طريقة الشراء عن طريق الأنترنت

[D0WN~T0WN]

طبعا موثوق جدا وانا شريت منهم اكثر من مرة

[zoro1412]

السلام عليكم ورحمة الله وبركاته

كيف حالكم يا اخوان اما بعد

بغيت استفسر عن موقع امزون وعندي كم سؤال ممكن القي جواب عندكم ؟

اولا هل يجوز ان اشتري من الموقع بمجرد وضعي للفيزا ومن دون الحاجه للتعامل مع شركه وافتح احساب هل هذا صحيح ؟؟

ثانيا بالنسبه للاخوان الكويتين انا سمعت ان الاعلام عندها اشياء ممنوعه فبغيت اعرف اشلون سياستهم في المنع يعني مثلا رزنت ايفل 4 ممنوع والله الواحد بده يشك بعمره كل شيء منعوه

وبغيت اعرف كم وزن السيدي الواحد اللعبه الوحده يعني بالدينار الكويتي لو سمحتو

طولت عليكم ما عليه بس انا اليوم صار معي موقف قهرني في الرحاب وقررت اني اتعامل في الانترنت وبس


المهم بغيت جواب على هذيل الاسئله

وشكرا

[zoro1412]

للرفع يا جماعه بغيت الجواب الشافي لو تسمحون

[sc430]

بالنسبة لموقع cduniverse قمت بزيارته واتصور انه جيد بس ايش اكتب في خانة العنوان 1 والعنوان و2 و zip/postal code علما باني ساكن الدمام في حي .... وعندي رمز بريدي وصندوق بريد وطبعا الموقع يوصل للمملكة ب 7 دولار فقط ؟!!!

[astronomy]

السلام عليكم اخوي

بغيت استفسر مع اني حطيت هذا الاستفسار في الموضوع الخاص فيه في منتدي الاكس بوكس ولكن لم القي صدي اجابه


المهم احب اعيد واقول اخوي انا رأيت موضوعك ولى وجدت فيه انك لازم تشترك في احد شركات التوصيل لكي يوصلون السلع صح

بس انا سمعت غير هذا الحجي يعني واحد قالى تقدر تشتري من دون التعامل مثلا ادخل موقع امزون وانقي السلعه واحط الفيزا ثم عنواني في الكويت واختار اي شركه توصل سعرها مناسب من الموقع وهم يوصلونها اي بالنهايه لم نتعامل مع شركه ارامكس ودي اج ال مثل ما ذكرت في موضوعك

هل هذا صحيح

وسؤال ثاني كيف اعرف ان هذه اللعبه ممنونع واذا ابيها اشلون تعرف محل يطلبلي اياها ؟؟

وشكرا

اتمني ان القي جواب

أخي الكريم ...

لمزيد المعرفه ان الإشتراك عن طريق الآرامكس هي لمره واحده تدفع 10,750 دينار كويتي لمدى الحياة والشحن مخفض جدا عن باقي الشركات والمهم فالموضووع انه عندك عناوينك خارج البلاد المهم لو أردت معرفة المزيد راجع الردود وستفهم كل الموضوع
أما بخصوص انك تريد ان تطلب من غير الإشتراك طبعا تستطيع ولكن سعر الشحن يكون على حساب نقودك ستدفع بتكله عالية ولكن لاتقدر الطلب من كل المواقع لأن معظم المواقع لاتتعامل مع دول الخليج.
أما عن سؤالك الثاني ماني فاهمة لعبة ممنوعه ؟ هممم لا اريد ان افتي بشيئ عن هذا الموضوع لأني ماعرف عنه شيئ.

بالنسبة لموقع cduniverse قمت بزيارته واتصور انه جيد بس ايش اكتب في خانة العنوان 1 والعنوان و2 و zip/postal code علما باني ساكن الدمام في حي .... وعندي رمز بريدي وصندوق بريد وطبعا الموقع يوصل للمملكة ب 7 دولار فقط ؟!!!

هل تريد الطلب من غير عنوان آرامكس يعني ؟

[zoro1412]

اشكرك يا استرومي على الرد

بس انا قصدي بطل من موقع امزون هل يوصل لى دول الخليج ؟؟؟

واذا يوصل انا بشتري لعبه رزنت ايفل زيرو على الجيم اكيوب سعرها 13 دولار يعني كم احتمال توصل لى عندي

طبعا يوصلونها لى البيت عدل |؟|

ثانيا انا قصدي بالالعاب الممنوعه مثل ديد اور الايف الجديده هذي ما نعينها وما فيه الا محل واحد في الرحاب من دون ذكر اسم حرامي يبي يبيعها 25 دينار تصدق ؟؟

المهم امل ان القي جواب وشكرا

[astronomy]

