاب توب يعني تبغين كمبيوتر شخصي مو محمول فانصحك بتجميع طبعا

والافضل يكون فيه واحد خبره وواثقه فيه في هالمجال

يعني مو مستفيد منك عشان مايغشك .

واعتقد ان المحلات تعطي ضمان على الجهاز التجميع لمدة سنه كامله مدري عندكم غير لكن عندنا في الرياض فيه ضمان سنه كامله على جهاز التجميع

واذا تبغين مواصفات انا حاظر

مثلا مواصفات قويه وسعرها معقول :
مذربورد MSI 875 neo >>> بسعر 750 ريال سعودي
معالج انتل بينتيوم 4 بسرعة 3.2GB >>> بسعر 950 ريال سعودي
الرام 512 DDR400 >>> بسعر 300 ريال سعودي
الهارد دسك 80GB >>> بسعر 250 ريال سعودي
سي دي رايتر CD-RW من شركة LG بسعر 100 ريال سعودي
فلوبي عادي مااعرف كم سعره
كرت الشاشة >> اذا مهتمه بالالعاب فانصحك بكرت شاشة ATI Radion 9800 Pro وسعره في السعوديه 1700 ريال تقريبا
كرت الصوت مدمج مع المذربورد فمايحتاج كرت صوت
مودم انصح بـ zoom او كرييتف >>> بسعر 70 ريال سعودي تقريبا
كرت شبكه اذا محتاجه خذي اي نوع ماتفرق .
شاشة من نوع MOV بحجم 17" بوصه . بسعر 350 ريال سعودي

100 ريال سعودي ثمن تركيب القطع والويندوز والبرامج المهمة مثل ريل بلير و نورتن للفيروسات وغيرها كثير ويمكن طلب برامج خاصة ولن تؤثر في السعر .

جميع هذه القطع تقريبا بسعر 2900 ريال كحد ادنى "مع كرت شاشة عادي مو للالعاب" .

اما مع كرت الالعاب فبيكون 2900 + 1700 = 4600

ملاحظة:
كرت شاشة الالعاب مو مهم اذا ماكان الشخص مهتم بالالعاب .

[Khalidksa]

انا انصحك بجهاز جاهز باسم شركة مثل آي بي ام واتش بي وايسر الخ
بالنسبة للجهاز اللي اقترحه الماجد ممتاز وافضل من اجهزة الشركات لانه بيفرق سعر واجد لكن فيه مبالغة بنوع كرت الشاشة المطلوب يعني فيه كروت ممتازة باربعمية ريال تقريبا ثانيا انصحك بكرت صوت منفصل لان ادائه افضل من اداء البلت ان الموجود في المذر بورد ثالثا ركبي دي في دي مع السي دي رايتر رابعا الافضل بالشاشات حاليا شاشات ال ال سي دي وسعر 17 بوصة يبدا من 1200 تقريبا
نرجع للشركات الجاهزة.......فيه جهاز لايسر وياليت تلقينه اذا انتي بالرياض لانه مخلص من السوق وفيه ميزة ممتازة وهو انه بضغطة زر تفرمتين الجهاز بدون اي تدخل منك وهذا يريحك جدا لو حدث اي عطل بجهازك
هذا رأيي وواجدين اللي راح يفيدونك اكثر مني

[J O K E R]

اذا كان لاب توب فأنصحك ب sony او dell

اما اذا كان عادي يعني ديسك توب فعلى الأغلب كله تجميع الصين فحاولي تكون القطع من شركات متخصصة مثل
السواقات----------asus
المذربورد---------- intell
الشاشةLG -------lcd
والباقي عليك..

[amajed]

ماانصح بشاشة LCD خاصة اذا كان الشخص مو مهم عنده الكشخه ^_^

LCD مخصصة للمكاتب الي يكشخون فيها الناس اما عن دقة الشاشة فليست بافضل من الشاشة الفلاترون العاديه يعني ليش نشتري شي مافيه فرق في المحتوى ! بس الفرق في السعر 1200 - 400 = 800 ريال ليش ؟ عشان شاشة LCD ؟؟ وللمعلومية شاشة LCD بـ 17" تكون قيمتها فوق 1400 "اذا كانت LG " ولا اضن فيه احد بيشتري LCD من شركات سيئة !

