>> تعصفت الأفكار و تضاربت العقول -2- <<

[Neo Cid]

السلام عليكم و رحمة الله و بركاته ..

احم .. بسم الله الرحمن الرحيم ..و أفضل الصلاة و أتم التسليم .. على سيدنا أبي القاسم محمد و على آله الطيبين الطاهرين ..

عارفين شكثر مشتاق لكم ؟ .. ما اظن .. الأحرف ما تعبر .. ولا الكلمات .. كلها مشاعر متبادلة لا اكثر ..


تذكروني ؟ .. ( الحين واحد فيكم بيقول كح كح قديييييييييم ) ..

لا طبعا تذكروني .. كنت معاكم بمنتدى فاينل فانتسي من تقريبا .. اممممممممممم .. 3 سنوات ؟ .. ما اذكر والله بالتحديد .. لا يغرفكم موعد تسجيلي بهالعضوية .. لي عضويات سابقة مثل ما كان لي ماضي أسود .. ما علينا .. لأن هذا ماهو موضوعي بالتحديد .. قلت أفتح الموضوع أكتب فيه فرفشة شوي مع حبايبي لاعبين فاينل فانتسي 11 اونلاين .. اللي انا كنت من أول البادئين باللعبة بصيف سنة 2003 أيام النسخة اليابانية ..

كلامي راح يملل بعضكم .. و أظن راح يكون مكرر .. لكني حبيت أفتح موضوع حواري بسيط بيني و بينكم .. و أتمنى أن الفائدة تعم الجميع .. و اللي يقرا الكلام يعيد النظر باللي يسويه بالوقت الحالي ..

كم واحد منكم يلعب فف11 ؟ ..

جيد .. عدد كبير مشاء الله .. اللاعبين العرب مكتسحين اللعبة بشكل رهيب .. أي صحيح ما عرفتكم بنفسي لو ما تذكروني .. أنا Chevonisky .. كنت بسيرفر Ragnarok .. بديت باللعبة بصيف سنة 2003 مثل ما ذكرت .. و استمريت فيها لي مايو 2004 .. و من ذاك اليوم و أنا موقف ..

ملاحظة : من مايو 2004 لحد الحين أخوي الصغير Vll اهو اللي يتحكم بشخصيتي فأنا مالي علاقة بأي مشكلة حدثت أو أن بعضكم وده يتهمني بالكذب بأني هديت اللعبة .. ياما ناس قالولي أنهم شايفيني باللعبة بالصيف شلون انا هديتها .. الحقيقة ان اخوي اهو اللي يلعب فيها .. و الدليل تلقونه بمعظم الاوقات بمناطق الـfarming ..

من بديت اللعبة .. حياتي تغيرت .. نمط عيشي تغير .. كان صيف .. وما كنت مسجل بأي دورة أو منظمة أو حتى رئاسة دولة .. كنت بالبيت قاعد جدامي الـDSL و الكمبيوتر اليديد و فاينل فانتسي 11 .. مع العلم أن قرار شراء اللعبة اتخذته بيوم و ليلة فقط .. اي نعم .. حتى وقتها ما كان عندي لا كمبيوتر قوي ولا DSL ... لكني سويت اللي اقدر عليه و حصلتها و بديت ألعب فيها ..

المهم .. علاقاتي الخارجية مع اصدقائي انقطعت بشكل ما تتصورونه .. ما كنت أشوف أحد .. لا اتصالات ولا شي .. مادري شلون كنت عايش ذيج العيشة .. أنام .. أقعد .. فف11 .. آكل .. أنام .. أقعد .. فف11 .. آكل .. هذا للأسف كان نمط حياتي من أول الصيف لي تقريبا منتصفة .. لكني اضطررت اني اروح الولايات المتحدة الأمريكية لأمور عائلية .. و رجعت مع هناك بعد شهر و كملت ألعب و ألعب .. و بدأ الكورس الدراسي .. كنت العب بشكل محد يقدر يتصوره حتى .. حسبت .. بإدمان .. شي غريب .. فما حبيت أكلم ربعي عن اللعبة لهذا السبب .. و نزلت النسخة الامريكية شهر 11 حسب ما اذكر .. و الناس كلها قاموا يشترونها .. و وايد من معارفي حصلوها و دخلتهم معاي باللعبة ..

بس هذا ماهو كلامي ..

بعد هالفترة كلها .. من بداية الصيف لي نهاية الشتاء .. كانت فترة طويلة بالنسبة لي .. خسرت فيها وايد من علاقاتي الاجتماعية بالدنيا .. مع اني كونت علاقات باللعبة لكنها للأسف ما استمرت وايد .. لكن الحمد لله تعرفت على ناس طيبة الله يحفظها .. بس حتى هذا ما يعوظني حياتي اللي خسرتها ..