اشكرك يا استرومي على الرد

بس انا قصدي بطل من موقع امزون هل يوصل لى دول الخليج ؟؟؟

واذا يوصل انا بشتري لعبه رزنت ايفل زيرو على الجيم اكيوب سعرها 13 دولار يعني كم احتمال توصل لى عندي

طبعا يوصلونها لى البيت عدل |؟|

ثانيا انا قصدي بالالعاب الممنوعه مثل ديد اور الايف الجديده هذي ما نعينها وما فيه الا محل واحد في الرحاب من دون ذكر اسم حرامي يبي يبيعها 25 دينار تصدق ؟؟

المهم امل ان القي جواب وشكرا

zoro انت لمه تطلب الخدمة من آرامكس انت تحدد اذا تبيهم يوصلونها لك لغاية البيت أو انت اتروح عندهم تستلمها.
يعني اذا كانت السلعة مثلا 20 دولار + تكلفة شحن داخل امريكا مثلا 2 دولارين + تكلفة الشحن من امريكا للكويت 2.5 دينارين ونص
= تطلع عليك اقل من عشر دنانير

[zoro1412]

اخوي استرمي اشكرك على الرد

بس انا بعرف كم التكلفه من دون التعامل مع ارمكس لاني انا امفكر اشتري لعبتين ما فيه فايده اذا بدفع 10 دنانير اشتراك يعني اشتريها من الكويت وايد احسن انا كان قصدي بعرف سيده من دون اشتراكات بشتري من موقع امزون

امل اني ما ثقلت عليك وشكرا

[We6fe]

اخوي استرمي اشكرك على الرد

بس انا بعرف كم التكلفه من دون التعامل مع ارمكس لاني انا امفكر اشتري لعبتين ما فيه فايده اذا بدفع 10 دنانير اشتراك يعني اشتريها من الكويت وايد احسن انا كان قصدي بعرف سيده من دون اشتراكات بشتري من موقع امزون

امل اني ما ثقلت عليك وشكرا

موقع امازون ما يوصل سيدا للكويت الا الكتب ، اذا تبي في موقع اسمه www.GameStop.com يوصل للكويت بس غالي يكلفك عالطلبيه الوحد 60 دولار (20 دينار) !

[zoro1412]

اشكرك يا وطفي على الرد


بس انا اعرف واحد يقول يطلب الافلام سيده من دون ارامكس وامثالها فانا ما صدقت فمن جذي انا سالت هل يجوز وخاصه مع موقع امزون

على العموم لو بحسبها انا بجوف اني حتي لو بطلب رزنت ايفل 4 الحين راح تطلع على يعني اذا مشترك مع ارمكس 19 دينار يعني ما سويت شيء اهني تنباع 20 وبعد كم يوم 18 اشتريها من الكويت احسن بلا اشتراك مع شركات ودوخه

ولكن تنفع في حاله وحده اذا كانت اللعبه قديمه يمكن بس هم مو شرط لان لعبه نينجا جايدن صارلها مده من نزلت ولا نزل سعرها !!!

على العموم اشكركم على الردود

[kbamgli1]

السلام عليكم

لو اشتركت في ارامكس وطلبت فلم ديفيدي من امازون مثل the lord of the rings trioglyهل يمر على الجمارك في السعودية ويمنعوه ولا يوصلي ام لا يمر على الجمارك

وشكرا

[sc430]

astronomy

ايوة ايغى اطلب من غير عنوان اراميكس...

[sc430]

cduniverse صار له بلوك في موقع العاب يوصل على السعودية مباشر؟!!!!!
ارجو الرد على السؤال هذا واللي سبقه لو سمحتوا....

[sc430]

اذا كل مرة اسأل سؤال او اطلب طلب لازم استنى اسبوع او اكثر حتى احصل رد ايش الفايدة اني مسجل في المنتدى فين الي متابعين الموضوع؟!!

[D0WN~T0WN]

sc430
مادري وش قصة امهم مع cduniverse
دايم يقفلونه ويفتحونه
اظن فيه خلل في فلتر مدينة الملك عبدالعزيز
سبق اني راسلت عشان يفكون البلوك وفعلا فكوه لكن صكوه مرة ثانية
الموقع مية مية واسعارهم حلوووة

وبالنسبة لعنوانك
فالعنوان الاول حط فيه بريدك
والثاني الشارع اللي انت ساكن عليه او الحي (طبعا في امريكا صناديق البريد جنب بيت كل شخص) موب زينا نطق مشوار

اما الPostal code فهو الرمز البريدي (حط الرمز البريدي حقك)

kbamgli1
طبعا اي فيلم يمر على الجمارك وهم تصانيف فيه افلام يمنعونها وفترات يسمحون فيها (نفس الفيلم) على حسب المزاج بعض الاحيان
وطبعا الغلاف له دور مهم