كم سعر الجيم كيوب حالياً ؟؟

[HAMAD11]

ان شاء الله يوم الخميس الجاي بمر من عند المحل واشتري الجيم كيوب ! .. بس ممكن اعرف كم سعرها ؟؟

وطبعاً الاشرطة الكوبي خلاص نزلت ... واذا اشتريت جيم كيوب كم شريط مجاني يعطوك وياه ؟؟ وانا لشتريها طبعاً من بوظبي.. وشكرا

[Tomb raider]

السلام عليكم رحمة الله وبركاته ^^
اربيعي اليوم اشترى الجيم كيوب ب700 وشوي ويا سوبر سماش(أصلي) وجيرين ماموري ^^
واذا تبغي الكيوب علشان الكوبي فأنصحك انك تنظر لين ما تشوف الاشرطة جدامك ^^
وحتى لو انا متأ:د ان الكيوب بيعجبك وايد وبتتغير نظرتك لننتندو !
وشكرا ^^

[Tomb raider]

السلام عليكم رحمة الله وبركاته ^^
اربيعي اليوم اشترى الجيم كيوب ب700 وشوي ويا سوبر سماش(أصلي) وجيرينو ماموري ^^
طبعا من دبي.... والحمد لله الحين هو مستانس عليها وايد *.* ما شاء الله ^^
واذا تبغي الكيوب علشان الكوبي فأنصحك انك تنظر لين ما تشوف الاشرطة جدامك ^^
وحتى لو انا متأكد ان الكيوب بيعجبك وايد وبتتغير نظرتك لننتندو !
وشكرا ^^

[HAMAD11]

يا هلا تومب رايدر منور الموضوع .... بس تصدق ذيك المرة رحت لمحل السندباد بالعين

و الجديد كان بـ50 !!! والمستعمل كان اعتقد بـ30 !!!!! وش رايك اشتري المستعمل لأنى ما عندي مشكلة العب أي شيء حتى لو مو جديد ... بس العب ريزدنت ايفل 4

[tipboat]

مع كل الاضافات ب 900 درهم فقط

اخوك TIP BOAT

[Tomb raider]

يا هلا تومب رايدر منور الموضوع .... بس تصدق ذيك المرة رحت لمحل السندباد بالعين

و الجديد كان بـ50 !!! والمستعمل كان اعتقد بـ30 !!!!! وش رايك اشتري المستعمل لأنى ما عندي مشكلة العب أي شيء حتى لو مو جديد ... بس العب ريزدنت ايفل 4

يعني الشريط المستعمل ب30 ؟ اصلي ولا كوبي ؟

اذا انا نك والشريط يديد واصلي انصحك اللي ب50 درهم لان ما فيه فرق كبير بينه بين المستعمل ^^

[النسر الأسود]

صراحة الكيوب جهاز جيد جدا بس بالنسبة لي أفضل عليه بقية الأجهزة بسبب كثرة الألعاب ولكنه يظل كما قلت جهاز جيد جدا وأنا كنت ناوي اشتريه بس متردد والحين لو طلع موضوع الكوبي صحيح لح اشتريه مباشرة .
بس يا مراقبنا Tomb raider خلك متابع الموضوع ترى إنت الوحيد كلامك موثوق عشان ما يجي واحد يطلع كلام من عنده .
وشكرا

[HAMAD11]

يعني الشريط المستعمل ب30 ؟ اصلي ولا كوبي ؟

اذا انا نك والشريط يديد واصلي انصحك اللي ب50 درهم لان ما فيه فرق كبير بينه بين المستعمل ^^

اووه سوري تومب رايدر ... قصدي الجهاز نفسه .. الجهاز المستعمل بـ300 درهم والجديد بـ 500 درهم !