انا صراحة افضل اني ادفع 1500 ريال على شاشة كرستال فلاترون افضل من اني ادفعها على LCD لفرق دقة العرض وقوتها واحتمالها ونقائها

اما LCD فمافيها غير خفة الوزن وانت مو محرك جهاز كامل مع شاشته من الاساس ^_^

اخ خالدksa اعتقد بان الشراء من شركات مجرد كذب ! يعني ليش ادفع فرق سعر كبير على شيئ ماله فائده وصعب صيانته يعني لو ابغى صيانة هارد وير لازم من عندهم والا راح الضمان !! يعني انا اقول التجميع افضل بكثير واضمن لانك انت الي بتتابع القطع بنفسك
اما عن كرت الشاشه الي ذكرته فهو بالكاد يشغل DOOM3 على اعلى دقه ! اجل اذا شريت كرت اضعف وجت لعبه جديده ايش راح اسوي في الكرت ؟؟ ارميه واشتري ثاني بعد ؟ واحد يفيدني 3 سنوات على الاقل افضل من اني اشتري كل نصف سنه كرت جديد لا يشغل الالعاب على دقه جيده !

اما عن الورمات بضغطة زر !
هناك سي دي ويندوز اكس بي عربي + سيرفس باك 2 + ذاتي الاقلاع

هذا اذا ادخلته في "CD-ROM" يعمل بوت وبعدها يعطيك خيارات الفرمته وانت بضغطتة زر راح يفرت لك الجهاز بالخيارات الي تبغاها بعد

يعني اسهل منه مافيه ولا يحتاج لا خبير ولا غيره

فمااضن اني اشتري كمبيوتر عشان خدمه اقدر احصل عليها اما عن تحميلها من الانترنت او شراءها من اقرب محل كمبيوتر بـ 10 ريال فقط ^_^ وهناك نسخة انجليزية وايضا نسخة الويندوز ميديا سنتر وكلها ذاتيه الاقلاع ^_^

يعني ننسى نروح نفرمت في المحلات ^_^ بس السي دي هذا نادر

اذا بغيته قل لي اذا كنت من الرياض عشان اعطيك اياه يد بيد

وانا اليوم فرمت جهازي وكل الي سويته اني ادخلت السي دي وادخلت السيريال نمبر وهو عطاني الخيارات وتركته ورجعت له بعد ساعه لقيته منتهي ^_^ يعني مافيه اسهل منه

[Khalidksa]

الشاشات العادية ثقيلة الوزن+تأخذ بعد تقريبا 75 سم هذا غير المسافة الصحية للابتعاد عن الشاشة+تحتاج طاولة مستقلة أو طاولة كاملة لكل اغراض الكمبيوتر لكن شرط انها تكون كبيرة
الال سي دي 17 من ايسر فضية او سودا ب1150 ريال!............علقها على الجدار كأنها لوحة اا
وزيادة المبلغ مو خسارة لاستخدام ثلاث سنوات تقريبا
وبالنسبة للتجميع........انا مثلا ما اعرف ولا واحد ثقة وش بسوي؟؟؟؟ وانا انصح فيه مثلك لاني دائما اركب أو اجمع كمبيوتر لمعارفي لان ماعندهم اي خلفية بس يبون كمبيوتر بمواصفات تقريبا ممتازة لكن ارجع واقول الجاهز افضل اذا ماتعرف احد وخاصة ايسر واسم موديله فيرتون 5600 وسعره 2600 بدون شاشة طبعا ومواصفاته
المعالج 3000 بنتيوم 4
512 دي ديرام
الهارددسك 40 قيقا الترا7200
المذربورد انتل 865
ناسخ اقراص مع دي في دي
كرت صوت 128
كرت شاشة64 للاسف مدمج
كرت شبكة مودم
اكس بي برو اصلي
الشاشة حقت ايسر ال سي دي تبدأ اسعارها من 1150 ريال
*اعتقد ممكن تركيب كرت شاشة مستقل في حالة ان احتياجاتك اكبر من كرت الشاشة المدمج
تحت فيه رابط لنفس المودي والمواصفات بالتفصيل
http://hardware.gamespot.com/Acer-Ve...0GT-3036-S-1-2

لولا اختلاف الاراء لبارت السلع