و اتخذت قرار تركي للعبة و الحمد لله تركتها .. و احمد الله على اني هديتها ... للأبد .. و ماني راجع لها ..

حاولت أني أجنب أصدقائي نفس المشكلة .. كلمتهم عن مشاكل اللعبة و شلون راح تأثر فيكم .. بعضهم تجاهلني و أدمن اللعبة بشكل ما تتصورونه .. و بعضهم قالوا انهم بيلعبونها لكن بشكل ما يأثر على دراستهم ..

مع ذلك ..

حسبت انا الـPlay Time باللعبة و كنت بشوف شكثر من وقتي ضيعته عليها .. اممممممم .. طلعلي رقم خيالي .. يعني هالرقم لو تقسمه بطريقة رياضية و تحسبه بالأيام .. يطلع أني قضيت على اللعبة 3 أشهر متواصلة من اللعبة .. نعم .. 3 أشهر متواصلة .. الناس تتعلم و تستفيد من هال3 أشهر .. كنت قادر أروح فيها أي مكان .. أعيد بناء شخصيتي الاجتماعية .. لكني ضيعتها على لعبة ؟ .. وليش ؟ .. عشان أستانس ؟ .. انزين خلونا ناخذها من الجانب المادي .. الفلوس طبعا .. .. للحين أخواني قاعدين يدفعون بالنيابة عني .. لكن جم يدفعون ؟ .. 15 دولار بالشهر .. صارلهم سنة و نص .. يعني .. عليكم الحسبة ..

ماني مطول عليكم أكثر ..

بس هل تعتقدون أن هذي الوناسة تستاهل كل هالفلوس اللي تندفع عليها ؟ .. هل تستاهل كل هالوقت ؟ .. صدقوني تراه فيه طرق أسهل و أرخص للوناسة و تونس أكثر .. تبون متعة فيها استفادة ؟ .. والله فيه ألف بديل عن فف11 .. و الدليل أن الصيف الطاف كان أكثر صيف أستفدت فيه بعد ما تركت فف11 .. و تغيرت حياتي من بعده .. ماني ميثم القديم ..


بس حبيت أفش خلئي شوي لكم .. تدرون .. هذي الدنيا وما تسوي ..

سامحوني عالازعاج

إلى اللقاء ..

أخوكم .. ميثم الحسيني ..

[H.e.a.T.e.R]

الظاهر كل الاعبين يعانون من نفس المشكلة

لكن يبي يجي يوم يقولون : يا ليتني يوم كنت الفل في ؟؟؟؟؟ سافرت لـ ؟؟؟؟؟؟ وانبسطت

ووووو الى ما لا نهاية

ويقول المثل كلمت يا ليت ما تعمر بيت

واشكرك على السراحة

ملاحظة\ يا ويلك من الي يحبون فف11

[Reinu]

السلام عليكم ^^

هلا نيو سيد ^^

مممممممم انا عني أعرف إنه اللي يستخدم شخصيتك Vll ومب انت ^^

بالنسبة للعبة وكيف تأثيرها والله هو أكيد إنه بيكون لها تأثير كبير دامنه هاللعبة يبالها وقت طويل جدا مثلا ساعة ولا ساعة ونصف على ما تزود لفل واحد او تسوي كويست وممكن 8 ساعات عشان تسوي جزء من ميشين ومثل هالكلام

بالنسبة لي انا ألعب اللعبة بالاجازات ^^ وبظل ألعبها دامنه عندي أشياء ودي أسويها وما سويتها ^^ بس ترى هي مو كل شي عندي مثلا اول ما صدرت باتين كايتوس قل اهتمامي لفف 11 صرت بس ادخل اسوي فارمينج واحط اغراض بالاوكشن هاوس واطلع فالحمدالله ما اعتبر مدمنة عليها ^^ ، الشي الوحيد اللي صار إنه عندي العاب كثيرة الحين ودي اختمها

بالنسبة لي ترك اللعبة مو حل للادمان لاني أقدر أتحكم فيه ^^

ويعطيك العافية على الموضوع ^^ وهذي حال وايد من لاعبين فف 11 ^^

[Golden_Sun]

هيلووو .. اشرقت وانورت ..