النسر الاسود



فعلا تومب رايدر هو الخبير في الكيوب

==============================


ويا اخوي تيب بوت شكرا على الرد بس انا ما ابيه بدون اضافات ولا يحزنون بس ابي العب ريزدنت ايفل 4

[Tomb raider]

صراحة الكيوب جهاز جيد جدا بس بالنسبة لي أفضل عليه بقية الأجهزة بسبب كثرة الألعاب ولكنه يظل كما قلت جهاز جيد جدا وأنا كنت ناوي اشتريه بس متردد والحين لو طلع موضوع الكوبي صحيح لح اشتريه مباشرة .
بس يا مراقبنا Tomb raider خلك متابع الموضوع ترى إنت الوحيد كلامك موثوق عشان ما يجي واحد يطلع كلام من عنده .
وشكرا

السلام عليكم ورحمة الله وبركاته ^^
للحين انا مو متأكد من الكوبي لكن كم واحد شافوا بعينهم و(لعبوا) بأنفسهم وقالوا كل شي تمام ^^
بحاول اطارد الاخبار علشان تعرفون كل شي^^
وشكرا لوثوقك فيه ^^

[Tomb raider]

اووه سوري تومب رايدر ... قصدي الجهاز نفسه .. الجهاز المستعمل بـ300 درهم والجديد بـ 500 درهم !


النسر الاسود



فعلا تومب رايدر هو الخبير في الكيوب

==============================


ويا اخوي تيب بوت شكرا على الرد بس انا ما ابيه بدون اضافات ولا يحزنون بس ابي العب ريزدنت ايفل 4

هههه , لا خبير ولا شي ^^ ما شاء الله على اعضاء منتدى الننتندو كلهم خبرا ^^
انصحك تاخذ اليديده أحسن لان الفرق مب وايد , اصلا اذا بتشتريها وما حصلت كوبي , فبتستانس بألعاب ثانيه
من شركة ننتندو نفسها وهذا اللي يميزها عن العاب الاجهزه الثانيه , لانك بتستمتع بالعاب وكم واحد من ربعي جرب الكيوب عندي مع انه ما كانت عاجبتنه بس بعد ما جربها اليوم سار اشتراله وحده ^^ واذا تبغي رقمه قولي علشان تتأكد
وشكرا ^^

[HAMAD11]

هههه , لا خبير ولا شي ^^ ما شاء الله على اعضاء منتدى الننتندو كلهم خبرا ^^

الا خبير ونص ...

انصحك تاخذ اليديده أحسن لان الفرق مب وايد , اصلا اذا بتشتريها وما حصلت كوبي , فبتستانس بألعاب ثانيه
من شركة ننتندو نفسها وهذا اللي يميزها عن العاب الاجهزه الثانيه , لانك بتستمتع بالعاب وكم واحد من ربعي جرب الكيوب عندي مع انه ما كانت عاجبتنه بس بعد ما جربها اليوم سار اشتراله وحده ^^

خلاص في امان الله ابشتري الجديد ...

بس ما قلت لي كم شريط يعطوك وياه .. والاشرطة انت تختارهن ولا هم ينقون لك اشطرة بايخة مثلهم

واذا تبغي رقمه قولي علشان تتأكد

جيب <<< امزح

[The Genius]

شو الانواع يلي تحبها ؟
حتى اقدر اساعدك
يلي يميز الكيوب هو الشريط الاصلى هو فعلا غالي لكن يمون يعني بتلعبه (بتحرقه) من كثر اللعب تبي تطلع جيمته

اما بخصوص الكوبي ما اعرف اذا فيه محل غير جيم تراك يلي جابه يعني يحتاج الى وقت لينتشر

[Wingless Angel]

عن سعر الكيوب صديقي سأل عنه وكان ب400 درهم مع ماريو كارت مجانا و جهازين

الصراحة عرض مغري جدا

بس لييت ستي سنتر عجمان

حتى المحل يبيع حلقات ناروتو وبطاقات الCash للGunbound <<<<< دعاية

[Tomb raider]

عن سعر الكيوب صديقي سأل عنه وكان ب400 درهم مع ماريو كارت مجانا و جهازين

الصراحة عرض مغري جدا

بس لييت ستي سنتر عجمان

حتى المحل يبيع حلقات ناروتو وبطاقات الCash للGunbound <<<<< دعاية

السلام عليكم ورحمة الله وبركاته ^^
واو العرض فعلا مغري مغري ^^
حرام اربيعي خذها ب700 ويا لعبه وجهازين وميموري ><
اخوي حمد11 انصحك تاخذها من عيمان (اذا) قدرت ^^
بس قبل هذا كله الجيم كيوب اللي ب500 شو وياها ؟
وشكرا ^^

[Eevee]

محل ضوء الشمس بحامد سنتر يبيعها ب450 و الميموري كارد ب35