ويلكم باك = ) .. والحمدلله "الاعتراف بالخطأ ...." نسيت المثل ..
والله كلامك صحيح .. الادمان مشكلة .. لكن لو كان كل يوم مثلاً 2 - 3 ساعات في اليوم معقول .. وفي الاجازات ممكن يطول على حسب وضع الشخص

لكن اللي يقطع علاقاته ونمط حياته يتغير وإلخ .. اهني المشكلة ..
عموماً انا تاركها الحين .. عندي وايد العاب احلى منها P: بستمتع فيهم بالعطلة ..

المهم .. ردي كله بمناسبه رجوعك .. :icon6:

[N E O]

الشلام عليكم

أنا بصارحة ما حصلي الشرف حتى أجربها لكن شفتها عند واحد من أعز أصدقائي وهذا الصديق كان مجتهد ولكن بسبب اللعبة رسب في مادة ............ وترك اللعبة بعدها مع إنه كان يلعب 8 ساعات في اليوم ولفله من 40 فما فوق وأنا لعبت ألعاب أونلاين غير فاينل فانتسي ومبدأها واحد وهو تضييع الوقت والمال

وشوكرن Neo Cid على الموضوع الجميل

[m_m_m35]

السلام عليكم

والله كلامك صحيح %100 أنا كنت أعاني من نفس المشكلة مع counter strike وضيعت عليها وقت كثير (6 ساعات متواصلة كل يوم او اكثر) إلين قررت أتركها في يوم واحد ومن ذاك اليوم وانا شلت اللعبة من الجهاز ولا شفتها مرة ثانية وانا بصراحة كنت ناوي اشتري ffxi بس غيرت رأيي من كثر ما سمعت عن اللعبة من إدمان (انا من محبي ال mmorpg بشكل عام)

وشكرا على الموضوع الممتاز

[Djalminha]

لووووووول والله ايام..........

حتى انا لما بديت اللعب ب فف11 انقطعت عن ربعي لمدة طويلة و ما قمت اطلع الا شوي

بس بعد ما انمسحت شخصيتي قمت العب كل يومين من 6 الى 8 ساعات مو مثل قبل

الحين معطي فف11 سكب ما ادخل الا قليل


سلام

[Master X]

هلا عزيزي Chevonisky ..

زمان عنك والله , ولي معك ذكريات حلوة ..

بصراحة احييك على رأيك واللي سويتة واتمنى لك التوفيق في حياتك العائلية والعملية والعلمية ..


بالنسبة لي . انا كنت في البداية مدمن مثل اي واحد , لكن الوقت الحالي ادخل بوقت الفراغ بس , ومنظم الوقت بشكل ممتاز ومبسوط ... هي النقطة الاساسية في اللعبة تنظيم الوقت , ولاتهمل اي شي ثاني خارج اللعبة لاجلها .. لان اللعبة لاحق عليها بعدين في ا ي وقت ...


تحياتي لكم جميعا ..

[*STEVE*]

ولكم يا ميثم

بصراحه احييك على الروح الطييه و الاقتراحات الرائعه و حتى العرض الي سويته للاحداث لانه بصراحه كان رائع...

حبيت ابدي رايي و اقول ترى فاينل ماهي الا طريقة تسليه... اضاعة المال عليها ماهي مضيعه للفلوس لانه قعد اقطها بشي يشبع حاجتي و رغبتي باللعب و مادام انها طريقة تسليه فلا مانع عندي....

بس انا مع ذلك ضد الادمان يعني انا اللعب فاينل ولا انكر اني اقطع فتره طويله بس بالاخر اعود اللعب بانتظام...

هذا كل الي عندي و سلم يا ميثم و شنوفك على خير حبيبي

[MrDeath]

thanx for this butiful thread


i know myself not addicted to it, one reason i still go out with my friends and cousins, each Wed. we play football in my house (we live in a farm), 2nd day of each Eid i go with my cousins camping (not for NMs :P) and i go to clubs to learn Matial Arts in the summer

good thing that i started playing the game in Summer 2004, at start yes i was addictied to it, but slowly slowly i started to control myself, now sometimes i don't play it for 3 to 4 days, and sometimes i log in just to check the Auction House

anyway you have a very good point and everyone should be carful, because it's realy a dangreas thing

it's true i like to play video games alot, but if someone told me that we are going camping or anything else like it, i save the game and turn of the PS2 and go with them



take care,
MrDeath

[Hi-nu gundam]

hahaha

yes its true the game can take over your life

but thanks to my good old man (play 3-4 a day or no more internet lool) i still wanna play more >.>

i got the games 3 months ago and im still lv24

well i'm gonna play extra in this eid

next time you'll see me i'll be lv40
mark my words lol

good luck to every NM camper in the world ()cept china() lol